Mabilis na lumipas ang isang linggo. Dalawang araw na lang at uuwi na si Dale. Nagmamadaling lumabas si Alison sa banyo nang marinig ang nagri-ring niyang telepono. Napatili siya nang muntik ng madulas bago pa man tuluyang makalabas. Buti na lang at mabilis siyang napahawak sa pinto. Abot-abot ang kaba niya at taimtim na nagpasalamat dahil hindi siya tuluyang bumagsak sa sahig.
Huminga muna siya nang malalim at pinayapa ang sarili bago sagutin ang kanina pa nagri-ring na telepono. “Hello, hon! What happened? Bakit hindi mo agad sinagot ang tawag ko?” nag-aalalang tanong nito. Napakagat siya ng labi. Naramdaman yata nito na muntik ng may mangyaring masama sa anak niya?
“Sorry, hon! Nasa banyo kase ako kanina, kakatapos ko lang maligo,” pagdadahilan niya.
Narinig niya ang pagbuntong-hinin
