Denny's POV
Naputol ang pagsigaw ko nang itulak ako sa pader ng kung sino. Ang isang kamay nito ay nakatutop sa bibig ko habang ang kanyang isa naman ay idinikit ang braso sa aking dibdib para lalo akong idikit nang husto sa pader na iyon. Nasa may pinaka sulok kami ng parking lot kung saan may pwede pang pagtaguan.
Nanlaki ang mga mata ko nang makilala kung sino iyon. Akma na akong magsasalita nang bigla niyang ilagay ang kanyang hintuturo malapit sa kanyang labi, senyales na gusto niya akong tumahimik.
Nakasuot si Mhieco ng itim na t-shirt at pants. Nakasuot diin siya ng sumbrero na kulay itim. May kung anong tila pumupukpok sa aking dibdib sa sobrang kaba kanina pero ngayong nakita ko na ang mukha ni Mhieco, gusto ko na lang magbunyi at maiyak sa sobrang kapaguran. It was a relief se
