Chapter 40
Aki's POV
"Best, tumutunog 'yang cell phone mo," biglang sabi ni Tachi habang nakanguso sa bag ko kung saan nakalagay ang cell phone ko.
Agad ko namang kinuha ang bag ko saka binuksan ito para hanapin ang cell phone ko. Napakunot-noo ako nang makitang hindi naka-registered ang number ng taong tumatawag sa akin. Baka emergency ito kaya napagdesisyonan kong sagutin na lang.
"Hello?"
"Where are you?" seryosong balik naman na tanong nitong nasa kabilang linya.
Bigla akong natameme nang makilala ko ang boses niya. Teka, may cell phone number na rin siya ngayon?
"I said, where are you?" ulit niyang tanong ngunit mas madiin ang pagkakatanong niya ngayon.
"Huh? Kuya, ikaw ba 'yan?" mangha at hindi makapaniwala kong tanong.
Nakita kong biglang kumislap ang mga mata ni Hachi hab
