وتدور الايام

الفصل التاسع

وتدور الايام

للكاتبه/ ابتسام محمود الصيري

سليم/ هي هايدي فين ؟

يونس بابتسامه / مين هايد!

سليم/ انت بتستهبل امبارح مجتش واحده عندك هنا

يونس/ لا

سليم بخضه/ وديت البت فين اوعى تكون راميتها في البحر

يونس/ هههههه تعالى نايمه جوه

سليم/ ايه بتقول ايه هو حصل ايه امبارح

يونس / ام دماغك الشمال دي انت تعرف عنى كده

سليم لا بس

يوتس / من غير بس

سليم / والله تعبت اعصابى صحيها نفطر سوا

يونس/ لا سبها دي لسه نايمه دلوقتى

سليم قام ورايح للاوضه

يونس شده / انت رايح فين

سليم بخبث / هصحيها تفطر

يونس بغيره / وباي حق تدخل عليها وهي نايمه

سليم بمكر/ عادي انا هصحيها هو انا هكلها

يونس بضيق/ طيب اقعد ومتصحيش حد

سليم/ وانت مالك انت هي صاحبتى زي ما صحبتك

يونس بغيره/ هايدى مش صاحبة حد وملكش دعوه بيها خالص

سليم/ اشمعنى دي

يونس بضيق/ هايدى تخصنى انا لوحدى

هايدى كانت واقفه من اول ما اتكلمو ورا كابينه وسليم كان شايفها وكان عايز يعرفها ان يونس بيحبها وهايدى كانت فرحانه انه بيغير عليها

هايدىطلعت / صباح الخير

يونس وسليم / ده حجاب خديجه

هايدى/ سورى انا ملقتش حاجه البسها على راسى غيره لقيته جوه

سليم افتكر خديجه وقلبت وجعه و عينه دمعت

حتى يونس عينه دمعت افتكر اخته لما قالتله كلمها عن الحجاب و قد ايه هو ستره و هي هتسمع كلامك ، فرح ب هايدى اوووى

فطرو كلهم مع بعض

سليم / يالا يا هايدى عشان اطلعك

يونس / هو ايه اللى يالا يا هايدى

سليم / هطلعها على البر

يونس / اتكل انت وانا هوصلها

سليم / طيب اخلع انا بقى

هايدى كانت فرحانه اوووى ان يونس بيحبها وبيغير عليها

يونس / على فكره اموره اوووى بالحجاب

هايدى ب**وف / ميرسي

يونس / زمان اهلك هيزعقولك لما توصلى البيت

هايدى بحزن/ انا ماليش اهل

يونس/ ازاي يعنى في بنى ادم مالهوش اهل

هايدى بضيق / اه انا ماليش اهل خالص انا طلعت لقيت نفسى في ملجأ

يونس/ بس انا اعرف ان الملجأ ميطلعش البنات غير لما تتجوز

هايدى بحزن/ اه بس لو حد رح الملجأ ودفع فلوس ياخد اي حد فيه على اساس انهم هيربوهم عادى

يونس/ اه يعنى يتبنوكم

هايدى/ اه هو ده الاسم المستعار يتبنونا وفي الحقيقه الهانم عايزانى خدامه في بيتها و البيه عايزنى وعنيها دمعت وسكتت

يونس/ هو كان عندك كام سنه

هايدى/ هما في الاول اخدونى صغيره وكانو فرحانين بيه ولما كبرت و بقى عندى ١٨ سنه الوضع اتغير

يونس/ طيب مقولتيش للملجأ بتاعك ليه

هايدى/ التواصل بينى وبين الملجأ اتقطع اول ما استلمونى ومكنش فارق معايا الخدمه في البيت بس اللى كان مضيقنى تصرفات اللى المفروض يكون بابايا ورحت قلت للى المفروض تكون بقت امى بس الهانم مصدقتش وفضلت تزعقلى وتعاملنى وحش وتضربنى وتعذبنى كمان لحد ما هربت وجيت الغردقه واشتغلت في الفندق اللى شفتنى فيه وبنام في الفندق

يونس كان متأثر اووي / اوووعدك انى هعوضك عن اي حاجه وحشه حصلت ليكى

هايدى مسحت دموعها / ايه النكد اللى جه مره واحده انا اتعودت انسى اي حاجه مضايقانى عشان كده انا اهو قدامك لاسعه

يونس/ ماشى يا لاسعه وصلنا المرسى اتفضلى

هايدى نزلت وبصت ليونس / يونس

يونس/ نعم

هايدى/ مترحش البحر تانى

يونس/ معلش مش هقدر اتعامل مع حد دلوقتى يومين و هرجع لوحدى

هايدى نزلت / خد بالك من نفسك

يونس بحب / هخلى عشانك بس

هايدى كانت مبسوطه لدرجه كانت حاسه انها طيره في السما

وماشى يونس

،،،،،،،،،،،،،،،،،،،،،

سليم اتصل بهايدى/ الو

هايدى/ ميرسي يا سليم انك عرفتنى ان يونس بيحبنى انا بحبك اوووى

سليم / اهدي شويه يا مجنونه بتحبينى انا ولا بتحبي يونس

هايدى / لا مقصدش بحبك يعنى بحبك معرفش المهم بحب يونس لا انا بعشقه

سليم / اقولك على سر عمرى ماتمنيت سعاده لحد زي اللي بتمنهالك ربنا يسعدك سليم / تسمحيلى ابقى اتصل اطمن عليكى

هايدى/ اه طبعا

وقفلو الفون

،،،،،،،،،،،،،،،،،،،،،

فضل سليم و الهوارى يدورو ع خديجه

و هايدى تروح ليونس

،،،،،،،،،،،،،،،،،،،،،،،،،،،،

وفضل اسماعيل يتكلم مع خديجه دايما

،،،،،،،،،،،،،،،،،،،

وفضل الحال ده لمدة شهرين

بعد شهرين

عند اسماعيل

اسماعيل بغزل / شايفه الجمر اللى في السما يا جمر والله وشك منور اكتر منه

بصت خديجه على القمر و تنحت عشان القمر كان كامل و هي بتحب المنظر ده

،،،،،،،،،،،،،،،،،،،،،،

في نفس الوقت يونس كان قعد على سطح اللانش وبص للقمر وافتكر خديجه

فلاش باااااك

خديجه بصوت عالى/ يونس يونس يونس

يونس/ ايه يا مسروعه في ايه

خديجه/ اصحى اطلع معايا السطح انهارده ليلة ١٤ القمر كامل ومنور كله وانا بحب المنظر ده تعالى معايا

يونس/ عايز انام

خديجه/ والنبى والنبى يالا

يونس/ امرى لله اطلعى قدامى

طلعو وفضلت خديجه متنحه للقمر

يونس مستغرب هي بتبص عليه جامد ليه / انتى يا بنتى بتبصى على ايه

خديجه بانبساط وسعاده/ على القمر

يونس/ سبحان الله على الهبل ده كله صخور وحجر وضلمه وحرامى كمان

خديجه/ وحرامى كمان؟! طيب دي ازاي افهم بقى

يونس/ هههههه اصل القمر ايه

خديجه/ ضلمه وصخور

يونس/ ما انتى حلوه اهو امال مالكم يبتوع المدارس يعنى هو ضلمه جاب النور ده منين؟

خديجه/ من الشمس

يونس/ اهو مجبتش حاجه من عندى انتى اللى قولتى من الشمس يبقى حرامى ولا مش حرامى

خديجه / هشششش هشششش جاهل اتنيل

يونس / ديدي عندما ترين قرص القمر ابوس ايدك لا تتذكرينى

..........بااااااااك

يونس عينه دمعت وفضل باصص للقمر

،،،،،،،،،،،،،،،،

عند اسماعيل

اسماعيل/ جمر ايه رحتى لحد فين

خديجه/ ها لا معاك بس شكل القمر حلو

اسماعيل / طيب هروح لابويا اتكلم معاه شويه

خديجه/ اوكى اتفضل

راح اسماعيل عند باباه

اسماعيل/ ابويا عايز اخطب قمر

ابوه/ بس يا ولد احنا منعرفش اصلها ولا فصلها

اسماعيل/ وايه يعنى البيت شكلها محترم

ابوه/ طيب افرض ظهر ليها اهل

اسماعيل/ اولا شكلها مش ليها اهل وثانيا وايه يعنى لما يكون ليها اهل ويعرفو ان بتهم اتجوزت من راجل صعيدى

امه/ جول لابنك مبروك يا راجل بصراحة البت محترمه وزى الجشطه

ابوه/ طيب مبروووك

اسماعيل/ وبكره الخطوبه

ابوه/ وبكره الخطوبه على بركة الله

امه/ لولولولولولى

خديجه جت على الزغاريط/ بتزغرطى ليه يا طنط

امه/ بكره خطبتك على اسماعيل

خديجه/ من غير ما تاخدو رأيي

ابوه/ الحريم عندنا متجولش رأيها في العريس وغير اكده اسماعيل ميتعيبش

خديجه بضيق / اه صح طيب تصبحو على خير هدخل انام

امه/ نوم الهنا يا عروسه

الصبح فضل اسماعيل وابوه يعزمو الناس

،،،،،،،،،،،،،،،،،،،،،

عند يونس سليم كان عنده

سليم/ ايه يا يونس مش ناوى تطلع البر امك هتموت عليك

يونس/ مش قادر ابص في عين امى و ابويا

سليم/ يونس حاول تنسى واطلع وانشاء الله خديجه هتبان

فون سليم رن

سليم/ الو

...../ الو ياسولم عامل ايه

سليم شال الفون من ودنه وبص على الرقم ورجع اتكلم/ معلش مين معايه

....../ انا اسماعيل اللى كنت بتيجى تجعد معانا في سفارى ولما جيت عندنا في جزيرة الصيادين

سليم/ سمعه عامل ايه والله واحشنى

اسماعيل/ وانت والله بجالك فتره مجتش عندينا

سليم/ معلش والله الشغل

اسماعيل/ طيب كنت وعدينى انك تحضر فرحى

سليم/ طبعا هحضر انا بحب افراحكم اوووي بس امتى

اسماعيل/ الخطوبه بليل هستناك

سليم/ هحضر اكيد

وقفلو مع بعض

سليم/ خطوبة سمعه الصياد ايه رأيك تروح معايا

يونس/ معلش مش هقدر روح انت وباركله

سليم/ مش عارف دماغك نشفه ليه كده

يونس/ سبنى براحتى

سليم/ طيب هسيبك خالص وهمشى

ماشى سليم وفضل يونس في البحر

،،،،،،،،،،،،،،،،،،،،،،،،،،،،،،،،،،،

عند اسماعيل كانو بيحضرو الفرح وكانو بيحضرو خديجه للفرح

و راح اسماعيل اخد خديجه وطلعو على الكوشه والمعازيم فرحانين وصوت الاغانى عالى والرقص الصعيدى

سليم يوصل الفرح

يا ترى هيحصل ايه الحلقه الجايه توقعاتكم

#بوسي محمود