Chapter 20
Aki's POV
"Huwag kang mag-alala. Babawi ako sa 'yo sa next prom... Papapasukin kita agad kahit may parent ka pa o wala. Promise ko 'yan sa iyo, Hija..."
"Nako, huwag na po, Manong. Baka mawalan pa po kayo ng trabaho..."
"Kahit na, Hija! Sobrang naaawa talaga ako sa 'yo. Lalo na kaninang nasa garden ka..."
"Wala po 'yon, Manong. Huwag n'yo na pong isipin 'yon... Sige po, mauna na po ako rito sa loob baka hinahanap na ako ng mga kaibigan ko..."
"Sige, Hija. Pasensiya ka na talaga..."
Ngumiti lang ako sa kaniya pagkatapos ay tinapik sa balikat. "Okay lang po talaga. Mauna na po ako sa inyo."
Dumiretso ako sa dance floor para hanapin sina kambal at Murfin. Maraming mga kapwa ko estudyante ang nagsasayawan dito. Hindi ko na rin alam kung mahahanap ko pa sila dahil lahat sila
