"AMARAH."
Napakurap-kurap si Amarah ng mga mata ng marinig niya ang pagtawag ni Mommy Dana sa pangalan niya.
Tumingin siya dito at napansin niya ang pag-alalang bumalatay sa mga mata nito ng magtama ang mga mata nila.
"Are you okay, hija?" tanong nito sa kanya. "Kanina ko pa napapansin ang pananahimik mo. May problema ba?"
Gusto sanang sabihin ni Amarah kay Mommy Dana ang problema niya pero hindi niya ginawa dahil ayaw niyang idamay ang mga ito sa problemang nangyayari sa opisina. Laban niya iyon at ayaw niyang pati ang mga ito ay idamay kung ano man ang kinahaharap niya. Ayaw niyang gamitin ang koneksiyon ng mga ito para ma-solve ang problema niya.
Kung tutuusin ay maso-solusyonan agad ang problema niya. Isang hingi lang niya ng tulong sa mga ito ay solve na agad ang problema. O
