DAHIL sa masamang balitang natanggap tungkol kay Naia, hindi na nila tinuloy ang out of town trip nilang dalawa ni Daxton. Hindi din naman nila ma-e-enjoy ang pagbabakasyon nilang dalawa kung itutuloy nila iyon dahil sa nalamang masamang balita.
At kahit na inis si Amarah kay Naia dahil sa ginagawa nito sa kanya ay hindi pa din niya maiwasan ang makaramdam ng pag-alala. Ipinagdadasal nga niya na sana ay walang masamang mangyari dito.
Tinanong nga nila ang pulis na tumawag kay Daxton kung saang ospital dinala si Naia. At nang malaman nila kung saan ospital iyon ay agad silang dumiretso do'n. Gusto sana ni Daxton na ihatid muna siya sa penthouse at ito na lang ang mag-isang pumunta ng ospital pero sinabi niyang sasamahan niya ito. Gusto nga din niyang makita ang lagay ni Naia.
At habang
