Antok na antok ako ngayon dahil wala akong magandang tulog dahil sa lagalag na kaluluwa ni Manang Esther. Hindi man kami close niyon noong buhay pa, pero alam ko namang hindi siya asar sa akin. Sakto lang. Ngunit kagabi, ang arte niya! Hindi talaga siya humiwalay sa silid hanggang sa nag-umaga kaya heto ako, mukha ng zombie na aso!
Tss! Sabihin ko kaya kay Belle na magpa-insenso para walang kaluluwang napaparito. Ako ang natatakot parati dahil ako lang ang nakakakita.
"Good morning, Sool!" masiglang bati ni Belle sa akin nang nakababa ako at nadatnan ko siyang naglilinis.
"Good morning, baby girl." Humihikab-hikab pa ako habang sinisiksik ang sarili sa upuan.
Aw-aw!
Hinimas niya pa ang ulo ko at saka muling bumalik sa ginagawa.
"Puyat na puyat, Sool?" natatawa pa niyang sabi sa a
