Pagdating namin ni Mau sa cabin ay maraming realizations na sumasagi sa isip ko. Ngayon ko pa lang nakita si Rachelle na naging gano’n ka-vocal pagdating sa feelings niya sa isang lalaki. She even confessed to Mark in front of other people! Hindi niya magagawa ang bagay na ‘yon kung hindi siya seryoso sa feelings niya para kay Mark.
“Kung sasagutin ko si Mark, masasaktan si Rachelle…” wala sa sariling sambit ko kay Mau na tahimik lang na nakikinig sa akin habang may kung anong tinitingnan sa phone. Tumingin siya sa akin at bumuntonghininga.
“Kung kaibigan talaga ang turing sayo ni Rachelle, tatanggapin niya ang magiging desisyon mo at ng lalaking gusto niya…”
Sigurado naman ako sa desisyon ko na hindi ko ipapaubaya si Mark kay Rachelle pero hindi ko pa rin maiwasan na maisip kung ano an
