Chapter 6
Aki's POV
Wala sa sariling napatingin ako sa labas ng bintana. Sa katabi ng store ay ang entrance papasok ng park. Nagtaka ako nang may mapansin akong isang lalaking naka-mask, nakatapat ang camera sa kaliwang mata at tila nasa direksiyon ko ang focus. Nang tanggalin niya ang camera ay nagkatitigan kami. Walang dudang sa akin nga siya nakatingin.
Nang-uusisa ang mga matang napatitig ako sa kaniya. Nagising ako nang dahan-dahang umandar ang bus. Nakalingon lang ako sa kaniya hanggang sa tuluyan ko na siyang hindi maaninag.
"Sino 'yon?"
Stalker? Bakit naman may magi-stalk sa akin? Umiling-iling na lang ako para maiwaksi ang mga assumptions ko.
Sampung minutos ang lumipas bago ako nakarating ng school. Pagpasok ko ng gate ay tumigil ako at tumingin sa arko ng garden malapit
