(Luke's POV)
"Yes, Mang Teban? May kailangan ka ba?"
Kakatapos ko lang kumain ng agahan at hindi na ako nakatiis na lapitan at tanungin si Mang Teban. Kanina ko pa kasi siya napapansin na pabalik-balik malapit sa dining area at may mga nauulinigan din akong mga boses na nag-uusap sa may di kalayuan. Nahuli ko rin siyang sumusulyap sa akin kanina kaya naisip ko na may kailangan siguro siya lalo at tila ba sadyang inaabangan niya ako malapit dito sa labas ng dining area.
Mas lumapit pa siya sa akin at tumayo sa harap ko, pagkatapos ay bahagyang yumuko.
"Eh, Sir... Magpapaalam po sana akong magli-leave sa trabaho. Siguro isang linggo o dalawang linggo po. Malapit na po kasing manganak ang asawa ko. Wala po siya ngayong kasama sa bahay bukod sa mga anak namin dahil namatay na kailan lang i
