Inililibot ko ang paningin sa loob ng bahay. Maganda, medyo malaki, at kumpleto ito sa mga gamit. Para bang matagal na din itong nakatayo at hindi ko alam kung kanino ito.
Inaya niya akong pumasok dito sa loob at nandito ako sa sala ngayon. Gustong-gusto kong tumanggi, pero 'yong mga paa at puso ko, gustong sumunod sakanya.
Gusto ko din magalit at manumbat dahil sa pang-iiwan niya sa akin ng matagal, pero wala akong lakas ng loob. Para bang hinigop niyang lahat ang mga hinanakit ko.
"Kaninong bahay 'to?" Tanong ko sakanya nang makita ko siyang naglalakad pabalik dito sa sala. May hawak siyang isang babasaging pitsel na may laman na malamig na tubig at baso sa isang kamay.
"One of my grandparents' house." Nakangiti niyang sagot habang ipinapatong ang mga hawak niya sa maliit na mesa.
U
