Sabina
NOONG UNA ay nawawalan na talaga ako ng pag-asa. Halos makalimutan ko na maraming malulungkot kung mawawala ako.
Ang mayakap nang ganito ni Hades ay nagpagising sa akin na hindi ko dapat tapusin ang lahat dahil hindi ko na makakamit pa ang aking pangarap.
Yes, I was devastated when I heard that I can no longer do ballet. Ilang taon kong inilaan ang buhay ko para lamang kunin sa akin nang ganoong kadali. Ito ang naging takbuhan ko at takas sa mga alaalang hindi ko na gusto pang balikan. Kaya ang marinig na hindi ko na ito magagawa pa at hindi ko na maaabot ang mga pangarap ay sobrang nakakapanghina.
Nakakapanghina iyon to the point na nakalimutan kong maraming nagmamahal sa akin. Kung mawawala ako, may isa pang pangarap ang maaaring hindi ko na matupad at iyon ay ang makasama pa
