ASTRALLA
"Hello may tao ba dito?" malakas kong sigaw.
Hindi ko alam kung nasaan ako, basta alam ko nasa loob kami ng coaster at may tama ako ng bala sa tagiliran ko. Napahawak naman ako sa sugat ko pero wala akong makapa.
Hindi ko alam kung nasaan sila. Pakiramdam ko iniwan nila ako. Kanina pa ako paikot-ikot dito sa loob ng ospital pero miski isang tao wala pa ako nakita.
Napasandal ako sa pader at dahan-dahang umupo sa sahig. Nanakit na ang binti at paa ko kakalakad. Sinubukan ko na rin buksan ang bawat pinto na madadaanan ko, umaasang nandoon lang sila at tinataguan ako.
Napahilamos ako sa mukha gamit ng sariling palad para alisin ang mga luhang bumagsak na parang talon ng hindi namamalayan.
Napatingin ako sa kaliwa ko ng may makita akong isang batang babae at lalake. Tantsa ko na
