Chapter 37
Aki's POV
March 2, 2021
Nakangiti ako habang hawak-hawak ko ang program na gagamitin namin para sa graduation bukas. Halo-halo ang nararamdaman ko habang nakatingin sa malalaking letrang nakalagay sa arc ng entrance ng school namin. Nakasulat ang Hellvoire Dawn University roon.
Hindi ko akalaing ito na ang huling araw ko rito bilang isang estudyante. Sa loob ng anim na taong pananatili ko rito ay hindi ko akalaing bukas na ang araw na lilisanin na namin ang eskuwelahang ito. Napakabigat pala sa puso. Ang hirap humakbang palayo...
Napamahal na sa akin ang Hellvoire Dawn kahit pa maraming mga pagsubok ang dumating sa akin simula noong pumasok ako rito. Nasubukan kong ma-bully, hangaan, saktan, awayin at pagtulungan dito. Nakaramdam ako ng lungkot, galit, saya at kaba rito. Sa
