Sebastian
"Ano ba'ng laman nitong bag mo, buko? Daig ko pa ang nagbubuhat ng isang sako ng niyog alam mo ba iyon!"
Umaakyat kami ngayon ng bundok. May target place kasi at kailangang nature friendly ang buong background ng sunod na commercial at magazine ni Joyce at dahil mas gusto ng tao ng makatotohanang anggulo kaysa sa computer graphics lang kaya kinailangan pa talagang gawin namin ito.
Kung tatanungin niyo kung ano nang estado ko ngayon, dalawang buwan na akong alalay ni Joyce!
Sa dalawang buwan na iyon, aba't ramdam na ramdam niya lang naman ang pagiging amo niya kuno.
Wala siyang ginawa kun'di utusan ako ng utusan. Kesyo ibili mo ako nito, ibili mo ako niyan. Ikuha mo ako nito, ikuha mo ako niyan. Dalhin mo ito, dalhin mo iyan. Daig ko pa ang all around maid sa dami ng mga pina
