Helena Michele
Abala si Helena sa pag aayos ng gamit nila ni Mia dahil lilipat na sila ng tirahan. Matapos siyang napapayag ni William na magpakasal dito ay wala na itong sinayang na oras at inasikaso ang civil wedding nila.
Wala din naman mangyayari kung patuloy niya itong tanggihan, mangungulit din lang ito at hindi ito titigil sa pangungumbinsi sa kanya.
Simple lang ang naging kasal nila, isang Judge na ninong raw ni William ang nagkasal sa kanila sa maliit na chapel ng bahay nito. Simple din ang reception na ginanap sa isang Italian restaurant na pagmamay-ari naman ng kaibigan ni William na nakilala niya sa pangalang Albert.
Wala din bisitang marami dahil hindi naman sila nag imbita. Sila lang ng tinuturin niyang pamilya at isang witness lang ni William na si Salvador ang inimbita
