Nag-aasaran kaming magkakapatid habang umiinom sa may garden. Nakaka-dalawang bote na kami ng Jack Daniel's at mukhang kaya pa naming umubos ng lima pa. Hinayaan lang kami ng mga magulang namin na kanina ay nandito din pero umalis sila dahil tumawag ang isang kamag-anak namin sa side ni Mommy.
Nasabi ko na din sakanilang dalawa na nag-resign na ako sa coffee shop pero titira pa din ako sa apartment. Hindi naman sila umangal sa gusto ko. Hindi ko lang masabi sa ngayon sa mga magulang namin na nag-resign na ako dahil sigurado akong pipilitin nila akong umuwi na dito sa bahay.
Ngunit kahit ganitong nagtatawanan kaming magkakapatid ay hindi ko maiwasan ang mapaisip kay Mishari. Tinawagan naman niya ako kanina noong makarating siya sakanila. Ayaw pa nga niyang putulin ang linya para daw marin
