لارا بحزن:
مش هينفع يا مدام للاسف....القانون مستحيل يوافق وانا مش هقدر اساعدك.
البنت اضايقت وقالت:
يعني انا خلاص خسرت ابني مش هعرف اخده خالص.
رديت وقالت:
انتي من حقك تشوفيه غير كدا لا اسفه لازم اروح دلوقتي.
قامت لارا تروح وكان رعد في انتظارها وجاله تلفون من صديقه هاني كان بيحكيله اللي حصل في حياته.
وقال:
اسمع يا رعد الحكاية كلها يا سيدي.
صحيت علي صوت حماتي وهي بتقول:
قومي يا عروسة يلا.... صباحية مباركة يا اختي.... يلا يا رامز قوم يا حبيبي.
قومت مصدومه وانا شايفه حماتي في اوضتي يوم صباحيتي وقولتلها:
انتي بتعملي اي هنا.... ودخلت ازاي اصلا.... قوم يا رامز الحقني.... قوم فهمني امك دخلتنا هنا ازاي.
قام وقالي:
في اي يا سلمي مالك.... امي اصلا كان بايته هنا من امبارح.... انا نسيت اقولك انها هتعيش معانا... صباح الخير بقي.
اتصدمت من كلامه وقولتله:
انت بتقول اي يا رامز.... از
