I FEEL like I couldn't feel my body, pero ramdam ko at naririnig ko ang ingay sa paligid ko. Someone's crying beside me.
Dahil sa ingay na naririnig, kahit na parang nahihirapan ay unti-unti kong iminulat ang mga mata ko. Bahagya akong nasilaw nang ang sumalubong sa akin ay ang puting ilaw ng kwartong ito.
"She's awake! Mama, she's awake!"
"Oh my god!"
Nang marinig ko ang dalawang pamilyar na boses ay muli akong nagmulat ng mga mata, at sa pagkakataong ito ay nakapag-adjust na ang paningin ko sa liwanag. Dahan-dahan kong itinagilid ang ulo para balingan ang pinanggalingan ng mga boses. Tumambad sa harapan ko si Tita Fely at Mikael. Bakas ang matinding pag-aalala sa mukha nilang dalawa.
"Hestia, naririnig mo ba ako?" tanong ni Tita Fely. Parang natataranta siya dahil sa paggising ko.
