Sinusubukan kong pakalmahin ang sarili ko sa loob ng kwarto, ngunit hindi ko pa din maialis sa isip ko ang mga salitang binitiwan ni Mommy sa akin. Masakit, oo. Pero tatanggapin ko ang lahat ng iyon. Kung ganoon ang iniisip niya sa akin -- na ako ang lumapit ang kay Mishari, tatanggapin ko. Alam kong nasira na naman ang tiwala sa akin ni Mommy.
Ilang beses na din akong kinatok ni Daddy at ni Ate pero mas gusto kong manatili na muna dito mag-isa.
Naiintindihan ko ang punto ni Mommy. Noon pa man ay ayaw na niya sa relasyon naming dalawa. Hindi ko siya pwedeng sisihin sa bagay na iyon at sa kung ano man ang dahilan niya. At hindi din niya ako pwedeng sisihin sa kung bakit hanggang ngayon, mahal ko pa din si Mishari.
"Jill? Si Kuya 'to. Are you okay?"
Muling nangilid ang mga luha ko sa mat
