وتدور الايام

الفصل الأول

للكاتبه ابتسام محمود الصيري

الابطال

تقوم ب عمل دور خديجه هلا شيحه وهي فتاه منتقبه وملتزمه وبتفكر ب عقل

تقوم بعمل دور هايدي ماغى ابو غصن وهي مجنونه وعصبيه

يقوم بعمل دور يونس . رامز جلال و هو اخو خديجه وهو شاب بيعمل مقالب باستمرار

يقوم بعمل دور سليم .حسن الرداد و هو شاب مرح و عصبى في نفس الوقت

يقوم بعمل دور الهوارى عزت ابو عوف و هو ابو يونس وخديجه

تقوم بدور ابتسام دلال عبد العزيز ام خديجه ويونس

دول الابطال الاساسين

،،،،،،،،،،،،،،،،،،،،،،،،،،،،،،،،،،،،،،،،،،،،،،

(في عمارت الهواري داخل بيت الهواري الساعه خمسه ونص الفجر)

يونس راح جري على اوضة اخته و يقول و بصوت عالى: قومي بسرعه يا ديدي، في زلزال بيوقع البيت ، قومى بسرعه البيت هيقع.

خديجه قامت اتخضت من النوم تبص شمال و يمن بعين ناعسه: في ايه، في ايه، هو بيحصل ايه.

بونس يمسك ايدها يشدها من على السرير: هو انتى لسه هتسألى، انزلى بسرعه البيت هيقع.

طلعت خديجه من الأوضه تجري بهدوم البيت

يونس ينادى عليها: خدى اسدالك استري نفسك، هتنزلى كده. ورمى الاسدال عليها، و حصل صوت فرقعه

صوتت خديجه، و اخدت الاسدال ونزلت تجري على السلالم البيت، وفضلت تلبس في الاسدال على السلم.

يونس قفل باب الشقه وفضل يضحك : استمري بقى في الجري يا هبله.

خديجه بصت وراها، لقت يونس قفل باب الشقه وبيضحك ، وسمعته وهو بيتكلم وابتدت تستوعب اللى بيحصل: اه يا اوطى خلق الله (وطلعت تجري على البيت تقول) افتح يا زفت الباب.

يونس بضحك: احلفى انك مش هتعملى حاجه، وانا هفتح.

خديجه بغيظ : ده انا هطلع روحك استنى عليه ، افتح

نزل ولاد عمهم وبصوت على خديجه (العماره بيت عيله كلهم قرايب في بعض)

محمد ابن عم خديجه: ايه يا ديدي في حاجه.

خديجه خبت وشها بطرحة الاسدال : لا العادي بتاع ابن عمك، شكله هيموتنى مشلوله.

يونس فتح الباب بسرعه اول ما سمع صوت ابن عمه و يقول: حمو الحقنى من المجنونه دي.

محمد بتحريك ايده: عايزها تبقى مجزره هنا ، واشوف عفاريتكم بتتنط في كل مكان، عايزها خراب و دمار.

يونس يخبطه على كتفه: تصدق انك واطى، غور يالا ،"يبص ل طلال قائل: قلبي طلال، انت اللى هتحوش

طلال يضرب كف على كف و يقول: والله حرام عليك البنيه، يعنى ينفع كده .

خديجه بضيق: وسع يا طلال ، مش هسيبه انهارده غير لما اموته.

يونس يمثل البرائه: طيب اهون عليكي، انا اخوكى الصغنن.

خديجه بتريقه: يا صغنن، طيب تعالى وانا اقولك.

يونس يشاور بصباعه السبابه: لا انتى مجنونه، وانا عارفك.

خديجه بغيظ: كمان بتغلط، بدل ما تعتذر، والله لاولع فيك، استنى عليا.

الهواري يصحى على صوتهم و يطلع ليهم يقول: هو في ايه على الصبح؟!

خديجه بدموع استهبال: بابا انت اللى هتجبلى حقى من الزفت ده، سهرني معاه لحد الساعه اربعه وهو بيف*جنى على افلام فيها زلزال وسبته على اربعه وقولتله هنام، يجى على الساعه خمسه ونص يصحينى ويقولى زلزال ويخليني اجري زي الهبله

يونس بتريقه: زي ليه يا ديدي

خديجه بتحاول تضرب فيه، بس مستخبي في طلال.

خديجه بعصبيه: انت تخرس خالص ، استخبى زي الفرخه ، يعنى هتروح منى فين.

الهوارى يمسك ايدك خديجه: ادخلى يا ديدي اتفضلى كملى نوم ، عندنا ميتنج مهم انهارده لازم تكونى مفوقه، وانا كام مره قولتلك متسهريش مع الحيوان ده، و يبص على يونس: وانت حسابك معايا بعدين.

يونس يمثل البراءة: هو ايه الظلم ده، وعلى العموم مش عايز الحساب ، هدفع انا من جيبى الشخصي تمن المشاريب اللى اتكبت في الارض.

الهواري يحاول يتمالك اعصابه: يلا هتموتنى ناقص عمر، اتلم شويه .

يونس بهزار: طيب والنبى يا حاج، هات راسي من جنبك، عشان الم اشيائي بدل ما هي متبعتره كده.

الهوارى بصله بغيظ وداخل البيت: لا كده كتير، يرفع ايده للسماء يقول: يمهل ولا يهمل

يونس يزق كتف خديجه: يالا يا بت، ادخلى ورا ابوكى حضرى الفطار.

خديجه تصوت بغيظ: عاااااااااا، ادخل انام احسن ما تشلنى، ودخلت.

يونس بعد عن طلال و هو يقول: يالا يا بابا الله يسهلك شطبنا

لسه هيرد طلال عليه، رجعت خديجه جري وكهربت يونس بصاعق الناموس وجريت بسرعه وقفلت الباب، وقالت : خلي بالك الباب بتاع اوضتي هكهربه عشان تحرم تدخل عليا وانا نايمه تاني.

يونس بثقه: هجيبك هجيبك، هتروحي مني فين.

محمد بضحك: انت كده في امان، اسيبكم تكهربوا في بعض.

ونزل محمد وطلال

خديجه ظبطت المنبه ونامت .

ابتسام صحيت وبتتكلم بنوم: حبيبي ايه الدوشه دي كلها على الصبح.

يونس يمثل الزعل: بيتك العقله الكبيره بتكهربنى، يرضيكى يعنى تموتنى متكهرب.

ابتسام بحب: لا يا حبيبي بعد الشر عليك، اكيد عملتلها حاجه.

يونس ببراءة الذئب: ولا جيت جنبها اصلا. "يااامسكين"

الهواري بضيق: ايوه افضلي طبطبى ودلعى فيه ، و يبص ل يونس: وانت يا زفت امال لو جيت ، كنت رمتها من الشباك ،حرام عليك دي الحيله.

يونس يضرب ص*ره بطريقه مسرحيه: يعني هي الحيله وبتقولها بكل ثقه، و انا ايه ها مش الحيله، طيب الحقي يا ماما بقى الا شكلى مش الحيله، ومتجوز عليكي، ومعاه ارطة ولاد منها.

الهوارى يبرق ليه: بس انت هتلبسنى نصيبه، يخربيت منظرك، اسكت ده انت البعد عنك غنيمه، ادخل احضر للميتنج أحسن.

يونس يضحك بطريقه مستفزه: هيييع ، ايوه كده.

ابتسام تبص ل يونس و هي تضرب ص*رها من الصدمه: هو ابوك متجوز عليا يا ولا.

يونس بص باستغرب لامه: روحي نامي، شكلك سخنه، روحي يا قلبي

ابتسام بزعل: ياولا قول وريح قلبي، هو متجوز صح.

الهواري يرفع ايده للسما: روح يا يونس وتعالى بسرعه، قلبت البيت كله في ثانيه.

يونس دخل مكتب باباه جري، وقعد على مكتب و يقول بمشا**ه و هو بيضحك: انا جيت بسرعه اهو اتأخرت عليك.

الهواري يكلمه من بين اسنانه: امشي من قدامي جبتلي السكر، هتجبلي ايه تانى حرام عليك.

يونس بمشا**ه: طيب لو على السكر بس كويس ، اهو دمك يبقى مسكر.

الهواري يمسك وشه بعصبيه و يقول بهدوء ع** اللى جواه: عارف يا يونس انت احسن حاجه معاك ايه.

يونس يميل على المكتب و يحط رجل على رجل و يقول: ايه يا معلم؟!

الهواري بأبتسامه صفراء: ان محدش يرد عليك ، نسيبك تهوهو مع نفسك

يونس يبص ليه بضيق و يقوم و قبل ما يطلع من المكتب يبص ل باباه و يقول بصوت عالى : هو هو هو هو (وطلع يجري)

الهواري يقول بخضه: خضتنى( وقلع الشبشب حدفه عليه)

يونس يقول و هويمثل الحدة و جدية و يرفع صبعه السبابه: انا داخل انام، اياك ثم اياك اسمع نفس.

الهواربضيق: نام، نوم الظالم عباده، متقلقش احنا مش هنتنفس، بس انت نام وارحم اهلى عندي ميتنج مهم.

يونس رفع ايده صقف ل باباه و دخل نام

ابتسام تقرب ل الهواري: هو انت صحيح متجوز، زي ما يونس بيقول.

الهواري يزفر نفسه بضيق: لا انا عندي ميتنج، ابنك ينام وانتى تستلمي.

ابتسام بتساؤل: طيب ليه قولت على ديدي حيله ، وهو يعني مش حيله.

الهواري بدبلوماسيه: حياتي ايه رايك اعملك فطار،انا كده كده مش هخلص ام الشغل انهارده.

ابتسام تبص ليه بحدة: انت بتتهرب ليه من السؤال؟!

الهوارى يتمالك اعصابه و يقول و هو يبلع ريقه: حياتي هو انا اقدر ابص على حد غيرك، هتمشى ورا كلام ابنك الحيله ابو عيون كحيله.

ابتسام بنبره هادئه: يعني هو حيله بجد.

الهواري مسك ايد ابتسام وباسها بحب صادق : حياتي انا كلي ليكي انتى وبس، انا مقدرش ابعد عنك ثانيه.

ابتسام بضحكه حنونه: حبيبي انا عارفه بس بحب اسمع منك الكلام الحلو ده، منحرمش منك العمر كله.

الهواري بصوت واطى: اه ماهو الواد كده مش من فراغ، لازم يكون وراثه.

ابتسام تبص ليه؛ بتقول حاجه يا حبيبي؟

الهواريبضحه صفراء: لا يا حياتي، منحرمش منك.

بعد كلام كتير، دخلت ابتسام تحضر الفطار.

المنبه عند خديجه رن.

خديجه فتحت عنيها بنوم: روح يا يونس ربنا يسمحك ، هموت و انام، انا اللى غلطانه انى بسمع كلامك، لبست شبشبها طلعت من الاوضه ب**ل تقول: صباح الخير يا بابا.

الهواري : صباح النور يا قلبي.

خديجه تبص على السفره: هو فين يونس ؟!

الهواري و هو يضع الطعام على السفره : نام عايزه منه ايه! هو القط بيحب خناقه؟!

خديجه بضحكه شريره : لا ، عشان اعمل معاه الدنيئه .

الهواري بتحذير: عارفه لو قربتي منه، مش هننزل الشغل في يومنا ده، اهدى كده وادخلى خدى شور وتعالى عشان افهمك الميتنج هيمشى ازاى، لان انتى اللى هتديري الحوار انهارده .

خديجه تمسك ايد باباه بحنان تطبطب عليه: بابا ربنا يخليك لينا، انت الخير والبركه، انت اللى هتدير الحوار، وانا هتناقش كالعاده، انت عارفني مابعرفش اسكت، لازم اتكلم.

الهواريبتسم بحب: اللى يريحك يا حبيبتي.

خديجه سابت الهواري و رايحه على اوضة يونس.

الهوارى ينادى عليها بتحذير: خدى هنا، رايحه فين؟! اوعى تقربى منه.

خديجه بأبتسامه حنونه: هشوفه والله مستغطى ولا زي العاده رامى الغطا.

الهواري: ده حلوف بيقضي حياته كلها تحت الميه، هيستغطا وهو نايم، سبيه وخلصى نفسك، احسن يصحى، وانتى عارفه لو صحى مش بيهدا غير لما يولع حريقه في البيت كله.

خديجه بأثرار تطمن على اخوها: هبص بصه ( دخلت خديجه اوضة يونس وكان نايم لا ده ميت، نايم على بطنه وايد اول السرير و وايد اخر السرير وكل رجله في حته) تقول : يالهوى حمار نايم ، قالتها وهي تعدله و تغطيه ، و هي طالعه مسك يونس ايدها.

خديجه بتنفض: خضتنى يا بارد.

يونس بص ليها بنوم واداها بوسه في الهوا تحمل كل معاني الاخوه و الحب.

خديجه قربت منه باسته على رأسه وطلعت

***

ابتسام بأبتسامه بشوشه: صباح الخير ديدي ، خدى شور بسرعه عشان تلحقى تفطري.

خديجه باست ايد مامتها : صباح الورد على عيونك ، ثانيه وهكون عندك.

فطروا كلهم ماعدا يونس في امان و سلام

،،،،،،،،،،،،،،،،،،،،،،،،،،،،،،،،،،،،،،،،،،،،

خديجه نزلت مع باباها الشركه( شركة الهواري للسياحه، مكانها في الغردقه )

وصلوا الشركه

الهوارى دخل بأبتسامة صبح على الموظفين ، و وراه خديجه، بلبسها الواسع والنقاب .

دخلوا المكتب ودخلت السكرتيره بعدهم.

نسرين السكرتيره تقول و هي تعدل نظارتها: صباح الخير، بعد نص ساعه الميتنج هيكون جاهز.

الهواري بجدية: تمام، في حاجه تاني.

نسرين تقول و هي تشاور بأيدها: انهارده في رحلتين دايفنج ، ورحله دولفين، ورحلتين سفاري، و تخمس بيدها و تقول : الله اكبر.

الهواري: طيب تمام، في حاجه تاني.

نسرين تهرش في رأسها تتذكر و تبص ليه بعد تفكير: لا يافندم ، بعد اذنك.

الهواري يشاور لها بالرحيل: اتفضلي.

خديجه بعمليه: بابا، ايه رايك لو تخلي يونس يطلع على اي لانش دايفنج، هو دمه خفيف وهيجب ناس اكتر.

الهواري بدهشه : يونس !! انتى عايزاه ورايا ورايا، خليه فى مركز التدريب بتاعه كفايه عليه.

خديجه تحاول اقناعه: طيب جرب بس مش هنخسر حاجه، وكده كده هو بيفتح المركز بعد الظهر ، يعنى حتى لو عنده تدريب هيكون خلص الدايفنج اللى هينزله ، ايه رأيك ؟

الهواري يقول و هو يقوم: طيب نبقى نشوف الموضوع ده بعد الميتنج ، يالا عشان مانتأخرش على الناس.

خديجه : اووك يالا ، تلاقى باباها مشي و سابها قالت: انت يا راجل يا عجوز هتمشى وتسبنى !

الهورارى بص وراه : هو انا اخلص من اخوكي، تطلعلي امك، اخلص من امك تطلعي انتى ، اهدو عليا شويه مش كده.

خديجه بضحكه رقيقه: تعالى انجاچيه

الهوراي يبتسم ليها: بس كده، تعالي.

،،،،،،،،،،،،،،،،،،،،،،،،،،،،،،،،،،،،،

دخلوا قاعة الميتنج

قاعد الهوراري في مقدمة الترابيزه، وخديجه جنبه على اليمين، و صاحب شركة سادن للسياحه على الشمال، وصاحب شركة عروس الصحرا وشركات كتير.

الهواري بعمليه: اهلا بيكم، نورتوا مكتبي.

الكل : اهلا بيك.

الهوراي: حركة السياحه نايمه اليومين دول ، ف لازم نبسط السياح ، عشان لما يرجعوا بلدهم يتكلموا عن مصر وجمالها، وانا هقسم كل مهمه ع شركه، يعنى بالنسبه لشركتك يا سادن هتطلع رحل الاقصر واسوان وشرم ودهب يعنى هتبقى متخصص سافري، لازم تخلى مشرف دايما عينه عليهم ويعرف ايه اللى عاجبهم وايه اللى مش عاجبهم، ولازم تخلى المرشد بتاعهم لبق ويتكلم ويهزر ويشرح كل حاجه بالتفصيل، ولازم الخدمه في الفنادق تكون على اعلى مستوي.

وبالنسبه لشركة عروس الصحرا ممكن نقسم الشغل ما بيننا، احنا بحر الايام دي وانتم سفاري، عشان نوزن الدفه، و ياريت تركزو في العروض البدويه للسياحه، ده غير الواجب بتاع البدو للسياح ويكون في مغامرات بالعربيات الجيب وهي ماشيه على الجبل وتطلعو بيدجات باجى للى يحب ولازم توفرو مكان امان للبيات ،ومتنسوش اسم الهواري هو الاساس للشركات، فا مش هسمح باي تسيب، كده لكل شركه ليها دور فيه حد عنده اي استفسار.

الكل: لا تمام

خلصو الميتنج والهواري راح مكتبه وراحت وراه خديجه.

،،،،،،،،،،،،،،،،،،

في بيت الهواري

فون يونس بيرن رد: Hello Tena

تينا: Hello Yonis, How you doing? I wanna to support me

يونس: Tell me Tena, I am in service

تينا: I want to go Safari Tomorrow, but I have huge group

يونس: No problem, but give me some time and I will call you back

تينا: Ok, take your time I am waiting for your call

ترجمه فون يونس يرن : الو تينا.

تينا : الو ازيك يونس، معلش عايزه خدمه .

يونس : امرى.

تينا: عايزه اطلع سفارى و معايا عدد كبير.

يونس: بس كده عيوني، هعمل اتصال و اكلمك.

تينا : تمام.

وقفلو مع بعض

،،،،،،،،،،،،،،،

في مكتب الهوارى

الهواري: يعنى متكلمتيش خالص.

خديجه بأبتسامه اعجاب ب باباها: هو في كلام بعد كلامك يا برنس ، جبت من الاخر والصح.

الهواري: طيب كويس انه القرار، عجبك كنت مقلق منك.

خديجه بضحك : ليه بس ، عارف لو البلد حالها زي الاول كنت رفضت ان الشغل يتجزء، بس البلد مش حمل اي منافسات دلوقتي، ولازم نكون كلنا مع بعض، عشان نرجع السياحه لمصر ، لازم نكون مع بعض مش ضد بعض و ننافس بعض، مصر يا بابا اكتر بلد فيها اثار واجمل بحر واجمل صحرا مصر جميلة، وده غير ان ربنا ذكرها في القرآن .

الهوراي: عندك حق عشان كده قسمت الشغل ، عشان محدش يضرب حد في ضهره، وفي الاول ولاخر اسمي هو الاساسي على كل الشركات السياحه.

فون خديجه رن ،تفتح و يقول يونس: الو يا بت فينك وحشتينى.

خديجه بفرحه: يونس حبيبي بجد الكلام ده

يونس: انتى حبعمري يا نوسه.

خديجه فهمت اخوها: لا كده يبقى قول عايز كام واخلص.

يونس بحدة: هو انا لازم اد*كى على دماغك عشان تعرفى انى مش عايز حاجه ، جاتك الارف في حلاوتك مليتو البلد، هاتي ابوكي

خديجه بتريقه: اسمها ابوكى، بيئه طول عمرك.

يونس بصوت عالي: اخلصى هاتى عم المهم اللى قافل الفون بتاعه.

خديجه بضحك: مهم غصب عنك، اهو معاك

الهواري: عايز ايه يا قلق.

يونس بمشا**ه: احبيبي يا بابا، انتوا ليه وخدين عني الفكره دي؟! ليه لما اتصل بيكم ابقى عايز حاجه مش ممكن تكونو وحشتونى، او انا بولع مثلا.

الهواري بأقتضاب: طيب مش عايز تقول احسن ، اقول انا ، ايه رأيك تيجى تشتغل هنا من ٨ لى ١ الظهر، وبعد كده تروح المركز بتاعك براحتك.

يونس مقلش ل باباه على موضوع السفاري اللى اصلا متصل عشانه و يقول: طيب اشطا معاك يا ريس، انت سهلت عليا مهمتى اللى كنت عايزها.

الهواري: طيب كويس، واقفل بقى وبطل لك دماغى مصدعه.

يونس بيقلد صوت بنت: طيب لو سمحت بطل ترن عليا كل خمس دقايق، الله دى ما بقتش عيشه، سبنى بقى ياخى مش عايزك مش طيقاك، اديني حريتي

الهواري بضيق: لا انت هتجنني وهتجن اهلي.

وقفل الفون

،،،،،،،،،،،،،،،،،،،،،،،،،،،،،،،،،،،،،،،،،،،

يونس بشر: بتقفل في وشي طويب ليك روقه يا ريس بس لما اشوفك ( واتصل ب تينا و يقول: Tena hello, it's Yonis

تينا: Hello Younis

يونس:It's OK, be ready tomorrow morning will gonna Safary

تينا: Really, are you sure? We are 50 persons

يونس: Don't worry, it's OK, everything will be ready, but do you want beach buggies or you will ride Jeeps

تينا: ?can we use both of them

يونس: For sure as you want, Can we meet by 10:00 Am at Cherry St

تينا: OK, see you tomorrow, thanks Younis

يونس: You're welcome

(ترجمه )

يونس: الو.

تينا: الو.

يونس: خلاص رتبى نفسكم على بكره هنروح رحلة سفارى.

تينا بفرحه: بجد، احنا عددنا ٥٠.

يونس: تمام ، هحضر كل حاجه متقلقيش ، عايزين بيدج باجي ولا تطلعوا بالجيب.

تينا: طيب ينفع ده وده

يونس: تمام بكره الساعه عشره نتقابل في شارع شيري.

تينا بفرحه: تمام ، ميرسي يونس.

يونس: على ايه، انتى أؤمري.

وقفل الفون

،،،،،،،،،،،،،،،،،،،،،،،،،،،،،،،،،،،،،،،،،

شركة عروس الصحرا

سليم: ها اتفقتوا على ايه يا بابا

شاب طموح ، لكن بيحب السهر و كل حاجه حرام.

عز: قسمنا كل مجال لشركه و احنا السفاري

سليم بفرحه: طيب كويس ، انت عارف انا اد ايه بحب الصحرا، و ببقى مبسوط فيها جدا

عز : طيب كويس، ابتدى حول كل حجوزات البحر على الهواري، وهما هيحولوا علينا كل حجوزات السفارى اللى عندهم.

سليم بحماس: عندى بكره سفاري من فرنسا عدد كبير محتاج عربيات والبيدج باجي هيركبوا من اول الصحرا، هنتحرك الساعه ١١ ص.

عز : خلاص رتب انت كل حاجه

سليم: اووك.

ياترى ايه هيحصل مع يونس وسليم في السفاري؟ بعد ما اتنقل السفارى ع شركة عروس الصحرا؟

ياترى يونس هيعمل ايه في باباه اكتر من كده؟

توقعاتكم الحلقه الجايه

?بوسي محمود?ً