Chapter 34
Murfin's POV
Parang nanigas ang mga luha ko sa loob ng mga mata dahil sa huling sinabi niya. Nagtatakang napatayo ako mula rito sa kinauupuan ko.
"Bakit daw? Ano ang nangyari? Paano maiimbestigahan ang nangyari kay Dad kung walang pupunta riyan na mga pulis?" sunod-sunod kong mga tanong habang hindi alintana ang mga tingin ng mga tao rito.
"Ah... Hindi ko rin po alam, Sir. Ang sabi naman ni Larry kanina ay sila na lang daw po ang bahala sa lahat. Hindi raw po puwede ang mga pulis dito sa mansion," paliwanag naman niya. "Mayamaya siguro ay narito na raw po ang mga private investigators ng Daddy n'yo."
"Nasaan si Larry ngayon? Nasa labas ba siya? May number ka na niya, Manang? Kailangan ko siyang makausap tungkol diyan," seryoso kong sabi.
"Sige po, Sir. Ite-text ko po sa in
