Chapter 46
Aki's POV
Nanlalamig ang mga kamay akong nakaupo rito sa upuan habang hinihintay ko sina Murfin at kambal. Sinadya ko talagang pumunta rito nang maaga para maihanda ko pa ang sarili ko.
Kanina pa ako nagpa-practice kung paano ako makikipag-usap sa kanila nang normal kapag kaharap ko na sila. Ayaw kong maiyak sa harapan nila mamaya.
Nanlaki ang mga mata ko nang makita ko si Murfin na pumasok dito sa restaurant. Napainom ako ng tubig nang hindi oras. Muntik na akong masamid nang ngitian at kawayan niya ako.
Nagbuga ako ng hangin bago ngumiti nang masigla.
"Hi, best!" masayang bati niya sa akin nang nasa harapan ko na siya. "Napaaya ka ng date!" masigla niyang sabi pagkatapos ay naupo sa tabi ko.
"Murfin... K-kase." Itinikom ko ang bibig ko para bawiin ang sana ay sasabihin
