Makailang liko pa ay nakarating na sila sa pupuntahan nila. Ilang minuto rin ang itinakbo ng sasakyan ni Ice bago matanaw ang malawak na tubig. Sa pinakamalapit na tabing dagat pala siya dinala ni Jonas. May hatid na lamig dulot ng malawak na dagat.
Hindi naman kakikitaan ng reaksiyon si Ice nang makarating sa tabing dagat. Umikot ang sasakyan sa parking lot at nag-park sila sa pinakamalapit na puwesto tanaw ang maalon na tubig. Pagbaba nila ng sasakyan ay napatulala si Ice. Saglit na may naalala. Habang tulala sa tubig ay napansin niya na tila nag-aanyaya ang tubig na lumusong sila.
"Lamig no?" saad ni Jonas saka ipinatong sa may likuran niya ang sweater na suot nito.
Hindi ito inaasahan ni Ice. Kaya naman nakaramdam siya ng kung anong kiliti at ng kilig. Napaka-sweet naman ni Jonas. N
