INALIS ni Amarah ang tingin sa harap ng computer ng tumunog ang ringtone ng cellphone niyang nakalapag sa ibabaw ng cubicle. Dinampot niya iyon para tingnan kung sino ang tumatawag. Agad naman siyang napaayos mula sa pagkakaupo nang makitang ang Mama niya ang tumatawag sa kanya ng sandaling iyon.
"Hello, Ma?" wika niya nang sagutin niya ang naturang tawag.
"Marah." Narinig naman niyang banggit ng Mama niya mula sa kabilang linya.
"Oh, Ma. Napatawag kayo? May problema po ba?" tanong niya.
"Wala naman, Marah," sagot nito. "Pero nandito kami ng kapatid mong si Amadeus sa labas ng pinagta-trabuhan mo," imporma nito sa kanya.
Hindi naman niya napigilan ang mapakunot ng noo sa sinabi ng ina. "Ano pong ginagawa niyo dito ni Amadeus, Ma?" tanong ni Amarah dito.
"Ito kasing kapatid mo, k
