وتدور الايام

الفصل الرابع

وتدور الايام

للكاتبه ابتسام محمود الصيري

،،،،،،،،،،،،،،،،،،،،،،

في شركه الهوارى

سليم بيكلم السكرتيره/ مستر الهوارى جوه

السكرتيره/ اه بس حضرتك اتفضل على اوضه الاجتماعات و انا هبلغه

سليم/ تمام

دخلت السكرتيره للهوارى

السكرتيره/ مستر هوارى مستر سليم في اوضه الميتنج

يونس دخل الشركه

يونس/ هو الشركه دي مافيهاش حد ولا ايه انتو فين يا بشر

الهوارى/ والمزعج وصل كمان تمام. هنرحله حالا

دخل يونس مكتب الهوارى

يونس/ انتو هنا وانا بدور عليكم بره

السكرتيره/ بعد اذنكم

يونس صفر / انتى اكيد جديده

السكرتيره/ بالظبط كده جديده وطلعت

يونس جرى على ابوه / جبت الموزه الجامده دي من فين وانا كل ما اسأل عليك يقوله في الشركه عرفت انت راشق في الشركه ليه والنعمه لاقول لامى وانتى يا ديدي قاعده عادى كده دي امك بردو

خديجه ضحكت

الهوارى/ ممكن تسكت شويه عقبال ما نشوف هنتصرف ازاى في النصيبه اللى حاطتنا فيها

يونس/ يا مفترى اول يوم ليه شغل مدخل فلوس عنب لشركتك مافيش شكر خالص

الهوارى/ امشى قدامى وهتفهم يا ابو فلوس عنب

راحو اوضه الميتنج

يونس فتح الباب

يونس/ سليم ولعه هنا بنفسه مش معقول اوعى تكون جي تشتكى لابويا انى لطشت منك البت بتاعت نويبع

سليم/ يونس الخرو و ميل عليه واتكلم بصوت واطى اسكت وبلاش فضايح استر عليه عايز اعلق موزه هنا وبعد عنه وبصوت عالى طول عمرك بتحب الهزار

يونس باستغراب/ عايز تعلق مين ياد

سليم/ هش اسكت بقى

الهوارى/ طيب كويس تعرفو بعض

سليم/ هو حد مايعرفش الخرو ههههه

الهوارى/ الخرو ده بقى هو اللى طلع الرحله بتاعة السفارى

يونس/ هو ممنوع السفارى اليومين دول

خديجه/ لا مش ممنوع بس احنا عشان السوق نايم خصصنا لكل شركه حاجه

يونس/ انا والله معرفش حاجه عن الكلام ده

خديجه/ اد*ك عرفت اي رحله سفارى او سفر ل اماكن سياحيه هتتحول واحنا لينا البحر فهمت ولا اقول تانى

سليم كان باصص اووى لخديجه

يونس اخد باله

يونس/ اه فهمت وبص لسليم معلش دي عندى انا

سليم باصص لخديجه

يونس مسك وشه انا اللى بكلمك

سليم/ اه معاك

يونس بصوت واطى/ دي اختى اقسم بالله لو بصيت كده تانى عليها هدفنك مكانك دي مش الاشكال اللى تعرفها او نعرفهم

خديجه/ واضح هتقضوها وشوشه استأذن انا

الهوارى / اصفو مع بعض واي تعويض انا تحت امرك

وطلعت خديجه والهوارى

سليم/ احلف انها اختك

يونس/ اركز ياد في ايه . عند اختى و الوحك. مش لطشت منك وحده شمال تيجى تشتغل اختى اقسم بالله ادفنك مكان انت متعرفنيش لما اتحول

سليم/ بس اهدى شويه انا عايز اخطبها

يونس/ وانت فاكر انى اجوز اختى واحد زيك

سليم/ انت عارف كويس انى عمرى ماضحكت على بنت في حياتى كل حاجه بعملها بمزاجهم وانت عارف انى رافض مبدأ الجواز بس اول ما عرفت انها اختك قررت اتجوزها

يونس/ ليه

سليم/ انت صاحبى اولا و ثانيا عارف ومتاكد انك ملكش في الشمال وبترفض اي علاقه حرام اخرك هزار وكلمتين يبقى اختك تبقى ازاي

يونس/ بس اختى عمرها ما عرفت حد ولا كلمت شاب اجوزها في الاخر لواحد ماسبش بنت الا لا مواخذه

سليم/ طيب انا ضحكت على اى وحده فيهم

يونس/ لا

سليم/ اقسم بالله لو خطبت اختك مش هبص على اي بنت تانى

يونس/ وانا عرفك راجل وجدع كمان طيب هقولها واشوف رأيها

سليم/ ممكن طلب رخم

يونس/ انت اصلا كلك على بعضك رخم قول

سليم/ مش الشرع محلل ليا انى اشوفها مره

يونس/ اه بس لما تعرف وتكون هي موافقه

سليم/ لا قبل ما تعرف المفروض

يونس/ طيب احب اريحك هي شبهى بالظبط

سليم/ جاتك الارف في منظرك بس كفايه اووى كده انا همشى احسنلى لتقول بعد شويه وبدقن كمان

يونس/ نورت يا ولعه هههههههه

ماشى سليم و راح يونس على المكتب بتاع الهوارى

يونس بصوت عالى/ ديدي جالك عريس

خديجه / وطى صوتك شويه احنا مش في البيت

يونس وطى صوته/ جالك عريس يا فقر

خديجه بتلم حاجتها في الشنطه/ طيب نكمل كلام في البيت يالا نروح انا همووت من الجوع

يونس/ هو فين بابا

خديجه لبست شنطتها ونزلت النقاب/ سبقنى يالا

يونس/ يالا

نزل يونس وركب على الموتوسيكل

خديجه نزلت/ بتغرينى ديما بالموتوسيكل ده

يونس/ تعالى خدى زيرو من نفسك احسن اولع بيه

خديجه/ نفسى بس مش هينفع عشان العبايه والنقاب

يونس/ اوعدك مره الفجر هاخدك زيرو تكون الناس نايمه

خديجه/ انت حبعمرى يا يونس يا قمر ?

يونس/ خلاص هتشحتى كتير امشى يالا الله يسهلك

خديجه/ ماشي يا يونس بس اخد الزيرو وهولع فيك

يونس/ ديدي بتقولى حاجه

خديجه/ ابدا يا قلبي بكح بس وتفت عليه ومشيت

ركبت خديجه عربيتها وهي في الطريق سليم كان متابعها وماشى وراها وهي ماشيه كان في اشاره وقفت فيها طفل خبط على الشباك اللى مالناخية التانيه فتحت الشباك وكانت حاطه شنطتها على الكرسي اللى جنبها اول ما فتحت الشباك الطفل اخد شنطتها وطلعيبجري خديجه طلعت من العربيه وفضلت تزعق

سليم كان شايف الموقف نزل بسرعه وجرى ورهىالطفل واخد منه الشنطه وفضل ماسك الولد ورح على خديجه

سليم/ اتفضلى الشنطه بتاعتك

خديجه/ مرسي لحضرتك انا مش عارفه اشكرك ازاى

سليم/ مالهوش لزوم الشكر وما تفتحيش لحد تانى الشباك

خديجه/ بس حضرتك ماسك الولد كده ليه

سليم/ ايه كمية حضرتك دي انتى مش عرفانى

خديجه/ سورى مش واخده بالى

سليم/ انا سليم بتاع سفاري اللى لسه نازل من الشركه حالا

خديجه/ اه افتكرتك بس ماسك الولد كده ليه سيبه لو سمحت الولد خايف

سليم/ متقلقيش انا هدردش معاه شويه

خديجه مسكت الطفل/ لو سمحت ممكن تسيبه و وطت ع الطفل حبيبي ممكن تمشي معايا ومتخفش منى انا مش هأذيك عايزه اتكلم معاك شويه ممكن

الطفل بخوف/ ممكن بس متودينيش السجن

خديجه بحنان مسحت دموع الطفل/ لا مش هود*ك هنتكلم شويه مع بعض ولا انت مش عايز تتكلم معايا

الطفل/ ماشى هتكلم معاكى

خديجه اخدت الطفل/ بعد اذنك مستر سليم

سليم/ انا مش هسمحلك تمشى بالطفل لوحدكم انا قولتلك هدردش معاه ومش هوديه القسم متقلقيش عليه

خديجه/ بجد مش هتسلمه لقسم شرطه

سليم/ لا طبعا هو محدش وجهه صح وانا هتكلم معاه واشوف ميوله ايه وهشجعه الاطفال دي محتاجين حد يشجعهم ويساعدهم وانا هدردش معاه وهوفر ليه مكان ينام فيه واكل كويس

خديجه/ بالله عليك اوعى تأذيه

سليم/ على فكره عندى دار بجمع فيه الايتام وبعلمهم وبشجع كل طفل لو عنده موهبه

خديجه اعجبت اووى بسليم/ بجد . مستر سليم انا طول عمرى نفسي افتح دار بجد احييك

سليم/ طيب اتفضلى حضرتك وما تقلقيش عليه بعد اذنك

خديجه ركبت العربيه وكانت معجبه بتفكير سليم في مشروعه للاطفال

،،،،،،،،،،،،،،،،،،،،،،،،،،،،،،،،،،،،،

وصلت خديجه البيت

الهوارى/ حمدلله على السلامه فين اخوكى انا جعان وامك مش راضيه تأكلنى غير لما تيجو

خديجه/ يونس معرفش فين ممكن راح لاصحابه ايه النظام يا ست الكل احنا جعانين مش ذنبنا انه ماجاش

ابتسام/ هو انا هسخن الاكل كام مره

خديجه/ افرض هو اتأخر يعنى

ابتسام/ ماليش فيه اتصلى بيه يجى

خديجه بصوت واطى لباباها/ مراتك بتعذبنا شكلها

الهوارى/ شكلها بس

ابتسام/ بتقولو ايه سمعونى

خدبجه/ ابدا يا ماما انا بحاول اتصل ب يونس يا قمر?

اتصلت خديجه بيونس

يونس/ عايزه ايه

خديجه/ عايزه ايه فينك

يونس / انتى مالك

خديجه / يونس بالله عليك احنا جعانين تعالى بسرعه

يونس/ وانا مالى هاجى ظأكلك مثلا

خديجه/ لا يا ذكى امك مش راضية تحط الاكل غير لما تيجى

يونس/ ههههههعه احسن خليكم جعانين عقبال ما اجى

خديجه / حرام عليكم يا ظلمه انا جعانه

يونس/ انا في الطريق وبطلى لك شويه افصلى ده التلاجه بتفصل

خديجه/ ماشى يا يونس فصلت اهو

قفل يونس الفون

خدبجه/ اه ياواطى قفل في وشى

وفجأه النور قطع

ودخل يونس وبيفرقع صواريخ والكل اتخض

يونس بصوت عالى / هابى بيرث داى ديدي

خديجه/ هو انهارده عيد ميلادي مكنتش فاكره وجريت حضنت اخوها

ابتسام دخلت المطبخ وجابت تورته وطلعت بيها / كل سنه وانتى طيبه يا ديدي

خديجه/ انتى مجوعانا عشان كده وربنا انتى احلى ماما ياحبيبتى وحضنتها

الهوارى/ كل سنه وانتى طيبه يا ديدي وطلع خاتم تحفه

خديجه/ لا كده كتير حتى انت كنت عارف عشان كده مشيت بدري

دخلت حضنه: ربنا ميحرمنيش منكم ابدا

فضلو يضحكو طول الليل ويهزرو ويونس يعمل مقالب فيهم

دخلو نامو

في الفجر في اوضة خديجه

خديجه نايمه ومستغطيه وحاجه كل شويه تشيل الغطا وتسحبه و خديجه بترجعه عليها تانى ويتشال من عليها تانى

خديجه بنوم وعنيها مغمضه / والله يا يونس لو ما لميت نفسك وطلعت هقوملك

سمعت خديجه صوت مبحوح فتحت عنيها لقت واحد طويل وعليه ملايه

خديجه/ والله هقوملك بشبشب اطلع بره يا زفت

..../.......

خديجه/ يعنى مش هتطلع قامت خديجه من على السرير ومسكت الشبشب وراحت عليه وشالت الملايه اللى عليه وتنحت

(للمنظر اللى شافته) ست شعرها اصفر طويل ومنكوش وفي حتت في شعرها مافيهاش شعر و وشها كله جروح متفتحه وبتجيب دم وعين مفقوعه والتانيه حمرا ولبسه جلابيه مقطعه وضوافر ايدها ورجلها طويله جدا

خديجه اتخضت و صوتت وراحت ناحية الشباك وهترمى نفسها مسكتها ايد سقعه متلجه وخديجه اغمى عليها