Sigfried's POV
"The end!" pagtatapos ko sa kwentong binabasa ko sa harap ng mga bata. "Maraming salamat sa pakikinig, mga bata. Dahil d'yan, maraming hinanda ang mga kuya n'yo na pagkain. Kainan na!" masigla kong anunsyo. Nakaupo ako sa isang kahoy na upuan habang ang mga bata ay naka-indian seat sa may damuhan at nakikinig sa amin.
Katabi ko si Sr. Ricca na may katandaan na. Nakangiti siya habang nakikinig sa pagbabasa ko. Ang ibang madre naman ay tinulungan ang ibang mga bata sa pagtayo at pagkuha ng pagkain nila sa mahabang mesa.
Mayro'ng spaghetti, puto, hotdog, marshmallows, burger, fried chicken, at salad sa hapag. Lahat ng mga pagkain ay inihanda ni Boom-boom para sa mga bata. Ala-una pa lang nang madaling araw ay nagluluto na siya. Halos wala na siyang tulog. Ayaw naman niya kam
