Chapter 58
Aki’s POV
“Iyon pa!” nakatawang turo ni Audrei sa paruparong hindi ko na rin alam kung alin sa rami nilang nagliliparan sa paligid ko.
Nalilito akong nag-taas ng mukha at agad ding nagbaba para hagilapin sa level ko ang tinutukoy niya. Narito lang siguro iyon.
“Careful, Aki, you might hit them in the wings,” malakas niyang babala.
Tumigil ako sa katatakbo at kahuhuli at nilingon siya. Naka-de-kuwatro siya sa may wooden bench sa hindi kalayuan, nakasandig ang nakaunat na braso sa pahabang backrest ng bench. Naroon lang siya, prenteng nakaupo at pinapanood ako.
Ako naman ay tila nakawalang bata nang makita at nakaapak sa malawak na maberdeng damuhan na tinatawag nilang Paraiso Amor. Punung-puno ng mga namumulaklak na mga halaman dito at mga paruparong nagkalat saan ka man tu
