Chapter 33
"Kaya kailangan nating malaman agad kung siya nga ba mismo ang nakalibing dito. Kung siya man, magiging magandang puntos iyon sa atin dahil dadalawin at dadalawin nila ang mga labi niya rito at kung hindi man siya, magkakaroon ulit nang panibagong imbestigasyon. Magiging mahirap na naman ang mga susunod na hakbang natin dahil magsisimula ulit tayo sa umpisa."
Nakalulungkot man sa parte ni Cassandra ngunit alam niyang totoo ang sinabi ni Felix.
"Tama ka, Felix. Ilang taon nang paulit-ulit ang ginagawa natin. Sana ay hindi mapagod ang mga tauhan nating patuloy na gumagalaw para sa ikalulutas ng kaso ng anak ko," naiiyak na namang sambit ni Cassandra.
"Hindi mapapagod ang mga tauhan natin dahil iyon ang tungkulin natin bilang alagad ng batas," balik na wika naman ni Felix pagka
