Huminga ng malalim si Maki at mariing pumikit. Simula pa kanina, may mga imaheng dumadaan sa isip niya. Walang kinalaman sa kasalukuyan. Just like that time when Joey Angeles slapped him, he saw images of a forgotten past. Tumatakbo rin siya, hinahabol ng mga lalaking hindi niya kilala. Hindi umuulan sa nakaraan na iyon pero may tunog ng humahampas na alon. May dagat.
Mayamaya nakarinig siya ng maraming yabag at bulungan. Na-tense siya kasi alam niyang siya ang pakay ng mga taong iyon. Pinilit niyang tumayo. Ni hindi niya alam kung nasaan siya. Ang alam lang niya nasa loob siya ng isang squater’s area pero wala siyang nakakasalubong na tao. Hindi rin niya alam kung anong oras na kasi kanina pa naman madilim dahil masama ang panahon.
“Nasaan ka na? Hawak mo ang kailangan namin. Sa tingi
