"PLEASE....answer my call," wika ni Daxton habang ring ng ring ang numero ni Amarah, hindi kasi nito sinasagot ang tawag niya. At hindi niya maiwasan ang kabahan.
Inaasahan ni Daxton na madadatnan niya ito sa penthouse pagkagaling niya sa condo ni Naia nang ilabas nila ito sa ospital.
Umagang-umaga kasi ay nakatanggap siya ng tawag mula kay Tita Nadine na kung maaari ay magpunta siya sa ospital para samahan ang mga ito na ilabas si Naia. And Naia was hysterical and she wanted him there. Ayaw sanang pumunta ni Daxton dahil gusto niyang bumawi kay Amarah, ang dami-dami na kasi niyang pagkukulang dito, ang dami-dami na niyang kasalanan. Lalo pa at hindi natuloy ang pagpapakilala nito sa kanya sa pamilya nito.
Sa totoo lang ay naka-set na ang lahat. Nang i-text nga siya ni Amarah na malap
