فادى: والله العظيم يا ماما البيت ده المفروض نبلغ عنه حقوق الطفل وحقوق الإنسان ده احنا حقنا مهدور اوووى صدقينى انا واثق اننا هنعملهم احلى شغل ده احنا عندنا كمية ناس عايزه يتقبض عليها بس يلا ربنا على الظالم والمفترى
زينة: هو رحيم فين يا فادى
فادى: طلع يقضى على المظلوم اللى فوق ده متلمى ابنك يا ماما وأمسكيه اديله قلمين كده ولو قالك حاجه قولى ابنى وبربيه ايه مش بيقول كده دايما
زينة: أض*به وهو اطول منى طب اعملها ازاى دى يا اخويا
فادى: لا والله ما انتى بتحدفى فى شباشبك عليا وبتجبينى من شعرى واطول منك بردو ولا انتى بتفضليهم عنى اه يا مظلوم يا فادى فى البيت اللى مليان مظاليم بس يا ما فى الحبس مظاليم
زينة بزهق: ايوه انا ظلماك ومش بطيقك وانت اصلا مش ابنى انا لاقيتك على باب جامع وغور من وشى دلوقت
فادى: ياااه انا كنت حاسس بس دلوقتى اتأكد وبعدين يا كدابه بقى انا مش بطقينى ده انا اطحت على الجرح
