BAKAS pa rin ang matinding pagkabigla sa aking mukha. Hindi ako makapaniwala sa nakikita!
Parang kanina lang ay pinagmamasdan ko ang larawan niya sa isang magazine, ngayon ay... ngayon ay nandito na siya sa harapan ko. Si Silent Montealegre!
Ramdam ko ang panghihina ko, ang panginginig ng mga tuhod ko, at ang walang humpay na malalakas na kabog sa dibdib ko. Pakiramdam ko ay maluluha ako dahil sa nakikita.
Ilang hakbang ang layo niya mula sa akin, pero malinaw kong nakikita ang pamilyar niyang awra, ang tindig niya, at ang mga mata niyang puno pa rin ng lamig gaya ng dati.
Huminga ako nang malalim habang nakatuon pa rin ang mga mata sa kanya. Halo-halo ang emosyon ko dahil sa nangyayari. Pakiramdam ko ay nasa isang panaginip ako kung saan ay mas pipiliin kong manatili.
Naibalik ako sa
