Hindi ko sinabi kay Ari na magkikita kami ng Ate niya. Hinatid niya ako sa apartment, at ang alam niya ay doon lang ako at maglilinis. Ayoko namang sabihin sakanya na nakikipag kita sa akin si Ate Cath dahil baka sumama pa iyon sa amin.
At kung ano man ang magiging resulta nang pag-uusap namin ni Ate Cath ay sigurado akong kaya ko iyong mag-isa. Hindi naman ako nakakaramdam ng masama. Ayon naman kay Mishari, alam nung Ate niya ang tungkol sa amin. Sure ako na suportado niya kaming dalawa. At kung sakali mang magbago iyon, hindi ko isusuko si Mishari.
Inayos ko ang aking sarili pagbaba ko sa taxi. Tinignan ko ang resto kung saan alam kong naghihintay sa akin si Catherine Hizon. Humugot muna ako ng isang malalim na hininga bago maglakad tungo sa loob.
Agad kong nakita si Ate Cath dahil na
