"Rachelle, 'yan ang usapan namin ni Marcelo at huwag kang magalit kay Marcelo dahil ako ang nagdesisyon ng lahat." saad ni Donya Claudia. Hindi maibuka ni Rachelle ang kaniyang bibig. Nakita ni Mercedes ang galit sa mukha ni Rachelle. Si Marcelo naman ay nagpatuloy lang sa pagkain na parang walang narinig at wala lang sa kaniya kahit wala silang matanggap na mana mula sa kaniyang lola.
"Rachelle kung ipipilit mo ang gusto mo na maikasal kay Marcelo, tanggap mo ba na pakasalan ang apo ko kahit wala siyang matanggap na mana mula sa 'kin?" hindi makasagot si Rachelle at nakatitig lang ito kay Marcelo.
"Pakiusap ko sa ‘yo Rachelle, sana tanggapin mo na lang na hindi na kayo puwede ni Marcelo." dagdag pa ni Donya Claudia.
"Lola tama na po, kami ang nagmamahalan ni Marcelo at alam mo 'yon 'd
