NAPATIGIL sa paggawa ng kape si Liezel sa counter ng coffee shop nila nang makita ang pagbubukas ng pinto ng café at pagpasok ng pinsang si Terrence. Malawak siyang napangiti at iniwanan na ang ginagawang kape para salubungin ang pinsan. Matagal niya rin itong hindi nakita dahil sa pagtungo nito sa ibang lugar.
“Akala ko wala ka ng balak magpakita uli sa akin,” nagtatampong bati ni Liezel kay Terrence. Inaya niya itong maupo.
“I’m so sorry, cousin,” ani Terrence nang makaupo doon. Tinawag nito ang isa sa mga staffs ng café at nag-order ng kape. “Marami lang talaga akong inintindi nitong nakaraang mga buwan.”
Tumango na lang si Liezel. Naiintindihan niya naman ito. Masaya na rin siya na naisipan siyang daanan ng pinsan sa kabila ng pagka-abala nito.
“Kumusta ka na?” narinig niyang tanon
