Chapter 12
Aki's POV
Mayamaya pa ay lumiko kami sa isang kanto saka tumigil sa tapat ng Suradi mall. Isa ito sa pinakakilala at pinakamahal na mall dito sa Pilipinas. Nakahinga ako nang maayos nang bumaba ang isang tauhan saka ako pinagbuksan ng pinto. Bumaba naman ako agad.
"Saan po tayo pupunta, Manong? May lakad po ba kayo?" nagtatakang tanong ko.
Napakamot naman siya. "Lakad n'yo po, Ma'am. Sumunod na lang po kayo kay Harry..." Nakaturo siya sa entrance ng mall. "Sasamahan niya po kayo sa loob."
'Yong isa pang bodyguard na naghihintay sa tapat ng entrance ng mall ang tinutukoy niyang si Harry.
"Eh, paano po kayo?"
"Dito lang po kami sa labas, Ma'am. Magbabantay po."
"Puwede naman kayong sumama sa akin..."
"Hindi po puwede, Ma'am... May mga bantay na po kayo sa loob at isa si H
