"Jakob..." nag-angat ito ng ulo nang marinig siya. Napangiti ito at punong-puno ng sigla na kinuha ang hawak niyang maleta. "Nakatulog ka ba sa kahihintay sa'kin?"
"Hindi. Ipinagdasal ko lang na sana huwag magbago ang isip mo. Hindi kaya ako makahinga habang hinihintay ang paglabas mo." Nakangisi nitong tugon.
"'Di ba nangako ako sa'yo noon sa Germany? Ilang beses kita noong sinukuan. Kaya dapat lang na ako naman ngayon ang manindigan para sa'ting dalawa."
Hinila siya ni Jakob palapit dito. Napasinghap si Kathleen nang maramdaman ang pagpulupot ng kamay nito sa beywang niya. "Ang sexy-sexy naman na ng bae ko." Pilyo nitong saad.
Kinutusan niya ito sa noo. "So inaamin mo na ngayon na mataba nga talaga ako dati?" Nakasimangot niyang tanong.
Sumeryoso ang mukha ni Jakob at umiling. "Hind
