AMILYN
Hindi ako nakatulog, buong gabing gising ang diwa ko. Nakatingin lamang ako sa veranda na para bang naroon ang lahat ng sagot sa mga gumugulo sa isip ko.
Laman siya ng isipan ko, ang kabuan niya at lahat ang lahat ng nangyari sa araw na iyon.
Yung mga kakaibang kinikilos niya, ang pagyakap niya sa akin. Paulit ulit na nagbabalik sa isipan ko.
Hanggang sa hindi ko namamalayan at napansin ko na lang sa labas na sumisilip na pala ang bukang liwayway. s**t. Umaga na?
At kung kailan maliwanag na, saka naman biglang bumigat at bumibigay ang aking mga talukap.
Kaya ang nangyari, nangangalumata talaga ako kinaumagahan. Antok na antok ako.
Para tuloy akong robot kung kumilos. Siya kaya nakatulog ng mahimbing or tulad ko ay gising na gising rin siya magdamag?
Napabusangot ako nan
