روايه الصافي الجزء التاني

روايه الصافي 3

ﺍﻟﺼﺎﻓﻲ ﺍﻧﺰﻋﺞ ﺟﺪﺍ ﻣﻦ ﺗﻠﻔﻮﻥ ﺧﺎﻟﺪ .. ﻭﻭﻗﻔﻞ ﺍﻟﺘﻠﻔﻮﻥ ﺳﺮﻳﻊ .. ﻭﻗﺎﻝ ﻻﺑﻮﻫﻮ ﻳﺎ ﺍﺑﻮﻱ ﻧﺤﻦ ﻻﺯﻡ ﻧﺮﺟﻊ ﺑﺤﺮﻱ ﺳﺮﻳﻊ ..

ﻗﺎﻝ ﻟﻴﻬﻮ ﺍﻟﺤﺎﺻﻞ ﺷﻨﻮ ﻳﺎ ﺍﻟﺼﺎﻓﻲ ؟ ﺣﻜﻰ ﻟﻴﻬﻮ ﺍﻟﺤﺼﻞ .. ﺍﻻﻣﻴﻦ ﺩﻩ ﻗﺎﻡ ﺍﺗﻨﻔﺾ ﻛﺪﺍ ﻧﻔﻀﺔ ﻋﺠﻴﺒﺔ .. ﻭﺑﻘﻰ ﻳﺘﻜﻠﻢ ﺯﻱ ﺍﻟﻤﺎ ﻣﺮﻛﺰ .. ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﺑﺎﻟﻠﻪ ﺷﻮﻑ ﺍﻟﻤﺮﺍﺓ ﺩﻱ ﻋﻠﻴﻚ ﺍﻟﻠﻪ .. ﻫﺴﻲ ﻧﺤﻦ ﻓﺎﺿﻴﻦ ﻟﻲ ﺟﺮﺟﺮﺓ ﺯﻱ ﺩﻱ .. ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .. ﻛﻤﺎﻥ ﺷﺮﻭﻉ ﻓﻲ ﺍﻧﺘﺤﺎﺭ ﻳﺎ ﺭﻗﻴﺔ؟

ﺍﻣﺸﻲ ﻧﺎﺩﻱ ﺍﻣﻚ .. ﻭﻛﻠﻤﻬﺎ ﺑﻲ ﻃﺮﻳﻘﺔ ﺫﻛﻴﺔ ﻛﺪﺍ .. ﻣﺎ ﺗﺨﻠﻌﺎ

ﻗﺎﻝ ﻟﻴﻬﻮ ﺣﺎﺿﺮ ﻳﺎ ﺍﺑﻮﻱ ..

ﺑﻜﺮﻱ ﺳﻴﺪ ﺍﻟﺒﻴﺖ ﻗﺎﻝ ﻳﺎﺟﻤﺎﻋﺔ ﺍﻥ ﺷﺎﺀ ﺍﻟﻠﻪ ﺳﻼﻣﺔ .. ﺍﻧﺘﺤﺎﺭ ﺷﻨﻮ؟ ﻛﻤﺎﻥ ﻛﻔﻰ ﺍﻟﻠﻪ ﺍﻟﺸﺮ .. ﺍﻟﺼﺎﻓﻲ ﻣﺸﻰ ﻳﻨﺎﺩﻯ ﺍﻣﻮ .. ﺟﻨﺐ ﺍﻟﺒﺎﺏ ﻭﺍﻻﻣﻴﻦ ﻫﻨﺎ ﺑﺤﻜﻲ ﻟﻲ ﺑﻜﺮﻱ ﺳﻴﺪ ﺍﻟﺒﻴﺖ .. ﻗﺎﻝ ﻟﻴﻬﻮ ﺩﻱ ﻭﺍﺣﺪﺓ ﺑﺖ ﺧﺎﻟﺔ ﺍﻟﻤﺪﺍﻡ .. ﺷﻮﻳﺔ ﻛﺪﺍ ﻋﻨﺪﻫﺎ ﻣﺸﻜﻠﺔ ﻧﻔﺴﻴﺔ ؟

ﺍﻟﺼﺎﻓﻲ ﻛﻮﺭﻙ ﻟﻲ ﺍﻣﻮ ﺟﺎﺗﻮ ﺟﻨﺐ ﺍﻟﺒﺎﺏ .. ﻗﺎﻝ ﻟﻴﻬﺎ ﺍﺳﻤﻌﻲ ﺭﻗﻴﺔ ﺩﻱ ﻗﺎﻟﻮ ﺗﻌﺒﺎﻧﺔ ﻣﻦ ﺣﻜﺎﻳﺔ ﻧﺤﻦ ﻣﺸﻴﻨﺎ ﺯﻋﻼﻧﻴﻦ ﺩﻱ .. ﻭﺍﺣﺘﻤﺎﻝ ﺍﺧﻮﺍﻧﻬﺎ ﺷﺎﻛﻠﻮﻫﺎ ﻗﺎﻟﻮ ﺩﺧﻠﺖ ﻓﻲ ﺣﺎﻟﺔ .. ﻻﺯﻡ ﻧﻤﺸﻲ ﻧﺤﻞ ﺍﻟﻤﺸﻜﻠﺔ ﺩﻱ ﻭﻧﺠﻲ .. ﻗﺎﻟﺖ ﻟﻴﻬﻮ ﻳﺎﺟﻤﺎﻋﺔ ﻭﺍﻟﻠﻪ ﺍﻧﺎ ﺗﻌﺒﺎﻧﺔ ﻣﺎﻗﺎﺩﺭﺓ ﺍﺗﺤﺮﻙ .. ﻟﻮ ﺍﻟﻤﺸﻜﻠﺔ ﺑﺘﺘﺤﻼ ﻟﻴﻜﻢ ﺍﻧﺖ ﻭﺍﺑﻮﻙ ﺍﻣﺸﻮ ﺳﻴﺒﻮﻧﻲ ..

ﻗﺎﻝ ﻟﻴﻬﺎ ﻻﻻ ﻳﺎ ﺍﻣﻲ ﻋﻴﺐ ﻋﻠﻴﻨﺎ .. ﺍﻧﺘﻲ ﺑﺖ ﺧﺎﻟﺘﻬﺎ ﻭﺯﻱ ﺍﺧﺘﻬﺎ ﺍﻟﻜﺒﻴﺮﺓ .. ﺷﺪﻱ ﺣﻴﻠﻚ ﻛﻠﻮ ﺑﻲ ﺍﺟﺮﻭ .. ﺍﻧﺎ ﻃﻮﻝ ﻋﻤﺮﻱ ﻗﺎﻋﺪ ﺍﻗﻮﻝ ﺍﻳﻤﺎﻥ ﺑﺖ ﺍﻟﺤﺎﺝ .. ﻋﺰﻳﻤﺘﻬﺎ ﺍﻗﻮﻯ ﻣﻦ ﺍﻟﺮﺟﺎﻝ .. ﺍﺭﺡ ﻭﺭﻳﻨﺎ ﺍﺑﺪﺍﻋﺎﺗﻚ

.. ﺑﻌﺪﻳﻦ ﺍﻟﺰﻭﻟﺔ ﺗﻌﺒﺎﻧﺔ ﻳﻌﻨﻲ ﺗﻌﺒﺎﻧﺔ .. ﺍﺣﺘﻤﺎﻝ ﻫﺴﻲ ﻧﻠﻘﺎﻫﺎ ﻓﻲ ﺍﻟﻤﺴﺘﺸﻔﻰ .. ﻗﺎﻟﺖ ﻟﻴﻬﻮ ﻣﺴﺘﺸﻔﻰ ﺷﻨﻮ ﻳﺎ ﺍﻟﺼﺎﻓﻲ ﺩﻱ ﺩﻟﻌﺎﻧﺔ ﺳﺎﻱ .. ﻭﺑﺘﺤﺐ ﺗﻠﻌﺐ ﺑﻲ ﺍﻋﺼﺎﺏ ﺍﻟﻨﺎﺱ ..

ﺑﺲ ﺍﻟﻠﻪ ﻳﺴﺘﺮ ﻣﺎﻳﻜﻮﻥ ﺍﺣﻤﺪ ﺿﺮﺑﻬﺎ .. ﻭﺍ ﺣﺎﺟﺔ .. ﻃﻴﺐ ﻛﻮﻳﺲ ﺍﻏﻴﺮ ﺗﻮﺑﻲ ﻭﺍﺟﻲ ..

ﺑﺎﺧﺘﺼﺎﺍﺍﺭ ﺧﻠﻮ ﺍﻻﻃﻔﺎﻝ ﻣﻊ ﻧﺎﺱ ﺑﻜﺮﻱ ﻓﻲ ﺑﺎﻧﺖ .. ﻭﻣﺸﻮ ﺍﺗﺼﻠﻮ ﻓﻲ ﺍﻟﺸﺎﺭﻉ ﻗﺎﻟﻮ ﻟﻴﻬﻢ ﻧﺤﻦ ﻓﻲ ﻣﺴﺘﺸﻔﻰ ﺍﻝ ..... ﻭﻓﻲ ﺍﻟﻌﻨﺎﻳﺔ

ﻭﺻﻠﻮ ﻟﻴﻬﻢ ﻫﻨﺎﻙ .. ﻭﻟﻐﺎﻳﺔ ﺍﻻﻥ ﺍﻳﻤﺎﻥ ﻣﺎﻋﻨﺪﻫﺎ ﺧﺒﺮ ﺑﺎﻟﺤﺒﻮﺏ ﻭﺑﻲ ﺍﻟﺸﺮﻭﻉ ﻓﻲ ﺍﻻﻧﺘﺤﺎﺭ ..

ﻗﺎﺑﻠﻬﻢ ﺧﺎﻟﺪ ﺑﺮﺓ .. ﻭﻗﺎﻝ ﻟﻴﻬﻢ ﻋﻤﻠﻮ ﻟﻴﻬﺎ ﻏﺴﻴﻞ ﻟﻠﻤﻌﺪﺓ .. ﻟﻜﻦ ﻟﺴﻪ ﻓﻲ ﻏﻴﺒﻮﺑﺔ ﻭﻋﻨﺪﻫﺎ ﻫﺒﻮﻁ ﺣﺎﺩ ..

ﺍﻳﻤﺎﻥ ﻗﺎﻟﺖ ﻟﻴﻬﻮ ﻳﻐﺴﻠﻮ ﻟﻴﻬﺎ ﺍﻟﻤﻌﺪﺓ ﻟﻴﻪ؟ ﻫﻲ ﺍﺻﻼ ﻣﺎﻛﻠﺔ ﺷﻨﻮ؟

ﻗﺎﻝ ﻟﻴﻬﺎ ﺍﻟﺼﺎﻓﻲ ﻣﺎﻛﻠﻤﻚ؟ ﺭﻗﻴﺔ ﺑﻠﻌﺖ ﺣﺒﻮﺏ ﻋﺸﺎﻥ ﺗﻨﺘﺤﺮ .. ﺍﻳﻤﺎﻥ ﺍﺗﺨﻠﻌﺖ ﻟﻤﻦ ﺍﻟﻤﻄﺒﻘﺔ ﻭﺍﻟﻤﻮﺑﺎﻳﻞ ﻭﻗﻌﻦ ﻣﻦ ﻳﺪﻫﺎ ..

ﻗﺎﻟﺖ ﻟﻴﻬﻮ ﻟﻴﻪ ﻳﺎ ﺍﻟﺼﺎﻓﻲ ﻣﺎﻛﻠﻤﺘﻨﻲ .. ؟ ﻗﺎﻝ ﻟﻴﻬﺎ ﻗﻠﺖ ﻟﻤﻦ ﺗﺼﻠﻲ .. ﺍﺣﺘﻤﺎﻝ ﻣﺎﻳﻜﻮﻥ ﺑﻠﻌﺖ .. ﺍﻟﻤﻬﻢ ﺍﻳﻤﺎﻥ ﺟﺮﺕ ﻻﺟﻮﻩ ﻗﺎﻟﺖ ﻟﻴﻬﻮ ﺩﺧﻠﻨﻲ ﻋﻠﻴﻬﺎ ﻳﺎﺧﺎﻟﺪ .. ﻗﺎﻝ ﻟﻴﻬﺎ ﻣﻌﺎﻫﻢ ﺍﺣﻤﺪ ﺟﻮﺓ ﺍﺑﻮ ﻳﺪﺧﻠﻮﻧﺎ .. ﺍﺻﺒﺮﻭ ﻧﻨﺘﻈﺮ ﺍﺣﻤﺪ ﻳﺠﻲ ﻧﺸﻮﻓﻮ ﺑﻘﻮﻝ ﺷﻨﻮ .

ﺑﻌﺪ ﺷﻮﻳﺔ ﺍﺣﻤﺪ ﺟﺎ ﻣﻦ ﺟﻮﺓ ﻗﺎﻝ ﺍﻻﻭﺿﺎﻉ ﻫﺎﺩﻳﺔ ﻭﺍﻻﻣﻦ ﻣﺴﺘﺘﺐ .. ﺳﻠﻢ ﻋﻠﻰ ﺍﻟﺠﻤﺎﻋﺔ ﻭﺍﺗﺄﺳﻒ ﻋﻠﻰ ﺍﻻﺯﻋﺎﺝ ..

ﻭﻗﺎﻝ ﻟﻴﻬﻢ ﺍﻧﺎ ﻏﻠﻄﺖ ﺧﺎﻟﺪ .. ﻣﺎﻛﺎﻥ ﻳﻀﺮﺏ ﻟﻴﻜﻢ .. ﻟﻜﻦ ﺧﻔﻨﺎ ﻣﻦ ﺍﻟﻠﻮﻡ ..ﺗﻢ ﻏﺴﻴﻞ ﺍﻟﻤﻌﺪﺓ ﻣﻦ ﺍﺛﺎﺭ ﺍﻟﻌﻘﺎﻗﻴﺮ .. ﻟﻜﻦ ﺑﺲ ﻓﻲ ﻣﺸﻜﻠﺔ ﻓﻲ ﺍﻟﺪﻡ ﻋﺎﻣﻠﺔ ﻫﺒﻮﻁ ﻓﻲ ﺍﻟﻀﻐﻂ ﺷﺪﻳﺪ .. ﻭﻣﺸﻐﻠﻴﻦ ﻟﻴﻬﺎ ﺍﺟﻬﺰﺓ ﺍﻻﻧﻌﺎﺵ ﻭﺍﻟﺤﻴﻮﻳﻪ ..

ﺍﻟﻤﻬﻢ ﺍﻧﺘﻮ ﺍﺩﻋﻮ ﺭﺑﻨﺎ ﻳﺴﺘﺮ ..

ﺍﻫﺎ ﻫﺴﻲ ﺍﻟﻤﻬﻢ ﺍﻟﻨﺎﺱ ﺩﻳﻞ ﺣﺎﺭﺳﻴﻦ ﺑﺎﺏ ﺍﻟﻤﺴﺘﺸﻔﻰ .. ﻣﻦ ﺍﻟﺴﺎﻋﺔ 9 ﻣﺴﺎﺀ ﻟﻐﺎﻳﺔ ﺍﻟﺴﺎﻋﺔ 2 ﺻﺒﺎﺡ .

ﻗﺪﺭ ﻣﺎ ﺍﺣﻤﺪ ﺣﻨﺴﻬﻢ ﻳﺮﺟﻌﻮ ﻳﻤﺸﻮ .. ﻗﺎﻟﻮ ﻣﺎﻣﻜﻦ ﻧﻤﺸﻲ ﻭﻧﺨﻠﻲ ﺭﻗﻴﺔ ﻓﻲ ﺍﻟﻌﻨﺎﻳﺔ ..

ﻭﺍﻳﻤﺎﻥ ﺩﻱ ﺗﺪﻗﺲ ﻻﻣﻦ ﺗﻘﺮﺏ ﺗﻘﻊ ﻣﻦ ﺍﻟﺘﻌﺐ ﻭﺍﻻﺭﻫﺎﻕ .. ﺍﻟﻤﻬﻢ ﻏﺎﻳﺘﻮ ﺯﻱ ﺍﻟﺴﺎﻋﺔ 2 ﺻﺒﺎﺡ ﻛﺪﺍ ﻗﺎﻟﻮ ﺍﻟﺰﻭﻟﺔ ﺩﻱ ﺍﺳﺘﻌﺎﺩﺕ ﻭﻋﻴﻬﺎ

ﻭﺍﻟﺼﺒﺎﺡ ﺡ ﻳﺤﻮﻟﻮﻫﺎ ﺍﻟﻐﺮﻓﺔ .. ﻋﺎﺩﻱ ﻭﻳﻜﻤﻠﻮ ﻟﻴﻬﺎ ﺍﻟﻌﻼﺟﺎﺕ ..

ﻭﺍﺣﻤﺪ ﺍﺻﺮ ﺍﻧﻮ ﺍﻻﻣﻴﻦ ﻳﺴﻮﻕ ﺍﻳﻤﺎﻥ ﻭﺑﻬﻴﺔ ﻭﺍﻟﺼﺎﻓﻲ ﻭﻳﻤﺸﻮ ﺍﻟﺒﻴﺖ ﻓﻲ ﺷﻤﺒﺎﺕ .. ﻭﻳﺨﻠﻲ ﺧﺎﻟﺪ ﻣﻌﺎﻫﻮ .. ﺍﻟﺼﺎﻓﻲ ﻗﺎﻝ ﻻﻻ ﻳﻤﺸﻲ ﺧﺎﻟﺪ ﻋﺸﺎﻥ ﺑﺤﺘﺎﺟﻮ ﻟﻴﻬﻮ ﻓﻲ ﺍﻟﺒﻴﺖ ﺍﻧﺎ ﺑﻜﻮﻥ ﻣﻌﺎﻙ ﻳﺎﻋﻢ ﺍﺣﻤﺪ ..

ﺍﻟﻤﻬﻢ ﻓﻲ ﺍﻟﻨﻬﺎﻳﺔ ﺍﺗﻐﻠﺐ ﻋﻠﻴﻬﻢ ﺍﻟﺼﺎﻓﻲ .. ﻭﻗﻌﺪ ﻣﻊ ﺍﺣﻤﺪ .. ﻭﺩﻳﻞ ﻣﺸﻮ ﺍﻟﺒﻴﺖ .. ﻭﺍﺣﻤﺪ ﻭﺍﻟﺼﺎﻓﻲ ﺭﻗﺪﻭ ﻟﻴﻬﻢ ﻓﻲ ﻣﻔﺮﺷﺔ ﻗﺪﺍﻡ ﺍﻟﻤﺴﺘﺸﻔﻰ ..

ﺍﻟﺼﺒﺎﺡ ﺑﺪﺭﻱ ﺍﻟﺼﺎﻓﻲ ﻗﺎﻡ ﺻﻠﻰ .. ﻭﻗﻌﺪ ﻣﻬﻤﻮﻡ .. ﺍﻟﻠﻴﻠﺔ ﺍﻻﺣﺪ ﺍﻟﻤﻔﺮﻭﺽ ﻳﻤﺸﻲ ﺍﻟﺠﺎﻣﻌﺔ .. ﻋﻨﺪﻭ ﻣﺤﺎﺿﺮﺍﺕ ﻣﻬﻤﺔ ﻭﺿﺮﻭﺭﻳﺔ ﻭﻣﺎﻋﺎﻳﺰ ﻳﻔﻮﺕ ﺧﺎﻟﺘﻮ ﻳﺨﻠﻴﻬﺎ ﻓﻲ ﺍﻟﺤﺎﻟﺔ ﺩﻱ ..

ﺍﻟﻤﻬﻢ ﺯﻱ ﺍﻟﺴﺎﻋﺔ 8 ﺩﺧﻞ ﺍﺣﻤﺪ .. ﻗﺎﻟﻮ ﻟﻴﻬﻮ ﺣﻮﻟﻨﺎﻫﺎ ﺍﻟﻐﺮﻓﺔ ﺍﻟﻔﻼﻧﻴﺔ .. ﻭﺍﻟﺰﻭﻟﺔ ﻛﻮﻳﺴﺔ .. ﻣﻤﻜﻦ ﺗﻤﺸﻮ ﻟﻴﻬﺎ ﻫﻨﺎﻙ ..

ﺿﺮﺏ ﻟﻠﺼﺎﻓﻲ .. ﻗﺎﻝ ﻟﻴﻬﻮ ﺗﻌﺎﻝ ﻓﻲ ﺍﻟﻐﺮﻓﺔ ﺍﻟﻔﻼﻧﻴﺔ .. ﺍﺣﻤﺪ ﺩﺧﻞ ﻋﻠﻴﻬﺎ ..

ﻭﻟﻘﺎﻫﺎ ﻣﻔﺘﺤﺔ ﻭﺗﻌﺎﻳﻦ ﺑﻌﻴﻮﻧﻬﺎ ..

ﻗﺎﻝ ﻛﻴﻒ ﻳﺎ ﺭﻗﻴﺔ ؟ ﺍﻧﺘﻲ ﻫﺴﻲ ﺣﺎﺳﺔ ﺑﺸﻨﻮ؟

ﻗﺎﻟﺖ ﻟﻴﻬﻮ ﻛﻮﻳﺴﺔ ﻣﺎﺣﺎﺳﺔ ﺑﺤﺎﺟﺔ .. ﺍﻧﺘﻮ ﻭﻛﺖ ﻣﺎﻋﺎﻳﺰﻧﻲ ﺍﺧﺘﻜﻢ .. ﻭﺧﻼﺹ ﺍﺳﺘﻐﻨﻴﺘﻮ ﻣﻨﻲ .. ﺟﺎﻳﺒﻨﻲ ﺍﻟﻤﺴﺸﺘﻔﻰ ﻟﻴﻪ؟

ﺳﻤﻌﻮ ﺩﻗﺔ ﻓﻲ ﺑﺎﺏ ﺍﻟﻐﺮﻓﺔ .. ﺩﻕ ﺣﻔﻴﻒ ﻛﺪﺍ .. ﺍﺣﻤﺪ ﻗﺎﻝ ﻟﻴﻬﻮ ﺍﺗﻔﻀﻞ ﻳﺎ ﺍﻟﺼﺎﻓﻲ .. ﻫﻲ ﻃﻮﺍﻟﻲ ﻗﺒﻠﺖ ﻋﻠﻰ ﺍﻟﺤﻴﻄﺔ ..

ﺍﺣﻤﺪ ﻗﺎﻝ ﻟﻴﻬﺎ ﻣﺎﺗﺒﻘﻰ ﻭﺍﺣﺪﺓ ﻣﺘﺨﻠﻔﺔ .. ﺍﻟﻮﺩ ﺟﺎﻳﻴﻚ ﺑﻲ ﻛﻞ ﺷﻔﻘﺔ ﻭﺻﻔﺎﺀ ﻧﻴﺔ .. ﻋﺸﺎﻥ ﻳﺸﻮﻓﻚ ﺗﻘﺒﻠﻮ ﻣﻨﻮ ﻋﻠﻰ ﺍﻟﺤﻴﻄﺔ ؟

ﻫﺴﻲ ﺍﻟﻤﻔﺮﻭ ﺍﻟﺒﻴﻘﺒﻞ ﻣﻦ ﺍﻟﺘﺎﻧﻲ ﻣﻨﻮ؟

ﺍﻟﺼﺎﻓﻲ ﻗﺎﻝ ﻟﻴﻬﺎ ﺧﺎﻟﺘﻲ ﺭﻗﻴﺔ ﺍﻟﻒ ﺳﻼﻣﺔ ﻋﻠﻴﻚ ..

ﺑﺮﺍﺣﺔ ﻛﺪﺍ .. ﻗﺎﻟﺖ ﻟﻴﻬﻮ ﺍﻟﻠﻪ ﻳﺴﻠﻤﻚ ..

ﻗﺎﻝ ﻟﻴﻬﺎ ﻣﺎﻣﺸﻜﻠﺔ ﻳﺎﺭﻗﻴﺔ ﺩﻩ ﺷﻲ ﺑﺤﺼﻞ ﻋﺎﺩﻱ ﻓﻲ ﺍﻟﺒﻴﻮﺕ .. ﻓﻲ ﺑﻴﺖ ﻓﻲ ﺍﻟﺪﻧﻴﺎ ﺩﻱ ﻣﺎﻓﻴﻬﻮ ﻣﺸﻜﻠﺔ ؟ .. ﻟﻮ ﺍﻟﻤﺸﺎﻛﻞ ﺑﺤﻠﻮﻫﺎ ﻛﺪﺍ .. ﻛﺎﻧﺖ ﺍﻟﺪﻧﻴﺎ ﺍﻧﺘﻬﺖ .. ﺩﻱ ﺳﻨﺔ ﺍﻟﻠﻪ ﻓﻲ ﺍﻟﺤﻴﺎﺓ .. ﺳﻮﺀ ﺍﻟﺘﻔﺎﻫﻢ ﺑﻴﻦ ﺍﻻﺣﺒﺔ ﺣﺼﻞ ﺑﻴﻦ ﺍﻟﺮﺳﻮﻝ ﺻﻠﻲ ﺍﻟﻠﻪ ﻋﻠﻴﻪ ﻭﺳﻠﻢ ﻭﺑﻴﻦ ﻋﺎﺋﺸﺔ ﺍﻟﺼﺪﻳﻘﺔ ..

ﻧﺤﻦ ﻣﻊ ﺷﻨﻮ ﻛﻤﺎﻥ .. ﺍﻧﺴﻲ ﺍﻟﻤﻮﺿﻮﻉ ﻳﺎﺭﻗﻴﺔ ﺩﻱ ﻣﺤﻨﺔ ﻭﻋﺪﺕ ..ﻭﺍﺗﺎﻛﺪﻱ ﻧﺤﻦ ﻣﺎﺯﻋﻼﻧﻴﻦ ﻣﻨﻚ .. ﻭﻟﻮ ﺯﻋﻼﻧﻴﻦ ﻣﺎﻛﻨﺎ ﺟﻴﻨﺎ ﺟﺎﺭﻳﻦ ﻭﺧﺎﻳﻔﻴﻦ ﻋﻠﻴﻚ .. ﻣﺎﺗﺒﻘﻰ ﺯﻭﻟﺔ ﻣﺘﻌﻘﺪﺓ ﻭﺣﺴﺎﺳﺔ ﺧﻼﺹ .. ﺍﻟﻤﻬﻢ ﺍﻧﺘﻲ ﻫﺴﻲ ﻛﻮﻳﺴﺔ .. ..

ﺑﻬﻴﺔ ﺿﺮﺑﺖ ﻣﻦ ﺍﻟﺒﻴﺖ ﻓﻲ ﺗﻠﻔﻮﻥ ﺍﻟﺼﺎﻓﻲ .. ﻗﺎﻟﺖ ﻟﻴﻬﻮ ﺭﻗﻴﺔ ﺑﻘﺖ ﻛﻴﻒ ؟ ﻗﺎﻝ ﻟﻴﻬﺎ ﻛﻮﻳﺴﺔ .. ﻭﺍﻟﻠﻪ ﻳﺎﺧﺎﻟﺘﻲ ﺑﻬﻴﺔ ﻫﺪﻱ ﻫﺎﻙ ﺍﺗﻜﻠﻤﻲ ﻣﻌﺎﻫﺎ ..

ﺑﻌﺪ ﺍﺗﻜﻠﻤﺖ ﻣﻊ ﺍﺧﺘﻬﺎ .. ﺍﻟﺼﺎﻓﻲ ﻗﺎﻝ ﻟﻴﻬﺎ ﺍﺩﻳﻨﻲ ﻟﻴﻬﺎ ﻓﻲ ﺍﻟﺘﻠﻔﻮﻥ ..

ﻗﺎﻝ ﻟﻴﻬﺎ ﻳﺎﺑﻬﻴﺔ .. ﺍﻣﻲ ﻧﺎﻣﺖ ﻛﻮﻳﺲ؟ .. ﻻﻧﻬﺎ ﻣﺸﺖ ﻣﻦ ﻫﻨﺎ ﺗﻌﺒﺎﻧﺔ ﺷﺪﻳﺪ ..

ﻗﺎﻟﺖ ﻟﻴﻬﻮ ﻧﻤﻨﺎ ﻭﺍﻟﻠﻪ ﺍﻟﺤﻤﺪ ﻟﻠﻪ .. ﻳﺎﺩﻭﺏ ﺻﺤﻴﻨﺎ ﺯﻱ ﺍﻟﻜﻨﺎ ﻭﺍﻗﻌﻴﻦ ﻓﻲ ﺑﻴﺮ ..

ﻗﺎﻝ ﻟﻴﻬﺎ ﺍﻟﺤﻤﺪ ﻟﻠﻪ ﻣﺤﻨﺔ ﻭﻋﺪﺕ ..

ﺧﻠﻲ ﻧﺎﺱ ﺍﺑﻮﻱ ﻳﺠﻮ ﻳﺸﻮﻓﻮﻫﺎ .. ﻋﺸﺎﻥ ﺍﻧﺎ ﻣﺎﺷﻲ ﺍﻟﺠﺎﻣﻌﺔ ﺿﺮﻭﺭﻱ ..

ﺍﻫﺎ ﻧﺎﺱ ﺍﻳﻤﺎﻥ ﺟﻮ ﺭﺍﺟﻌﻴﻦ ﺍﻟﻤﺴﺘﺸﻔﻰ ﻭ .. ﺣﻤﺪﻭ ﺍﻟﺴﻼﻣﺔ .. ﻭﻣﻦ ﻫﻨﺎﻙ ﻣﺸﻮ ﺍﻟﺸﻘﺔ .. ﻭﺍﻟﺼﺎﻓﻲ ﻟﺒﺲ ﻭﺷﺎﻝ ﺣﺎﺟﺎﺗﻮ ﻭﻣﺸﻰ ﺍﻟﺠﺎﻣﻌﺔ .. ﻭﻧﺎﺱ ﺍﻻﻣﻴﻦ ﻣﺸﻮ ﺑﺎﻧﺖ .. ﻭﺍﻟﻌﺼﺮ ﺍﺗﻼﻗﻮ ﺍﻻﻣﻴﻦ ﻭﺍﻟﺼﺎﻓﻲ ﻭﻣﺸﻮ ﺍﺷﺘﺮﻭ ﻣﺴﻠﺰﻣﺎﺕ ﺍﻟﺴﻜﻦ ..

ﻭﺟﻮﻫﻮ ﺍﻣﻮ ﻭﺍﺑﻮﻫﻮ ﻭﺍﺧﻮﺍﻧﻮ ﺍﻻﺗﻨﻴﻦ ﻛﻠﻬﻢ ﻭﺍﺧﺪﻭ .. ﻣﻌﺎﻫﻮ ﻳﻮﻡ ﻓﻲ ﺍﻟﺸﻘﺔ ﻭﺳﺎﻓﺮﻭ .. ﻛﻮﻳﺲ ..

ﻭﻣﺮﺕ ﺍﻻﻳﺎﻡ ..

ﺭﻗﻴﺔ ﺍﻟﺤﻤﺪ ﻟﻠﻪ ﻣﻠﻜﺖ ﺍﻟﺼﺤﺔ ﻭﺭﺟﻌﺖ ﻻﻭﻻﺩﻫﺎ .. ﺑﺲ ﺟﻮﺍﻫﺎ ﺣﺴﺮﺓ ﻭﻧﺪﺍﻣﺔ ﻭﻣﺤﺘﻘﺮﺓ ﻧﻔﺴﻬﺎ ﺍﺣﺘﻘﺎﺭ ﻏﺮﻳﺐ .. ﻭﻛﻞ ﻣﺮﺓ ﺗﻘﻮﻝ ﺍﻧﺎ ﺍﺳﻮﺀ ﺍﻧﺴﺎﻧﺔ ﻋﻠﻰ ﻭﺟﻪ ﺍﻻﺭﺽ ..

ﺑﻬﻴﻪ ﻳﻮﻡ ﻗﺎﻟﺖ ﻟﻴﻬﺎ .. ﺍﻧﺘﻲ ﺯﻣﺎﻥ ﺑﺘﻘﻮﻟﻲ ﻣﻌﺘﺼﻢ ﺍﺳﻮﺀ ﺍﻧﺴﺎﻥ ﻋﻠﻰ ﻭﺟﻪ ﺍﻻﺭﺽ .. ﻫﺴﻲ ﺧﻼﺹ ﺣﻮﻟﺘﻲ ﺍﻟﺼﻔﺔ ﻟﺮﻭﺣﻚ؟ .. ﻗﺎﻟﺖ ﻟﻴﻬﺎ ﻣﻌﺘﺼﻢ ﻭﺍﻟﻠﻪ ﺍﺣﺴﻦ ﻣﻨﻲ ﺑﻤﺮﺍﺣﻞ .. ﺍﻧﺎ ﺑﻌﺪ ﻣﺸﻜﻠﺘﻲ ﻣﻊ ﺍﻟﺼﺎﻓﻲ ﺭﺍﺟﻌﺖ ﻧﻔﺴﻲ .. ﻭﻟﻘﻴﺖ ﻧﻔﺴﻲ ﻛﻠﻲ ﻏﻠﻂ ﻓﻲ ﻏﻠﻂ .. ﻭﻋﺮﻓﺖ ﺍﻧﻮ ﺍﻟﺰﻭﻝ ﺑﺎﻟﻄﻴﺒﺔ ﻭﺍﻻﺧﻼﻕ .. ﻣﻤﻜﻦ ﻳﺘﻐﻠﺐ ﻋﻠﻰ ﻛﻞ ﻣﺼﻴﺒﺔ .. ﻭﻳﻬﺰﻡ ﺍﻱ ﺷﺮﻳﺮ ..

ﻭﺩﻱ ﺣﺎﺟﺔ ﺟﺮﺑﺘﻬﺎ ﻓﻲ ﺭﻭﺣﻲ .. ﺍﻟﻨﺎﺱ ﺩﻳﻞ ﺍﻧﺎ ﻛﻨﺖ ﻣﺘﻤﻨﻴﺔ ﻳﺸﺎﻛﻠﻮﻧﻲ .. ﻛﺎﻥ ﺍﻟﺼﺎﻓﻲ ﻛﺎﻥ ﺍﻣﻮ .. ﻭﻳﺸﺘﻤﻮﻧﻲ ﻭﻳﻬﻴﻨﻮﻧﻲ .. ﺑﺲ ﺩﻩ ﻛﻠﻮ ﻣﺎﺣﺼﻞ ﻋﺎﻣﻠﻮﻧﻲ ﺍﺣﺴﻦ ﻣﻌﺎﻣﻠﺔ ﺭﺍﻗﻴﺔ ﺍﺫﺗﻨﻲ .. ﻭﺍﻟﺼﺎﻓﻲ ﺍﻻﺗﻬﻤﺘﻮ ﺑﺘﺼﻞ ﻋﻠﻲ ﺍﻟﺼﺒﺎﺡ ﻭﺍﻟﻤﺴﺎﺀ .. ﻋﺸﺎﻥ ﻳﻄﻤﺌﻦ ﻋﻠﻰ ﺻﺤﺘﻲ .. ﻳﺘﺼﻞ ﻋﻠﻲ ﺍﻛﺘﺮ ﻣﻦ ﺍﺣﻤﺪ ﺍﺧﻮﻱ ﻭﺩ ﺍﻣﻲ ﻭﺍﺑﻮﻱ ..

ﺣﻘﻴﻘﺔ ﻳﺎﺑﻬﻴﺔ ﺍﻟﺼﺎﻓﻲ ﻫﺰﻣﻨﻲ ﻭﻛﺴﺮ ﻧﻔﺴﻲ ﻣﻦ ﺟﻮﺓ .. ﻭﺧﻼﻧﻲ ﻋﻨﺪﻱ ﻋﻘﺪﺓ ﻣﻦ ﻧﻔﺴﻲ ﻟﻴﻮﻡ ﺍﻟﺪﻳﻦ .. ﺗﺎﻧﻲ ﺑﺸﻮﻑ ﻧﻔﺴﻲ ﺍﻧﺎ ﺍﻟﻐﻠﻂ ﺍﻟﻮﺣﻴﺪ ﻓﻲ ﺍﻟﺪﻧﻴﺎ ..

ﺍﻫﺎ ﺑﻲ ﻣﻨﺎﺳﺒﺔ ﻣﻌﺘﺼﻢ .. ﻳﻮﻡ ﺍﻟﺼﺎﻓﻲ ﻛﺎﻥ ﻣﺎﺷﻲ ﻟﻲ ﻣﻮﺿﻮﻉ ﻋﻠﻰ ﺑﻲ ﻛﺮﻋﻴﻮﻫﻮ ﺳﺎﻱ .. ﻓﺠﺄﺓ ﻛﺪﺍ ﻻﻗﻰ ﻣﻌﺘﺼﻢ ﺍﻟﻨﻮﺭ ﻗﺎﺑﻠﻮ ﻗﺮﻳﺐ ﻟﻲ ﻃﻠﻤﺒﺔ ﺍﻟﻐﺎﻟﻲ ..

ﺳﻠﻢ ﻋﻠﻴﻬﻮ ﻭﻗﺎﻝ ﻟﻴﻬﻮ ﻛﻴﻒ ﺍﻻﻭﻻﺩ ﻳﺎ ﺍﻟﺼﺎﻓﻲ؟ .. ﻗﺎﻝ ﻟﻴﻬﻮ ﻭﺍﻟﻠﻪ ﻃﻮﻟﺖ ﻣﻨﻬﻢ .. ﺍﻧﺎ ﺳﻜﻨﺖ ﻫﻨﺎ ﻗﺮﻳﺐ ..

ﻗﺎﻝ ﻟﻴﻬﻮ ﻟﻴﻪ؟ .. ﺗﻜﻮﻥ ﺭﻗﻴﺔ ﻛﺮﻫﺘﻚ ﺷﻤﺒﺎﺕ ﻭﺍﻟﻘﺮﻯ ﺍﻟﻤﺠﺎﻭﺭﺓ ﻟﻬﺎ ﺻﺢ؟ .. ﻗﺎﻝ ﻟﻴﻬﺎ ﻻﻻ ﺍﻧﺎ ﺍﺟﺮﺕ ﻫﻨﺎ ﻋﺸﺎﻥ ﺍﻛﻮﻥ ﻗﺮﻳﺐ ﻟﻠﺠﺎﻣﻌﺔ .. ﻻﻧﻮ ﺍﻟﻤﺸﻮﺍﺭ ﻟﻲ ﺑﺤﺮﻱ ﺑﻌﻴﺪ .. ﻟﻜﻦ ﺑﺎﻟﺠﺪ ﺍﻧﺖ ﺭﻗﻴﺔ ﺩﻱ ﻇﺎﻟﻤﻬﺎ ﺗﺼﺪﻕ ..

ﻳﺎﺧﻲ ﺩﻱ ﺧﺎﻟﺘﻲ ﻭﺍﻧﺎ ﺑﻌﺮﻓﻬﺎ .. ﺑﺲ ﻣﺤﺘﺎﺟﺔ ﻣﻨﻚ ﻟﻲ ﺣﻨﺎﻥ ﻭﻣﻌﺎﻣﻠﺔ ﻃﻴﺒﺔ . ﻭﺍﻟﻠﻪ ﺗﻜﻮﻥ ﻓﻲ ﺍﻣﻦ ﻭﺍﻣﺎﻥ .. ﻟﻜﻦ ﺭﻗﻴﺔ ﻃﺒﻌﺎ ﺯﻳﻬﺎ ﻭﺯﻱ ﺑﺎﻗﻲ ﺍﻟﺤﺮﻳﻢ .. ﻣﺎﺑﺘﺠﻲ ﺑﺎﻟﻘﻮﺓ ﻭﺍﻟﻘﻬﺮ .. ﻳﺎﺧﻲ ﺍﻧﺎ ﺍﺑﺎﻟﻎ ﻟﻴﻚ .. ﺍﻧﺎ ﺍﻛﺘﺮ ﺯﻭﻝ ﻣﺸﺘﺎﻕ ﻟﻴﻬﻮ ﻓﻲ ﺑﻴﺘﻨﺎ ﻭﻟﺪﻙ ﺣﻤﻮﺩﻱ ﺍﻟﺒﻄﻞ ﻭﺭﻗﻴﺔ ﺍﻣﻮ .. ﻭﺍﺧﺪﺕ ﻟﻴﻬﻮ ﺑﺴﻤﺔ ﻭﻋﺎﻳﻦ ﻫﻨﺎﻙ ﻭﻗﺎﻝ ﻳﺎﺳﻼﺍﺍﻡ ﻳﺎﺧﻲ ..

ﻋﻠﻴﻚ ﻃﺒﻌﺎ ﻫﻨﺎﻙ ﺍﻟﺼﺎﻓﻲ ﻣﻄﻤﺌﻦ .. ﺍﻧﻮ ﺑﻬﻴﺔ ﺡ ﺗﻈﺒﻂ ﺍﻟﻤﻮﺍﺿﻴﻊ .. ﻭﺗﻘﻨﻊ ﺭﻗﻴﺔ ﺑﺮﺍﺣﺔ .. ﻭﺗﺮﺟﻌﻬﺎ ﻟﻲ ﺑﻴﺘﻬﺎ .. ﺑﺲ ﻃﻮﻟﺖ .. ﺍﻳﻤﻜﻦ ﺍﺳﺒﻮﻉ ﻣﺎ ﺍﺗﺼﻠﺖ ﻋﻠﻴﻬﻮ .. ﻗﺎﻡ ﺍﺗﺼﻞ ﻋﻠﻴﻬﺎ .. ﻗﺎﻝ ﻟﻴﻬﺎ ﻳﺎﺑﻬﻴﺔ ﺧﺎﻟﺘﻲ .. ﺍﻟﺤﺎﺻﻞ ﺷﻨﻮ؟ ﺍﻧﺎ ﻛﻞ ﻣﺮﺓ ﻣﻌﺘﺼﻢ ﺑﺘﺼﻞ ﻋﻠﻲ .. ﻭﺑﻘﻮﻝ ﻟﻲ ﻋﻤﻠﺖ ﻟﻲ ﺷﻨﻮ ﻓﻲ ﺍﻟﻤﻮﺿﻮﻉ؟؟

ﺑﻘﻮﻝ ﻟﻴﻬﻮ ﺍﻟﻤﺤﺎﺩﺍﺕ ﺟﺎﺭﻳﺔ .. ﻳﻌﻨﻲ ﺍﻣﻜﻦ ﺍﺗﺼﻞ ﺗﻼﺗﺔ ﻣﺮﺍﺕ .. ﺍﻟﺰﻭﻝ ﺩﻩ ﻣﺘﺠﺮﺱ ﻋﻠﻰ ﺍﻭﻻﺩﻭ ﺷﺪﻳﺪ ..

ﺑﻬﻴﺔ ﻗﺎﻟﺖ ﻟﻴﻬﻮ ﺍﻧﺎ ﺷﻐﺎﻟﺔ ﻓﻲ ﺍﻟﻤﻮﺿﻮﻉ .. ﻟﻜﻦ ﻳﺎ ﺍﻟﺼﺎﻓﻲ ﺭﻗﻴﺔ ﻣﻘﻮﻳﺔ ﺭﺍﺳﻬﺎ .. ﻭﻗﺎﻟﺖ ﺍﻟﺰﻭﻝ ﺍﻟﺪﺍﻳﺮﻧﻲ ﺍﺧﺴﺮﻭ .. ﻳﺘﻜﻠﻢ ﻣﻌﺎﻱ ﻓﻲ ﺍﻟﻤﻮﺿﻮﻉ ﺩﻩ ..

ﻭﻗﺎﻟﺖ ﺍﻧﺘﻮ ﻳﻌﻨﻲ ﻛﺎﺭﻫﻨﻲ .. ﻭﺩﺍﻳﺮﻧﻲ ﺍﺭﺟﻊ ﻟﻠﺨﺎﻳﻦ ﺩﻩ ﺗﺎﻧﻲ ؟

ﻋﺸﺎﻥ ﻛﺪﺍ ﻳﺎ ﺍﻟﺼﺎﻓﻲ .. ﻭﺍﻟﻠﻪ ﺍﻧﺎ ﻓﻲ ﺭﺍﻱ .. ﺍﻟﻤﻮﺿﻮﻉ ﺩﻩ ﺗﻘﻨﻊ ﻣﻨﻮ؟

ﻗﺎﻝ ﻟﻴﻬﺎ ﻛﻴﻔﻦ ﺍﻗﻨﻊ ؟؟ .. ﻭﺍﻧﺎ ﺑﺸﺮﺕ ﻣﻌﺘﺼﻢ .. ﻭﺍﺩﻳﺘﻮ ﻛﻠﻤﺔ ﺭﺟﺎﻝ .. ﻗﺎﻟﺖ ﻟﻴﻬﻮ ﻟﻜﻦ ﻳﺎ ﺍﻟﺼﺎﻓﻲ .. ﺗﺪﻳﻬﻮ ﻛﻠﻤﺔ ﺭﺟﺎﻝ ﻛﻴﻒ .. ﻫﻲ ﺭﻗﻴﺔ ﻓﻲ ﻳﺪﻙ؟

ﻗﺎﻝ ﻟﻴﻬﺎ ﺍﻧﺎ ﻛﻨﺖ ﻭﺍﺛﻖ .. ﺍﻧﻬﺎ ﺯﻫﺠﺖ ﻣﻦ ﻗﻌﺪﺓ ﺍﻟﺒﻴﺖ .. ﻭﻗﻠﺖ ﻳﻤﻜﻦ ﺗﻮﺍﻓﻖ .. ﻟﻜﻦ ﻳﺎﺑﻬﻴﺔ ﺍﻧﺎ ﻣﺎﻋﺎﻳﺰ ﺍﻳﺄﺱ ﻣﻦ ﺍﻟﻤﻮﺿﻮﻉ ﺩﻩ .. ﻟﻮ ﺍﻧﺘﻲ ﻣﺎﻗﺎﺩﺭﺓ ﻋﻠﻴﻬﻮ .. ﺧﻠﻴﻨﻲ ﺍﺟﻲ ﻳﻮﻡ ﺧﻤﻴﺲ ﻭﺟﻤﻌﺔ .. ﺑﺠﻴﺐ ﻟﻴﻬﺎ ﺭﺍﺳﻬﺎ ..

ﺑﻬﻴﺔ ﻗﺎﻟﺖ ﻟﻴﻬﻮ ﻻﻻ .. ﻣﺎﻓﻲ ﺩﺍﻋﻲ .. ﺍﻧﺎ ﺑﺤﺎﻭﻝ ﺗﺎﻧﻲ .. ﻟﻜﻦ ﺍﻧﺖ ﻛﺎﻥ ﺟﻴﺖ .. ﻭﺭﻗﻴﺔ ﻋﺮﻓﺘﻚ ﺍﺗﺪﺧﻠﺖ .. ﻳﺎﺩﻭﺏ ﺍﻟﻤﻮﺿﻮﻉ ﺑﺎﻅ .. ﻋﺎﻳﺰﺍﻙ ﺗﻮﻋﺪﻧﻲ ﻻﺗﺠﻲ ﻭﻻﺗﺘﺼﻞ ﻋﻠﻴﻬﺎ .. ﻻﻧﻬﺎ ﺑﺘﻜﺮﻫﻚ ﻣﻮﺕ .. ﺧﻠﻴﻨﻲ ﺍﻧﺎ ﺑﺘﺼﺮﻑ ..

ﺍﻟﺼﺎﻓﻲ ﻫﻨﺎ ﻗﻨﻊ ﻣﻦ ﺣﻜﺎﻳﺔ ﻳﺘﺪﺧﻞ .. ﻃﺒﻌﺎ " ﺻﺪﻕ ﺑﻬﻴﺔ ﻃﻮﺍﻟﻲ .. ﻋﻠﻰ ﺣﺴﺐ ﺍﻟﺰﻭﻟﺔ ﺧﺎﻟﺘﻮ .. ﻭﺣﺘﻤﺎ " ﺑﺘﻜﻮﻥ ﺩﺍﻳﺮﺓ ﻣﺼﻠﺤﺔ ﺍﺧﺘﻬﺎ ..

ﻳﻮﻡ ﻳﺎ ﺯﻭﻝ ﻣﻌﺘﺼﻢ .. ﻋﻠﻰ ﺣﺴﺐ ﻣﺎﻫﻮ ﻋﺎﺭﻑ .. ﺍﻧﻮ ﻓﻲ ﻣﺤﺎﺩﺛﺎﺕ ﺻﻠﺢ ﺟﺎﺭﻳﺔ .. ﺑﻴﻨﻮ ﻭﺑﻴﻦ ﻃﻠﻴﻘﺘﻮ ﻣﻦ ﻃﺮﻑ ﺍﻟﺼﺎﻓﻲ ..

ﻣﺸﻰ ﺍﻟﺒﻴﺖ ﺷﺎﻳﻞ .. ﻣﻌﺎﻫﻮ ﻫﺪﺍﻳﺎ ﻟﻼﻭﻻﺩ .. ﻭﺷﺎﻳﻞ ﻣﻌﺎﻫﻮ ﻓﺴﺘﺎﻥ ﻭﺗﻮﺏ ﻭﻋﻄﻮﺭ ﻓﻲ ﻛﻴﺲ ﻫﺪﻳﺔ ﻟﻲ ﺭﻗﻴﺔ ..

ﻭﻃﺒﻌﺎ ﺩﺍﻳﻤﺎ ﺣﻤﻮﺩﻱ ﻭﺍﻣﺠﺪ ﺑﻼﻗﻮ ﺍﺑﻮﻫﻢ ﻓﻲ ﺍﻟﺼﺎﻟﻮﻥ .. ﻳﺴﻠﻤﻮ ﻋﻠﻴﻬﻮ ﻳﺘﻮﻧﺴﻮ ﻣﻌﺎﻫﻮ ﺷﻮﻳﺔ ﻭﻳﻤﺸﻲ .. ﻭﻣﻌﺘﺼﻢ ﻓﻲ ﺍﻟﻠﺤﻈﺎﺕ ﺩﻱ ﻛﺎﻥ ﻋﻨﺪﻭ ﺍﺣﺎﺳﻴﺲ ﻭﺷﺠﻮﻥ ﻃﻴﺒﺔ .. ﻭﻛﺎﻥ ﻣﺘﻔﺎﺋﻞ .. ﻭﺑﺪﺃ ﻳﺄﻣﻞ ﻭﻳﺨﻄﻂ ﻓﻲ ﺭﺍﺳﻮ .. ﺍﻧﻮ ﻳﻠﻢ ﺍﻭﻻﺩﻭ .. ﻭﺍﺧﻴﺮﺍ ﺡ ﻳﺘﻠﻢ ﻋﻠﻰ ﺣﺐ ﺣﻴﺎﺗﻮ ..

ﺍﻫﺎ ﻫﻨﺎ ﻟﻤﻦ ﺟﻮﻫﻮ ﺍﻭﻻﺩﻭ .. ﻭﺍﺩﺍﻫﻢ ﺍﻟﻬﺪﺍﻳﺔ ﻭﻛﺪﺍ .. ﻗﺎﻝ ﻟﻴﻬﻢ ﻫﺎﻛﻢ ﺷﻴﻠﻮ ﺍﻟﻜﻴﺲ ﺩﻩ .. ﻭﺩﻭﻫﻮ ﻟﻲ ﺍﻣﻜﻢ .. ﻳﺎﺣﻤﻮﺩﻱ ﺷﻴﻠﻮ ﺍﻧﺖ ﻭﻗﻮﻟﻴﻬﺎ ﺩﻱ ﻫﺪﻳﺔ ﻣﻦ ﺍﺑﻮﻱ ﻟﻴﻚ ..

ﺍﻭﻝ ﺣﻤﻮﺩﻱ ﻣﺎﺟﺎ ﺩﺍﺧﻞ ﻻﻣﻪ .. ﻭﻓﺮﺣﺎﻥ ﻗﺎﻝ ﻟﻴﻬﺎ ﺍﻣﻲ ﺍﻣﻲ .. ﺷﻮﻓﻲ ﺍﺑﻮﻱ ﺟﺎﺏ ﻟﻴﻚ ﺷﻨﻮ؟ ﺍﺑﻮﻱ ﺑﻘﻰ ﻳﺤﺒﻚ ﺯﻳﻨﺎ .. ﺟﺎﺏ ﻟﻴﻚ ﻫﺪﻳﻪ ﺷﻮﻓﻲ ﺍﻟﻜﻴﺲ ..

ﻃﺒﻌﺎ ﺑﻬﻴﺔ ﻣﻦ ﻫﻨﺎﻙ ﺧﺎﻓﺖ ﺍﻧﻬﺎ ﺗﺘﻜﺸﻒ .. ﻭﻓﻲ ﻧﻔﺲ ﺍﻟﻠﺤﻈﺔ ﺍﺗﻐﺎﻇﺖ ﻣﻦ ﺍﻟﻬﺪﻳﺔ ﺩﻱ ..

ﺭﻗﻴﺔ ﻋﺎﻳﻨﺖ ﻟﻠﻜﻴﺲ ﻛﺪﺍ ﻭﻗﺎﻟﺖ ﻟﻴﻬﻮ .. ﺍﻣﺸﻲ ﺭﺟﻌﻮ ﻟﻴﻬﻮ .. ﻭﻗﻮﻝ ﻟﻴﻬﻮ ﺍﻣﻲ ﻗﺎﻟﺖ ﻟﻴﻚ .. ﺷﻜﺮﺍ ﻟﻴﻚ .. ﺍﻧﺎ ﻣﺎﻋﺎﻳﺰﺓ ﻣﻨﻚ ﻫﺪﻳﺔ .. ﻳﻜﻔﻲ ﺍﻟﻜﻼﻡ ﺍﻟﻘﻠﺘﻮ ﻓﻴﻨﻲ ﻟﻠﺼﺎﻓﻲ .. ﺍﻧﺖ ﻗﺎﻳﻞ ﺍﻟﺼﺎﻓﻲ ﺭﺍﺟﻞ ﺳﺘﺮﺓ .. ﻭﻻﺑﺴﻜﺖ .. ﻭﻗﺎﻟﺖ ﻛﻼﻡ ﻛﺘﻴﺮ ﻛﺪﺍ .. ﺣﻤﻮﺩﻱ ﻣﺎﻗﺪﺭ ﻳﺴﺘﻮﻋﺒﻮ ﺍﻭ ﻳﺤﻔﻈﻮ ..

ﻣﺸﻰ ﻃﻮﺍﻟﻲ ﺭﺟﻊ ﻻﺑﻮﻫﻮ ﺷﺎﻳﻞ ﺍﻟﻜﻴﺲ .. ﻭﺣﻤﻮﺩﻱ ﺫﺍﺗﻮ ﻣﺤﺮﺝ .. ﻭﻣﺎﻛﺎﻥ ﺭﺿﻴﺎﻥ ﺍﻣﻮ ﺗﺮﻓﺾ ﺍﻟﻬﺪﻳﺔ ﺣﻘﺔ ﺍﺑﻮﻫﻮ ..

ﻭﺟﺎﺀ ﻗﺎﻝ ﻟﻲ ﺍﺑﻮﻫﻮ .. ﺍﻣﻲ ﻗﺎﻟﺖ ﻟﻴﻚ ﻣﺎﺩﺍﻳﺮﺓ ﻫﺪﻳﺘﻚ .. ﺍﻧﺖ ﺍﺗﻜﻠﻤﺖ ﻓﻴﻨﻲ ﻛﻼﻡ ﻛﻌﺐ .. ﻭﺍﻟﺼﺎﻓﻲ ﻛﻠﻤﻨﻲ ﺑﻴﻮ . ﺍﻧﺖ ﺍﻧﺖ ﻗﻠﺖ ﻓﻴﻬﺎ ﺷﻨﻮ ﻳﺎ ﺍﺑﻮﻱ؟؟ ﻫﻲ ﺯﻋﻼﻧﺔ ﻣﻨﻚ؟؟ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻭﻟﺪﻱ ﻣﺎﻗﻠﺖ ﻓﻴﻬﺎ ﺍﻻ ﺍﻟﺨﻴﺮ .. ﺍﻣﻚ ﻣﺎﻋﺎﻳﺰﺓ ﺗﺼﺎﻟﺤﻨﻲ ..

ﺍﻟﺼﺎﻓﻲ ﻣﺴﺘﺤﻴﻞ ﻳﻜﺬﺏ .. ﺍﻧﺎ ﺑﻌﺮﻑ ﺍﻟﺮﺟﺎﻝ ..

ﻟﻜﻦ ﻃﺒﻌﺎ ﻣﻌﺘﺼﻢ ﺑﻘﻰ ﻣﺘﺸﻜﻚ .. ﻭﺷﺎﻝ ﺍﻟﻜﻴﺲ ﺧﺘﺎﻫﻮ ﺟﻨﺒﻮ ﻓﻲ ﺍﻟﺴﺮﻳﺮ .. ﻭﺑﻘﻰ ﻳﺘﻜﻠﻢ ﺑﻲ ﺳﺮﻭ .. ﻳﺎﺭﺑﻲ ﻫﻞ ﻣﻤﻜﻦ ﻳﻜﻮﻥ ﺍﻟﺼﺎﻓﻲ ﻧﻘﻞ ﺍﻟﻜﻼﻡ ﻣﻐﻠﻮﻁ .. ﻳﻌﻨﻲ ﻣﻤﻜﻦ ﻳﻜﺬﺏ ﺑﻲ ﻛﻼﻡ ﺍﻧﺎ ﻣﺎ ﻗﻠﺘﻮ ؟؟ .. ﻭﺍﻟﻠﻪ ﻣﺶ ﻣﻌﺮﻭﻑ .. ﻳﺎﺧﻲ ﻧﺎﺱ ﺍﻟﺪﻧﻴﺎ ﺩﻳﻞ ﺑﻘﻮ ﻏﺮﻳﺒﻴﻦ .. ﺍﻟﺒﺘﺤﺲ ﺍﻧﻮ ﺩﻩ ﻣﻮﺳﻰ ﺗﺠﻲ ﺗﻠﻘﺎﻫﻮ ﺩﻩ ﻓﺮﻋﻮﻥ .. ﻳﻌﻨﻲ ﻣﺎﺑﻌﻴﺪ ﺍﻧﻮ ﺍﻟﺼﺎﻓﻲ

ﻋﻨﺪﻭ ﻣﺸﻜﻠﺔ ﻣﻊ ﺭﻗﻴﺔ .. ﻭﺩﻩ ﺳﺒﺐ ﻛﺎﻓﻲ ﻳﺨﻠﻴﻬﻮ ﻳﻨﻘﻞ ﻟﻴﻬﺎ ﻛﻼﻡ ﻣﻨﻲ ﺍﻧﺎ ﻭﻳﻔﺮﻕ ﺑﺪﻝ ﻣﺎﻳﺠﻤﻊﻗﺎﻡ ﻗﺎﻝ ﻟﻲ ﺣﻤﻮﺩﻱ .. ﻳﺎ ﺣﻤﻮﺩﻱ ﺍﻧﺎ ﻋﺎﻳﺰ ﺍﺳﺄﻟﻚ ﺳﺆﺍﻝ ..

ﺍﻟﺼﺎﻓﻲ ﻭﺍﻣﻚ ﺑﺘﺸﺎﻛﻠﻮ؟

ﻗﺎﻝ ﻟﻴﻬﻮ ﺍﻳﻮﺓ .. ﻃﻮﺍﺍﺍﻟﻲ ﺍﻣﻲ ﺑﺘﺸﺎﻛﻠﻮ .. ﻟﻜﻦ ﻫﻮ ﺑﺲ ﺑﻘﻮﻝ ﻟﻴﻬﺎ ﺣﺎﺿﺮ ﻳﺎﺧﺎﻟﺘﻲ .. ﺣﺎﺿﺮ ﻳﺎﺧﺎﻟﺘﻲ .. ﻫﻮ ﻣﺎ ﺑﺸﺎﻛﻠﻬﺎ .. ﺍﻣﻲ ﻫﻲ ﺑﺘﺸﺎﻛﻠﻮ ﺷﻔﺘﺎ ؟

ﺍﺑﻮﻫﻮ ﻗﺎﻝ ﻟﻴﻬﻮ ﺍﻳﻮﺓ ﺷﻔﺘﺎ .. ﻭﻫﺴﻲ ﺍﻟﺼﺎﻓﻲ ﻣﺸﻰ ﺭﺣﻞ ﻣﻦ ﺍﻟﺒﻴﺖ ﻟﻴﻪ ﻳﺎﺣﻤﻮﺩﻱ ؟

ﻗﺎﻝ ﻟﻴﻬﻮ ﻣﺸﻰ ﺯﻋﻼﻥ .. ﻣﺸﻰ ﻣﻊ ﺍﻣﻪ ﻭﺍﺑﻮﻫﻮ .. ﻋﺸﺎﻥ ﺍﻣﻲ ﻗﺎﻟﺖ ﻟﻴﻬﻮ ﻳﺎﺣﺮﺍﻣﻲ ﻳﺎﺳﺮﺍﻕ ﺍﻟﺪﻫﺐ ..

ﻣﻌﺘﺼﻢ ﻗﺎﻝ ﺍﻳﻮﺍﺍﺍﺍ .. ﻭﺑﻘﻰ ﻳﺘﻜﻠﻢ ﺑﺮﺍﺣﻪ .. ﻳﻘﻮﻝ ﻋﺸﺎﻥ ﻛﺪﺍ ﺍﻟﺼﺎﻓﻲ ﺩﺍﻳﺮ ﻳﻨﺘﻘﻢ ﻣﻨﻬﺎ .. ﻛﻮﻳﺲ ﻳﺎ ﺍﻟﺼﺎﻓﻲ ﺍﻧﺎ ﻛﺸﻔﺘﻚ ..

ﻟﻜﻦ ﺍﻧﺎ ﻣﺎﺡ ﺃﺳﺄﻟﻚ .. ﻭﻻ ﺡ ﺍﺗﻜﻠﻢ ﻣﻌﺎﻙ ﺑﺲ ﺑﺴﻴﺒﻚ ﻛﺪﻱ .. ﺭﺑﻨﺎ ﺑﺮﺍﻫﻮ ﻗﺎﺩﺭ ﻋﻠﻰ ﺍﻧﻮ ﻳﻌﺎﻗﺒﻚ ﻋﻠﻰ ﺧﻴﺎﻧﺘﻲ .. ﺭﻗﻴﺔ ﻣﺎﺩﺍﻡ ﺑﺘﺼﺪﻕ ﻓﻴﻨﻲ ﻛﻼﻡ ﺍﻟﻨﺎﺱ ﻣﺎﺑﺘﻨﻔﻊ ﻣﻌﺎﻱ .. ﻭﺷﺎﻝ ﻛﻴﺴﻮ ﻭﻃﻠﻊ ..

ﻣﻌﺘﺼﻢ ﺍﺑﻮﻣﺤﻤﺪ .. ﻣﻦ ﻣﻨﻄﻘﺔ ﺭﻓﺎﻋﺔ . ﻭﺯﻭﻝ ﺍﺻﻠﻲ ﻟﻲ ﺩﺭﺟﺔ ﻗﻒ ﺗﺄﻣﻞ .. ﻭﺭﺍﺟﻞ ﻭﺩ ﺭﺟﺎﻝ .. ﻭﺍﺣﺘﻤﻞ ﺭﻗﻴﺔ ﺩﻱ ﻛﺘﻴﺮ ﺟﺪﺍ .. ﻭﻓﻮﺕ ﻟﻴﻬﺎ .. ﻭﺳﺎﻣﺤﻬﺎ .. ﻭﻋﺎﻣﻠﻬﺎ ﺍﺣﺴﻦ ﻣﻌﺎﻣﻠﺔ .. ﺍﺣﺘﺮﺍﻣﺎ " ﻻﺧﻮﺍﻧﻬﺎ ﻭﺍﻣﻬﺎ ﺍﻟﻤﻠﻜﺔ ﺍﻟﻠﻪ ﻳﺮﺣﻤﻬﺎ .. ﺣﺘﻲ ﻣﺎﻛﺎﻥ ﻋﻨﺪﻭ ﻧﻴﺔ ﻳﺮﺣﻞ ﻣﻦ ﺟﻨﺐ ﺍﻣﻮ ﻭﺍﺧﻮﺍﺗﻮ ..

ﻟﻜﻦ ﺍﻣﻮ ﻣﺮﺍﺓ ﻓﺎﺿﻠﺔ .. ﻭﻛﺖ ﺷﺎﻓﺖ ﺍﻟﻤﺸﺎﻛﻞ ﻛﺘﺮﺕ ﻣﻊ ﺭﻗﻴﺔ .. ﻗﺎﻟﺖ ﻟﻴﻬﻮ ﺍﻧﺎ ﺑﺎﻣﺮﻙ .. ﺗﺄﺟﺮ ﻟﻴﻬﺎ ﻭﺗﺴﻜﻨﻬﺎ ﻓﻲ ﺑﻴﺖ ﺑﺮﺍﻫﺎ ..

ﻭﻓﻌﻼ ﻣﻌﺘﺼﻢ ﺳﻤﻊ ﻛﻼﻡ ﻭﺍﻟﺪﺗﻮ .. ﻭﺍﺟﺮ ﻟﻴﻬﺎ ﺑﻴﺖ ﺑﺮﺍﻫﺎ .. ﺑﺲ ﻃﺒﻌﺎ " ﺫﻱ ﻣﺎﺫﻛﺮ .. ﺑﺪﺕ ﺗﺮﻣﻴﻬﻮ ﺑﺎﻟﺨﻴﺎﻧﺔ ﻭﺗﺸﻚ ﻓﻴﻬﻮ ..

ﻭﻫﻮ ﺑﺮﺿﻮ ﻣﺤﺘﻤﻞ .. ﻟﻐﺎﻳﺔ ﻣﺎﻃﻠﺒﺖ ﺍﻟﻄﻼﻕ .. ﻭﺍﺻﺮﺕ ﻋﻠﻴﻬﻮ .. ﻭﺍﺗﺼﻠﺖ ﻋﻠﻰ ﺍﺧﻮﺍﻧﻬﺎ .. ﻭﻃﻠﺒﺖ ﻣﻨﻬﻢ ﻳﻄﻠﻘﻮﻫﺎ ﻣﻨﻮ .. ﻭﻣﻌﺘﺼﻢ ﻟﻤﻦ ﺣﺴﻪ ﺍﻧﻮ ﺍﻟﻤﺮﺍﺓ ﻛﺮﻫﺘﻮ .. ﻭﻋﺎﻳﺰﺓ ﺗﻨﻔﺼﻞ .. ﻃﻠﻘﻬﺎ ﻋﻠﻰ ﻛﺮﻩ ﻭﻣﻀﺾ ..

ﻭﺍﻟﺼﺎﻓﻲ ﻋﺎﺭﻑ ﺍﻧﻮ ﻣﻌﺘﺼﻢ ﺭﺍﺟﻞ ﻛﻠﺲ ﻭﺍﺧﻮ ﺍﺧﻮﺍﻥ .. ﻋﺸﺎﻥ ﻛﺪﺍ ﺩﺍﻳﺮ ﻳﻘﻴﻒ ﻣﻌﺎﻫﻮ .. ﻟﻜﻦ ﺑﻬﻴﺔ ﻃﺒﻌﺎ " ﻟﺨﺒﻄﺖ ﺍﻱ ﺣﺎﺟﺔ ..

ﺍﻫﺎ ﻣﻌﺘﺼﻢ ﺑﻄﻞ ﻳﺘﺼﻞ ﻋﻠﻰ ﺍﻟﺼﺎﻓﻲ .. ﻭﺧﻼﺹ ﻗﻨﻊ ﻣﻦ ﻗﺼﺔ ﺍﻧﻮ ﻳﺮﺟﻊ ﺯﻭﺟﺘﻮ ﺩﻱ .. ﻻﻧﻮ ﺑﻌﺘﻘﺪ ﺍﻧﻮ ﺍﻟﺼﺎﻓﻲ ﺍﻻﺩﺍﻫﻮ ﺍﻻﻣﻞ .. ﻫﻮ ﺍﻟﺼﺎﻓﻲ ﺍﻟﺨﻠﻖ ﺍﻟﻔﺘﻨﻪ ..

ﻭﻃﺒﻌﺎ " ﺍﻟﺼﺎﻓﻲ ﻭﻗﻒ ﺍﺗﺼﺎﻻﺗﻮ ﻋﻠﻰ ﺭﻗﻴﺔ .. ﻻﻧﻮ ﺑﻬﻴﺔ ﻗﺎﻟﺖ ﻟﻴﻬﻮ ﻣﺎﺗﺘﺼﻞ ﻋﻠﻰ ﺭﻗﻴﺔ .. ﻣﺎﻋﺎﻳﺰﺍﻙ ﺗﺘﺼﻞ .. ﻭﻫﻮ ﻭﻋﺪﻫﺎ .. ﻭﻗﺎﻟﺖ ﻛﺪﺍ ﻣﺨﺼﻮﺹ .. ﻻﻧﻮ ﺍﻟﺼﺎﻓﻲ ﻟﻮ ﺍﺗﺼﻞ ﻋﻠﻰ ﺭﻗﻴﺔ .. ﺍﻭ ﺟﺎﻫﺎ ﻓﻲ ﺍﻟﺒﻴﺖ ﺑﺘﺴﺄﻟﻪ ﻃﻮﺍﻟﻲ ﻣﻦ ﻛﻼﻡ ﻣﻌﺘﺼﻢ .. ﻭﺑﻲ ﻛﺪﺍ ﺑﻬﻴﺔ ﺑﺘﺘﻜﺸﻒ ..

ﻭﻣﺮﺕ ﺍﻻﻳﺎﻡ .. ﻣﺮﺓ ﻣﻦ ﺍﻟﻤﺮﺍﺕ

ﺍﺗﺼﻠﺖ ﺍﻳﻤﺎﻥ ﻋﻠﻰ ﻭﻟﺪﻫﺎ ﺍﻟﻠﻬﻮ ﺍﻟﺼﺎﻓﻲ ﺍﻟﺤﺒﻴﺐ .. ﻭﺍﺗﻮﻧﺴﺖ ﻣﻌﺎﻫﻮ ﻭﺣﻜﺎ ﻟﻴﻬﺎ ﻛﻢ ﻧﻜﺘﺔ ﻛﺪﺍ ﻣﻦ ﻧﻜﺎﺕ ﻧﺎﺱ ﺍﻟﺠﺎﻣﻌﺔ ..

ـــــــــــــــ

ﺍﻟﻤﻬﻢ ﻓﻲ ﻣﻌﺮﺽ ﺍﻟﻮﻧﺴﺔ ﻛﺪﺍ .. ﺳﺄﻟﺘﻪ ﻗﺎﻟﺖ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﻣﺘﻮﺍﺻﻞ ﻣﻊ ﺧﺎﻻﺗﻚ ﻭﺑﺘﺴﺄﻝ ﻣﻨﻬﻢ .. ﻗﺎﻝ ﻟﻴﻬﺎ ﻭﺍﻟﻠﻪ ﻣﺮﺍﺕ ﻣﺮﺍﺕ ﺑﺘﺼﻞ ﻋﻠﻰ ﺑﻬﻴﺔ .. ﻟﻜﻦ ﺭﻗﻴﺔ ﻃﺒﻌﺎ " ﻣﺎﻋﺎﻳﺰﺍﻧﻲ ﺍﺗﺼﻞ ﻋﻠﻴﻬﺎ .. ﻋﺸﺎﻥ ﻛﺪﺍ ﻭﻗﻔﺖ ﻣﻨﻬﺎ .. ﻭﻟﻤﻦ ﺍﺗﺼﻞ ﻋﻠﻰ ﺑﻬﻴﺔ .. ﺑﺴﺄﻻ ﻣﻦ ﺻﺤﺔ ﺭﻗﻴﺔ ..

ﻗﺎﻟﺖ ﻟﻴﻬﻮ ﻣﺴﺘﺤﻴﻞ ﺗﻜﻮﻥ ﻣﺎﻋﺎﻳﺰﺍﻙ ﺗﺘﺼﻞ .. ﻻﻧﻮ ﺍﻧﺎ ﻣﺮﺓ ﺍﺗﺼﻠﺖ ﻋﻠﻴﻬﺎ .. ﻭﺷﻜﺮﺗﻚ ﻟﻲ .. ﻗﺎﻟﺖ ﻟﻲ ﺍﻟﺼﺎﻓﻲ ﺍﻟﻠﻪ ﻳﺪﻳﻬﻮ ﺍﻟﻌﺎﻓﻴﺔ .. ﺑﺘﺼﻞ ﻋﻠﻲ ﺻﺒﺎﺡ ﻭﻣﺴﺎﺀ .. ﻭﻳﺴﺄﻝ ﻣﻦ ﺻﺤﺘﻲ .. ﺍﻛﺘﺮ ﻣﻦ ﺍﺣﻤﺪ ﺍﺧﻮﻱ ..

ﻗﺎﻝ ﻟﻴﻬﺎ ﻭﺍﻟﻠﻪ ﻣﺎﻋﺎﺭﻑ .. ﺍﺣﺘﻤﺎﻝ ﻛﻼﻡ ﺑﺘﻘﻮﻟﻮ ﻟﻴﻚ ﺳﺎﻱ ..

ﻗﺎﻟﺖ ﻟﻴﻬﻮ ﻻﻻ ﻳﺎ ﺍﻟﺼﺎﻓﻲ .. ﻳﺎﻭﻟﺪﻱ ﺭﻗﻴﺔ ﻣﺎﺑﺘﻌﺮﻑ ﺗﺪﺱ ﻭﺗﻜﻀﺐ .. ﺍﻧﺖ ﻋﺎﺭﻑ ﻃﺒﻌﺎ " ﺑﻨﺎﺕ ﺧﺎﻟﺘﻲ ﺩﻳﻞ ﺍﻧﺎ ﺑﻌﺮﻓﻬﻢ ﻛﻮﻳﺲ ..

ﺭﻗﻴﺔ ﺯﻭﻟﺔ ﻃﻴﺒﺔ ﻣﻦ ﺟﻮﺓ .. ﻟﻜﻦ ﺷﻜﺎﻛﺔ ﻭﻇﻨﺎﻧﺔ .. ﻭﻋﻨﺪﻫﺎ ﻭﺳﻮﺳﺔ .. ﻟﻜﻦ ﻣﺎ ﺑﺘﻜﺬﺏ ﻭﻻﺑﺘﺨﻮﻥ ..

ﻟﻜﻦ ﺑﻬﻴﺔ ﻣﻤﻜﻦ ﺗﻘﻮﻝ ﻟﻴﻚ ﻧﺎﺱ ﺍﻟﻘﺒﻮﺭ ﻭﻗﻔﻮ ﻃﺎﺑﻮﺭ .. ﻳﻌﻨﻲ ﺍﺻﻠﻚ ﻣﺎﺗﺼﺪﻕ ﺑﻬﻴﺔ .. ﻣﻦ ﻫﻲ ﺷﺎﻓﻌﺔ ﻛﻀﺎﺑﺔ ﻭﻏﺪﺍﺭﺓ ..

ﻟﻜﻦ ﻣﺎﺳﻜﺔ ﻟﺴﺎﻧﺎ .. ﻭﻣﺴﺎﻟﻤﺔ ﻭﻣﺎ ﺑﺘﻐﻠﻂ ﻋﻠﻰ ﺯﻭﻝ ﺑﺎﻟﺴﺎﻫﻞ .. ﻭﺑﺘﻤﺮﻕ ﻣﻦ ﺍﻱ ﻣﺸﻜﻠﺔ ﺯﻱ ﺍﻟﺴﺒﻴﺒﺔ ﻣﻦ ﺍﻟﻌﺠﻴﻦ .. ﺍﻧﺖ ﻻﺯﻡ ﺗﻜﻮﻥ ﻓﺎﻫﻢ ﺍﻟﻨﺎﺱ ﺩﻳﻞ ﻛﻮﻳﺲ ..ﻛﺪﻱ ﻟﺤﻈﺔ ﻳﺎ ﺍﻟﺼﺎﻓﻲ ﺍﻧﺎ ﺑﺮﺟﻊ ﻟﻴﻚ .. ﻭﻃﺒﻌﺎ ﻟﻐﺎﻳﺔ ﺍﻻﻥ ﺍﻟﺼﺎﻓﻲ ﻣﺎﺣﻜﺎ ﻟﻲ ﺍﻣﻮ .. ﻣﺴﺎﻋﻴﻬﻮ ﺍﻟﻘﺎﻳﻢ ﺑﻴﻬﺎ .. ﻋﺸﺎﻥ ﻳﺠﻤﻊ ﺷﻤﻞ ﺍﻻﺳﺮﺓ ﺍﻟﺼﻐﻴﺮﺓ ﺩﻱ ..

ﺍﻫﺎ ﺍﻳﻤﺎﻥ ﺍﺗﺼﻠﺖ ﻋﻠﻰ ﺭﻗﻴﺔ ..

ﻛﻴﻔﻚ ﻳﺎ ﺭﻗﻴﺔ ﺍﻥ ﺷﺎﺀ ﺍﻟﻠﻪ ﻛﻮﻳﺴﺔ ﻭﺻﺤﺘﻚ؟

ﻗﺎﻟﺖ ﻟﻴﻬﺎ ﻭﺍﻟﻠﻪ ﺑﺨﻴﺮ ﺍﻟﺤﻤﺪ ﻟﻠﻪ .. ﻓﻲ ﺍﻣﻦ ﻭﺍﻣﺎﻥ .. ﺍﻧﺘﻲ ﻛﻴﻒ ﻭﺍﻻﻣﻴﻦ ﻛﻴﻒ ..

ﺍﻥ ﺷﺎﺀ ﺍﻟﻠﻪ ﻳﺎ ﺍﻳﻤﺎﻥ ﺍﻻﻣﻴﻦ ﻣﺎﻳﻜﻮﻥ ﺷﺎﻳﻞ ﻣﻨﻲ ﻻﻫﺴﻲ .. ﻗﺎﻟﺖ ﻟﻴﻬﺎ ﺍﻻﻣﻴﻦ ﺑﻔﻮﺭ ﻭﺑﺰﻋﻞ ﻓﻲ ﻭﻗﺘﻮ .. ﻟﻜﻦ ﺑﻌﺪ ﺳﺎﻋﺔ ﺑﻜﻮﻥ ﻃﺒﻴﻌﻲ .. ﻭﺑﻨﺴﻰ ﺍﻱ ﺣﺎﺟﺔ .. ﺟﺎﺑﺪ ﺍﻟﺼﺎﻓﻲ ﻭﻟﺪﻭ .. ﻟﻜﻦ ﺍﻧﺎ ﻛﺎﻥ ﺯﻋﻠﺖ ﺗﺎﻧﻲ ﺳﻨﺔ ﺑﻜﻮﻥ ﻣﺎﻃﺒﻴﻌﻴﺔ ..

ﻗﺎﻟﺖ ﻟﻴﻬﺎ ﺍﻧﺘﻲ ﺍﻟﺰﻳﻚ ﻣﻨﻮ؟؟ ﻳﺎ ﺍﻳﻤﺎﻥ ﺑﺖ ﺧﺎﻟﺘﻲ .. ﺭﺑﻨﺎ ﻳﺨﻠﻴﻚ .. ﻭﺍﻟﻠﻪ ﻣﻌﺎﻣﻠﺘﻚ ﻣﻌﺎﻱ ﻗﺎﻋﺪﺓ ﺗﺨﺠﻠﻨﻲ ..

ﺍﻳﻤﺎﻥ ﻗﺎﻟﺖ ﻟﻴﻬﺎ ﺑﺎﻟﻤﻨﺎﺳﺒﺔ ﺩﻱ ﺍﻟﺼﺎﻓﻲ ﻗﻌﺪ ﻳﺠﻴﻜﻢ؟

ﻗﺎﻟﺖ ﻟﻴﻬﺎ ﻭﺍﻟﻠﻪ ﻣﻦ ﻣﺎ ﻣﺸﻰ ﺗﺎﻧﻲ ﻣﺎﺟﺎﻧﺎ ﻧﻬﺎﺋﻲ .. ﻭﺍﻧﺎ ﻭﺍﻟﻠﻪ ﻣﺎﻛﻠﺔ ﻓﻲ ﺧﺎﻃﺮﻱ .. ﻭﻣﺤﺮﺟﺔ ﻣﻨﻮ ﺍﺣﺮﺍﺝ ﻣﺎﻃﺒﻴﻌﻲ .. ﻛﺎﻥ ﺑﺘﺼﻞ ﻋﻠﻲ ﻛﺘﻴﺮ .. ﻳﺎﺧﺎﻟﺘﻲ ﺍﺻﺒﺤﺘﻲ ﻛﻴﻒ؟ .. ﻳﺎﺧﺎﻟﺘﻲ ﺍﻣﺴﻴﺘﻲ ﻛﻴﻒ؟ .. ﻟﻜﻦ ﻓﺠﺄﺓ ﻛﺪﺍ ﻗﻄﻊ ﻣﻨﻲ ﻣﻦ ﺩﻭﻥ ﺍﻱ ﻣﻘﺪﻣﺎﺕ .. ﻣﻦ ﻣﺎ ﻻﻗﻰ ﺍﻟﺮﺍﺟﻞ ﺍﻟﺸﻮﻡ ﺩﻩ .. ﻭﺍﺗﻜﻠﻢ ﻟﻴﻬﻮ ﻓﻴﻨﻲ .. ﺍﻟﺼﺎﻓﻲ ﻗﻄﻊ ﻣﻨﻲ ﺗﻠﻔﻮﻧﺎﺗﻮ ..

ﺍﻳﻤﺎﻥ ﻗﺎﻟﺖ ﻟﻴﻬﺎ ﺍﻟﺮﺍﺟﻞ ﺍﻟﺸﻮﻡ ﻣﻨﻮ؟ .. ﻗﺎﻟﺖ ﻟﻴﻬﺎ ﻣﻌﺘﺼﻢ ﻃﻠﻴﻘﻲ .. ﻻﻗﻰ ﺍﻟﺼﺎﻓﻲ ﻭﻧﺒﺬﻧﻲ ﻟﻴﻬﻮ .. ﻭﺷﺘﻤﻨﻲ ﻟﻴﻬﻮ .. ﻭﻗﺎﻝ ﻟﻴﻬﻮ ﺍﺳﻮﺀ ﻛﻼﻡ ﻋﻨﻲ ..

ﻭﺍﻟﺼﺎﻓﻲ ﻣﻦ ﺍﻟﻴﻮﻡ ﺩﺍﻙ ﺍﺗﻐﻴﺮ ﻣﻨﻲ ..

ﺍﻳﻤﺎﻥ ﻗﺎﻟﺖ ﻟﻴﻬﺎ .. ﻭﺍﻧﺘﻲ ﺍﻟﻜﻠﻤﻚ ﻣﻨﻮ؟ ﺍﻧﻮ ﻣﻌﺘﺼﻢ ﻻﻗﻰ ﺍﻟﺼﺎﻓﻲ ..

ﺭﻗﻴﺔ ﻗﺎﻟﺖ ﻟﻴﻬﺎ ﺍﻟﺼﺎﻓﻲ ﺣﻜﻰ ﻟﻲ ﺑﻬﻴﺔ .. ﻭﺑﻬﻴﺔ ﻛﻠﻤﺘﻨﻲ ﺑﻲ ﻛﻞ ﺣﺎﺟﺔ ..

ﺗﺘﺨﻴﻠﻲ ﻳﺎ ﺍﻳﻤﺎﻥ .. ﺍﻻﻫﺒﻞ ﻳﻮﻡ ﺟﺎﺏ ﻟﻲ ﻫﺪﺍﻳﺎ ﻫﻨﺎ .. ﺑﻌﺪ ﻛﻼﻣﻮ ﺍﻟﺰﻓﺖ ﺩﻩ ..

ﻭﺭﺟﻌﺘﻬﺎ ﻟﻴﻬﻮ ﺯﻱ ﺍﻟﻜﻠﺐ .. ﻛﻤﺎﻥ ﻳﻤﺸﻲ ﻳﻨﺒﺬﻧﻲ ﻟﻠﺼﺎﻓﻲ ؟؟؟

ﺍﻳﻤﺎﻥ ﻗﺎﻟﺖ ﻻﻻﻻ ﻣﺴﺘﺤﻴﻞ ﻳﺎ ﺭﻗﻴﺔ .. ﺍﻟﺼﺎﻓﻲ ﻭﻟﺪﻱ ﺍﻧﺎ ﻣﺴﺘﺤﻴﻞ ﻳﻮﺻﻞ ﻛﻼﻡ ﺯﻱ ﺩﻩ .. ﺣﺘﻰ ﻟﻮ ﺣﺼﻞ .. ﻛﺪﻱ ﺧﻠﻴﻨﻲ ﺍﺗﺄﻛﺪ ﻭﺍﺭﺟﻊ ﻟﻴﻚ ..

ﻭﺗﺎﺍﺍﺍﺍﺍﺍﺍﺍﺍﻧﻲ ﺍﻳﻤﺎﻥ ﺿﺮﺑﺖ ﻟﻠﺼﺎﻓﻲ .. ﺍﻟﺴﺎﻋﺔ ﻋﺸﺮﺓ ﺑﺎﻟﻠﻴﻞ .. ﻗﺎﻟﺖ ﻟﻴﻬﻮ ﻳﺎ ﺍﻟﺼﺎﻓﻲ .. ﺍﻧﺖ ﻣﻌﺘﺼﻢ ﻻﻗﺎﻙ؟؟ ﻭﺍﺗﻜﻠﻢ ﻣﻌﺎﻙ ﻋﻦ ﺭﻗﻴﺔ؟؟ ..

ﻗﺎﻝ ﻟﻴﻬﺎ ﺍﻳﻮﺓ .. ﻭﺍﻟﻠﻪ ﻛﻨﺖ ﻋﺎﻳﺰ ﺍﻛﻠﻤﻚ .. ﻟﻜﻦ ﻟﻤﻦ ﺍﻟﻤﻮﺿﻮﻉ ﻳﻜﺘﻤﻞ .. ﻋﺸﺎﻥ ﺗﻜﻮﻥ ﻟﻴﻚ ﻣﻔﺎﺟﺄﺓ .. ﻣﻌﺘﺼﻢ ﻃﺒﻌﺎ " ﻻﻗﺎﻧﻲ .. ﻭﻗﺎﻝ ﻟﻲ ﺍﻧﺎ ﻣﺎﻋﻨﺪﻱ ﻣﺎﻧﻊ ﺍﺭﺟﻊ ﺯﻭﺟﺘﻲ ﻭﺍﻭﻻﺩﻱ .. ﻭﺍﻧﺎ ﺍﺻﻼ ﺭﻗﻴﺔ ﻣﺎ ﻏﺎﺑﺖ ﻋﻦ ﻗﻠﺒﻲ ﻭﻻ ﻟﺤﻈﺔ .. ﻭﻗﺎﻝ ﻟﻲ ﺍﻧﺎ ﻣﺎ ﻗﺪﺭﺕ ﺍﻓﻜﺮ ﻓﻲ ﺍﻱ ﻣﺮﺍﺓ ﻏﻴﺮﻫﺎ ..

ﻭﺍﻧﺎ ﻳﺎ ﺍﻣﻲ ﻃﺒﻌﺎ " .. ﻓﻜﺮﺕ ﻃﻮﺍﻟﻲ ﺍﻧﻲ ﺍﻭﺻﻞ ﺍﻟﻜﻼﺍﻡ ﺩﻩ ﻟﺮﻗﻴﺔ .. ﻭﻣﺘﺄﻛﺪ ﺍﻧﻬﺎ ﺡ ﺗﺘﺮﺍﺟﻊ ﻭﺗﺮﺟﻊ ﻟﺒﻴﺘﻬﺎ ..

ﻟﻜﻦ ﻃﺒﻌﺎ ﺑﻬﻴﺔ ﻭﺭﺗﻨﻲ ﺍﻧﻮ ﺭﻗﻴﺔ ﻣﺎﻋﺎﻳﺰﺓ ﻣﻌﺎﻱ ﺍﻱ ﺗﻮﺍﺻﻞ .. ﻭﺍﻧﺎ ﻭﺻﻴﺖ ﺑﻬﻴﻪ ﺗﻘﻮﻡ ﺑﺎﻟﻤﻬﻤﺔ ﺩﻱ .. ﻭﻫﺴﻲ ﻣﻨﺘﻈﺮ ﻣﻨﻬﺎ ﺗﻠﻔﻮﻥ ..

ﺍﻳﻤﺎﻥ ﻗﺎﻟﺖ ﻻﺍﺍﺍ ﺍﻟﻪ ﺍﻻ ﺍﻟﻠﻪ ﻣﺤﻤﺪ ﺭﺳﻮﻝ ﺍﻟﻠﻪ .. ﺍﻟﺼﺎﻓﻲ ﻗﺎﻝ ﻟﻴﻬﺎ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ .. ﻣﺎﻟﻚ ﻳﺎ ﺍﻣﻲ ؟

ﻗﺎﻟﺖ ﻟﻴﻬﻮ ﺍﻧﺖ ﻏﻠﻄﺎﻥ ﻳﺎ ﺍﻟﺼﺎﻓﻲ .. ﻏﻠﻄﺎﻥ ﺛﻢ ﻏﻠﻄﺎﻥ ..

ﺍﻧﺖ ﺍﻧﺎ ﻣﻮﺵ ﻭﺻﻴﺘﻚ .. ﻗﻠﺖ ﻟﻴﻚ ﻣﺎﺗﻈﻠﻢ ﺯﻭﻝ ﺑﻲ ﻛﻼﻡ ﺯﻭﻝ ﻗﺒﻞ ﻣﺎﺗﺘﺄﻛﺪ؟؟ .. ﺍﻧﺖ ﻟﻴﻪ ﺗﺼﺪﻕ ﺑﻬﻴﺔ .. ؟ ﺍﻧﻮ ﺭﻗﻴﺔ ﻣﺎﻋﺎﻳﺰﺍﻙ ﺗﺘﻮﺍﺻﻞ ﻣﻌﺎﻫﺎ؟؟ ﺍﻧﺖ ﺳﺄﻟﺖ ﺭﻗﻴﺔ ﻓﻲ ﺫﺍﺕ ﻧﻔﺴﻬﺎ ؟ ...

ﻗﺎﻝ ﻟﻴﻬﺎ ﻻﻻ ﻣﺎﺳﺄﻟﺘﻬﺎ ..

ﻗﺎﻟﺖ ﻟﻴﻬﻮ ﺍﻻﻥ ﺍﻧﺖ ﻇﻠﻤﺖ ﺭﻗﻴﺔ .. ﻻﻧﻬﺎ ﻫﻲ ﻣﺒﺴﻮﻃﺔ ﺍﻧﻚ ﻛﻨﺖ ﺑﺘﺘﺼﻞ ﻋﻠﻴﻬﻢ ﺻﺒﺎﺡ ﻭﻣﺴﺎﺀ .. ﻭﻣﺘﻤﻨﻴﺔ ﺍﻧﻚ ﺗﺠﻴﻬﻢ ﺯﻳﺎﺭﺓ ﻓﻲ ﺍﻟﺒﻴﺖ .. ﻭﻧﺪﻣﺎﻧﺔ ﻋﻠﻰ ﻣﺮﻭﻗﻚ ﻣﻦ ﺍﻟﺒﻴﺖ .. ﻓﺎﻫﻢ؟؟ ﻭﺩﻩ ﻛﻼﻡ ﺍﺳﻤﻌﻮ ﻣﻨﻲ ﺍﻧﺎ ﻗﺒﻞ ﺩﻗﺎﻳﻖ ﻛﻨﺖ ﺑﺘﻜﻠﻢ ﻣﻊ ﺭﻗﻴﺔ ..

ﻭﻣﺮﺓ ﻃﺎﺭﻕ ﺍﻟﻠﺒﻴﺐ .. ﻗﺎﻝ ...........

ﺍﻭﻋﻚ ﺗﻈﻠﻢ ﺍﻧﺴﺎﻥ ﺑﻲ ﻛﻼﻡ ﻧﺎﻗﻠﻨﻮ ..

ﺍﻃﺮﺩ ﺷﻚ ﻓﺆﺍﺩﻙ .. ﻭﻻ ﺃﻛﺪ ﻇﻨﻮ ..

ﺍﺑﻘﻰ ﺗﻘﺮﺑﻮ .. ﻭﻳﺄﺫﺍﻛﺎ ﻗﺮﺑﻚ ﻣﻨﻮ ..

ﻭﺍﻣﻜﻦ ﺗﻨﻈﻠﻢ .. ﺑﻲ ﺍﺑﺘﻌﺎﺩﻙ ﻋﻨﻮ ..

ﺑﻌﺪﻳﻦ ﻳﺎ ﺍﻟﺼﺎﻓﻲ ﺍﻭﺭﻳﻚ ﻏﻠﻄﻚ ﺩﻩ .. ﺍﺗﻄﻮﺭ ﻛﻴﻒ .. ﻭﻋﻤﻞ ﻛﻢ ﻛﺎﺭﺛﺔ ..ﻣﺴﺎﻋﻴﻚ ﺍﻟﻜﻠﻤﺖ ﺑﻴﻬﺎ ﺑﻬﻴﺔ ﺩﻱ .. ﺑﻬﻴﺔ ﻣﺸﺖ ﻋﻜﺴﺖ ﺍﻟﻜﻼﻡ ﻟﻲ ﺭﻗﻴﺔ ﺍﺧﺘﻬﺎ .. ﻭﻗﺎﻟﺖ ﻟﻴﻬﺎ ﻃﻠﻴﻘﻚ ﻣﻌﺘﺼﻢ .. ﺷﺘﻤﻚ .. ﻭﻧﺒﺬﻙ ﻟﻠﺼﺎﻓﻲ .. ﻭﺍﻟﺼﺎﻓﻲ ﻛﻠﻤﻨﻲ .. ﻃﺒﻌﺎ ﺍﻟﺼﺎﻓﻲ ﺍﻧﺪﻫﺶ .. ﻭﺭﺍﺳﻮ ﺩﻩ ﺑﻘﻰ ﻗﺪﺭ ﺍﻟﺤﻴﻄﺔ ﻣﻦ ﺍﻟﺤﻜﺎﻳﺔ ﺩﻱ ..

ﻭﺍﻟﻜﺎﺭﺛﺔ ﺍﻻﻛﺒﺮ ﻣﻦ ﻛﺪﺍ ﻳﺎ ﺍﻟﺼﺎﻓﻲ .. ﺍﻧﻮ ﻣﻌﺘﺼﻢ ﺑﻨﺎﺀ ﻋﻠﻰ ﻭﻋﻮﺩﻙ .. ﻣﺸﻰ ﻳﺴﻠﻢ ﻋﻠﻰ ﺍﻭﻻﺩﻭ .. ﻭﺷﺎﻳﻞ ﻣﻌﺎﻫﻮ ﻫﺪﺍﻳﺎ ﻟﺮﻗﻴﺔ .. ﺭﻗﻴﺔ ﺭﺟﻌﺖ ﻟﻴﻬﻮ ﺍﻟﻬﺪﺍﻳﺔ .. ﻭﻗﺎﻟﺖ ﻟﻴﻬﻮ ﺍﻧﺖ ﺷﺘﻤﺘﻨﻲ ﻟﻠﺼﺎﻓﻲ .. ﻭﻣﻌﺘﺼﻢ ﻃﻠﻊ ﺯﻋﻼﻥ .. ﺳﺄﻟﻚ؟ .. ﻻﻗﺎﻙ؟ .. ﺍﺗﺼﻞ ﻋﻠﻴﻚ؟

ﻗﺎﻝ ﻟﻴﻬﺎ ﻻﻻ .. ﻟﻴﻬﻮ ﻛﻢ ﻳﻮﻡ ﻣﺎ ﺍﺗﺼﻞ ﻋﻠﻲ .. ﻭﺍﻧﺎ ﺫﺍﺗﻲ ﻣﺴﺘﻐﺮﺏ .. ﻗﺎﻟﺖ ﻟﻴﻬﻮ ﻣﺎﺗﺴﺘﻐﺮﺏ ﺩﻩ ﺍﻟﺤﺎﺻﻞ ..

ﻟﻜﻦ ﺍﻧﺎ ﺍﻣﻚ ﺍﻧﺖ .. ﺍﻟﻐﻠﺒﻚ ﺗﺴﻮﻳﻬﻮ ﻓﻲ ﺍﻟﺨﺮﻃﻮﻡ .. ﺍﻧﺎ ﺑﺴﻮﻳﻬﻮ ﻭﺍﻧﺎ ﻗﺎﻋﺪﺓ ﻓﻲ ﻋﻄﺒﺮﺓ ..

ﻗﺎﻝ ﻟﻴﻬﺎ ﺍﻧﺘﻲ ﺍﻟﻤﻘﺪﺭﺓ ﻳﺎﺑﺖ ﺍﻟﺤﺎﺝ ﻫﻬﻪ ﺗﺴﻠﻤﻲ ..

ﻗﻔﻠﺖ ﺍﻳﻤﺎﻥ ﺍﻟﺘﻠﻔﻮﻥ ﻣﻦ ﺍﻟﺼﺎﻓﻲ .. ﻭﺍﺗﺼﻠﺖ ﻋﻠﻰ ﺭﻗﻴﺔ .. ﻗﺎﻟﺖ ﻟﻴﻬﺎ ﺍﺳﻤﻌﻲ ﻳﺎﺭﻗﻴﺔ .. ﺍﻧﺎ ﺗﻜﻠﻤﺖ ﻣﻊ ﺍﻟﺼﺎﻓﻲ ﻫﺴﻲ .. ﻭﻗﺎﻝ ﻓﻌﻼ ﻗﺎﺑﻞ ﻣﻌﺘﺼﻢ ﺍﺑﻮ ﺍﻭﻻﺩﻙ .. ﻭﻣﻌﺘﺼﻢ ﻗﺎﻝ ﻟﻠﺼﺎﻓﻲ ﻋﻨﻚ .. ﻛﻴﺖ ﻛﻴﺖ ﻛﻴﺖ .. ﻛﻠﻮ ﺧﻴﺮ ﻭﻣﺤﺒﺔ ﻭﺍﺧﻼﺹ ﻭﻭﻓﺎﺀ .. ﻭﺍﻟﺼﺎﻓﻲ ﻟﻤﻦ ﺩﺍﻳﺮ ﻳﻜﻠﻤﻚ .. ﺑﻬﻴﺔ ﺍﺧﺘﻚ ﻗﺎﻟﺖ ﻟﻴﻬﻮ ﺭﻗﻴﺔ ﻣﺎﻋﺎﻳﺰﺍﻙ ﺗﺘﺼﻞ ﻋﻠﻴﻬﺎ ..

ﻭﻭﺻﻠﺖ ﻟﻴﻚ ﺍﻟﻜﻼﻡ ﻣﻌﻜﻮﺱ .. ﺍﻧﺘﻲ ﻳﺎﺭﻗﻴﺔ ﻣﺎﺑﺘﻌﺮﻓﻲ ﺑﻬﻴﺔ ؟؟

ﺑﻬﻴﺔ ﺑﺘﺘﺼﺪﻕ ﻳﺎﺭﻗﻴﺔ ؟ ﺑﻬﻴﺔ ﻗﺒﻞ ﻛﺪﺍ ﻣﺎ ﻛﻀﺒﺖ ﻟﻴﻚ ﻓﻲ ﻋﻤﺮ ﺧﻄﻴﺒﻚ ﺍﻻﻭﻝ .. ﻭﺍﻧﺖ ﻓﺮﻛﺸﺘﻲ ﺧﻄﻮﺑﺘﻚ؟ .. ﻓﻲ ﺍﻟﻨﻬﺎﻳﺔ ﺍﻛﺘﺸﻔﺘﻲ ﺍﻧﻬﺎ ﺑﺘﻜﻀﺐ ﺑﻌﺪ ﻣﺎ ﻋﻤﺮ ﻋﺮﺱ؟؟ .. ﺗﺎﺍﺍﺍﺍﻧﻲ ﺗﻘﻌﻲ ﻓﻲ ﻧﻔﺲ ﺍﻟﻐﻠﻂ؟

ﻟﻴﻪ ﻣﺎ ﺍﺗﺼﻠﺘﻲ ﻋﻠﻰ ﺍﻟﺼﺎﻓﻲ ﻭﺍﺗﺎﻛﺪﺗﻲ ﺑﻲ ﻧﻔﺴﻚ؟ ﻟﻴﻪ ﻣﺎ ﺿﺮﺑﺖ ﻟﻲ ﺍﺑﻮ ﻭﻻﺩﻙ ﻭﺳﺄﻟﺘﻴﻬﻮ ؟

ﺩﺍﻳﻤﺎ ﺍﻟﻮﺍﺣﺪ ﻓﻴﻜﻢ ﻳﺴﺘﻌﺠﻞ .. ﻳﺼﺪﻕ ﺍﻟﻜﻼﻡ ﺍﻟﻜﻌﺐ ﺍﻟﻤﻨﻘﻮﻝ ﺑﺪﻭﻥ ﻣﺎﻳﺘﺄﻛﺪ ..

ﻭﺑﻌﺪ ﻳﺨﺮﺏ ﺍﻟﺪﻧﻴﺎ .. ﻓﻲ ﺍﻟﻨﻬﺎﻳﺔ ﻳﺠﻲ ﻳﻨﺪﻡ .. ﻭﺍﻟﻨﺪﻡ ﻣﺎﻳﻨﻔﻊ ..

ﺍﻭ ﻋﻚ ﺗﺴﺄﻟﻲ ﺑﻬﻴﺔ .. ﺗﺴﺒﺒﻲ ﻟﻴﻬﺎ ﻛﺮﺍﻫﻴﺔ ﻣﻊ ﻭﻟﺪﻱ .. ﺑﺲ ﻟﻮ ﺩﺍﻳﺮﺓ ﺗﻐﻴﻈﻴﻬﺎ .. ﻭﺗﻨﺘﻘﻤﻲ ﻓﻴﻬﺎ .. ﺍﺿﺮﺑﻲ ﻟﻲ ﺍﺑﻮ ﺍﻭﻻﺩﻙ .. ﻭﻗﻮﻟﻲ ﻟﻴﻬﻮ ﺟﻴﺐ ﺍﻟﻬﺪﻳﺔ ﺍﻧﺎ ﺍﺳﻔﺔ .. ﻭﺍﻋﺘﺬﺭﻱ ﻟﻴﻬﻮ .. ﻭﻫﻮ ﺑﺮﺍﻫﻮ ﺑﺮﺟﻌﻚ .. ﻣﻨﺘﻈﺮﻙ ﻋﻠﻰ ﺍﺣﺮ ﻣﻦ ﺍﻟﺠﻤﺮ .. ﺩﻩ ﺍﻟﻜﻼﻡ ﺍﻟﻘﺎﻟﻮ ﻟﻠﺼﺎﻓﻲ .. ﻳﻼ ﻳﺎ ﺭﻗﻴﺔ ﺍﺳﻌﺪﻳﻨﻲ ﺑﺮﺟﻮﻋﻚ .. ﻭﻓﺸﻴﻨﻲ ﻓﻲ ﺑﻬﻴﺔ .. ﺍﻟﻠﻪ ﻳﺪﻳﻚ ﺍﻟﻌﺎﻓﻴﺔ ..

ﺭﻗﻴﺔ ﻗﺎﻟﺖ ﻟﻴﻬﺎ ﺳﺒﺤﺎﻥ ﺍﻟﻠﻪ .. ﺍﻟﻨﺎﺱ ﺍﻻﺫﻳﺘﻬﻢ ﻭﺍﺗﻬﻤﺘﻬﻢ .. ﻭﺍﻗﻔﻴﻦ ﻣﻌﺎﻱ .. ﻭﺍﺧﺘﻲ ﺷﻘﻴﺘﻲ ﻟﺪﻏﺘﻨﻲ ﻓﻲ ﺿﻬﺮﻱ .. ﺳﺒﺤﺎﻥ ﺍﻟﻠﻪ ﻳﺎ ﺍﻳﻤﺎﻥ ..

ﺣﻘﻴﻘﺔ ﺍﻟﻨﺎﺱ ﻣﺎﻭﺍﺣﺪ .. ﺍﻧﺎﺑﺘﺼﻞ ﻋﻠﻲ ﺍﻟﺼﺎﻓﻲ ﺑﺮﺍﻱ ﻳﺎ ﺍﻳﻤﺎﻥ .. ﻣﺎﺗﺸﻴﻠﻲ ﻫﻢ .. ﺑﺲ ﻗﺒﻞ ﻣﺎ ﺍﺗﺼﻞ ﻋﻠﻰ ﺍﻟﺼﺎﻓﻲ .. ﺩﺍﻳﺮﺓ ﺍﺗﺼﻞ ﻋﻠﻰ ﻣﻌﺘﺼﻢ .. ﻭﺍﻋﺘﺬﺭ ﻟﻴﻬﻮﻭﺍﻗﻮﻝ ﻟﻴﻬﻮ ﺗﻌﺎﻝ ﻟﻲ ﻭﺟﻴﺐ ﻟﻲ ﺍﻟﻬﺪﺍﻳﺎﺍ ..

ﻗﻔﻠﺖ ﻣﻨﻬﺎ ﺍﻟﺘﻠﻔﻮﻥ .. ﻭﺍﺗﺼﻠﺖ ﻋﻠﻰ ﻣﻌﺘﺼﻢ ﺍﺑﻮ ﺍﻭﻻﺩﻫﺎ .. ﻟﻜﻴﻦ ﺍﺗﻔﺎﺟﺄﺕ ﺑﻤﺎ ﻟﻢ ﻳﻜﻦ ﻣﺘﻮﻗﻊﺭﻗﻴﺔ ﻟﻤﻦ ﺍﺗﺼﻠﺖ ﻋﻠﻰ ﺭﻗﻢ ﻣﻌﺘﺼﻢ .. ﺭﺩ ﻟﻴﻬﺎ ﺑﺎﻧﺰﻋﺎﺝ .. ﻻﻧﻮ ﻋﺎﺭﻑ ﺭﻗﻤﻬﺎ ﻭﻫﻲ ﻣﺴﺘﺤﻴﻞ ﺗﻀﺮﺏ ﻟﻴﻬﻮ .. ﺑﺲ ﺧﺘﺎ ﺍﻧﻮ ﻭﺍﺣﺪ ﻓﻲ ﺍﻭﻻﺩﻭ ﺣﺼﻠﺖ ﻟﻴﻬﻮ ﺣﺎﺟﺔ ..

ﻗﺎﻝ ﻟﻴﻬﺎ ﺍﻟﻮ . ؟ ﺭﻗﻴﺔ؟ ﻧﻌﻞ ﻣﺎﻓﻲ ﻋﻮﺟﺔ .. ﺍﻻﻭﻻﺩ ﻛﻮﻳﺴﻴﻦ؟ ..

ﻗﺎﻟﺖ ﻟﻴﻬﻮ ﺍﻻﻭﻻﺩ ﻛﻮﻳﺴﻴﻦ .. ﻣﻌﺘﺼﻢ ﺍﻧﺎ ﺍﺳﻔﺔ .. ﺍﻧﻲ ﺍﻟﻤﺮﺓ ﺍﻟﻔﺎﺗﺖ ﺭﺟﻌﺘﻚ ﺑﺎﻟﻬﺪﻳﺔ .. ﺍﻋﻔﻰ ﻟﻲ ﺍﻧﺎ ﺍﺳﺴﻔﺔ ﺷﺪﻳﺪ .. ﻳﺎﺭﻳﺖ ﻗﻠﺒﻚ ﻳﺴﺎﻣﺤﻨﻲ ﻓﻲ ﻛﻞ ﺣﺎﺟﺔ .. ﺍﻧﺎ ﻇﻠﻤﺘﻚ ﻛﺘﻴﺮ ..

ﻗﺎﻝ ﻟﻴﻬﺎ ﻳﺎ ﺭﻗﻴﺔ .. ﺍﻧﺎ ﺍﻻﺳﻒ ﻻﻧﻚ ﺍﺗﺄﺧﺮﺗﻲ ﻛﺘﻴﺮ .. ﻭﺍﻧﺎ ﺗﻌﺒﺖ ﻣﻦ ﺍﻻﻧﺘﻈﺎﺭ ..

ﻭﻫﺴﻲ ﺧﻼﺹ .. ﺧﻄﺒﺖ ﻭﺯﻭﺍﺟﻲ ﺍﻻﺳﺒﻮﻉ ﺍﻟﺠﺎﻱ ..

ﺭﻗﻴﺔ ﺻﺪﻣﺖ .. ﻭﺳﻜﺘﺖ ﺳﺎﺍﻱ .. ﻭﺍﻳﺪﻫﺎ ﻣﺎﺗﺖ .. ﻭﺍﻟﺘﻠﻔﻮﻥ ﻭﻗﻊ ﻣﻦ ﻳﺪﻫﺎ .. ﻭﻫﻲ ﻟﺴﻪ ﺧﺎﺗﺔ ﻳﺪﻫﺎ ﻓﺎﺿﻴﺔ ﺟﻨﺐ ﺍﺿﺎﻧﻬﺎ ..

ﻭﺧﺎﺷﺔ ﻓﻲ ﺣﺎﻟﺔ ﺑﺘﺎﻋﺔ ﺫﻫﻮﻝ ﻏﺮﻳﺐ ..

ﻭﻫﻮ ﺷﻐﺎﻝ ﻟﻴﻬﺎ ﺍﻟﻮ؟ .. ﺍﻟﻮ؟ ﻳﺎﺭﻗﻴﺔ ؟؟ .. ﻭﻛﺖ ﻟﻘﺎﻫﺎ ﻣﺎﺑﺘﺮﺩ .. ﻗﻔﻞ ﺍﻟﺨﻂ .. ﺭﻗﻴﺔ ﺍﺳﺘﻌﺎﺩﺕ ﻗﻮﺗﻬﺎ .. ﻭﺑﻜﺖ ﺑﻜﺖ ﺑﻜﺖ .. ﻭﻣﺎﻓﻲ ﺯﻭﻝ ﺗﺤﻜﻲ ﻟﻴﻬﻮ .. ﺧﺎﻟﺪ ﻣﺎﻋﻨﺪﻭ ﻣﻌﺎﻫﺎ ﺻﺮﺍﺣﺔ .. ﻭﺍﺣﻤﺪ ﺑﻌﻴﺪ ﻣﻨﻬﺎ .. ﻭﺑﻬﻴﺔ ﺳﺒﺐ ﺍﻟﻤﺼﺎﻳﺐ .. ﻃﻮﺍﻟﻲ ﺍﺗﺼﻠﺖ ﻋﻠﻰ ﺍﻳﻤﺎﻥ ..

ﺣﻜﺖ ﻟﻴﻬﺎ .. ﻭﺗﺒﻜﻲ .. ﻭﺍﻳﻤﺎﻥ ﻓﻲ ﻛﻼﻡ ﻣﺎﻓﺮﺯﺗﻮ ﻣﻦ ﺷﺪﺓ ﺍﻟﺒﻜﺎﺀ ..

ﺍﻳﻤﺎﻥ ﻗﺎﻟﺖ ﻟﻴﻬﺎ ﺍﻫﺪﻱ ﺷﻮﻳﺔ .. ﻭﺧﻠﻴﻨﻲ ﺍﻭﺭﻳﻚ ﺗﻌﻤﻠﻲ ﺷﻨﻮ؟ .. ﺍﻫﺪﻱ ﺑﺲ ﻭﺍﺿﺮﺑﻲ ﻟﻲ ﺗﺎﻧﻲ ..

ﻗﺎﻟﺖ ﻟﻴﻬﺎ ﻫﺪﻳﺖ ﻳﺎ ﺍﻳﻤﺎﻥ .. ﻗﻮﻟﻲ ﻟﻲ ﺍﻋﻤﻞ ﺷﻨﻮ؟ .. ﺍﻧﺎ ﻛﻨﺖ ﻗﺎﻋﺪﺓ ﻋﺎﺩﻳﺔ .. ﺑﺮﺍﻛﻢ ﺷﺮﺑﻜﺘﻮﻧﻲ ﻓﻲ ﺍﻟﺮﺍﺟﻞ ﺩﻩ ﺗﺎﻧﻲ ..

ﻗﺎﻟﺖ ﻟﻴﻬﺎ ﺍﻧﺘﻲ ﺡ ﺗﺴﻤﻌﻲ ﻛﻼﻣﻲ .. ﻭﻻ ﺍﺣﺴﻦ ﻣﺎ ﺍﺗﻌﺐ ﻧﻔﺴﻲ ﺑﺎﻟﻜﻼﻡ؟ ..

ﺭﻗﻴﺔ ﻗﺎﻟﺖ ﻟﻴﻬﺎ ﻗﻮﻟﻲ ﻳﺎ ﺍﻳﻤﺎﻥ .. ﺍﻧﺎ ﺑﺴﻤﻊ ﻛﻼﻣﻚ .. ﻭﺍﻟﻠﻪ ﻟﻮ ﻗﻠﺘﻲ ﻟﻲ ﺍﻗﻌﻲ ﻓﻲ ﺍﻟﻨﺎﺭ ﺍﻗﻊ ..

ﻗﺎﻟﺖ ﻟﻴﻬﺎ ﺍﺭﺟﻌﻲ ﻟﻴﻬﻮ ﺑﻲ ﺗﻠﻔﻮﻥ ﺗﺎﻧﻲ .. ﻗﻮﻟﻲ ﻟﻴﻬﻮ .. ﺍﻧﺎ ﻳﺎ ﻣﻌﺘﺼﻢ ﻗﺮﺭﺕ ﺍﺭﺟﻊ ﻟﻲ ﺑﻴﺘﻲ ﻭﺍﻭﻻﺩﻱ ﻳﻌﺸﻮ ﻣﻊ ﺍﺑﻮﻫﻢ .. ﺍﻧﺎ ﻣﺎﻋﻨﺪﻱ ﻣﺎﻧﻊ ﺗﺘﺰﻭﺝ ﺩﻩ ﺣﻼﻟﻚ ..

ﻗﺎﻟﺖ ﻟﻴﻬﺎ ﺍﻧﺘﻲ ﻳﺎ ﺍﻳﻤﺎﻥ ﻧﺼﻴﺤﺔ؟؟ .. ﺩﻩ ﻛﻼﻡ ﺷﻨﻮ ﺍﻟﺒﺘﻘﻮﻟﻲ ﻓﻴﻬﻮ ﺩﻩ؟ ..

ﺍﻳﻤﺎﻥ ﻗﺎﻟﺖ ﻟﻴﻬﺎ .. ﻫﺴﻲ ﺍﻧﺘﻲ ﻣﻮﺵ ﻗﻠﺘﻲ ﻟﻲ .. ﻛﺎﻥ ﻗﻠﺘﻲ ﻟﻲ ﺍﻗﻌﻲ ﻓﻲ ﺍﻟﻨﺎﺭ ﺑﻘﻊ .. ﺑﺲ ﻧﻔﺬﻱ ﻛﻼﻣﻲ ﺩﻩ .. ﻭﺍﺭﺟﻌﻲ ﻟﻲ ﺳﺮﻳﻊ ﺍﻧﺎ ﺭﺍﺟﻴﺎﻙ ..

ﺳﺮﻳﻊ ﺳﺮﻳﻊ ﺍﺗﺼﻠﺖ ﺭﻗﻴﺔ ﻋﻠﻰ ﻣﻌﺘﺼﻢ .. ﻣﻌﺘﺼﻢ ﺭﺩ ﻟﻴﻬﺎ .. ﻗﺎﻝ ﻟﻴﻬﺎ ﻳﺎﺭﻗﻴﺔ ﺍﻧﺘﻲ ﻛﻮﻳﺴﺔ؟ ﺍﺟﻴﻚ؟

ﻗﺎﻟﺖ ﻟﻴﻬﻮ ﻻﻻ .. ﺑﺲ ﺩﺍﻳﺮﺓ ﺍﻗﻮﻝ ﻟﻴﻚ ﻛﻼﻡ .. ﻭﺭﺻﺖ ﻟﻴﻬﻮ ﻛﻼﻡ ﺍﻳﻤﺎﻥ ﺑﺎﻟﻨﺺ .. ﻭﺯﺍﺩﺕ ﻋﻠﻴﻬﻮ ﻛﻼﻡ ﻣﻨﻬﺎ ﺑﺮﺍﻫﺎ .. ﻗﺎﻟﺖ ﻟﻴﻬﻮ ﺍﻧﺎ ﻟﻤﻦ ﺭﺟﻌﺘﻚ ﺑﺎﻟﻬﺪﻳﺔ .. ﻛﺎﻧﺖ ﺑﻬﻴﺔ ﺍﺧﺘﻲ ﻗﺎﻟﺖ ﻟﻲ ﻛﻼﻡ .. ﻗﺎﻟﺖ ﺍﻧﺖ ﻧﺒﺬﺗﻨﻲ ﻟﻠﺼﺎﻓﻲ .. ﻭﻣﺴﺤﺖ ﺑﻲ ﺍﻟﻮﺍﻃﺎ .. ﻟﻜﻦ ﺍﻧﺎ ﻟﻤﻦ ﺍﺗﺤﻘﻘﺖ .. ﻋﺮﻓﺖ ﺍﻧﻚ ﺍﻧﺖ ﻣﺎﻗﻠﺖ ﺍﻻ ﺍﻟﺨﻴﺮ ﻭﺍﻟﺼﺎﻓﻲ ﺑﺮﺉ ﻣﻦ ﺍﻟﻜﻼﻡ .. ﺑﺎﻟﻌﻜﺲ ﻫﻮ ﻛﺎﻥ ﻫﺪﻓﻮ ﺍﻻﻣﻮﺭ ﺗﺮﺟﻊ ﻟﻲ ﻭﺿﻌﻬﺎ ﺍﻟﻄﺒﻴﻌﻲ ..

ﻟﻜﻦ ﺑﻬﻴﺔ ﻫﻲ ﺍﻟﻌﻜﺴﺖ ﺍﻟﻜﻼﻡ .. ﻭﺧﻠﺘﻨﻲ ﺍﻛﺮﻫﻚ .. ﻭﺍﻛﺮﻩ ﺍﻟﺼﺎﻓﻲ ﺑﺪﻭﻥ ﺳﺒﺐ .. ﺍﻟﻠﻪ ﻳﺴﺎﻣﺤﻬﺎ .. ﺍﻟﻤﻬﻢ ﻳﺎ ﻣﻌﺘﺼﻢ ﻛﺪﻱ ﺧﻠﻴﻬﻮ ﺍﻟﻔﺎﺕ .. ﺍﻧﺎﻗﺮﺭﺕ ﺍﺭﺟﻊ ﻟﻲ ﺑﻴﺘﻲ .. ﻭﻣﺎﻋﻨﺪﻱ ﻣﺎﻧﻊ ﺗﻜﻮﻥ ﻣﻌﺎﻱ ﺿﺮﺓ ..

ﻣﻌﺘﺼﻢ ﺳﻜﺖ ﻣﺴﺎﺍﺍﺍﻓﺔ ﻭﻗﺎﻝ ﻟﻴﻬﺎ ﺧﻴﺮ ﻳﺎ ﺭﻗﻴﺔ .. ﺍﻧﺎ ﺑﺮﺟﻊ ﻟﻴﻚ ..

ﻃﺒﻌﺎ " ﻳﺎﺟﻤﺎﻋﺔ . ﻣﻌﺘﺼﻢ ﻓﻌﻼ " ﺧﻄﺐ ﻭﺍﺣﺪﺓ ﺍﺧﺖ ﺻﺎﺣﺒﻮ ﺳﺎﻛﻨﻴﻦ .. ﺍﻟﺤﻠﺔ ﺍﻟﺠﺪﻳﺪﺓ .. ﻭﻛﺎﻥ ﻛﻠﻤﻮﻫﺎ ﻳﻮﻡ ﺍﻟﺨﻄﻮﺑﺔ .. ﻗﺎﻟﻮ ﻟﻴﻬﺎ ﺍﻧﺎ ﻣﺘﺰﻭﺝ ﻭﻣﻨﻔﺼﻞ ﻋﻦ ﺯﻭﺟﺘﻮ ﻭﻋﻨﺪﻭ ﻣﻨﻬﺎ ﻭﻟﺪﻳﻦ .. ﻭﻫﻲ ﻣﺎﻋﺎﻳﺰﺓ ﺗﺮﺟﻊ ﻟﻴﻬﻮ ..

ﻭﻋﻠﻰ ﻛﺪﺍ ﺍﻟﺒﺖ ﻗﺒﻠﺖ ﺑﻴﻬﻮ .. ﻭﺍﺷﺘﺮﻃﺖ ﻋﻠﻴﻬﻮ ﺍﻧﻬﺎ ﻣﺎﺑﺘﻘﺪﺭ ﺗﻤﺴﻚ ﻟﻴﻬﻮ ﺍﻭﻻﺩﻭ .. ﺗﺤﺖ ﺍﻱ ﻇﺮﻑ ﻣﻦ ﺍﻟﻈﺮﻭﻑ .. ﻭﻫﻮ ﻛﺎﻥ ﻗﺒﻼﻥ .. ﻻﻧﻮ ﺭﻗﻴﻪ ﺍﺳﺎﺳﺎ ﻣﺎ ﺑﺘﻔﺮﻁ ﻓﻲ ﺍﻭﻻﺩﻫﺎ .. ﻭﻣﺎﺑﺘﺪﻳﻬﻢ ﻟﻲ ﻣﺮﺍﺓ ﺗﺮﺑﻴﻬﻢ ﻟﻴﻬﺎ ..

ﺍﻫﺎ ﻟﻤﻦ ﺳﻤﻊ ﻛﻼﻡ ﺭﻗﻴﺔ ﺩﻩ .. ﺍﺗﺼﻞ ﻋﻠﻰ ﺧﻄﻴﺒﺘﻮ ..

ﻗﺎﻝ ﻟﻴﻬﺎ ﺍﻧﺎ ﻛﺎﻥ ﻛﻠﻤﺘﻚ ﺍﻧﻮ ﻃﻠﻴﻘﺘﻲ ﺭﺍﻓﻀﺔ ﺗﺮﺟﻊ ﻟﻲ .. ﻭﺍﻧﺎ ﺍﻟﻮﻛﺖ ﺩﻩ ﻛﻠﻮ ﻣﻨﺘﻈﺮﻫﺎ ﺗﻐﻴﺮ ﺭﺍﻳﻬﺎ ﻋﺸﺎﻥ ﺍﻭﻻﺩﻱ ..

ﻭﻫﺴﻲ ﻫﻲ ﻗﺮﺭﺕ .. ﺍﻧﻬﺎ ﺗﺮﺟﻊ ﻟﻲ .. ﺍﻧﺎ ﻣﺎ ﻋﺎﻳﺰ ﺃﺃﺟﻞ ﺯﻭﺍﺟﻲ ﺑﻴﻚ .. ﻟﻜﻦ ﻋﺎﻳﺰﻙ ﺗﻌﺮﻓﻲ ﺍﻧﻮ ﺍﻧﺎ ﺡ ﺍﺭﺟﻊ ﺍﻡ ﺍﻭﻻﺩﻱ ..

ﺍﻟﺨﻄﻴﺒﺔ ﺍﻟﺤﺒﻴﺒﺔ ﻗﺎﻟﺖ ﻟﻴﻬﻮ .. ﺍﻧﺖ ﺭﺍﺟﻞ ﻣﺮﺍﻭﻍ ﻭﺧﺪﺍﻉ .. ﻭﻣﺎﻋﻨﺪﻙ ﻛﻼﻡ .. ﻳﻌﻨﻲ ﻣﻌﻘﻮﻝ ﻣﺮﺗﻚ ﺭﺍﻓﻀﺔ ﺍﻟﺮﺟﻮﻉ ﺍﻟﺰﻣﻦ ﺩﻩ ﻛﻠﻮ؟؟ .. ﻭﻣﺎﻗﺒﻠﺖ ﺍﻻ ﻓﻲ ﺍﻻﺳﺒﻮﻉ ﺩﻩ؟ .. ﺍﻧﺘﻮ ﻣﻮﺵ ﺍﺣﺴﻦ ﺍﻟﻮﺍﺣﺪ ﻳﻜﻮﻥ ﺻﺎﺩﻕ ﻓﻲ ﻛﻼﻣﻮ ؟؟

ﻗﺎﻝ ﻟﻴﻬﺎ ﺍﺳﻤﻌﻲ ﺍﻧﺎ ﻛﻠﻤﺘﻚ ﺑﺎﻟﺤﻘﻴﻘﺔ .. ﺍﻧﺘﻲ ﻭﺭﻳﻨﻲ ﻗﺮﺍﺭﻙ ﺍﻻﺧﻴﺮ ..