دخل رعد وهو مبسوط اوي استغربت لارا وقالت: خير يا رعد انا شايفك مبسوط يعني اي الحكاية.
ابتسم وقال: تعالي اقعدي يا حبيبتي وهحكيلك اسمعي..
كنت قاعده جانب جوزي النهارده كان فرحنا كنت مبسوطة اوي وهو بيقولي:
نورتي حياتي كلها يا نور... انا مش مصدق انك بقيتي مراتي وفي حياتي بجد.
ابتسمت وقولتله:
اخيراً حلمنا اتحقق يا احمد واتجوزنا.... انا بجد فرحانه اوي.... ربنا ما يحرمني منك.
بداء يقرب مني وفجاه بعد عني وهو متعصب وبيزعق ويقول:
اي دا يا نور... ازاي عملتي كدا... وازاي معرف*نيش هو انا مش راجل في حياتك.... ردي عليا ساكته ليه... ازاي تعملي حاجه زي دي.
خوفت اوي من صوته وقولت:
وانا عملت اي يعني يا احمد... دا انا عملت كدا عشانك وعشان ابسطك... مكنتش اعرف انك هتزعل كدا.
صرخ بصوت عالي وقال:
انتي اتهبلتي يا بت انتي ولا اي.... يعني اي متعرفيش اني هزعل.... هو انا عمري طلبت منك حاجه زي دي....
