“Nena! Nariyan ka ba?” tinig iyon na nagmumula sa labas ng tahanan ni Nanay Nena.
Nagkatinginan sina Shiny Star at ang mga tagapangalaga niya. Hindi nila malaman kung ano ang kanilang gagawin. Hanggang sa mawala na lang ang tinig na iyon. Doon naman sila nagdesisyong bumalik na sa loob ng bahay ni Nanay Nena.
“Sino kaya ang tumatawag na iyon kay Nanay Nena?” tanong ni Shimmer, habang hindi pa rin ito makontento sa pagpapakinang sa bahay ni Nanay Nena.
“Hayaan na natin ang nilalang na iyon. Ang mabuti pa’y magpahinga na tayo’t bukas ay babalik si Nanay Nena, hindi ba?” aniya sa mga tagapangalaga niya.
“Mabuti pa nga!” nakangiting pagsang-ayon naman ni Glitter sa kaniya.
Kinabukasan ay maagang umuwi si Nanay Nena sa kaniyang kaharian. Napangiti pa siya dahil naalala niya ang sinabi ng m
