Chapter 93
Murfin’s POV
Pagkatungtong ng elevator dito sa first floor ay nagmamadali akong lumabas. Iniangat ko ang braso ko para makita ang oras, mag-aalas otso na ng gabi. Kagigising ko lang nang maramdaman ko ang pagkalam ng sikmura ko. Ilang oras na rin ang lumipas pagkatapos ng huling kain ko.
Napag-alaman ko sa babaeng nasa front desk kanina na may grocery store dito sa building. Nabanggit din niyang nakapuwesto iyon dito sa first floor. Sa sobrang haba ng tulog ko ay parang lumulutang ako sa pakiramdam ko.
Nahanap ko agad ang pakay ko dahil madaming mga tao rin ang patungo roon. Sinundan ko lang sila kung tutuusin. Ang lalaki rin ng nakasulat na mga letra sa bungad nito, kaydaling makita, kaylinaw-linaw.
Pumasok ako agad at agad nagtungo sa bandang hilera ng mga drinks. Isang b
