روايه الصافي الجزء التاني

روايه الصافي 7

ﺍﻟﺼﺎﻓﻲ ﻣﺸﻰ ﺍﻭﻝ ﺣﺎﺟﺔ ﻟﻲ ﻧﺎﺱ ﺧﺎﻟﻮ ﺍﺣﻤﺪ ﻓﻲ ﺍﻟﺼﺒﺎﺑﻲ .. ﻭﻃﺒﻌﺎ ﻫﻨﺎﻙ ﻣﻮﺟﻮﺩﺓ ﺑﻬﻴﺔ ﻭﺧﺎﻟﺪ .. ﻭﺑﻬﻴﺔ ﺳﺎﻛﻨﺔ ﻓﻲ ﺑﻴﺖ ﺍﺣﻤﺪ ﻭﻣﺘﻀﺎﻳﻘﺔ ﺿﻴﻖ ﺷﺪﻳﺪ .. ﻭﻣﺮﺍﺓ ﺍﺣﻤﺪ ﻣﻮﺭﻳﺎﻫﺎ ﻟﻴﻚ ﻧﺠﻮﻡ ﺍﻟﻀﺤﻰ ..

ﺍﻭﻝ ﻣﻦ ﺍﻟﺼﺎﻓﻲ ﺟﺎﺀ ﻧﺎﺩﺗﻮ .. ﻗﺎﻟﺖ ﻟﻴﻬﻮ ﺗﻌﺎﻟﻲ ﺍﺣﻜﻲ ﻟﻴﻚ ﺍﻟﺤﺎﺻﻞ ﺗﺘﺬﻛﺮ ﺍﻟﻴﻮﻡ ﺩﺍﻙ ﻟﻤﻦ ﺟﻴﺘﻨﻲ ﻋﻠﻰ ﺣﺴﺐ ﻣﻮﺍﻋﻴﺪﻙ .. ﻭﻣﺸﻴﻨﺎ ﻟﻲ ﺭﻗﻴﺔ

ﻓﻲ ﺑﻴﺘﺎ ﺍﻧﺎ ﻭﺍﻧﺖ ﻭﺧﺎﻟﺪ ﻭﻓﻄﺮﻧﺎ ﻣﻌﺎﻫﺎ .. ﻭﺍﺗﻐﺪﻳﻨﺎ ﻭﺧﻼﺹ ﺍﺗﻌﺎﻓﻴﻨﺎ .. ﻭﺟﻴﻨﺎ ﻣﻨﻬﺎ ﺍﻟﻌﺼﺮ ﻣﺘﺬﻛﺮ ؟

ﻗﺎﻝ ﻟﻴﻬﺎ ﺍﻫﺎ ﺍﻱ ﻣﺘﺬﻛﺮ .. ﻗﺎﻟﺖ ﺗﺘﺨﻴﻞ ﻣﻦ ﺍﻟﻴﻮﻡ ﺩﺍﻙ ﺗﺎﻧﻲ ﻣﺎﺿﺮﺑﺖ ﻟﻲ ﺗﻠﻔﻮﻥ .. ﻭﻛﺖ ﺍﺿﺮﺏ ﻟﻴﻬﺎ ﻣﺎﺑﺘﺮﺩ .. ﻣﻦ ﺍﻟﻴﻮﻡ ﺩﺍﻙ ﺗﺎﻧﻲ ﻣﺎ ﻗﺪﺭﺕ ﺍﺗﻜﻠﻢ ﻣﻌﺎﻫﺎ ..

ﻗﺎﻝ ﻟﻴﻬﺎ ﻭﺍﻟﻠﻪ ﺭﻗﻴﺔ ﺩﻱ ﺻﻌﺒﺔ ﺷﺪﻳﺪ .. ﺩﻱ ﻳﺤﻠﻮﻫﺎ ﻣﻌﺎﻫﺎ ﻛﻴﻔﻦ . ؟

ﻗﺎﻟﺖ ﻟﻴﻬﻮ ﺍﻧﺎ ﺯﻭﺟﺔ ﺍﺣﻤﺪ ﻣﺸﻐﻼﻧﻲ ﺧﺪﺍﻣﻪ .. ﻭﺑﺘﺰﻟﻨﻲ ﺫﻟﺔ ﺍﻟﻜﻼﺏ ..

ﺗﺒﻴﺘﻨﻲ ﺍﻟﻘﻮﺍ .. ﻭﺗﻘﻠﻊ ﻛﻮﺯ ﺍﻟﻤﻮﻳﺔ ﻣﻦ ﺧﺸﻤﻲ ..

ﻭﻣﺎﻗﺎﺩﺭﺓ ﺍﺣﻜﻲ ﻟﻲ ﺍﺣﻤﺪ ﻻﻧﻲ ﺧﺎﻳﻔﺔ ﺍﺧﺮﺏ ﺑﻴﺘﻮ ﻭﺍﺷﺘﺖ ﻭﻟﻴﺪﺍﺗﻮ ..

ﻭﻣﺎﻻﻗﻴﺔ ﺭﻗﻴﺔ ﺍﺧﺘﻲ ﻋﺸﺎﻥ ﺍﺣﻜﻲ ﻟﻴﻬﺎ ﻋﻤﺎﻳﻞ ﺍﻟﻤﺮﺍﺓ ﻣﻌﺎﻱ .. ﻗﻮﻝ ﻟﻲ ﺍﻋﻤﻞ ﺷﻨﻮ؟

ﻗﺎﻝ ﻟﻴﻬﺎ ﺍﻣﺸﻲ ﺍﺳﻜﻨﻲ ﻣﻊ ﺭﻗﻴﺔ ﻓﻲ ﺍﻟﺒﻴﺖ .. ﻗﺎﻟﺖ ﻟﻴﻬﻮ ﺍﻧﺖ ﺑﺘﻔﻬﻢ ﺑﻲ ﻭﻳﻦ ؟ ﺍﻧﺎ ﺍﻗﻮﻝ ﻟﻴﻚ ﻫﻲ ﺍﺳﺎﺳﺎ ﻣﺎﻋﺎﻳﺰﺓ ﺗﺘﻜﻠﻢ ﻣﻌﺎﻱ .. ﺍﺳﻜﻦ ﻣﻌﺎﻫﺎ ﻛﻴﻒ ؟

ﻗﺎﻝ ﻟﻴﻬﺎ ﺗﻤﺸﻲ ﻟﻴﻬﺎ ﻭﺷﺎﻳﻠﺔ ﺷﻨﻄﺘﻚ ﻭﻫﺪﻭﻣﻚ .. ﻭﺗﻘﻌﺪﻱ ﺗﺒﻜﻲ ﻟﻴﻬﺎ ﻭﺗﺸﻜﻲ ﻟﻴﻬﺎ .. ﻣﺎﺗﺘﺼﻠﻲ ﺑﻴﻬﺎ .. ﺗﻤﺸﻲ ﻟﻴﻬﺎ ﻋﺪﻳﻞ .. ﺍﻧﺘﻲ ﻏﻠﻄﺘﻲ ﻋﻠﻰ ﺭﻗﻴﺔ ﻏﻠﻂ ﻛﺒﻴﺮ .. ﻭﻣﺎﻗﺎﺩﺭﺓ ﺗﻨﺴﻰ .. ﻭﻣﺎﺑﺘﻨﺴﻰ ﺍﻻ ﺗﻜﻮﻧﻲ ﻣﻌﺎﻫﺎ ﻭﺗﻌﺎﻣﻠﻴﻬﺎ ﻣﻌﺎﻣﻠﺔ ﻛﺮﻳﻤﺔ .. ﻭﺗﺤﺴﻨﻲ ﺍﺣﺴﺎﻥ ﻳﻨﺴﻴﻬﺎ ﺍﻟﻠﺪﻏﺔ ﺍﻟﻘﺎﺗﻠﺔ ﺩﻳﻚ .. ﺍﻣﺸﻲ ﻟﻲ ﺍﺧﺘﻚ ﻭﺳﻴﺒﻲ ﺍﻟﺘﻜﺒﺮ .. ﺍﺣﺴﻦ ﺗﺬﻟﻚ ﺍﺧﺘﻚ .. ﻭﻣﺎ ﺗﺰﻟﻚ ﺍﻟﺰﻭﻟﺔ ﺩﻱ .. ﺣﺘﻰ ﻟﻮ ﺍﺧﺘﻚ ﺩﻗﺘﻚ ﻋﺪﻳﻞ .. ﻣﺎﻓﻲ ﻣﺸﻜﻠﺔ ﻟﻜﻦ ﺍﻻﻫﺎﻧﺔ ﻣﻦ ﺯﻭﺟﺔ ﺍﺧﻮﻙ ﺣﺎﺭﺓ ﺷﺪﻳﺪ .. ﺩﻩ ﺭﺍﻱ ﺍﻧﺎ ﻭﺷﻮﻓﻲ ﺑﻌﺪﻳﻦ ﺡ ﺗﻌﻤﻠﻲ ﺷﻨﻮ . ؟

ﻗﺎﻟﺖ ﻟﻴﻬﻮ ﺣﺘﻰ ﻟﻮ ﺍﻧﺎ ﺳﻠﻤﺖ ﺑﻲ ﻛﻼﻣﻚ ﺩﻩ .. ﺍﻗﻮﻝ ﻟﻲ ﺍﺣﻤﺪ ﺍﺧﻮﻱ ﺷﻨﻮ؟ ﻗﺎﻝ ﻟﻴﻬﺎ ﻗﻮﻟﻲ ﻟﻴﻬﻮ ﺍﻧﺎ ﻣﺎﺷﺔ ﺍﻗﻌﺪ ﻣﻊ ﺭﻗﻴﺔ ﺍﺧﺘﻲ ..

ﻗﺎﻟﺖ ﻟﻴﻬﻮ ﻣﺎﺑﻘﺒﻞ ﺍﻧﺎ ﺍﻗﻌﺪ ﻣﻊ ﻣﻌﺘﺼﻢ ﺭﺍﺟﻞ ﺍﺧﺘﻲ ﺍﻟﻐﺮﻳﺐ .. ﻭﺍﺧﻠﻲ ﺑﻴﺖ ﺍﺧﻮﻱ ﺍﻧﺖ ﻣﺎﻋﺎﺭﻑ ﺧﺎﻟﻚ .. ﺑﻌﺪﻳﻦ ﻣﻤﻜﻦ ﻳﻘﻮﻝ ﻟﻲ ﺭﻗﻴﺔ ﻣﺎﻋﺎﻳﺰﺍﻙ .. ﻻﻧﻮ ﻋﺎﺭﻑ ﺭﻗﻴﺔ ﺑﺘﻜﺮﻫﻨﻲ ﻣﻮﺕ .. ﻭﻣﺎ ﻗﺎﻋﺪﺓ ﺗﺘﻜﻠﻢ ﻣﻌﺎﻱ ..

ﻗﺎﻝ ﻟﻴﻬﺎ ﺍﻟﻜﻠﻤﻮ ﻣﻨﻮ ؟ ﻗﺎﻟﺖ ﻟﻴﻬﻮ ﻣﺮﺗﻮ ﻛﻤﺎﻥ ﺑﺘﺴﻜﺖ ؟؟ ﺍﻱ ﻛﺒﻴﺮﺓ ﻭﺻﻐﻴﺮﺓ ﺑﺘﺪﻳﻬﻮ ﻟﻴﻬﺎ ﺑﺎﻟﺘﻔﺎﺻﻴﻞ .. ﻭﺍﻟﻠﻪ ﺍﻧﺎ ﻟﻮ ﺻﺤﻴﺖ ﻣﺘﺄﺧﺮﺓ ﺗﻜﻠﻤﻮ ﺗﻘﻮﻝ ﻟﻴﻬﻮ ﺍﺧﺘﻚ ﺍﻟﺨﻤﻠﺔ ﺩﻱ .. ﺑﺘﻨﻮﻡ ﻟﻲ ﻧﺺ ﺍﻟﻨﻬﺎﺭ .. ﺍﻫﺎ ﻋﻨﺪﻙ ﻟﻲ ﺣﻞ؟ .. ﻗﺎﻝ ﻟﻴﻬﺎ ﺍﻳﻮﺓ ﻋﻨﺪﻱ ﻟﻴﻚ ﺣﻞ .. ﺍﻧﺎ ﺑﻤﺸﻲ ﻟﻲ ﺭﻗﻴﺔ ﻭﺍﺗﻜﻠﻢ ﻣﻌﺎﻫﺎ ﺑﻲ ﻧﻔﺴﻲ ﻭﺍﻛﻠﻢ ﻣﻌﺘﺼﻢ .. ﻭﺍﺷﻮﻑ ﺍﻟﺒﺤﺼﻞ ﺷﻨﻮ؟

ﺑﻌﺪ ﺍﻟﺼﺎﻓﻲ ﻣﺎ ﺍﺧﺪ ﻳﻮﻣﻮ ﺩﺍﻙ ﻣﻊ ﺧﺎﻟﻮ ﺍﺣﻤﺪ .. ﻣﺸﻰ ﺍﻣﺒﺪﺓ ﺍﻟﺴﺒﻴﻞ ﻟﻲ ﺭﻗﻴﺔ ﺑﺎﻟﻤﺴﺎﺀ ﻭﺻﻠﻬﻢ ﺯﻱ ﺍﻟﺴﺎﻋﺔ 9 .. ﻭﻟﻘﻰ ﻣﻌﺘﺼﻢ ﻗﺎﻋﺪ ﻭﻣﻌﺘﺼﻢ ﺩﻩ ﻓﺮﺡ ﺷﺪﻳﺪ ﺑﻲ ﺟﻴﺔ ﺍﻟﺼﺎﻓﻲ .. ﻭﺭﻗﻴﺔ ﺩﺍﻳﺮﺓ ﺗﻄﻴﺮ ﻣﻦ ﺍﻟﻔﺮﺡ .. ﻟﻜﻦ ﺍﻟﺼﺎﻓﻲ ﻇﺎﻫﺮ ﻣﻬﻤﻮﻡ ﺷﺪﻳﺪ ..

ﺭﻗﻴﺔ ﻗﺎﻟﺖ ﻟﻴﻬﻮ ﺍﻧﺖ ﻳﺎ ﺍﻟﺼﺎﻓﻲ ﻣﺎﻟﻚ؟

ﻗﺎﻝ ﻟﻴﻬﺎ ﻭﺍﻟﻠﻪ ﻣﺘﺄﺛﺮ ﻋﻠﻰ ﺧﺎﻟﺘﻲ ﺑﻬﻴﺔ .. ﻋﺎﻳﺸﺔ ﻋﻴﺸﺔ ﺍﺧﻴﺮ ﻣﻨﻬﺎ ﺍﻟﻤﻮﺕ ؟ ﻗﺎﻟﻮﻭ ﻟﻴﻬﻮ ﺑﺼﻮﺕ ﻭﺍﺣﺪ ﻣﺎﻟﻬﺎ ﺑﻬﻴﺔ ﻳﺎ ﺍﻟﺼﺎﻓﻲ؟؟ .. ﻗﺎﻝ ﻟﻴﻬﻢ ﺷﻜﺖ ﻟﻲ ﻣﻦ ﺯﻭﺟﺔ ﺍﺣﻤﺪ .. ﻗﺎﻟﺖ ﺑﺘﻌﺎﻣﻠﻬﺎ ﻣﻌﺎﻣﻠﺔ ﺍﻟﺨﺪﺍﻣﻴﺔ .. ﻭﺑﺘﺨﻠﻴﻬﺎ ﺗﻨﻮﻡ ﺟﻴﻌﺎﻧﺔ .. ﻭﻟﻮ ﻟﻘﺘﻬﺎ ﺷﺎﻳﻠﺔ ﻛﻮﺯ ﺍﻟﻤﻮﻳﺔ ﺑﺘﺸﺮﺏ ﺗﻘﻠﻌﻮ ﻣﻦ ﺧﺸﻤﻬﺎ .. ﻭﺗﻘﻮﻝ ﻟﻴﻬﺎ ﺍﻣﺸﻲ ﻏﺴﻠﻲ ﺍﻟﻬﺪﻭﻡ ﺣﺘﻰ ﺗﺠﻲ ﺗﺸﺮﺑﻲ ..

ﻭﺑﻬﻴﺔ ﻣﺎﻗﺎﺩﺭﺓ ﺗﺘﻜﻠﻢ ﻣﻊ ﺍﺣﻤﺪ .. ﻻﻧﻬﺎ ﺧﺎﻳﻔﺔ ﻣﻦ ﺧﺮﺍﺏ ﺑﻴﺘﻮ ..

ﺭﻗﻴﺔ ﻳﺎﺯﻭﻝ ﺯﻋﻠﺖ ﺯﻋﻞ ﺷﺪﻳﺪ .. ﻭﻣﻌﺘﺼﻢ ﺫﺍﺗﻮ ﺯﻋﻞ .. ﻗﺎﻟﺖ ﻟﻴﻬﻮ ﺑﺲ ﺑﻬﻴﺔ ﺍﺻﻼ ﻛﻌﺒﺔ .. ﻣﺘﻴﻦ ﺑﻘﺖ ﻣﺴﻜﻴﻨﺔ ﻗﺪﺭ ﺩﻩ .. ﺑﻬﻴﺔ ﻫﻮﺍﻳﺘﻬﺎ ﺧﺮﺍﺏ ﺍﻟﺒﻴﻮﺕ ..

ﺍﻟﺼﺎﻓﻲ ﻗﺎ ﻟﻴﻬﺎ ﺑﻬﻴﺔ ﺍﺗﻌﺪﻟﺖ ﻳﺎﺧﺎﻟﺘﻲ ﺭﻗﻴﺔ .. ﻭﺑﻘﺖ ﺯﻭﻟﺔ ﻫﺎﺩﻳﺔ ﻭﺍﻟﻠﻪ

ﻭﺍﻧﺎ ﻣﻦ ﺭﺍﻱ ﺗﻤﺸﻲ ﺗﻠﻤﻲ ﺍﺧﺘﻚ .. ﺭﺑﻨﺎ ﻳﺠﺰﻳﻚ ﺧﻴﺮ ..

ﻗﺎﻟﺖ ﻟﻴﻬﻮ ﻫﺴﻲ ﺑﺠﻴﺒﻬﺎ ﻫﻨﺎ .. ﻭﺗﻘﻌﺪ ﺗﻔﺘﻦ ﺑﻴﻨﻲ ﻭﺑﻴﻦ ﻣﻌﺘﺼﻢ .. ﺍﻟﺼﺎﻓﻲ ﻗﺎﻝ ﻟﻴﻬﺎ ﺍﺑﺪﺍ .. ﺍﻧﺘﻮ ﻟﻮ ﻋﻼﻗﺘﻜﻢ ﺻﺎﺩﻗﺔ .. ﻣﺎﻓﻲ ﺯﻭﻝ ﺑﻘﺪﺭ ﻳﻔﺮﻕ ﺑﻴﻨﻜﻢ .. ﻭﺑﻬﻴﺔ ﻣﺴﺘﺤﻴﻞ ﺗﻌﻤﻞ ﻛﺪﺍ ﺗﺎﻧﻲ .. ﻭﺩﻩ ﻋﻠﻰ ﻣﺴﺆﻭﻟﻴﺘﻲ ﺍﻧﺎ ..

ﻗﺎﻟﺖ ﻟﻴﻬﻮ ﻃﻴﺐ ﻟﻴﻪ ﻣﺎﺣﻜﺖ ﻟﻲ ؟ ﻗﺎﻝ ﻟﻴﻬﺎ ﺍﻧﺘﻲ ﺍﺻﻼ ﻣﺎﺑﺘﻔﺘﺤﻲ ﻟﻴﻬﺎ ﺍﻟﺨﻂ .. ﺭﻗﻴﺔ ﺳﻜﺘﺖ ﺳﺎﻱ ..

ﻣﻌﺘﺼﻢ ﻗﺎﻝ ﻟﻴﻬﻮ ﺧﻼﺹ ﻳﺎ ﺍﻟﺼﺎﻓﻲ .. ﻣﺎﺗﺸﻴﻞ ﻫﻢ .. ﺍﻧﺎ ﺑﻤﺸﻲ ﻭﺑﺴﻮﻕ ﻣﻌﺎﻱ ﺭﻗﻴﺔ .. ﻭﻧﻤﺸﻲ ﻧﺘﻜﻠﻢ ﻣﻊ ﺍﺣﻤﺪ ﻳﺄﺫﻥ ﻟﻴﻬﺎ .. ﻧﺤﻦ ﺑﻨﻘﻮﻝ ﻟﻴﻬﻮ ﺗﻌﺪﻱ ﻣﻌﺎﻧﺎ ﺍﺳﺒﻮﻋﻴﻦ ﺗﻼﺗﺔ .. ﻭﺗﺎﻧﻲ ﻣﺎﺑﻨﺨﻠﻴﻬﺎ ﺗﺮﺟﻊ .. ﺍﻧﺖ ﻣﺎﺗﺸﻴﻞ ﻫﻢ .. ﻃﺒﻌﺎ ﺭﻗﻴﺔ ﺧﻼﺹ ﺍﺧﺪﻫﺎ ﺍﻟﻌﻄﻒ ﺑﺘﺎﻉ ﺍﻻﺧﻮﺍﺕ .. ﺳﺒﺤﺎﻥ ﺍﻟﻠﻪ ﺍﻻﺷﻘﺎﺀ ﻗﺪﺭ ﻣﺎﻳﺒﻘﻮ ﻛﻌﺒﻴﻦ ﻣﻊ ﺑﻌﺾ .. ﻣﺎﻓﻲ ﻭﺍﺣﺪ ﺑﺮﺿﻰ ﺍﺧﻮﻫﻮ ﻳﺘﺤﻘﺮ ﻣﻦ ﺍﻟﻐﺮﺑﺎﺀ .

ﻋﺸﺎﻥ ﻛﺪﺍ ﺍﻟﻤﻔﺮﻭﺽ ﺍﻟﺰﻭﻝ ﻳﺮﺑﻂ ﻋﻼﻗﺘﻮ ﺑﻲ ﺍﺧﻮﺍﻧﻮ .. ﺍﻛﺘﺮ ﻣﻦ ﺍﻻﺻﺪﻗﺎﺀ .. ﻭﻳﻔﻮﺕ ﻟﻴﻬﻢ ﺍﻻﺧﻄﺎﺀ .. ﻭﻳﻐﻔﺮ ﻟﻴﻬﻢ ﺍﻟﻬﻨﺎﺕ .. ﻻﻧﻬﻢ ﻫﻢ ﺩﻳﻞ ﺍﻟﺒﺎﻗﻴﻦ ﻟﻴﻚ .. ﺍﻟﺼﺪﻳﻖ ﻣﻤﻜﻦ ﻳﺒﻴﻌﻚ ﻓﻲ ﺍﻱ ﻣﻠﻒ .. ﺍﻻ ﻣﻦ ﺭﺣﻢ ﺍﻟﻠﻪ .. ﻟﻜﻦ ﺷﻘﻴﻘﻚ ﻧﺎﺍﺍﺍﺍﺩﺭ ﻳﻌﻤﻼ .. ﻭﻳﺎﻣﺎ ﻟﺪﻏﻨﺎ ﻣﻦ ﺻﺪﻳﻖ ﻣﻘﺮﺏ ..

ﻭﻓﻲ ﺍﻟﻨﻬﺎﻳﺔ ﻧﺠﺪ ﻋﺰﺍﺀﻧﺎ ﻓﻲ ﺍﺷﻘﺎﺋﻨﺎ .. ﺍﻟﻠﻬﻢ ﺍﺣﻔﻈﻬﻢ ﻟﻨﺎ .. ﺍﻟﻤﻬﻢ ..

ﺭﻗﻴﺔ ﻭﺍﻓﻘﺖ ﺍﻧﻬﺎ ﺗﻤﺸﻲ ﻣﻊ ﻣﻌﺘﺼﻢ ﻳﺠﻴﺒﻮ ﺑﻬﻴﺔ ﺑﻜﺮﺓ ..

ﺍﻟﺼﺎﻓﻲ ﻟﻤﻦ ﺷﺎﻑ ﺭﻗﻴﺔ ﺍﺗﺠﺮﺳﺖ ﻣﻦ ﺣﺎﻟﺔ ﺍﺧﺘﻬﺎ .. ﻭﺣﻘﺎﺭﺓ ﺍﻟﻤﺮﺓ ﻟﻴﻬﺎ ﺩﻣﻮﻋﻮ ﺟﺮﻥ ..

ﻳﻌﻨﻲ ﻓﻌﻼ ﻣﺸﻬﺪ ﻣﺆﺛﺮ .. ﺳﺒﺤﺎﻥ ﺍﻟﻠﻪ ﺭﻗﻴﺔ ﻧﺴﺖ ﻓﻲ ﻟﺤﻈﺔ ﻭﺍﺣﺪﺓ ﻛﻞ ﺍﻟﺰﻋﻞ ﺩﺍﻙ ..

ﺍﻟﺼﺎﻓﻲ ﺍﺭﺗﺎﺡ ﺷﺪﻳﺪ ﻣﻦ ﻗﺮﺍﺭ ﻣﻌﺘﺼﻢ ﻭﺭﻗﻴﺔ .. ﻭﻛﺎﻥ ﻣﺸﺘﺎﻕ ﻳﺸﻮﻑ ﺣﻤﻮﺩﻱ ﻭﺍﻣﺠﺪ ﻟﻜﻦ ﻟﻘﺎﻫﻢ ﻧﺎﻳﻤﻴﻦ ..

ﻗﺎﻝ ﻟﻴﻬﺎ ﻳﺎﺧﺎﻟﺘﻲ ﺍﻧﺎ ﻛﻨﺖ ﻋﺎﻳﺰ ﺍﺳﺎﻓﺮ ﻋﻄﺒﺮﺓ ﺑﻜﺮﺓ ﺍﻟﺼﺒﺎﺡ .. ﻟﻜﻦ ﻻﺯﻡ ﺍﻗﻌﺪ ﻣﻌﺎﻛﻢ ﻳﻮﻡ ﺑﺎﻛﺮ .. ﻋﺸﺎﻥ ﺍﻟﻘﻰ ﻓﺮﺻﺘﻲ ﻣﻊ ﺣﻤﻮﺩﻱ ﻭﺍﻣﺠﺪ ..

ﻗﺎﻟﺖ ﻟﻴﻬﻮ ﺍﻧﺎ ﺫﺍﺗﻲ ﻣﺎﺑﺨﻠﻴﻚ ﺗﺴﺎﻓﺮ ﺑﻜﺮﺓ ﻃﻮﺍﻟﻲ .

ﻗﺎﻝ ﻟﻴﻬﺎ ﺧﻴﺮ ﺍﻧﺘﻮ ﺑﻜﺮﺓ ﻟﻤﻦ ﺗﻤﺸﻮ ﺗﺠﻴﺒﻮ ﺑﻬﻴﺔ .. ﺍﻧﺎ ﺑﻜﻮﻥ ﻗﺎﻋﺪ ﻣﻨﺘﻈﺮﻛﻢ ﻣﻊ ﺍﻻﻭﻻﺩ ﻟﻤﻦ ﺗﺮﺟﻌﻮ .. ﻭﺍﺷﻮﻑ ﻧﺘﻴﺠﺔ ﻣﺸﻮﺍﺭﻛﻢ ﺷﻨﻮ؟

ﺍﻟﺼﺎﻓﻲ ﺑﻴﺖ ﻓﻲ ﺑﻴﺖ ﻣﻊ ﻧﺎﺱ ﺧﺎﻟﺘﻮ ﻟﻠﺼﺒﺎﺡ ﻭﺍﻟﺼﺒﺎﺡ .. ﻧﺎﺱ ﻣﻌﺘﺼﻢ ﻭﺭﻗﻴﺔ ﺭﻛﺒﻮ ﻣﺸﻮ ﺑﺤﺮﻱ .. ﻳﺠﻴﺒﻮ ﺑﻬﻴﺔ ..

ﻭﺍﻟﺼﺎﻓﻲ ﻣﻌﺎﻫﻮ ﺣﻤﻮﺩﻱ ﻭﺍﻣﺠﺪ ﻭﺑﺘﻮﻧﺲ ﻣﻌﺎﻫﻢ .. ﻭﻳﺴﺄﻝ ﻓﻴﻬﻢ ..

ﺍﻫﺎ ﻓﻲ ﻭﻧﺴﺘﻮ ﻣﻊ ﺣﻤﻮﺩﻱ ﻗﺎﻝ ﻟﻴﻬﻮ ﺑﺘﺘﺬﻛﺮ ﺍﻟﺮﺷﻴﺪ ؟

ﻗﺎﻝ ﻟﻴﻬﻮ ﺍﻳﻮﺓ ﺑﺘﺬﻛﺮﻭ ﺍﺧﻮﻙ ﺍﻟﻘﺪﺭﻱ ﺩﺍﻙ ﺻﺢ ؟ ﻗﺎﻝ ﻟﻴﻬﻮ ﺍﻳﻮﺓ ﺑﺲ ﻳﺎﻫﻮ .. ﺣﻤﻮﺩﻱ ﻗﺎﻝ ﻟﻴﻬﻮ ﺍﻧﺖ ﺑﺘﻤﺸﻲ ﻟﻴﻬﻮ ﻣﺘﻴﻦ ؟

ﻗﺎﻝ ﻟﻴﻬﻮ ﺑﻜﺮﺓ ﺍﻥ ﺷﺎﺀ ﺍﻟﻠﻪ ﺑﻤﺸﻲ ﻟﻴﻬﻮ .. ﻗﺎﻝ ﻟﻴﻬﻮ ﺧﻼﺹ ﻭﻛﺖ ﺗﺠﻲ ﺭﺍﺟﻊ ﺟﻴﺒﻮ ﻟﻴﻨﺎ ﻣﻌﺎﻙ .. ﻗﺎﻝ ﻟﻴﻬﻮ ﻟﻜﻦ ﻳﺎﺣﻤﻮﺩﻱ ﺍﻧﺎ ﻟﻤﻦ ﺍﺟﻲ ﺍﻟﺮﺷﻴﺪ ﺑﻜﻮﻥ ﻋﻨﺪﻭ ﻣﺪﺭﺳﺔ .. ﻳﺨﻠﻴﻬﺎ ﻭﻳﺠﻲ ﻛﻴﻒ ؟

ﻗﺎﻝ ﻟﻴﻬﻮ ﺧﻼﺹ ﺧﻠﻴﻬﻢ ﻳﺠﻮﻧﺎ ﻓﻲ ﺍﻻﺟﺎﺯﺓ .. ﻗﺎﻝ ﻟﻴﻬﻮ ﺧﻼﺹ ﺑﻜﻠﻢ ﺍﻣﻲ ﻭﺍﺑﻮﻱ .. ﻭﺍﺷﻮﻑ ﺭﺍﻳﻬﻢ ﺷﻨﻮ؟ ﻟﻮ ﻋﻨﺪﻫﻢ ﻃﺮﻳﻘﺔ ﺑﺠﻮﻛﻢ .. ﻭﻟﻮ ﺍﺑﻮﻱ ﻭﻻ ﺍﻣﻲ ﻭﺍﺣﺪ ﻗﺎﻝ ﻻ .. ﻧﺤﻦ ﺗﺎﻧﻲ ﻣﺎﺑﻨﻘﺪﺭ ﻧﻘﻮﻝ ﺣﺎﺟﺔ .. ﻭﺑﻨﻜﻮﻥ ﺳﺎﻛﺘﻴﻦ ﻭﻻ ﺑﻨﺰﻋﻞ .. ﻳﻌﻨﻲ ﺍﻟﺰﻭﻝ ﻭﻛﺖ ﺍﺑﻮﻫﻮ ﻳﻘﻮﻝ ﻟﻴﻬﻮ ﻛﻼﻡ ﻭﻫﻮ ﻳﻜﻮﻥ ﻣﺎﺭﺍﺿﻲ ﺑﻴﻬﻮ .. ﻳﺴﻜﺖ ﺳﺎﻱ .. ﻟﻮ ﺯﻋﻞ ﻭﻻﺻﺮﺍ ﻭﺷﻮ .. ﺭﺑﻨﺎ ﺑﺤﺎﺳﺒﻮ ﺑﻌﺪﻳﻦ ﻭﺑﺨﺶ ﺍﻟﻨﺎﺭ ﺗﻮﻭﺵ .. ﻭﻟﻮ ﺍﻣﻮ ﺑﺮﺿﻮ ﻣﻨﻌﺘﻮ ﻣﻦ ﺣﺎﺟﺔ .. ﻭﻗﻌﺪ ﻳﺒﻜﻲ ﻭﻳﻜﻮﺭﻙ ﺑﺮﺿﻮ ﺭﺑﻨﺎ ﺑﺤﺎﺳﺒﻮ .. ﺣﻤﻮﺩﻱ ﻗﺎﻝ ﻟﻲ ﺍﺧﻮﻫﻮ ﺳﺎﻣﻊ ﻳﺎ ﺍﻣﺠﺪ؟ ﺳﺎﻣﻊ؟ .. ﺷﻔﺘﺎ ﻳﺎﻋﻤﻮ ﺍﻟﺼﺎﻓﻲ ؟ ﺍﻣﺠﺪ ﺩﻩ ﺍﻱ ﻛﻠﻤﺔ ﻳﻘﻮﻟﻮﻫﺎ ﻟﻴﻬﻮ .. ﻳﻘﻌﺪ ﻳﺒﻜﻲ ﻭﻳﺪﺭﺩﻕ ﻓﻲ ﺍﻟﻮﺍﻃﻪ .. ﻭﻣﺮﺍﺕ ﺑﻌﻀﻲ ﺍﻣﻲ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﺍﻟﻠﻴﻠﺔ ﻭﺍﻟﻠﻴﻠﻪ ﻳﺎ ﺍﻣﺠﺪ .. ﺗﻌﻀﻲ ﺍﻣﻚ؟ .. ﻛﺪﺍ ﺣﺮﺍﻡ .. ﻭﺗﺎﻧﻲ ﻟﻮﻋﻤﻠﺖ ﻛﺪﺍ .. ﻳﻮﻡ ﺍﻟﻘﻴﺎﻣﺔ ﺍﻟﻨﺎﺭ ﻳﻤﺮﻕ ﻣﻨﻬﺎ ﺭﺍﺱ .. ﺯﻱ ﺭﺍﺱ ﺍﻟﻨﺎﻗﺔ .. ﻭﻋﻨﺪﻭ ﻧﻮﺍﻳﺐ ﺯﻱ ﻧﻮﺍﻳﺐ ﺍﻻﺳﺪ .. ﻭﻛﺞ ﻳﻘﺒﻀﻚ ﻣﻦ ﺿﻬﺮﻙ ﻭﻳﺨﺶ ﺑﻴﻚ ﻓﻲ ﺍﻟﻨﺎﺭ .. ﺍﻟﻠﻴﻠﺔ .. ﻭﺍﻟﻠﻴﻠﺔ .. ﺍﻧﺎ ﻣﺎﻟﻲ ﻏﺎﻳﺘﻮ ﻛﻠﻤﺘﻚ .. ﺍﻣﺠﺪ ﻗﺎﻝ ﻟﻴﻬﻮ ﺧﻼﺙ ﻳﺎﻋﻤﻮ .. ﺗﺎﻧﻲ ﻣﺎﺑﻌﻤﻞ ﻛﺪﺍ ﻗﻮﻝ ﻟﻴﻬﻮ ﺍﻧﺎ ﺍﺛﻒ .. ﻗﺎﻝ ﻟﻴﻬﻮ ﺧﻼﺹ ﻛﺪﺍ ﺭﺑﻨﺎ ﻋﻔﺎﻙ ﺍﻟﻤﺮﺓ ﺩﻱ .. ﻟﻜﻦ ﺗﺎﻧﻲ ﺍﻭﻋﻪ ﺗﻜﺮﺭﻫﺎ ..

ﺣﻤﻮﺩﻱ ﻗﺎﻝ ﻟﻴﻬﻮ ﻋﺸﺎﻥ ﺗﺎﻧﻲ ﺗــ ... ﺍﻟﺼﺎﻓﻲ ﻗﺎﻝ ﻟﻴﻬﻮ ﺧﻼﺹ ﻳﺎﺣﻤﻮﺩﻱ .. ﺍﻟﺰﻭﻝ ﻗﺎﻝ ﺍﻧﺎ ﺍﺳﻒ .. ﺍﻟﻤﻬﻢ ﺍﻟﻮﻧﺴﺔ ﻛﺎﻧﺖ ﻟﺬﻳﺬﺓ ﻭﻣﻔﻴﺪﺓ ..

ﻭﺍﻟﺼﺎﻓﻲ ﺍﺳﺘﻐﻼ ﻭﻗﺖ ﻣﻊ ﺍﻻﻃﻔﺎﻝ ﻓﻲ ﻏﺮﺱ ﺍﻟﻘﻴﻢ ﺍﻟﻔﺎﺿﻠﺔ ﻭﺍﻟﺘﺤﺬﻳﺮ ﻣﻦ ﺍﻟﻌﻘﻮﻕ ﻭﻛﺪﺍ .. ﻭﻟﻮ ﻣﻼﺣﻈﻴﻦ ﻟﻤﻦ ﺣﻤﻮﺩﻱ ﻃﻠﺐ ﺟﻴﺔ ﺍﻟﺮﺷﻴﺪ ..

ﺍﻟﺼﺎﻓﻲ ﻣﺎﻭﻋﺪﻭ ﺑﺎﻟﻜﻀﺐ ﻋﺸﺎﻥ ﻫﻮ ﺷﺎﻓﻊ .. ﻻ ﻗﺎﻝ ﻟﻴﻬﻮ ﺍﻟﺤﻘﻴﻘﺔ ..

ﻛﺘﻴﺮ ﻣﻦ ﺍﻟﻨﺎﺱ ﺑﻐﺸﻮ ﺍﻟﺸﻔﻊ ﺑﻮﻋﻮﺩ ﻣﻜﺬﻭﺑﺔ .. ﻭﻫﻢ ﻣﺎﻋﺎﺭﻓﻴﻦ ﺍﻧﻮﺍﻟﺤﻜﺎﻳﺔ ﺩﻱ .. ﺑﺘﺨﻠﻲ ﺍﻟﺸﺎﻓﻊ ﻳﻌﺘﺒﺮ ﺧﻠﻒ ﺍﻟﻮﻋﺪ ﻣﻮﺿﻮﻉ ﻋﺎﺩﻱ ..

ﺍﻟﻤﻬﻢ ﻭﻛﺖ ﺍﻟﻔﻄﻮﺭ ﻛﺪﺍ ﺍﻟﺼﺎﻓﻲ ﻃﻠﻊ ﺟﺎﺏ ﺍﻟﻔﻄﻮﺭ ﻭﻓﻄﺮ ﻫﻮ ﻭﻣﻌﺎﻫﻮ ﺍﻟﻮﻟﺪﻳﻦ ..

ﻭﻛﺎﻥ ﻳﻮﻡ ﺑﺎﻟﻨﺴﺒﺔ ﻟﻠﺼﺎﻓﻲ ﻳﻮﻡ ﻟﺬﻳﺬ .. ﻭﺻﺎﻓﻲ ﻭﻛﻠﻮ ﺑﺮﺍﺀﺓ ﻭﻧﻘﺎﺀ ..

ﻗﺮﻳﺐ ﺍﻟﻀﻬﺮ ﻛﺪﺍ .. ﺟﻮ ﻧﺎﺱ ﺭﻗﻴﺔ ﻭﻣﻌﺘﺼﻢ .. ﻭﺟﺎﺑﻮ ﻣﻌﺎﻫﻢ ﺑﻬﻴﺔ ..

ﻭﺣﻤﻮﺩﻱ ﻣﻦ ﺷﺎﻓﻬﺎ ﻗﺎﻡ ﺟﺎﺭﻱ ﻟﻴﻬﺎ .. ﺧﺎﻟﺘﻮ ﺑﻬﻴﺔ ﺟﺎﺕ .. ﺧﺎﻟﺘﻮ ﺑﻬﻴﺔ ﺟﺎﺕ .. ﻭﺟﺮﻭ ﺍﻟﻮﻟﺪﻳﻦ ﺍﻻﺗﻨﻴﻦ ﺍﺗﻌﻠﻘﻮ ﻓﻴﻬﺎ .. ﻭﻫﻲ ﻣﺴﻜﺘﻬﻢ ﻭﺳﻠﻤﺖ ﻋﻠﻴﻬﻢ ﺑﺎﻟﺒﻮﺳﺎﺕ ﺍﻟﻤﺸﺘﺎﻗﺔ ﻭﺭﻣﺖ ﻟﻴﻬﺎ ﺩﻣﻴﻌﺎﺕ ﻛﺪﻱ ..

ﺑﻬﻴﻪ ﻋﻤﺮﻫﺎ ﻓﻲ ﻧﺺ ﺍﻟﺘﻼﺗﻴﻦ .. ﻭﻋﻼﻣﺎﺕ ﺍﻟﻌﻤﺮ ﺑﺪﺕ ﺗﻈﻬﺮ ﻓﻲ ﻭﺷﻴﻬﺎ .. ﺑﺮﺿﻮ ﻋﻨﺪﻫﺎ ﻣﻼﺣﺔ ﻣﺎﺑﻄﺎﻟﺔ ﻟﻜﻦ ﻛﻞ ﻣﺎﻳﺘﻘﺪﻡ ﻟﻴﻬﺎ ﺯﻭﻝ ﺍﻟﻤﻮﺿﻮﻉ ﻣﺎﻳﺘﻢ .. ﻭﻫﻲ ﺍﻟﻤﻮﺿﻮﻉ ﺩﻩ ﻣﺆﺛﺮ ﻋﻠﻰ ﻧﻔﺴﻴﺎﺗﻬﺎ ﺟﺪﺍ "

ﻭﺍﻟﻨﺎﺱ ﺣﺎﺳﻴﻦ ﺑﻴﻬﺎ ﻟﻜﻦ ﻣﺎﻋﻨﺪﻫﻢ ﻓﻲ ﻳﺪﻫﻢ ﺣﺎﺓ ﻳﻌﻤﻠﻮﻫﺎ ﻟﻴﻬﺎ ..

ﺍﻟﺼﺎﻓﻲ ﻟﻜﻦ ﺷﺎﻑ ﺑﻬﻴﺔ ﻓﺮﺡ ﺷﺪﻳﺪ .. ﻭﺑﻬﻴﺔ ﻋﺎﻳﻨﺖ ﻟﻴﻬﻮ ﻛﺪﺍ ﺑﻲ ﻧﻈﺮﺓ ﻓﻴﻬﺎ ﺷﻜﺮ ﻋﻤﻴﻖ .. ﻟﻤﻦ ﺩﺍﻳﺮﺓ ﺗﺒﻜﻲ ..

ﻭﺩﺧﻠﺖ ﻣﻊ ﺍﺧﺘﻬﺎ ﺟﻮﺓ .. ﻭﺍﻟﺼﺎﻓﻲ ﻣﺎﻋﺮﻑ ﺍﻟﺤﺼﻞ ﻫﻨﺎﻙ ﺷﻨﻮ .. ﻭﻛﻴﻒ ﻗﺪﺭﻭ ﺍﻗﻨﻌﻮ ﺧﺎﻟﻮ ﺍﺣﻤﺪ ﺑﻲ ﺍﻧﻬﻢ ﻳﺴﻮﻗﻮﻫﺎ .. ﻭﺑﺮﺿﻮ ﻣﺎﺳﺄﻝ .. ﺍﻟﺼﺎﻓﻲ ﻋﻨﺪﻭ ﻃﺒﻌﺔ ﺍﻧﺎ ﻣﺤﻴﺮﺍﻧﻲ ﻃﺒﻌﺎ .." ﻣﺎﻋﻨﺪﻭ ﺍﻱ ﺍﻫﺘﻤﺎﻣﺎﺕ ﺑﺎﻟﺸﻤﺎﺭ ﻭﺣﺐ ﺍﻻﺳﺘﻄﻼﻉ .. ﻳﻌﻨﻲ ﻟﻮ ﺩﻩ ﺯﻭﻝ ﺗﺎﻧﻲ ﻣﻨﻨﺎ ﻧﺤﻦ ﻓﻲ ﻣﻜﺎﻧﻮ .. ﻛﺎﻥ ﻃﻮﺍﻟﻲ ﻧﺎﺩﻱ ﺧﺎﻟﺘﻮ .. ﻭﺳﺄﻟﻬﺎ ﺍﻫﺎ ﻗﺪﺭﺗﻮ ﺍﻗﻨﻌﺘﻮ ﺍﺣﻤﺪ ﻛﻴﻒ ﻭﺍﻟﺤﺼﻞ ﺷﻨﻮ ﻭﻛﺪﺍ ..

ﻣﻊ ﺍﻧﻮ ﺍﺳﺌﻠﺔ ﻣﺎﻋﻨﺪﻫﺎ ﺍﻱ ﻓﺎﺋﺪﺓ .. ﻟﻜﻦ ﻃﺒﻌﻨﺎ ﻧﺤﻦ ﻛﺴﻮﺩﺍﻧﻴﻴﻦ ﺩﺍﻳﺮﻳﻦ ﻧﻌﺮﻑ ﺍﻟﺸﻤﺎﺭ .. ﺍﻟﺸﻤﺎﺭ ﺑﻌﻤﻞ ﻟﻴﻨﺎ ﺷﻠﻞ ﻟﻮ ﻣﺎﻋﺮﻓﻨﺎﻫﻮ ﻫﻪ

ﺍﻟﺼﺎﻓﻲ ﻣﺎﻋﺮﻑ ﻭﻻﺳﺄﻝ ﻟﻐﺎﻳﺔ ﺑﺎﻟﻠﻴﻞ .. ﻭﺟﺎﺕ ﺭﻗﻴﺔ ﺑﺮﺍﻫﺎ ﻭﺑﻘﺖ ﺗﺤﻜﻲ ﻟﻴﻬﻮ ﻭﺑﻘﺖ ﺗﺘﻜﻠﻢ ﻋﻦ ﺑﻬﻴﺔ ﻭﺯﻭﺟﺔ ﺍﺣﻤﺪ .. ﻗﺎﻟﺖ ﻟﻴﻬﻮ ﻭﺍﻟﻠﻪ ﻳﺎ ﺍﻟﺼﺎﻓﻲ ﺑﻬﻴﺔ ﺭﺑﻨﺎ ﺍﻧﺘﻘﻢ ﻟﻲ ﻣﻨﻬﺎ ﺍﻧﺘﻘﺎﻡ .. ﺍﺳﻜﺖ ﺳﺎﻱ .. ﻳﺎﺧﻲ ﺍﻟﻤﺮﺍﺓ ﺩﻱ ﻣﺴﻮﻳﺔ ﻟﻴﻬﺎ ﺟﻨﺲ ﺣﺎﻟﺔ .. ﻣﺮﻣﻐﺎﻫﺎ ﻣﺮﻣﻐﺔ .. ﻭﺍﻧﺎ ﻣﻊ ﺍﻧﻲ ﻣﻐﻴﻮﻇﺔ ﻋﻠﻰ ﺑﻬﻴﺔ .. ﻟﻜﻦ ﺣﻘﺎﺭﺓ ﺍﻟﻤﺮﺍﺓ ﺩﻱ ﻭﺍﺟﻌﻨﻲ ﺍﻛﺘﺮ ..

ﻭﺣﺎﺕ ﺍﻟﻠﻪ ﻳﺎ ﺍﻟﺼﺎﻓﻲ ﺑﺘﻨﻬﺮ ﻓﻴﻬﺎ ﻗﺪﺍﻣﻲ .. ﻭﻛﺖ ﺗﻨﺘﺒﻪ ﺗﻠﻘﺎﻧﻲ ﻗﺎﻋﺪﺓ ﺗﺮﺧﻲ ﺻﻮﺗﻬﺎ .. ﻳﻌﻨﻲ ﻣﺘﻌﻮﺩﺓ ﺗﺬﻟﻬﺎ ﻭﺗﻬﻴﻨﻬﺎ .. ﻟﻜﻦ ﻧﻘﻮﻝ ﺗﺴﺘﺎﻫﻞ ﺑﻬﻴﺔ .. ﺩﻱ ﻓﻌﺎﻳﻠﻬﺎ ﺍﻟﺴﻮﺗﻬﺎ ﻟﻴﻨﺎ ..

ﺍﻟﺼﺎﻓﻲ ﻗﺎﻝ ﻟﻴﻬﺎ ﻳﺎﺧﻲ ﺍﻧﺘﻲ ﺍﻟﻜﻼﻡ ﺩﻩ ﻣﺎﻧﺴﻴﺘﻴﻬﻮ .. ﻛﻠﻤﻮﻙ ﻗﺎﻟﻮ ﻟﻴﻚ ﺍﻟﺰﻭﻟﺔ ﺩﻱ ﺑﺘﺤﺒﻚ .. ﻭﺩﺍﻳﺮﺍﻙ ﻣﻌﺎﻫﺎ .. ﻭﺍﻟﻌﻤﻠﺘﻮ ﻛﻠﻮ ﻋﺸﺎﻥ ﻛﺪﺍ .. ﺍﻟﻤﻔﺮﻭﺽ ﺷﻮﻳﺔ ﻛﺪﺍ ﻗﻠﺒﻚ ﻳﻜﻮﻥ ﻣﺴﺎﻣﺢ ..

ﻗﺎﻟﺖ ﻟﻴﻬﻮ ﺍﺳﺎﺳﺎ ﺍﻧﺎ ﺳﺎﻣﺤﺘﻬﺎ .. ﺑﻌﺪ ﺷﻔﺖ ﺍﻟﺤﺼﻞ ﻋﻠﻴﻬﺎ .. ﺍﻥ ﺷﺎﺀ ﺍﻟﻠﻪ ﻫﻲ ﺗﻜﻮﻥ ﺍﺗﻌﻈﺖ .. ﻗﺎﻝ ﻟﻴﻬﺎ ﺻﺪﻗﻴﻨﻲ ﺍﺗﻌﻈﺖ .. ﺑﺲ ﺍﻭﻋﺪﻳﻨﻲ ﺗﺎﻧﻲ ﻣﺎﺗﺠﻴﺒﻲ ﺳﻴﺮﺓ ﺍﻟﻜﻼﻡ ﺩﻩ .. ﻗﺎﻟﺖ ﻟﻴﻬ?

ﺍﻟﺼﺎﻓﻲ ﻗﺎﻝ ﻟﻴﻬﻮ ﺟﺪﺍ " ﻳﺎﻟﺮﺷﻴﺪ .. ﻣﺎﺑﻘﻮﻝ ﻻﻱ ﺯﻭﻝ .. ﻗﺎﻝ ﻟﻴﻬﻮ ﻏﺎﻳﺘﻮ ﺍﻧﺎ ﺑﺎﻟﻠﻴﻞ ﻛﻨﺖ ﺭﺍﻗﺪ ﻓﻲ ﺍﻟﺴﺮﻳﺮ .. ﻭﻫﻢ ﻗﺎﻳﻠﻴﻨﻲ ﺍﻧﺎ ﻧﺎﻳﻢ ﻭﻗﺎﻟﻮ ﻛﻼﻡ ﻛﺘﻴﺮ .. ﻭﺑﺘﻜﻠﻤﻮ ﻋﻦ ﻭﺍﺣﺪﺓ .. ﺑﺘﻌﺮﻓﻬﺎ ﻭﻣﺎﺑﺘﻌﺮﻓﻬﺎ .. ﺑﺲ ﺍﻧﺎ ﻣﺎﻋﺮﻓﺖ ﺍﺳﻤﻬﺎ .. ﻓﻲ ﺍﻟﻨﻬﺎﻳﺔ ﺍﺑﻮﻱ ﻗﺎﻝ ﻟﻴﻬﺎ ﺍﻧﺘﻲ ﺍﻱ ﺣﺎﺟﺔ ﻻﺯﻡ ﺗﺘﺤﺸﺮﻱ ﻓﻴﻬﺎ ﻭﺗﻔﺮﺿﻲ ﺭﺍﻳﻚ .. ﺍﻣﻲ ﻗﺎﻟﺖ ﻟﻴﻬﻮ ﺍﻧﺎ ﺍﺳﻔﻪ ﻭﺗﺎﻧﻲ ﻣﺎﺑﺘﻜﻠﻢ .. ﺑﺲ ﻣﺎ ﺭﺿﻴﺎﻧﺔ ﻭﺍﻧﺎ ﺑﺮﺓ ﻣﻦ ﺍﻟﻤﻮﺿﻮﻉ ﺩﻩ ..

ﻟﻜﻦ ﻣﺎﻋﺎﺭﻑ ﺍﻟﻤﻮﺿﻮﻉ ﺷﻨﻮ؟ .. ﺍﻟﺼﺎﻓﻲ ﻗﺎﻝ ﻟﻴﻬﻮ ﺑﺲ ﻳﺎ ﺍﻟﺮﺷﻴﺪ ﻣﺎﺻﺢ ﺗﺘﺼﻨﻂ ﻟﻲ ﻛﻼﻡ ﺍﻣﻚ ﻭﺍﺑﻮﻙ ..

ﺍﻟﺮﺷﻴﺪ ﻗﺎﻝ ﻟﻴﻬﻮ ﻃﻴﺐ ﺍﻋﻤﻞ ﺷﻨﻮ .. ﺍﻧﺎ ﻣﺎﺟﺎﻧﻲ ﻧﻮﻡ .. ﻭﻛﻨﺖ ﻣﻐﻤﺾ ﻋﺸﺎﻥ ﺍﻧﻮﻡ ﻭﺳﻤﻌﺖ .. ﻳﻌﻨﻲ ﺍﻋﻤﻞ ﺷﻨﻮ ؟ ﺩﻩ ﺍﻧﺎ ﻋﺸﺎﻥ ﺣﻜﻴﺖ ﻟﻴﻚ ﻛﻮﻳﺲ؟؟ .. ﺷﻮﻑ ﺗﺎﻧﻲ ﻛﺎﻥ ﺍﺣﻜﻲ ﻟﻴﻚ ﺣﺎﺟﺔ ..

ﻗﺎﻝ ﻟﻴﻬﻮ ﻻﻻ ﻳﺎ ﺍﻟﺮﺷﻴﺪ .. ﺍﻧﺎ ﻣﺎ ﺯﻋﻼﻥ ﻣﻨﻚ ﻟﻜﻦ ﺑﻮﺻﻲ ﻓﻴﻚ .. ﺍﻧﺖ ﻣﺎﺑﺘﻘﺒﻞ ﻭﺻﻴﺔ ﺍﺧﻮﻙ ﺍﻟﻜﺒﻴﺮ؟ .. ﺍﻧﺎ ﺑﺲ ﺑﻮﺻﻴﻚ ﺗﺎﻧﻲ ﻟﻮ ﺍﺑﻮﻙ ﻭﺍﻣﻚ ﺑﺘﻜﻠﻤﻮ ﻓﻲ ﻛﻼﻡ .. ﻭﺍﻧﺖ ﺣﺴﻴﺖ ﺍﻧﻬﻢ ﻣﺎﻋﺎﻳﺰﻧﻚ ﺗﺴﻤﻌﻮ .. ﺍﻋﻤﻞ ﺍﻱ ﺣﺮﻛﺔ ﻭﺭﻳﻬﻢ ﺍﻧﻚ ﺍﻧﺖ ﺻﺎﺣﻲ .. ﻗﻮﻡ ﺍﻣﺸﻲ ﺍﺷﺮﺏ ﻣﺜﻼ " .

ﻗﺎﻝ ﻟﻴﻬﻮ ﺣﺎﺿﺮ ..

ﺍﻟﺼﺎﻓﻲ ﺳﻜﺖ ﺳﺎﻱ .. ﻭﺑﻘﻰ ﻳﻔﻜﺮ ﻓﻲ ﺍﻟﻜﻼﻡ ﺍﻟﻘﺎﻟﻮ ﺍﻟﺮﺷﻴﺪ .. ﻭﻛﻼﻡ ﻏﻴﺮ ﻣﻔﻴﺪ ﺍﺑﺪﺍ .. ﻭﻣﺎﻓﻬﻢ ﻣﻨﻮ ﺍﻱ ﺣﺎﺟﺔ .. ﻭﻣﺨﻮ ﺑﻘﻰ ﻳﻮﺩﻱ ﻭﻳﺠﻴﺐ .. ﻭﻓﻲ ﺍﻟﻨﻬﺎﻳﺔ ﻗﺎﻝ ﻳﺎﺧﻲ ﺍﻧﺴﻰ .. ﺧﻠﻴﻬﻢ ﺑﻲ ﺭﺍﺣﺘﻬﻢ .. ﻣﺎﻋﺎﻳﺰﻳﻦ ﻳﻘﻮﻟﻮ ﻟﻲ ﺍﻧﺎ ﺡ ﺍﻋﻤﻞ ﺷﻨﻮ ﻣﺜﻼ "

.. ﺍﻟﻤﻬﻢ ﻭﺻﻠﻮ ﺍﻟﺴﻮﻕ ﻭﺍﺷﺘﺮﻯ ﻟﻴﻬﻮ ﻛﻢ ﺣﺎﺟﺔ ﻛﺪﺍ ﻟﻲ ﺍﻟﺮﺷﻴﺪ ﻭﺑﺴﻤﺔ ﻭﺭﺟﻌﻮ .. ﻭﻟﻘﻰ ﺍﺑﻮﻫﻮ ﻣﺎﻓﻲ ﻓﻲ ﺍﻟﺒﻴﺖ .. ﺷﻜﻠﻮ ﻣﺸﻰ ﺍﻟﺴﻮﻕ ..

ﺍﻟﻤﻬﻢ ﺍﻳﻤﺎﻥ ﺍﺗﻔﺮﻏﺖ ﻭﺟﺎﺕ ﺗﺘﻮﻧﺲ ﻣﻌﺎﻫﻮ ﻋﺎﺩﻱ .. ﻭﻳﺤﻜﻲ ﻟﻴﻬﺎ ﻓﻲ ﺍﺣﻮﺍﻝ ﻧﺎﺱ ﺍﻟﺠﺎﻣﻌﺔ .. ﻭﺍﻟﺤﺎﺻﻞ ﻓﻴﻬﺎ .. ﻭﺍﺻﻠﻮ ﻣﺎﺟﺎﺏ ﻟﻴﻬﺎ ﺳﻴﺮﺓ ﺍﻧﻮ ﻫﻮ ﻋﺎﻳﺰ ﻟﻴﻨﺔ ﺩﻱ ﻧﻬﺎﺋﻲ .. ﺷﺎﻳﻒ ﺍﻧﻮ ﺍﻟﻮﻛﺖ ﺑﺪﺭﻱ ﻋﻠﻰ ﺍﻟﻜﻼﻡ ﺩﻩ

ﻭﺍﻳﻤﺎﻥ ﺑﺘﺘﻮﻧﺲ ﻣﻌﺎﻫﻮ ﻋﺎﺩﻱ .. ﻛﺎﻧﻬﺎ ﻣﺎﻋﻨﺪﻫﺎ ﻣﺸﻜﻠﺔ ﻣﻊ ﺭﺍﺟﻼ ..

ﺷﺎﻧﻬﺎ ﺷﺎﻥ ﺍﻟﻤﺮﺍﺓ ﺍﻟﺴﻮﺩﺍﻧﻴﺔ ﻋﻤﻮﻣﺎ .. " ﺗﻠﻘﺎﻫﺎ ﻋﻨﺪﻫﺎ ﻣﺸﻜﻠﺔ ﻛﺒﻴﺮﺓ ﺟﺪﺍ ﻣﻊ ﺯﻭﺟﻬﺎ .. ﺍﻭﻝ ﻣﺎ ﺗﻨﺴﺎﻕ ﻓﻲ ﺍﻟﻮﻧﺴﺔ ﺗﻨﺴﻰ ﺍﻱ ﺣﺎﺟﺔ .. ﻭﺗﺘﻮﻧﺲ ﺑﻲ ﻛﻞ ﻣﺸﺎﻋﺮﻫﺎ .. ﻭﺗﻠﻘﺎﻫﺎ ﺑﺘﺨﻔﻲ ﻣﺸﻜﻠﺘﻬﺎ ﺑﻤﻬﺎﺭﺓ ﻋﺎﻟﻴﺔ .. ﺑﺲ ﻟﻤﻦ ﺗﻜﻮﻥ ﻗﺎﻋﺪﺓ ﺑﺮﺍﻫﺎ .. ﻏﻢ ﺍﻟﺪﻧﻴﺎ ﻳﻨﺰﻝ ﻓﻮﻗﺎ ..

ﺑﻌﻜﺲ ﺍﻟﺮﺟﺎﻝ .. ﺍﻟﻮﺍﺣﺪ ﺗﻠﻘﺎﻫﻮ ﻋﻨﺪﻭ ﻣﺸﻜﻠﺔ ﻓﻲ ﺍﻟﺒﻴﺖ ﻣﻊ ﺍﻟﻤﺮﺍﺓ .. ﻳﺸﺎﻛﻞ ﻧﺎﺱ ﺍﻟﺸﺎﺭﻉ ﻭﻧﺎﺱ ﺍﻟﺸﻐﻞ ﻭﻳﻀﺮﺏ ﺍﻟﺤﻴﻄﺔ .. ﻭﻳﺸﺎﻛﻞ ﺍﻟﻌﺮﺑﻴﺔ ﺍﻟﺮﺍﻛﺒﻬﺎ ..

ﺍﻟﻤﻬﻢ ﺍﻳﻤﺎﻥ ﻛﺎﻧﺖ ﺑﺘﻀﺤﻚ ﻣﻊ ﺍﻟﺼﺎﻓﻲ ﺑﻲ ﻛﻞ ﻣﺸﺎﻋﺮﻫﺎ .. ﻭﻫﻮ ﺑﺤﻜﻲ ﻟﻴﻬﺎ ﻣﺎﺧﻼ ﻟﻴﻬﺎ ﻗﺼﺔ .. ﻧﺎﺱ ﻣﺆﻳﺪ .. ﻭﻗﺼﺺ ﺑﻬﻴﺔ .. ﻭﻭﻭ

ﻭﻛﻞ ﻣﺮﺓ ﺑﺤﺎﻭﻝ ﻳﺪﺭﺩﻗﻬﺎ ﺑﺎﻟﻜﻼﻡ ﻋﺸﺎﻥ ﺗﺤﻜﻲ ﻟﻴﻬﻮ .. ﻭﻫﻲ ﺑﺘﻠﻒ ﻭﺗﺪﻭﺭ ﺑﻬﻨﺎﻙ .. ﻭﺗﺪﺧﻠﻮ ﻟﻴﻚ ﻓﻲ ﻣﻮﺿﻮﻉ ﺗﺎﻧﻲ ..

ﺍﻟﻤﺴﺎﺀ ﻟﻤﻦ ﺍﺑﻮﻫﻮ ﺟﺎ .. ﺍﻳﻤﺎﻥ ﺍﺗﻐﻴﺮﺕ 180 ﺩﺭﺟﺔ ﻭﺍﺗﻜﻔﺮﻧﺖ ﻭﺑﻘﺖ ﺗﻤﺮﻕ ﻭﺗﺪﺧﻞ .. ﺍﻟﺼﺎﻓﻲ ﺍﻭﻝ ﻣﺮﺓ ﻳﺸﻮﻑ ﺍﻣﻮ ﻣﺘﻀﺎﻳﻘﺔ ﺿﻴﻖ ﺯﻱ ﺩﻩ .. ﻭﺷﻜﻠﻬﺎ ﺧﺎﻳﻔﺔ ﻣﻦ ﺣﺎﺟﺔ ﻣﻊ ﺯﻋﻠﻬﺎ .. ﺍﻭ ﺍﺣﺘﻤﺎﻝ ﺧﺎﻳﻔﺔ ﺍﻧﻮ ﺍﺑﻮﻫﻮ ﻳﻘﻮﻝ ﻟﻴﻬﻮ ﺣﺎﺟﺔ ..

ﺍﻻﻣﻴﻦ ﺑﺘﻐﺪﻯ ﺍﻟﻤﺴﺎﺀ ﺑﻌﺪ ﻳﺠﻲ ﻣﻦ ﺍﻟﺴﻮﻕ .. ﺧﺘﺖ ﻟﻴﻬﻮ ﺍﻟﻐﺪﺍ ﻭﺍﻟﺸﺎﻱ .. ﻭﻗﺎﻟﺖ ﻟﻴﻬﻢ ﻋﻦ ﺍﺫﻧﻜﻢ ﻋﻨﺪﻱ ﻣﺸﻮﺍﺭ ﻋﻨﺪ ﺍﻟﺠﻴﺮﺍﻥ ﻗﺮﻳﺐ ..

ﺍﻻﻣﻴﻦ ﻣﺎ ﺍﺗﻜﻠﻢ ﻣﻌﺎﻫﺎ ﻭﻻ ﻗﺎﻝ ﺧﻴﺮ ﻭﻻﻗﺎﻝ ﻻ .. ﺍﻟﺼﺎﻓﻲ ﻗﺎﻝ ﻟﻴﻬﺎ ﺧﻴﺮ ﻳﺎ ﺍﻣﻲ .. ﻣﺎﺗﺘﺎﺧﺮﻱ ﺩﺍﻳﺮﻳﻦ ﻧﺘﻮﻧﺲ ..

ﻃﻠﻌﺖ ﻭﺑﻘﻮ ﺍﻻﻣﻴﻦ ﻭﺍﻟﺼﺎﻓﻲ ﻗﺎﻋﺪﻳﻦ ﺑﺮﺍﻫﻢ .. ﻭﺍﻻﻭﻻﺩ ﺍﻻﺗﻨﻴﻦ ﻓﻲ ﻏﺮﻓﺘﻬﻢ ..

ﺍﻟﺼﺎﻓﻲ ﻗﺎﻝ ﻻﺑﻮﻫﻮ ﻳﺎ ﺍﺑﻮﻱ .. ﻃﺒﻌﺎ " ﺍﻧﺎ ﻣﺎﺑﺤﺲ ﺍﻧﻚ ﺍﻧﺖ ﺍﺑﻮﻱ ﻭﺧﻼﺹ .. ﺍﻧﺎ ﺑﺤﺲ ﺍﻧﻚ ﺍﻧﺖ ﺻﺪﻳﻘﻲ ﺍﻟﻌﺰﻳﺰ .. ﺍﺣﻜﻲ ﻟﻴﻚ ﺍﺳﺮﺍﺭﻱ ﻭﺗﺤﻜﻲ ﻟﻲ ﺍﺳﺮﺍﺭﻙ .. ﻭﻧﺘﺸﺎﻭﺭ ﻓﻲ ﺍﺩﻕ ﺗﻔﺎﺻﻴﻞ ﺣﻴﺎﺗﻨﺎ ﺻﺢ ﻭﻻ ﺍﻧﺎ ﻏﻠﻄﺎﻥ؟ .. ﺍﻻﻣﻴﻦ ﻗﺎﻝ ﻟﻴﻬﻮ ﺍﻛﻴﺪ ﻳﺎ ﺍﻟﺼﺎﻓﻲ ﺍﻛﻴﺪ .. ﻗﺎﻟﻮ ﻭﻟﺪﻙ ﻛﺎﻥ ﺻﻐﻴﺮ ﺭﺑﻴﻬﻮ .. ﻭﻛﺎﻥ ﻛﺒﺮ ﺧﺎﻭﻳﻬﻮ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﻃﻴﺐ ﻳﺎ ﺍﺑﻮﻱ .. ﺍﺣﻜﻲ ﻟﻲ ﺍﻣﻲ ﻣﺎﻟﻬﺎ ﻣﺘﻐﻴﺮﺓ؟

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻟﺼﺎﻓﻲ ﻳﺎﻭﻟﺪﻱ ﺍﻟﻜﻼﻡ ﺗﻨﺴﺄﻝ ﻣﻨﻮ ﺍﻣﻚ .. ﻣﺎ ﺗﺴﺄﻟﻨﻲ ﺍﻧﺎ ..

ﻗﺎﻝ ﻟﻴﻬﻮ ﺍﻭﻻ ﻳﺎ ﺍﺑﻮﻱ ﺍﻣﻲ ﺳﺄﻟﺘﻬﺎ ﻭﺍﺑﺖ ﺗﻜﻠﻤﻨﻲ .. ﻭﺍﻧﺖ ﺫﺍﺗﻚ ﻣﺘﻐﻴﺮ .. ﻭﺍﺗﺨﻴﻞ ﻟﻲ ﺍﻟﻤﻮﺿﻮﻉ ﻣﺘﻌﻠﻖ ﺑﻴﻨﻜﻢ ﺍﻻﺗﻨﻴﻦ .. ﻟﻮ ﻣﺎﻋﺎﻳﺰ ﺗﺤﻜﻲ ﻟﻴﻚ ﻣﺎ ﺑﻀﺎﻳﻘﻚ ..

ﻗﺎﻝ ﻟﻴﻬﻮ ﺍﻱ ﻣﺎ ﺗﻀﺎﻳﻘﻨﻲ .. ﻣﺎﺗﺴﺄﻟﻨﻲ .. ﻳﻬﺪﻳﻚ ﺍﻣﻚ ﺗﻜﻠﻤﻚ ﻫﻲ .. ﺍﻧﺎ ﻣﺎ ﻣﺘﻐﻴﺮ ﻣﺎﺗﺘﻮﻫﻢ ﺳﺎﻱ ..

ﺍﻟﺼﺎﻓﻲ ﻛﺪﺍ ﺍﺗﻘﻔﻠﺖ ﻗﺪﺍﻣﻮ ﺍﻻﺑﻮﺍﺏ .. ﻭﺑﻘﻰ ﺳﺎﻛﺖ ﻭﺗﺎﻧﻲ ﻻﺳﺄﻝ ﺍﻣﻮ ﻭﻻ ﺳﺄﻝ ﺍﺑﻮﻫﻮ . ﻭﻫﻮ ﺫﺍﺗﻮ ﺑﻘﻰ ﻣﺘﻮﺗﺮ ﻭﻣﺎ ﻣﺮﺗﺎﺡ .. ﻭﻣﺎﻋﺎﺭﻑ ﻳﻘﻮﻝ ﺷﻨﻮ .

ﺍﻟﻤﻬﻢ ﻳﺎﺯﻭﻝ ﻣﺮﺕ ﺍﻻﻳﺎﻡ .. ﻭﺍﻟﺒﻴﺖ ﻣﺘﻮﺗﺮ ﻭﻣﺎﻓﻲ ﺯﻭﻝ ﺑﺘﻜﻠﻢ ﻣﻊ ﺍﻟﺘﺎﻧﻲ .. ﺍﻳﻤﺎﻥ ﻓﻲ ﻧﻔﺲ ﻫﻤﻬﺎ ﻭﻏﻤﻬﺎ ﻭﻋﺪﻡ ﺍﺭﺗﻴﺎﺣﻬﺎ .. ﻭﺍﻻﻣﻴﻦ ﻣﺎﻋﺎﻳﺰ ﻳﺘﻜﻠﻢ ﻣﻌﺎﻫﺎ ﻻﺑﺨﻴﺮ ﻻﺑﻲ ﺷﺮ .. ﻭﺍﻟﺼﺎﻓﻲ ﻛﻞ ﻳﻮﻡ ﺿﻴﻘﻮ ﻭﺯﻫﺠﻮ ﺯﺍﻳﺪ .. ﻭﺣﺲ ﺍﻧﻮ ﺍﻟﺒﻴﺖ ﺍﻟﺠﺎﻫﻮ ﺑﺎﻻﺷﻮﺍﻕ .. ﺑﻘﻰ ﺍﺿﻴﻖ ﻣﻦ ﺧﺮﻡ ﺍﻻﺑﺮﺓ .. ﺍﺣﺴﻦ ﻟﻴﻬﻮ ﺍﻟﺸﻘﺔ ﺑﻲ ﺍﻟﻒ ﻣﺮﺓ ..

ﻣﺸﻰ ﺍﻟﺴﻮﻕ ﻣﻊ ﺍﺑﻮﻫﻮ ﻛﻢ ﻳﻮﻡ .. ﻭﻳﻮﻡ ﻣﺸﻰ ﻻﺻﺤﺎﺑﻮ ﻓﻲ ﺍﻟﺪﺍﻣﺮ ﺍﻟﻌﺸﻴﺮ .. ﻭﻳﻮﻡ ﻣﺸﻰ ﻟﻲ ﺻﺎﺣﺒﻮ ﻓﻲ ﻧﻬﺮ ﺍﺩﺑﺮﺓ ﺣﺘﺔ ﺍﺳﻤﻬﺎ ﺍﻟﻮﺍﻭﺭ .. ﻭﺣﺎﺍﺍﺍﻡ ﻣﺎﺧﻼ ﺣﺘﺔ .. ﻟﻜﻦ ﺑﺮﺿﻮ ﻗﺮﻓﺎﻥ ﻣﻦ ﻗﻌﺪﺓ ﺍﻟﺒﻴﺖ .. ﻻﻧﻮ ﺍﻣﻮ ﻭﺍﺑﻮﻫﻮ ﻣﺘﺨﺎﺻﻤﻴﻦ ﻫﺴﻲ ﺩﻱ ﻗﺮﻳﺐ ﺍﻟﺘﻼﺗﺔ ﺍﺳﺎﺑﻴﻊ .. ﺑﺲ ﺍﻟﻤﺨﻔﻔﺔ ﻋﻠﻴﻬﻮ ﻟﻴﻨﺔ ﺍﻟﺤﻨﻴﻨﺔ .. ﺍﺗﺼﺎﻻﺗﻮ ﻣﻨﻬﺎ ﻣﺎﺑﺘﻨﻘﻄﻊ ﻳﻮﻣﻴﻦ ﻭﺭﺍ ﺑﻌﺾ ..

ﺍﻟﻤﻬﻢ ﻳﺎﺯﻭﻝ ﻳﻮﻡ ﺍﻏﺘﻨﻢ ﻓﺮﺻﺔ ﺍﺑﻮﻫﻮ ﻣﻮﺟﻮﺩ ﻭﺍﻣﻮ ﻓﺎﺿﻴﺔ ﻗﺎﻝ ﻟﻴﻬﻢ ﻳﺎﺍﻣﻲ ﻳﺎﺑﻮﻱ ﺍﻧﺎ ﻣﺴﺎﻓﺮ .. ﺍﺑﻮﻫﻮ ﻗﺎﻝ ﻟﻴﻬﻮ ﺷﻨﻮ ﻳﺎﺯﻭﻝ .. ﺍﻧﺖ ﻣﺎﻗﻠﺖ ﺍﺟﺎﺯﺗﻚ ﻟﺴﻪ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﺑﻮﻱ ﻓﻌﻼ ﺍﺟﺎﺯﺗﻲ ﻟﺴﻪ ﻟﻜﻦ ﺑﺼﺮﺍﺣﺔ ﺍﻧﺎ ﺯﻫﺠﺖ ﻣﻦ ﺍﻟﺒﻴﺖ .. ﻭﻣﺎ ﺍﺗﻌﻮﺩﺕ ﺍﻛﺬﺏ ﻋﻠﻴﻜﻢ .. ﺣﺎﻟﺘﻜﻢ ﺍﻧﺘﻮ ﺍﻻﺗﻨﻴﻦ ﻣﻊ ﺑﻌﺾ ﻣﺎﻣﺮﻳﺤﺎﻧﻲ .. ﻭﺍﻟﻤﺰﻋﺠﻨﻲ ﺍﻛﺘﺮ ﻣﺎﻋﺎﺭﻑ ﺍﻟﺤﺎﺻﻞ ﺷﻨﻮ؟

ﺍﺑﻮﻫﻮ ﻗﺎﻝ ﻟﻴﻬﻮ ﻣﺨﻴﺮ .. ﻳﻬﺪﻱ ﺍﻣﻚ ﺍﻟﺘﺤﻜﻲ ﻟﻴﻚ ﻟﻮ ﻓﻲ ﺣﺎﺟﺔ .. ﺍﻳﻤﺎﻥ ﻋﺎﻳﻨﺖ ﻟﻲ ﺍﻻﻣﻴﻦ ﻋﻴﻦ ﻋﺠﻴﺒﺔ ﻛﺪﺍ .. ﻛﺎﻧﻬﺎ ﻣﺴﺘﻨﻜﺮﺓ ﻛﻼﻣﻮ .. ﻭﺩﺧﻠﺖ ﻋﻠﻰ ﺍﻟﻤﻄﺒﺦ ..

ﺍﻟﺼﺎﻓﻲ ﻗﺎﻡ ﻭﺭﺍﻫﺎ .. ﻗﺎﻝ ﻟﻴﻬﺎ ﺍﻫﺎ ﻳﺎ ﺍﻣﻲ ﺍﺩﻳﺘﻨﻲ ﺍﻻﺫﻥ ﺍﻣﺸﻲ ﺍﻟﺨﺮﻃﻮﻡ ؟؟

ﻗﺎﻟﺖ ﻟﻴﻬﻮ ﺍﺳﻤﻊ ﻳﺎ ﺍﻟﺼﺎﻓﻲ ﺍﻧﺖ ﺩﺍﻳﺮ ﺗﻌﺮﻑ ﻓﻲ ﺷﻨﻮ؟

ﺍﺑﻮﻙ ﻣﺎﻛﻠﻤﻚ ﺑﺎﻱ ﺷﻲ؟ ﻗﺎﻝ ﻟﻴﻬﺎ ﺍﺑﺪﺍ ﻭﺍﻟﻠﻪ .. ﺳﺄﻟﺘﻮ ﻗﺎﻝ ﻟﻲ ﺍﺳﺄﻝ ﺍﻣﻚ .. ﻭﺍﻧﺎ ﻭﻋﺪﺗﻚ ﺍﻧﻮ ﻣﺎﺃﺳﺎﻟﻚ .. ﻭﺍﻧﺘﻲ ﻗﻠﺘﻲ ﻟﻲ ﻟﻮ ﺳﺄﻟﺘﻨﻲ ﺑﻐﻀﺐ ﻋﻠﻴﻚ .. ﻗﺎﻟﺖ ﻟﻴﻬﻮ ﻃﻴﺐ ﺍﻧﺖ ﻣﻮﺵ ﻋﺎﻳﺰ ﺗﻌﺮﻑ ﺍﻟﺤﺎﺻﻞ ؟ ﺍﻛﻠﻤﻚ ﻫﺴﻲ ﻗﺪﺍﻡ ﺍﺑﻮﻙ ﻭﻻ ﺍﺧﻠﻴﻬﻮ ﻟﻲ ﺑﻜﺮﺓ ؟ ..

ﻗﺎﻝ ﻟﻲ ﻋﻠﻰ ﻛﻴﻔﻚ ﺍﻧﺘﻲ ﻳﺎ ﺍﻣﻲ .. ﻗﺎﻟﺖ ﻟﻴﻬﻮ ﻃﻴﺐ ﺍﺻﺒﺮ ﻟﺒﻜﺮﺓ ﻳﺎ ﺍﻟﺼﺎﻓﻲ .. ﻗﺎﻝ ﻟﻴﻬﺎ ﺟﺪﺍ " ﺻﺎﺑﺮ ..

ﺍﻟﺼﺎﻓﻲ ﻣﻨﺘﻈﺮ ﻟﻤﺘﻴﻦ ﺗﺼﺒﺢ ﺍﻟﻮﺍﻃﺔ .. ﻭﺍﺑﻮﻫﻮ ﻳﻤﺸﻲ ﺍﻟﺴﻮﻕ .. ﻭﺍﻣﻮ ﺗﺤﻜﻲ ﻟﻴﻬﻮ ﺍﻟﺤﺎﺻﻞ ..

ﺑﺎﻛﺮ ﺍﻟﺼﺒﺎﺡ ﺍﻻﻣﻴﻦ ﻟﺒﺲ ﻭﻗﺒﻞ ﻣﺎﻳﻄﻠﻊ ﻋﻠﻰ ﺍﻟﺴﻮﻕ .. ﻭﻫﻮ ﻃﺎﻟﻊ ﻗﺎﻝ ﻟﻠﺼﺎﻓﻲ ﺍﻧﺎ ﻋﻨﺪﻱ ﻣﻌﺎﻙ ﻛﻼﻡ ﺭﺟﺎﻝ ﺿﺮﻭﺭﻱ ﺟﺪﺍ ﻗﺒﻞ ﻣﺎﺗﺴﺎﻓﺮ .. ﺍﻟﺼﺎﻓﻲ ﻗﺎﻝ ﻟﻴﻬﻮ ﺣﺎﺿﺮ ﻳﺎ ﺑﻮﻱ ..

ﺍﻫﺎ ﺑﻌﺪ ﺍﻻﻣﻴﻦ ﻃﻠﻊ .. ﺍﻳﻤﺎﻥ ﺟﺎﺕ ﻋﻠﻰ ﺍﻟﻐﺮﻓﺔ ﺑﺘﺎﻋﺔ ﺍﻻﻣﻴﻦ .. ﻭﻧﺎﺩﺕ ﺍﻟﺼﺎﻓﻲ ﻭﻗﺎﻟﺖ ﻟﻴﻬﻮ ﺍﻗﻌﺪ ..

ﺍﺑﻮﻙ ﻳﺎﺧﻮﻱ ﺩﺍﻳﺮ ﻳﺨﻮﺯﻗﻚ ﺍﻧﺖ .. ﺍﻟﻤﻮﺿﻮﻉ ﻣﺎﺑﻬﻤﻨﻲ ﺍﻧﺎ ﻛﺘﻴﺮ ..

ﻗﺎﻝ ﻟﻴﻬﺎ ﻳﺨﻮﺯﻗﻨﻲ ﻓﻲ ﺷﻨﻮ؟ .. ﻗﺎﻟﺖ ﻟﻴﻬﻮ ﻋﻨﺪﻭ ﺻﺎﺣﺒﻮ ﺍﺳﻤﻮ ﻋﺒﺪﺍﻟﺮﺣﻴﻢ .. ﺷﻐﺎﻝ ﻣﻌﺎﻫﻮ ﻓﻲ ﺍﻟﺴﻮﻕ .. ﻭﻗﺎﻋﺪ ﻳﻤﺸﻲ ﻟﻴﻬﻮ ﻓﻲ ﺍﻟﺒﻴﺖ .. ﻭﻋﺒﺪﺍﻟﺮﺣﻴﻢ ﺑﺠﻴﻨﺎ ﻫﻨﺎ ﻛﻞ ﻣﺮﺓ .. ﺑﻌﺪﻳﻦ ﻳﻮﻡ ﺍﺑﻮﻙ ﻗﺎﻝ ﻟﻲ ﺍﺗﻔﻘﺘﺎ ﻣﻊ ﻋﺒﺪﺍﻟﺮﺣﻴﻢ .. ﺩﺍﻳﺮﻳﻦ ﺭﺑﻴﻌﺔ ﺑﺖ ﻋﺒﺪﺍﻟﺮﺣﻴﻢ ﻟﻲ ﺍﻟﺼﺎﻓﻲ ..

ﺍﻧﺎ ﻗﻠﺖ ﻟﻴﻬﻮ ﻟﻜﻦ ﻳﺎ ﺍﻻﻣﻴﻦ ﺍﻟﺤﻜﺎﻳﺔ ﻋﻠﻰ ﺭﻏﺒﺔ ﺍﻟﺼﺎﻓﻲ ..

ﻗﺎﻝ ﻟﻲ ﺍﻟﺼﺎﻓﻲ ﺩﺍﻳﺮ ﻳﻜﺴﺮ ﻛﻼﻣﻲ ﻭﻳﺤﻠﻒ ﻭﻋﺪﻱ ؟ .. ﺍﻧﺎ ﻃﺒﻌﺎ ﺍﻟﺪﻧﻴﺎ ﺿﺎﻗﺖ ﻋﻠﻲ .. ﻭﺭﻛﺐ ﻣﺸﻴﺖ ﺣﻲ ‏( ...... ‏) ﺍﻟﺴﺎﻛﻨﻴﻦ ﻓﻴﻬﻮ ﻧﺎﺱ ﻋﺒﺪ ﺍﻟﺮﺣﻴﻢ .. ﻣﻌﺎﻱ ﻣﻨﻰ ﺟﺎﺭﺗﻲ ﺩﻱ .. ﻋﻨﺪﻫﺎ ﺻﺎﺣﺒﺘﻬﺎ ﻫﻨﺎﻙ .. ﻭﺳﺄﻟﻨﺎ ﻣﻦ ﺍﻟﻨﺎﺱ ﺩﻳﻞ .. ﻭﺳﺄﻟﻨﺎ ﻣﻦ ﺍﻟﺒﺖ ﻋﻠﻰ ﻣﺨﺼﻮﺹ .. ﻭﺍﻟﺒﻨﺎﺕ ﻗﺎﻟﻦ ﻋﻨﻬﺎ ﻛﻼﻡ ﻣﺎﺣﻠﻮ .. ﻭﻫﻮ ﻓﻲ ﺍﻟﻨﻬﺎﻳﺔ ﻛﻼﻡ .. ﻣﺎ ﻓﻲ ﺯﻭﻝ ﺑﻘﺪﺭ ﻳﺄﻛﺪﻭ .. ﻓﺎﻫﻢ؟؟؟

ﺍﻟﺼﺎﻓﻲ ﻗﺎﻝ ﻟﻴﻬﺎ ﻓﺎﺍﺍﺍﺍﺍﺍﺍﺍﻫﻢ ﻭﺍﺻﻠﻲ ﻳﺎ ﺍﻣﻲ ..

ﻗﺎﻟﺖ ﻟﻴﻬﻮ ﺍﻟﻤﻬﻢ .. ﺍﻧﺎ ﺍﺧﺪﺕ ﺗﻘﺎﺭﻳﺮﻱ .. ﻭﺍﺗﺄﻛﺪﺕ ﻣﻦ ﺍﻟﺒﺖ ﺷﺪﻳﺪ .. ﻭﺍﻣﻬﺎ ﺫﺍﺗﻬﺎ ﻗﺎﻟﻮ ﻣﺮﺍﺓ ﺑﺘﺎﻋﺔ ﻣﺸﺎﻛﻞ .. ﻭﺟﻴﺖ ﻛﻠﻤﺖ ﺍﺑﻮﻙ ﺑﻜﻞ ﺍﻟﺤﺎﺻﻞ ..

.. ﻗﺎﻝ ﻟﻲ ﺍﻧﺘﻲ ﺑﺘﻤﺸﻲ ﺗﺘﺠﺴﺴﻲ ﻋﻠﻲ ﺍﻟﻨﺎﺱ ﺑﻮﺭﺍﻱ ﻣﺎﻟﻚ؟

ﻗﻠﺖ ﻟﻴﻬﻮ ﺩﻩ ﻣﺴﺘﻘﺒﻞ ﻭﻟﺪﻱ .. ﻭﻻﺯﻡ ﺍﺗﺎﻛﺪ؟ ﻗﺎﻝ ﻟﻲ ﺍﻟﺤﺎﺟﺎﺕ ﺍﻟﺰﻱ ﺩﻱ ﺍﻻﺷﺎﻋﺎﺕ ﻓﻴﻬﺎ ﺍﻛﺘﺮ ﻣﻦ ﺍﻟﺤﻘﺎﻳﻖ .. ﻭﺩﻩ ﻛﻠﻮ ﻛﻼﻡ ﺍﻓﻚ .. ﻭﻣﺎ ﺡ ﻳﻜﻮﻥ ﺻﺤﻴﺢ ..

ﺍﻧﺎ ﻗﻠﺖ ﻟﻴﻬﻮ ﺻﺎﺍﺍﺡ ﺍﻟﺰﻭﻝ ﻣﺎﻳﺼﺪﻕ ﺍﻟﻜﻼﻡ ﺍﻟﺒﺘﻘﺎﻝ ﻓﻲ ﺍﻟﻨﺎﺱ .. ﻟﻜﻦ ﻧﺤﻦ ﺍﺣﺴﻦ ﺑﺲ ﻧﺒﻌﺪ ﻣﻦ ﻣﻜﺎﻥ ﺍﻟﻘﻮﺍﻳﻞ .. ﻭﺧﻠﻲ ﺍﻟﺼﺎﻓﻲ ﻳﺨﺘﺎﺭ ﺑﻲ ﺍﺭﺍﺩﺗﻮ ..

ﺍﻧﺎ ﺣﻴﺔ ﻭﻋﻴﻮﻧﻲ ﺩﻱ ﺑﺘﺸﻮﻑ ﺍﻟﺼﺎﻓﻲ ﻭﻟﺪﻱ ﻣﺎﺑﻌﺮﺱ ﺍﻟﺒﺖ ﺩﻱ .. ﻗﺎﻝ ﻟﻲ ﻃﻴﺐ ﻟﻮ ﺍﻟﺼﺎﻓﻲ ﺑﺮﺍﻫﻮ ﻗﺎﻝ ﺩﺍﻳﺮﻫﺎ ..

ﺍﻧﺎ ﻗﻠﺖ ﻟﻴﻬﻮ ﻳﻘﻮﻝ ﺩﺍﻳﺮﻫﺎ ﺑﻌﺪ ﻳﺴﻤﻊ ﺍﻟﻜﻼﻡ ﺩﻩ ؟

ﻗﺎﻝ ﻟﻲ ﻧﻔﺮﺽ ﻗﺎﻝ ﺩﺍﻳﺮﻫﺎ .. ﺍﻧﺎ ﻗﻠﺖ ﻟﻴﻬﻮ ﻣﺎﺑﻌﺘﺮﺿﻮ .. ﺑﺲ ﺗﻜﻮﻥ ﺭﻏﺒﺘﻮ ﻭﻣﺴﺆﻭﻟﻴﺘﻮ ﻣﺎﺗﻜﻮﻥ ﺭﻏﺒﺘﻚ ﺍﻧﺖ ..

ﻫﻮ ﻗﺎﻝ ﻟﻲ ﺍﻟﻤﻬﻢ ﺍﻧﺎ ﺭﺑﻄﺖ ﻟﺴﺎﻧﻲ .. ﻭﺡ ﻳﻌﺮﺳﺎ ﻏﺼﺒﺎ ﻋﻨﻚ .. ﻭﻛﻞ ﻳﻮﻡ ﺑﺘﻨﺎﻗﺶ ﻣﻌﺎﻫﻮ ﻓﻲ ﺍﻟﻤﻮﺿﻮﻉ .. ﺩﻩ ﻟﻐﺎﻳﺔ ﻳﻮﻡ ﻗﻠﺖ ﻟﻴﻬﻮ ﺍﻧﺖ ﺍﻟﺒﺖ ﺩﻱ ﻣﺎﺑﺘﻌﺮﻓﻬﺎ .. ﺑﺘﻌﺮﻑ ﺍﺑﻮﻫﺎ .. ﻭﺍﻟﺼﺎﻓﻲ ﻣﺎﺡ ﻳﻌﺮﺱ ﺍﻻﺑﻮ .. ﺡ ﻳﻌﺮﺱ ﺍﻟﺒﺖ .. ﺑﻌﺪﻳﻦ ﺍﻟﺼﺎﻓﻲ ﺭﺍﺟﻞ ﻭﻋﻨﺪﻭ ﺣﺮﻳﺔ ﺍﻻﺧﺘﻴﺎﺭ ﻟﻴﻪ ﺗﺨﺘﺎﺭ ﻟﻲ ﻭﻟﺪﻙ .. ﺍﻧﺖ ﺍﺑﻮﻙ ﺍﺧﺘﺎﺭﻧﻲ ﻟﻴﻚ .. ﻭﻻ ﺍﺧﺘﺮﺗﻨﻲ ﺑﻲ ﺭﻏﺒﺘﻚ .

ﻗﺎﻝ ﻟﻲ ﺍﻧﺘﻲ ﺍﻟﺼﺎﻓﻲ؟ .. ﺍﻟﺼﺎﻓﻲ ﺩﻩ ﻭﻟﺪﻙ ﺑﺮﺍﻙ؟ .. ﺍﻧﺘﻲ ﻣﺎﺗﺼﺒﺮﻱ ﺗﺨﻠﻴﻬﻮ ﻳﺠﻲ ﻳﺸﻮﻑ ﺍﻟﺒﺖ ﺍﺣﺘﻤﺎﻝ ﺗﻌﺠﺒﻮ .

ﺍﻧﺎ ﻗﻠﺖ ﻟﻴﻬﻮ ﺑﺲ ﻋﻠﻰ ﺷﺮﻁ .. ﺍﻧﺎ ﺍﺣﻜﻲ ﻟﻠﺼﺎﻓﻲ ﻛﻞ ﺍﻟﺴﻤﻌﺘﻮ ﻋﻦ ﺍﻟﺒﺖ ..

ﻗﺎﻝ ﻟﻲ ﺍﻧﺖ ﺯﻭﻟﺔ ﺣﺸﺮﻳﺔ .. ﻭﺑﺘﺘﺤﺸﺮﻱ ﻓﻲ ﺍﻱ ﻣﻮﺿﻮﻉ .. ﻭﺩﺍﻳﺮﺓ ﺍﻱ ﺷﻲ ﻳﻤﺸﻲ ﺑﻲ ﺭﺍﻳﻚ .. ﻗﻠﺖ ﻟﻴﻬﻮ ﺧﻴﺮ ﻳﺎ ﺍﻻﻣﻴﻦ .. ﺍﻧﺎ ﺗﺎﻧﻲ ﻣﺎﺑﺘﻜﻠﻢ .. ﺑﺲ ﺍﻧﺎ ﺑﺮﺓ ﺍﻟﻤﻮﺿﻮﻉ ﺩﻩ .. ﺩﻩ ﺍﻧﺖ ﻭﺩﺍﻙ ﻭﻟﺪﻙ ..

ﻭﻟﻮ ﻫﻮ ﺟﺎ ﺷﺎﻭﺭﻧﻲ ﺑﻮﺭﻳﻬﻮ ﺍﻧﻲ ﻣﺎﺭﺿﻴﺎﻧﺔ .. ﻭﺍﻧﺘﻬﻴﻨﺎ ﻋﻠﻰ ﻛﺪﺍ ﺑﺲ ﺍﻧﺎ ﻣﻬﻤﻮﻣﺔ ﻭﻣﻐﻤﻮﻣﺔ ﻣﻦ ﺗﺼﺮﻓﺎﺕ ﺍﺑﻮﻙ ﺩﻱ .. ﻭﺍﻧﺎ ﺻﺒﺮﺕ ﻋﻠﻴﻬﻮ ﻛﻞ ﺣﻴﺎﺗﻲ ﺩﻱ .. ﺑﺲ ﻣﺎ ﻣﺴﺘﻌﺪﺓ ﻛﻤﺎﻥ ﺍﺿﺤﻲ ﺑﻲ ﺣﻴﺎﺓ ﺍﻭﻻﺩﻱ ﻋﺸﺎﻥ ﺍﺭﺿﻴﻬﻮ .. ﻋﻨﺪﻭ ﺗﺼﺮﻓﺎﺕ ﻣﺎﻣﻨﻄﻘﻴﺔ ﻭﻻﺷﺮﻋﻴﺔ ﺣﺘﻰ ..

ﻛﻴﻒ ﻳﻌﻨﻲ ﻳﺨﺘﺎﺭ ﻟﻚ ﺍﻧﺴﺎﻧﺔ ﺍﻧﺖ ﻣﺎﺷﻔﺘﻬﺎ .. ﻭﻳﺮﺑﻂ ﻟﺴﺎﻧﻮ ﻣﻊ ﺍﺻﺤﺎﺑﻮ ﻓﻮﻕ ﻗﻌﺪﺓ ﻭﻧﺴﺔ .. ﺑﺎﻟﻠﻪ ﺩﻩ ﻛﻼﻡ ﺩﻩ ؟ ﺍﻟﺤﺮﻛﺎﺕ ﺍﻟﻤﺘﺨﻠﻔﺔ ﺩﻱ ﺧﻠﻮﻫﺎ ﺍﻟﻨﺎﺱ ﺯﻣﺎﺍﺍﺍﻥ .. ﺍﻟﻤﻔﺮﻭﺽ ﻳﻨﺘﻈﺮ ﻭﻳﺸﺎﻭﺭﻙ ﻭﻣﺎ ﻳﻮﺍﻓﻖ ﺍﻻ ﺍﻧﺖ ﺗﻮﺍﻓﻖ ﺩﻩ ﺍﻟﺸﺮﻉ ﻭﺍﻟﺴﻨﺔ ﻭﺍﻟﻌﻘﻞ ﻭﺍﻟﻤﻨﻄﻖ ﺑﻘﻮﻝ ﻛﺪﺍ ..

ﺍﻟﺼﺎﻓﻲ ﺳﺮﺡ ﻫﻨﺎﺍﺍﺍﻙ .. ﻭﺍﻟﻤﻮﺍﺿﻴﻊ ﺟﺎﻃﺖ ﻓﻲ ﺭﺍﺳﻮ .. ﻣﺮﺿﺎﺓ ﺍﻣﻮ ﺑﻲ ﺟﻴﻬﺔ .. ﻭﻣﺮﺿﺎﺕ ﺍﺑﻮﻫﻮ ﺑﻲ ﺟﻴﻬﺔ .. ﻭﺭﻏﺒﺘﻮ ﻭﺣﺐ ﺣﻴﺎﺗﻮ ﺍﻻﺳﻤﻬﺎ ﻟﻴﻨﺔ ﺍﻟﺰﻭﻟﺔ ﺍﻟﻤﻼﻙ ﺍﻟﻤﻨﺘﻈﺮﺍﻫﻮ ﻓﻲ ﺍﻟﺨﺮﻃﻮﻡ ﻣﻦ ﺟﻴﻬﺔ ..

ﻗﺎﻝ ﻟﻲ ﺍﻣﻮ ﺑﺲ ﻳﺎ ﺍﻣﻲ .. ﺩﻩ ﻣﻮﺿﻮﻉ ﺑﺴﻴﻂ .. ﻭﻣﻤﻜﻦ ﻳﺘﺤﻼ ﺑﻲ ﻛﻞ ﺳﻬﻮﻟﺔ ..

ﺍﻧﺘﻲ ﺍﺻﻠﻚ ﻣﺎﺗﺰﻋﻠﻲ ﻣﻨﻮ .. ﻭﻻ ﺗﺰﻋﻠﻲ ﺭﻭﺣﻚ .. ﻭﺧﻠﻴﻚ ﻋﺎﺩﻳﺔ ﺍﻧﺎ ﻗﺎﺩﺭ ﺍﺗﺼﺮﻑ ﻣﻊ ﺍﺑﻮﻱ .. ﺑﻌﺪﻳﻦ ﺍﺣﺘﻤﺎﻝ ﺍﻟﺒﺖ ﺍﻧﺎ ﺍﺳﺄﻝ ﻣﻨﻬﺎ ﻭﺍﻟﻘﺎﻫﺎ ﺑﺘﻨﻔﻊ ﻭﻛﻮﻳﺴﺔ .. ﻣﻨﻬﺎ ﺍﻟﻘﻰ ﻣﺮﺍﺩﻱ ﺍﻟﺪﺍﻳﺮﻭ .. ﻭﺍﻋﺰ ﻛﻠﻤﺔ ﺍﺑﻮﻱ .. ﺭﺍﻳﻚ ﺷﻨﻮ؟

ﺍﻧﺘﻲ ﺑﺲ ﺍﺩﻳﻨﻲ ﻓﺮﺻﺔ ﺃﺳﺎﻝ ﻣﻨﻬﺎ ﺗﺎﻧﻲ .. ﻭﺍﺗﺤﻘﻖ ﺑﻲ ﻃﺮﻳﻘﺘﻲ ﺍﻟﺨﺎﺻﺔ ..

ﻗﺎﻟﺖ ﻟﻴﻬﻮ ﻳﻌﻨﻲ ﺍﻧﺖ ﺍﻟﻤﺒﺪﺃ ﻣﺎﻋﻨﺪﻙ ﻣﻨﻮ ﻣﺎﻧﻊ ؟

ﻗﺎﻝ ﻟﻴﻬﺎ ﺍﺑﺪﺍ " ﻣﺎﻋﻨﺪﻱ ﻣﺎﻧﻊ .. ﺍﻟﻜﻼﻡ ﺍﻟﻴﻘﻮﻟﻮ ﺍﺑﻮﻱ ﻳﻤﺸﻲ .. ﺑﺲ ﺍﻧﺘﻲ ﺧﻠﻴﻨﻲ ﺑﻲ ﺭﻏﺒﺘﻲ .. ﺍﻧﺘﻲ ﻣﻮﺵ ﻋﺎﻳﺰﺓ ﺭﻏﺒﺘﻲ ؟

ﺍﻧﺎ ﺭﻏﺒﺘﻲ ﺍﻧﺘﻲ ﺗﺨﻠﻲ ﺍﻟﻤﻮﺿﻮﻉ ﺩﻩ ﻋﻠﻰ .. ﺍﻟﻤﻮﺿﻮﻉ ﻳﺎ ﺍﻣﻲ ﻣﺎﺑﺘﺤﻼ ﺑﺎﻟﺰﻋﻞ .. ﺍﻧﺘﻲ ﺑﺘﺘﺬﻛﺮﻱ ﺯﻣﺎﻥ ﻗﻠﺘﻲ ﻟﻲ ..

ﺍﻟﻐﻀﺐ ﺑﺤﻮﻁ ﺍﻟﺮﺍﺱ .. ﻭﻣﺎﺑﺨﻠﻴﻚ ﺗﺘﺼﺮﻑ .. ﺧﻠﻲ ﻏﻴﺮﻙ ﻳﻜﻮﻥ ﺯﻋﻼﻥ .. ﻭﺍﻧﺖ ﺧﻠﻴﻚ ﻫﺎﺩﻱ .. ﻋﺸﺎﻥ ﺗﻘﺪﺭ ﺗﻔﻜﺮ ﻓﻲ ﺍﻻﻧﺘﺼﺎﺭ؟ ﻣﺘﺬﻛﺮﺓ ﺍﻟﻜﻼﻡ ﺩﻩ؟

ﻗﺎﻟﺖ ﻟﻴﻬﻮ ﺍﻳﻮﺓ ﻟﻜﻦ ﺍﻧﺎ ﻏﺎﻳﻈﻨﻲ ﺍﺑﻮﻙ ﺩﻩ .. ﻫﺴﻲ ﻋﻠﻴﻚ ﺍﻟﻠﻪ ﺩﻩ ﺗﺼﺮﻑ ﻳﺘﺼﺮﻓﻮ .. ﻳﻤﺸﻲ ﻳﺨﻄﺐ ﻭﻳﺮﺑﻂ ﻟﺴﺎﻧﻮ ﺑﻲ ﻛﻠﻤﺔ ﻣﻦ ﺩﻭﻥ ﻣﺎﻳﺎﺧﺪ ﺭﺍﻱ ﻭﻟﺪﻭ؟

ﻗﺎﻝ ﻟﻴﻬﺎ ﻣﻌﻠﻴﺶ ﻳﺎ ﺍﻣﻲ .. ﻻﻧﻮ ﺍﺑﻮﻱ ﻭﺍﺛﻖ ﺍﻧﻲ ﻣﺎﺑﻜﺴﺮ ﻟﻴﻬﻮ ﻛﻠﻤﺔ .. ﺑﺲ ﺍﻧﺘﻲ ﺧﻠﻲ ﺍﻟﻤﻮﺿﻮﻉ ﺩﻩ ﻋﻠﻲ .. ﻭﻟﻮ ﺩﺍﻳﺮﺍﻧﻲ ﺍﻛﻮﻥ ﻣﺮﺗﺎﺡ ﻧﻔﺴﻴﺎ " ﺍﺭﺟﻌﻲ ﺍﺗﻜﻠﻤﻲ ﻣﻌﺎﻫﻮ ﻋﺎﺩﻱ .. ﻻﻻ ﺩﻗﻴﻘﺔ ﺍﻓﻜﺮ ﻟﻴﻚ ..

ﻗﻮﻟﻲ ﻟﻴﻬﻮ ﺍﻧﺎ ﻛﻠﻤﺖ ﺍﻟﺼﺎﻓﻲ .. ﺑﻲ ﺍﻧﻚ ﻋﻤﻠﺖ ﻛﻴﺖ ﻛﻴﺖ .. ﻭﺍﻟﺼﺎﻓﻲ ﻣﻮﺍﻓﻖ .. ﻭﻗﺎﻝ ﺍﻱ ﻛﻼﻡ ﻳﻌﻤﻠﻮ ﺍﺑﻮﻱ ﺍﻧﺎ ﻣﺎﺑﻜﺴﺮﻭ .. ﻭﻣﺎﺩﺍﻡ ﺍﺑﻮﻱ ﺭﺑﻂ ﻟﺴﺎﻧﻮ ﻟﻠﺮﺟﺎﻝ .. ﺍﻧﺎ ﻣﺎﺑﺨﻴﺐ ﻭﻋﺪﻭ ﻭﺍﻓﺸﻞ ﻛﻼﻣﻮ .. ﻛﻠﻤﻴﻬﻮ ﻛﺪﺍ ﺑﺲ .. ﻭﺧﻠﻲ ﺩﻱ ﺗﻜﻮﻥ ﺑﺪﺍﻳﺔ ﺗﺮﺟﻊ ﺍﻟﻤﻴﺎﺓ ﺍﻟﻰ ﻣﺠﺎﺭﻳﻬﺎ ﺑﻴﻨﻚ ﻭﺑﻴﻨﻮ ..

ﺍﻳﻤﺎﻥ ﻗﻌﺪﺕ ﺗﻌﺎﻳﻦ ﻟﻠﺼﺎﻓﻲ .. ﻭﺩﻣﻮﻋﻬﺎ ﺟﺮﻥ .. ﻭﻗﺎﻟﺖ ﻟﻴﻬﻮ ﺩﺍﻳﻤﺎ ﺑﺘﺠﻲ ﻋﻠﻰ ﻧﻔﺴﻚ .. ﻋﺸﺎﻥ ﺗﺮﺿﻲ ﺍﻟﻨﺎﺱ .. ﺩﻳﻤﺎ ﺍﻧﺖ ﻃﺒﻌﻚ ﻛﺪﺍ .. ﻳﺤﻠﻴﻠﻚ ﺍﻧﺖ .. ﻳﺎﺣﺒﻴﺐ ﻗﻠﺒﻲ .. ﺩﺍﻳﻤﺔ ﻋﻠﻴﻚ ﻛﺪﺍ .. ﻣﻤﻜﻦ ﺗﺨﺶ ﺍﻟﻨﺎﺭ ﻋﺸﺎﻥ ﺭﺿﺎﻱ ﻭﺭﺍﺣﺘﻲ .. ﻟﻜﻦ ﺍﻧﺎ ﻳﺎﺣﺒﻴﺒﻲ ﺭﺿﺎﻱ ﻓﻲ ﺭﺿﺎﻙ ﻭﺭﺍﺣﺘﻲ ﻓﻲ ﺭﺍﺣﺘﻚ ..

ﺍﻟﺼﺎﻓﻲ ﻗﺎﻡ ﻣﺴﻚ ﺍﻣﻮ ﻗﻠﺪﻫﺎ ﻛﺪﺍ .. ﻭﻣﺴﺢ ﻟﻴﻬﺎ ﺩﻣﻌﺘﻬﺎ .. ﻭﺍﺗﺬﻛﺮ ﻟﻴﻨﺔ ﻭﻓﻲ ﻋﺒﺮﺓ ﺳﺪﺕ ﺣﻠﻘﻮ .. ﻭﺭﺍﺳﻮ ﻛﺎﺑﺲ ..

ﺍﻟﻰ ﺍﻟﻠﻘﺎﺀ

ﺭﻭﺍﻳﺔ ﺍﻟﺼﺎﻓﻲ

ﺍﻟﺤﻠﻘﺔ 34

ﺑﻘﻠﻢ ﻃﺎﺭﻕ ﺍﻟﻠﺒﻴﺐ

ﺑﻌﺪ ﺍﻟﻜﻼﻡ ﺍﻟﺰﻱ ﺍﻟﺼﺎﻗﻌﺔ ﺍﻟﻨﺰﻟﺖ ﻓﻮﻕ ﻗﻠﺐ ﺍﻟﺼﺎﻓﻲ .. ﻗﺎﻝ ﻟﻲ ﺍﻣﻮ ﻃﻴﺐ ﻋﻦ ﺍﺫﻧﻚ ﻳﺎ ﺍﻣﻲ .. ﻣﺎﺷﻲ ﺍﺳﺘﺤﻢ ﻋﺸﺎﻥ ﺍﻧﺎ ﻃﺎﻟﻊ ﻣﺎﺷﻲ ﺍﻟﻐﺮﺏ ..

ﻗﺎﻟﺖ ﻟﻴﻬﻮ ﻣﺎﺷﻲ ﺍﻟﻐﺮﺏ ﻟﺸﻨﻮ؟ ﻗﺎﻝ ﻟﻴﻬﺎ ﻋﻨﺪﻱ ﺻﺎﺣﺒﺎ ﻟﻲ ﻓﻲ ﺍﻡ ﺍﻟﻄﻴﻮﺭ .. ﺑﻘﺮﺍ ﻣﻌﺎﻧﺎ ﻓﻲ ﺍﻟﺠﺎﻣﻌﺔ .. ﻟﻴﻬﻮ ﺍﺳﺒﻮﻉ ﺑﺪﻗﺪﻕ ﻟﻲ ... ﻻﺯﻡ ﺍﻣﺸﻲ ﻭﺍﺣﺘﻤﺎﻝ ﺍﺗﺎﺧﺮ .. ﻭﺍﺣﺘﻤﺎﻝ ﺗﺎﻧﻲ ﺍﺑﻴﺖ ﻣﻌﺎﻫﻮ .. ﻋﺎﺭﻓﺔ ﻟﻴﻪ؟

ﻋﺸﺎﻥ ﺍﺩﻳﻚ ﻓﺮﺻﺔ ﺗﻜﻠﻤﻲ ﺍﺑﻮﻱ ﺑﻲ ﺭﺍﻱ ﺩﻩ .. ﻻﻧﻮ ﻟﻮ ﺍﻧﺎ ﻗﻌﺪﺕ .. ﺍﻭﻻ ﺡ ﻳﻄﺮﺡ ﻟﻲ ﺍﻟﻤﻮﺿﻮﻉ ﺍﻧﺎ .. ﻭﺍﻧﺎ ﻣﺎﻋﺎﻳﺰﻭ ﻳﺴﺄﻟﻨﻲ .. ﻋﺎﻳﺰﻙ ﺍﻧﺘﻲ ﺗﺴﺘﻐﻠﻲ ﺍﻟﻔﺮﺻﺔ ﻓﻲ ﺍﻟﻤﺼﺎﻟﺤﺔ ﺍﻟﻮﻃﻨﻴﺔ ﻫﻪ ..

ﻗﺎﻟﺖ ﻟﻴﻬﻮ ﻟﻴﻪ ﻳﻌﻨﻲ .. ؟ ﺍﻧﺖ ﻗﺎﻳﻞ ﺍﻧﺎ ﻏﺎﻟﺒﻨﻲ ﺍﻋﻤﻞ ﻣﻌﺎﻫﻮ ﻣﺼﺎﻟﺤﺔ .. ؟ ﻟﻜﻦ ﺑﺎﻟﺠﺪ ﻣﻤﻐﻮﺳﺔ ﻣﻦ ﺍﻟﻜﻼﻡ ﺩﻩ .. ﻗﺎﻝ ﻟﻴﻬﺎ ﺑﺲ ﺍﻧﺘﻲ ﺧﻠﻴﻬﻮ ﻳﺤﺲ ﺍﻧﻚ ﺍﻧﺘﻲ ﻣﺎ ﻣﻌﺎﻛﺴﺎﻫﻮ .. ﺍﺻﻼ ﺍﻟﺮﺟﻞ ﻟﻤﻦ ﻳﺤﺲ ﺑﺎﻧﻮ ﺍﻟﻤﺮﺍﺓ ﺑﺘﻔﺮﺽ ﺭﺍﻳﻬﺎ ﻋﻠﻴﻬﻮ .. ﻳﺎﺩﻭﺏ ﺭﺍﺳﻮ ﺑﻘﻮﻯ ﻭﺑﻌﺎﻧﺪ .. ﺍﻫﺎ ﻫﺴﻊ ﻟﻤﻦ ﻳﺤﺲ ﺑﺎﻧﻚ ﺍﻧﺖ ﺳﺎﻋﻴﺔ ﻟﻲ ﺗﻨﻔﻴﺬ ﻛﻼﻣﻮ .. ﺑﺮﺍﻫﻮ ﺑﺘﺮﺍﺟﻊ ﺍﻥ ﺷﺎﺀ ﺍﻟﻠﻪ .. ﻭﺑﺸﻜﺮﻙ .. ﻭﻓﻌﻼ ﺍﻟﺼﺎﻓﻲ ﻃﻠﻊ ﻣﺸﻰ ﺍﻟﻐﺮﺏ .. ﻣﻨﻄﻘﺔ ﺍﻡ ﺍﻟﻄﻴﻮﺭﻏﺮﺏ ﻋﻄﺮﺓ ﻣﺒﺎﺷﺮﺓ .. ﻓﻘﻂ ﻳﻔﺼﻠﻬﻤﺎ ﺍﻟﻨﻴﻞ ..

ﺍﻟﻤﺴﺎﺀ ﺟﺎﺀ ﺍﻻﻣﻴﻦ ﺳﺄﻝ ﻣﻦ ﺍﻟﺼﺎﻓﻲ .. ﻗﺎﻟﺖ ﻟﻴﻬﻮ ﻣﺸﻰ ﻟﻲ ﺯﻣﻴﻠﺔ .. ﻗﺎﻝ ﻟﻴﻬﺎ ﺧﻼﺹ ﻣﻠﻴﺘﻲ ﻟﻴﻬﻮ ﺭﺍﺳﻮ ﻭﺯﺍﻍ ﻣﻨﻲ؟

ﻗﺎﻟﺖ ﻟﻴﻬﻮ ﺩﺍﻳﻤﺎ ﻣﺴﺘﻌﺠﻞ ﻳﺎﺍﻻﻣﻴﻦ .. ﻭﻣﺎﻋﻨﺪﻙ ﺻﺒﺮ .. ﺍﻧﺎ ﺭﻳﺤﺘﻚ ﻭﺍﺗﻜﻠﻤﺖ ﻣﻊ ﺍﻟﺼﺎﻓﻲ .. ﻭﺍﻟﺼﺎﻓﻲ ﻗﺎﻝ ﻣﺎﺩﺍﻡ ﺍﺑﻮﻱ ﺍﺩﻩ ﺍﻟﺮﺟﺎﻝ ﻛﻠﻤﺔ .. ﺍﻧﺎ ﻣﺎ ﺑﻜﺴﺮ ﻛﻼﻣﻮ ..

ﻗﺎﻝ ﻟﻴﻬﺎ ﻳﻌﻨﻲ ﻭﺍﻓﻖ؟ .. ﻗﺎﻟﺖ ﻟﻴﻬﻮ ﺍﻳﻮﺓ ﻭﺍﻓﻖ .. ﻣﻮﺵ ﺍﻧﺖ ﺩﺍﻳﺮ ﻛﺪﺍ ؟

ﻗﺎﻝ ﻟﻴﻬﺎ ﻭﺣﻜﻴﺘﻲ ﻟﻴﻬﻮ ﺍﻟﻜﻼﻡ ﺍﻟﻔﺎﺭﻍ ﺍﻟﺴﻤﻌﺘﻴﻬﻮ ﺑﺘﺎﻉ ﺍﻟﺤﺮﻳﻢ ﺍﻟﻘﺎﻟﻨﻮ ﻓﻲ ﺍﻟﺒﺖ ؟

ﻗﺎﻟﺖ ﻟﻴﻬﻮ ﺍﻳﻮﺓ ﺣﻜﻴﺖ ﻟﻴﻬﻮ .. ﻭﻗﺎﻝ ﺍﻧﺎ ﻣﺎﻳﻬﻤﻨﻲ .. ﺍﻟﻤﻬﻢ ﺍﺑﻮﻱ ﻟﻮ ﻗﺎﻝ ﻟﻲ ﺍﻗﻊ ﻓﻲ ﺍﻟﻨﺎﺭ ﺑﻘﻊ .. ﻭﻛﺪﺍ ﻳﺎ ﺍﻻﻣﻴﻦ ﺍﻱ ﻣﺸﻜﻠﺔ ﺗﻮﺍﺟﻪ ﺍﻟﻮﻟﺪ ﻓﻲ ﺍﻟﻤﻮﺿﻮﻉ ﺩﻩ .. ﺑﻘﺖ ﻣﺴﺆﻭﻟﻴﺘﻚ ﻳﺎ ﺍﻻﻣﻴﻦ ﻭﺩﻩ ﺍﺧﺘﻴﺎﺭﻙ .. ﻓﻲ ﺍﻟﻨﻬﺎﻳﺔ ﺍﻧﺖ ﻋﺎﺭﻑ ﻟﻮ ﺍﻟﺼﺎﻓﻲ ﻟﻘﻰ ﺍﻟﺒﺖ ﻋﻠﻴﻬﺎ ﺍﻱ ﺳﻠﻮﻛﻴﺎﺕ ﻣﺎ ﻛﻮﻳﺴﺔ .. ﺡ ﻧﺨﺶ ﻓﻲ ﺑﺮﻧﺎﻣﺞ ﻃﻼﻕ ﻭﻣﺸﺎﻛﻞ ﻣﻊ ﺍﻫﻞ ﺍﻟﺒﺖ .. ﻭﺗﺨﺴﺮ ﻋﻼﻗﺘﻚ ﺑﺎﻟﺮﺍﺟﻞ .. ﺑﻲ ﺳﺒﺐ ﺍﻧﻚ ﺯﻭﻝ ﺭﺍﺳﻚ ﻗﻮﻱ .. ﻭﻣﺼﺮ ﻋﻠﻰ ﺍﻟﻐﻠﻂ ..

ﻗﺎﻝ ﻟﻴﻬﺎ ﻳﺎﺯﻭﻟﺔ ﺍﻥ ﺷﺎﺀ ﺍﻟﻠﻪ ﻣﺎﻳﺤﺼﻞ ﺍﻻ ﺍﻟﺨﻴﺮ .. ﺍﻧﺎ ﻇﻨﻲ ﻓﻲ ﺭﺑﻨﺎ ﻇﻦ ﺍﻟﺤﺴﻦ .. ﺍﻧﺘﻲ ﺑﺲ ﻗﻮﻟﻲ ﻳﺎﻟﻄﻴﻒ .. ﻭﺧﻠﻲ ﺍﻻﻣﻮﺭ ﻋﻠﻰ ﺍﻟﻠﻪ .. ﺍﻧﺎ ﻣﺘﺄﻛﺪ ﺍﻧﻮ ﺍﻟﺒﺖ ﻛﻮﻳﺴﺔ .. ﻭﻣﺎﻋﻨﺪﻫﺎ ﺍﻱ ﻣﺸﻜﻠﺔ .. ﺍﻟﺒﺖ ﺍﻧﺎ ﺷﻔﺘﻬﺎ ﻭﻋﺒﺪﺍﻟﺮﺣﻴﻢ ﺑﻌﺮﻓﻮ ﻭﺑﻌﺮﻑ ﺗﺮﺑﻴﺘﻮ ..

ﻗﺎﻟﺖ ﻟﻴﻬﻮ ﺧﻴﺮ ..