Mandy's POV
Hindi ako makapaniwala. Talagang hanggang dito sa classroom ay sinusundan ako ni Sigfried. Napakuyom ako ng palad habang masama siyang tinitigan. Matapos niyon ay akma na sana akong tatalikod sa kanya nang may maabutan akong humahangos patungo sa pinto ng room.
Nanlaki ang mga mata ko nang makita kung sino iyon. Humahangos pa siya na tila umahon sa pagkakalunod.
Si Orlando.
So, hindi lang pala si Sigfried ang guguluhin ang buhay ko sa araw na ito kundi pati si Orlando.
"'Tol, sorry! Akala ko talaga nasa Engineering pa rin ako. Nakalimutan ko na nag-shift course na pala ako. Sorry!" bulalas ni Orlando.
Natawa naman si Sigfried. "You're just right on time, 'tol. Siya nga pala, nadala mo ba 'yung pinapadala ko sa'yo kanina?"
"Ah, oo! Teka..." Inalis ni Orlando ang pagkakasa
