Chapter 7
Aki's POV
Parte na siguro ito ng pagbabago ngayong wala na si Papa.
Tahimik akong pumasok sa loob ng mansion. Naabutan ko si Lolo na nagkakape habang nagbabasa ng magazine. Lumapit ako sa kaniya saka inabot ang kamay niya para magmano.
"Nakauwi ka na pala, apo," manghang bulalas niya.
Ngumiti ako. "Opo, Lolo. Kakarating ko lang po..."
"Kasama mo sila?" Ibinaba niya ang magazine saka malumanay ang mukhang tumingin sa akin.
Mukhang alam naman niya ang nangyari kanina.
"Opo, Lolo."
"Naiintindihan mo naman siguro kung para saan 'yon, apo."
"Araw-araw na po bang ganoon ang set-up, Lolo? 'Yong katulad kanina..."
Yumuko siya saka huminga nang malalim. "Iyon ang gusto ng Kuya mo. Alam kong hindi ka sanay, apo, pero magtiwala ka lang sa Kuya mo. Para sa ikabubuti mo rin ang mga
