روايه الصافي الجزء التاني

روايه الصافي 8

ﺑﺲ ﺍﻧﺎ ﻃﺎﻟﺒﺔ ﻣﻨﻚ ﻃﻠﺐ .. ﺧﻠﻲ ﺍﻟﻮﻟﺪ ﻳﻜﻤﻞ ﺩﺭﺍﺳﺘﻮ ﺑﻌﺪﻳﻦ ﻳﺤﻠﻬﺎ ﺍﻟﻠﻪ .. ﻗﺎﻝ ﻟﻴﻬﺎ ﺍﻧﺎ ﺍﺻﻼ ﻧﺎﻭﻱ ﻋﻠﻰ ﻛﺪﺍ .. ﻟﻐﺎﻳﺔ ﻣﺎﻳﺘﺨﺮﺝ .. ﺑﺲ ﻫﺴﻲ ﺡ ﻧﻤﺸﻲ ﻧﻄﻠﺐ ﺍﻟﺒﺖ ﻣﻦ ﺍﺑﻮﻫﺎ .. ﺍﻧﺎ ﻭﺍﻧﺘﻲ ﻭﺍﻟﺼﺎﻓﻲ ﻃﻠﺐ ﺭﺳﻤﻲ .. ﻭﺑﻌﺪﻳﻦ ﺗﺎﻧﻲ ﻋﻠﻰ ﻣﻬﻠﺘﻬﻢ .. ﻣﺎﻓﻲ ﺍﺳﺘﻌﺠﺎﻝ ﺍﻟﺒﺖ ﺫﺍﺗﻬﺎ ﺻﻐﻴﺮﺓ .. ﻣﺎﻛﻤﻠﺖ ﺍﻝ 18 .. ﻗﺎﻟﺖ ﻟﻴﻬﻮ ﻣﺎﻓﻲ ﻣﺸﻜﻠﺔ ﺧﻴﺮ .. ﺭﺑﻨﺎ ﻳﺴﻮﻱ ﺍﻟﻔﻴﻬﺎ ﺧﻴﺮ .. ﻭﺑﻲ ﻛﺪﺍ ﺍﻻﻣﻮﺭ ﻫﺪﺃﺕ ﺑﻴﻦ ﺍﻻﻣﻴﻦ ﻭﺍﻳﻤﺎﻥ .. ﻭﺍﻻﻣﻴﻦ ﺩﺍﻳﺮ ﻳﻌﺘﺬﺭ ﻻﻳﻤﺎﻥ ﻭﻣﺎﻗﺎﺩﺭ .. ﺑﺲ ﺑﻘﻰ ﻳﺘﻜﻠﻢ ﻣﻌﺎﻫﺎ ﻛﺘﻴﺮ ..

ﻭﻳﺤﻜﻲ ﻟﻴﻬﺎ ﻓﻲ ﺣﺎﺟﺎﺕ .. ﻛﺪﺍ ﻋﺸﺎﻥ ﻳﺮﺿﻴﻬﺎ ﻣﻦ ﺍﻟﺰﻋﻠﺔ ﺍﻟﻔﺎﺗﺖ ﺩﻱ ..

ﻭﻫﻲ ﺍﺳﺎﺳﺎ " ﺟﻮﺍﻫﺎ ﺻﻔﺖ ﺧﻼﺹ .. ﺍﻟﻤﻬﻢ ..

.. ﺍﻟﺼﺎﻓﻲ ﻓﻲ ﺍﻟﻄﺮﻳﻖ ﺟﺎﻫﻮ ﺗﻠﻔﻮﻥ ﻣﻦ ﻟﻴﻨﺔ ..

ﺍﻭﻝ ﻣﻦ ﺷﺎﻑ ﻓﻲ ﺷﺎﺷﺔ ﺗﻠﻔﻮﻧﻮ ﺭﻗﻤﻬﺎ .. ﺍﻟﺪﻧﻴﺎ ﺿﺎﻗﺖ ﻋﻠﻴﻬﻮ .. ﺑﺲ ﻗﺎﻝ ﺣﺴﺒﻲ ﺍﻟﻠﻪ ﻭﻛﻔﻰ .. ﻭﻓﺘﺢ ﻟﻴﻬﺎ ﺍﻟﺨﻂ .. ﻭﺳﻠﻤﺖ ﺑﻲ ﻃﻴﺒﺘﻬﺎ ﺍﻟﻤﻌﻬﻮﺩﺓ ..

ﻭﺑﺪﺕ ﺗﺘﻜﻠﻢ .. ﻛﻼﻡ ﻛﺘﻴﺮ ﻭﺭﺍ ﺑﻌﺾ ..

ﻋﺎﺭﻑ ﻳﺎﺍﻟﺼﺎﻓﻲ .. ﺍﻧﺎ ﺣﺎﺳﺔ ﺑﺎﻟﺒﻠﺪ ﺩﻱ ﻫﻨﺎ ﻏﺮﻳﺒﺔ .. ﻭﻣﻮﺣﺸﺔ .. ﻻﻧﻚ ﺍﻧﺖ ﻣﺎﻓﻲ .. ﺍﻧﺎ ﺣﺎﺳﺔ ﺑﺎﻧﻲ ﻣﺎﺑﻨﺘﻤﻲ ﻟﻰ ﺍﻱ ﺯﻭﻝ ﻓﻲ ﺍﻟﺪﻧﻴﺎ ﻏﻴﺮﻙ ..

ﻭﻃﺒﻌﺎ " ﺍﻟﻠﻴﻠﺔ ﻋﻨﺪﻱ ﻟﻴﻚ ﺑﺸﺎﺭﺓ ﻣﺎﺗﺘﺨﻴﻼ ﺍﺑﺪﺍ " .. ﻗﺎﻝ ﻟﻴﻬﺎ ﻗﻮﻟﻲ ﻟﻲ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻗﺎﻟﺖ ﻟﻴﻬﻮ .. ﺍﻧﺎ ﻛﻠﻤﺖ ﺍﻣﻲ ﺑﺎﻟﻤﻮﺿﻮﻉ .. ﻭﺣﻜﻴﺖ ﻟﻴﻬﺎ ﻋﻦ ﻋﻼﻗﺘﻨﺎ .. ﻭﻛﻠﻤﺘﻬﺎ ﺑﺎﻱ ﺣﺎﺟﺔ ﻋﻨﻚ .. ﻭﻣﺎﺧﻠﻴﺖ ﻟﻴﻬﺎ ﺣﺎﺟﺔ ..

ﻭﻗﻠﺖ ﻟﻴﻬﺎ ﻳﺎﺍﻣﻲ ﺍﻟﺰﻭﻝ ﺩﻩ ﺣﻴﺎﺗﻲ .. ﻭﻣﺎﻋﻨﺪﻱ ﺣﻴﺎﺓ ﻣﻦ ﺩﻭﻧﻮ .. ﻭﺍﻣﻲ ﺍﺗﻜﻴﻔﺖ ﺷﺪﻳﺪ .. ﻭﻗﺎﻟﺖ ﻟﻲ ﺩﻩ ﺍﺧﺘﻴﺎﺭﻙ .. ﻭﻻ ﺍﻧﺎ ﻭﻻ ﺍﺑﻮﻙ ﻣﺎﻓﻲ ﺯﻭﻝ ﺑﻌﺘﺮﺿﻚ .. ﺑﺲ ﺍﻟﻤﻬﻢ ﺗﺪﻳﻨﺎ ﻓﺮﺻﺔ ﻧﺴﺄﻝ ﻣﻦ ﺍﻟﻮﻟﺪ .. ﻗﻠﺖ ﻟﻴﻬﺎ ﻳﻌﻨﻲ ﻣﻮﺍﻓﻘﺔ ﻳﺎ ﺍﻣﻲ؟؟ .. ﻗﺎﻟﺖ ﻟﻲ ﻣﻮﺍﻓﻘﺔ ﻭﻣﺒﺮﻭﻙ ﻣﻘﺪﻣﺎ ﻳﺎﻟﻴﻨﺔ ..

ﺍﻟﻤﻬﻢ ﻳﺎ ﺍﻟﺼﺎﻓﻲ .. ﺍﻧﺎ ﻓﺮﺣﺎﻧﺔ ﺷﺪﻳﺪ .. ﻭﺍﻟﻠﻴﻠﺔ ﻣﻦ ﺍﻟﺼﺒﺎﺡ ﻗﺎﻋﺪﺓ ﺍﻧﻄﻂ .. ﻭﻣﻨﺘﻈﺮﺓ ﻟﻤﺘﻴﻦ ﺍﻟﻘﻰ ﻓﺮﺻﺔ ﻋﺸﺎﻥ ﺍﺗﺼﻞ ﺍﻗﻮﻝ ﻟﻴﻚ .. ﺍﻟﺼﺎﻓﻲ ﺳﻜﺖ ﺳﺎﺍﺍﺍﻱ .. ﻭﻗﺪﺭﻣﺎ ﺩﺍﻳﺮ ﻳﺘﻜﻠﻢ ﻓﻲ ﻛﻤﺎﺷﺔ ﻣﺎﺳﻜﺔ ﺧﺸﻤﺔ ..

ﻗﺎﻟﺖ ﻟﻴﻬﻮ ﺍﻟﺼﺎﻓﻲ ؟؟ ﺍﻟﻮﻭﻭﻭ .. ﺍﻟﺼﺎﻓﻲ .. ﻗﺎﻝ ﻟﻴﻬﺎ ﻧﻌﻢ ﻳﺎﻟﻴﻨﺔ ..

ﻗﺎﻟﺖ ﻟﻴﻬﻮ ﺍﻧﺖ ﺳﻤﻌﺖ ﻛﻼﻣﻲ ؟

ﻗﺎﻝ ﻟﻴﻬﺎ ﺍﻳﻮﺓ ﺳﻤﻌﺘﻮ .. ﻗﺎﻟﺖ ﻟﻴﻬﻮ ﻣﺎﻋﻠﻘﺖ .. ﻭﻻ ﺣﺼﻠﺖ ﻋﻠﻴﻚ ﺭﺩﺕ ﻓﻌﻞ ..

ﻣﺘﻮﻗﻌﺔ ﺗﺤﺴﺴﻨﻲ ﺑﺎﻧﻚ ﻓﺮﺣﺎﻥ ﺑﺎﻟﻤﻮﺿﻮﻉ .. ﺷﻨﻮ ﻳﺎ ﺍﻟﺼﺎﻓﻲ ؟

ﻟﻮ ﻓﻲ ﺍﻱ ﺣﺎﺟﺔ ﺻﺎﺭﺣﻨﻲ .. ﻗﺎﻝ ﻟﻴﻬﺎ ﻻﻻ .. ﺑﺲ ﻻﻧﻚ ﺍﻧﺘﻲ ﺳﺒﻘﺘﻴﻨﻲ .. ﻭﻛﻠﻤﺘﻲ ﺍﻣﻚ .. ﺍﻧﺎ ﻟﺴﻊ ﻣﺎﻟﻘﻴﺖ ﻟﻲ ﻃﺮﻳﻘﺔ ﺍﺣﻜﻲ ﻟﻲ ﺍﻣﻲ ﻋﻨﻚ .. ﻭﻻ ﻛﻠﻤﺔ .. ﻗﺎﻟﺖ ﻟﻴﻬﻮ ﻃﻴﺐ ﺍﻟﻤﺎﻧﻊ ﺷﻨﻮ؟ ﺍﺣﻜﻲ ﻟﻴﻬﺎ ﻳﺎ ﺍﻟﺼﺎﻓﻲ .. ﺧﻠﻴﻨﺎ ﻧﻔﺮﺡ ﺷﻮﻳﺔ .. ﻗﺎﻝ ﻟﻴﻬﺎ ﺍﻥ ﺷﺎﺀ ﺍﻟﻠﻪ .. ﺑﺲ ﺍﻧﺘﻲ ﺍﺻﺒﺮﻱ .. ﻟﻤﻦ ﺍﺟﻲ ﺍﻟﺨﺮﻃﻮﻡ ﺍﻧﺎ ﺟﺎﻱ ﻗﺮﻳﺐ ﺍﻥ ﺷﺎﺀ ﺍﻟﻠﻪ .. ﺍﺳﺒﻮﻋﻴﻦ ﻣﺎ ﺍﻛﺘﺮ ..

ﻗﺎﻟﺖ ﻟﻴﻬﻮ ﺗﻤﺎﻡ ﻳﺎﺯﻭﻝ .. ﺍﻟﻔﻴﻬﻮ ﺧﻴﺮ ﺭﺑﻨﺎ ﻳﺴﻮﻳﻬﻮ .. ﺍﻧﺖ ﺑﺲ ﻟﻮ ﻓﻲ ﺍﻱ ﻣﺸﻜﻠﺔ ﺍﺣﻜﻲ ﻟﻲ .. ﺍﻧﺎ ﺣﺎﺳﺔ ﻣﻦ ﺧﻼﻝ ﻛﻼﻣﻚ .. ﺍﻧﻮ ﻓﻲ ﺣﺎﺟﺔ ﺍﻧﺖ ﻣﺎﻋﺎﻳﺰ ﺗﻘﻮﻻ ﻟﻲ .. ﻗﺎﻝ ﻟﻴﻬﺎ ﻧﺤﻦ ﻣﻮﺵ ﻗﻠﻨﺎ ﻧﺨﻠﻴﻬﺎ ﻋﻠﻰ ﺍﻟﻠﻪ .. ﺍﻟﻔﻴﻬﺎ ﺧﻴﺮ ﺭﺑﻨﺎ ﺑﺴﻮﻳﻬﺎ .. ﻗﺎﻟﺖ ﻟﻴﻬﻮ ﻧﻌﻢ ﺍﺗﻔﻘﻨﺎ ﻋﻠﻰ ﻛﺪﺍ .. ﻗﺎﻝ ﻟﻴﻬﺎ ﺑﺲ ﺍﺻﺒﺮﻱ ..

ﺍﻧﺘﻬﺖ ﺍﻟﻤﻜﺎﻟﻤﺔ ﻭﻟﻴﻨﺔ ﺣﺴﺖ ﺍﻧﻮ ﺍﻟﺼﺎﻓﻲ ﻛﻠﻢ ﺍﻫﻠﻮ ﻭﺍﻫﻠﻮ ﺭﻓﻀﺘﻮ .. ﻭﺍﻟﻤﻮﺿﻮﻉ ﺩﻩ ﻇﺎﻫﺮ ﻣﻦ ﻛﻼﻣﻮ .. ﺑﺲ ﻣﺎﻋﺎﻳﺰ ﻳﻘﻮﻝ ﻟﻴﻬﺎ ﻛﺪﺍ .. ﻋﺸﺎﻥ ﻣﺎ ﻳﺤﻄﻢ ﻓﺮﺣﺘﻬﺎ .. ﺣﺴﺖ ﺑﺎﻟﻜﻼﻡ ﺩﻩ ﺍﺣﺴﺎﺱ ﺣﻘﻴﻘﻲ .. ﻭﻭﺍﺿﺢ ﻣﺎ ﺩﺍﻳﺮ ﻟﻴﻬﻮ ﻛﻼﻡ ..

ﺍﻟﺼﺎﻓﻲ ﺧﻠﺺ ﺯﻳﺎﺭﺗﻮ .. ﻭﺭﺟﻊ ﺍﻟﺒﻴﺖ ﺑﺎﻟﻠﻴﻞ ﺯﻱ ﺍﻟﺴﺎﻋﺔ 9 ﻣﺴﺎﺀ .. ﻭﻟﻘﻰ ﺍﺑﻮﻫﻮ ﺻﺎﺣﻲ ﺑﺤﻀﺮ ﻓﻲ ﺍﻻﺧﺒﺎﺭ .. ﻭﺍﻳﻤﺎﻥ ﻗﺎﻋﺪﺓ ﻣﻌﺎﻫﻮ .. ﻭﻧﺎﺱ ﺍﻟﺮﺷﻴﺪ ﻧﺎﻳﻤﻴﻦ ﺑﻲ ﻏﺎﺩﻱ ..

ﺍﻟﺼﺎﻓﻲ ﺳﻠﻢ . ﺍﻟﺴﻼﻡ ﻋﻠﻴﻜﻢ ﻛﻴﻒ ﺍﻟﺤﺎﻝ ﻳﺎﺑﻮﻱ .. ﺍﻣﻲ ﺍﻣﺴﻴﺘﻲ ﻃﻴﺒﺔ .. ﺍﻟﺤﻤﺪ ﻟﻠﻪ ﺍﻟﺤﻤﺪ ﻟﻠﻪ ..

ﺍﻟﻤﻬﻢ ﺍﻟﺼﺎﻓﻲ ﺣﺲ .. ﺍﻧﻮ ﺍﻟﻤﻴﺎﻩ ﺭﺟﻌﺖ ﺍﻟﻰ ﻣﺠﺎﺭﻳﻬﺎ ﻭﺍﻟﻤﻮﺿﻮﻉ ﻃﺒﻴﻌﻲ ﺑﻴﻦ ﺍﻻﻣﻴﻦ ﻭﺍﻳﻤﺎﻥ .. ﻭﻛﺪﺍ ﺍﻟﺼﺎﻓﻲ ﺍﺭﺗﺎﺡ ﻧﻔﺴﻴﺎ " .. ﺍﻳﻤﺎﻥ ﺣﺴﺖ ﺍﻧﻮﺍﻻﻣﻴﻦ ﻋﺎﻳﺰ ﻳﺘﻜﻠﻢ ﻣﻊ ﺍﻟﺼﺎﻓﻲ .. ﻃﻠﻌﺖ ﻣﺸﺖ ﻟﻲ ﻏﺮﻓﺔ ﻧﺎﺱ ﺍﻟﺮﺷﻴﺪ ..

ﻭﻓﻌﻼ ﺍﻻﻣﻴﻦ ﻗﻔﻞ ﺍﻟﺘﻠﻔﺰﻳﻮﻥ .. ﻭ ﺑﺪﺍ ﻳﺘﻜﻠﻢ ﻣﻊ ﺍﻟﺼﺎﻓﻲ .. ﻗﺎﻝ ﻟﻴﻬﻮ ﻃﺒﻌﺎ " ﺍﻣﻚ ﺍﺳﺘﻌﺠﻠﺖ ﻭﺣﻜﺖ ﻟﻴﻚ ﺻﺢ؟ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﺍﻳﻮﺓ ﺻﺢ .. ﻗﺎﻟﺖ ﻟﻲ ﺍﻧﺖ ﺧﻄﺒﺖ ﻟﻲ ﻋﺪﻳﻞ ..

ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻨﺎﺱ ﺍﻟﺨﻄﺒﺖ ﻟﻴﻚ ﻣﻨﻬﻢ ﺩﻳﻞ ﺭﺟﺎﻝ .. ﻭ ﺍﻟﺒﺖ ﺯﻭﻟﺔ ﻛﻮﻳﺴﺔ ﻭﺟﻤﻴﻠﺔ .. ﻭﺻﻐﻴﺮﺓ ﺡ ﺗﻨﺘﻈﺮﻙ ﻻﻣﻦ ﺗﺘﺨﺮﺝ .. ﻭﺍﺑﻮﻫﺎ ﺯﻭﻝ ﺻﺎﺣﺒﻲ ﺷﺪﻳﺪ .. ﻭﺍﻧﺖ ﻋﺎﺭﻑ ﺍﻟﺨﻄﻮﺑﺔ ﺩﻱ .. ﻭﺍﻟﻠﻪ ﻓﻲ ﺍﻻﻭﻝ ﻛﺎﻧﺖ ﻫﻈﺎﺭ ﺳﺎﻱ .. ﻟﻜﻦ ﺍﻧﺎ ﺭﻣﻴﺖ ﻟﻲ ﻛﻠﻤﺔ ﻭﺍﻟﺠﻤﺎﻋﺔ ﻣﺴﻜﻮﻧﻲ ﺑﻴﻬﺎ ..

ﻟﻜﻦ ﺍﺑﻮﻙ ﻣﺎ ﺑﻨﻂ ﻣﻦ ﻛﻠﻤﺘﻮ .. ﻭﻛﺖ ﻟﻘﻴﺘﻬﻢ ﺟﺎﺩﻳﻦ ﺍﻧﺎﺫﺍﺗﻲ ﺑﻘﻴﺖ ﺟﺎﺩ .. ﺍﻟﺼﺎﻓﻲ ﻗﺎﻝ ﻟﻴﻬﻮ ﺛﻼﺙ .. ﺟﺪﻫﻦ ﺟﺪ ﻭﻫﺰﻟﻬﻦ ﺟﺪ ..

ﺍﻟﻨﻜﺎﺡ ﻭﺍﻟﻄﻼﻕ ﻭﺍﻟﻌﺘﺎﻕ . ﻻﺯﻡ ﺗﻜﻮﻥ ﺟﺪ ﻣﻦ ﺍﻻﻭﻝ .. ﺍﻧﺖ ﺧﻠﻴﻚ ﺛﺎﺑﺖ ﻓﻲ ﻭﻋﺪﻙ .. ﻭﺍﻧﺎ ﻳﺎ ﺍﺑﻮﻱ ﻣﺎ ﻋﻨﺪﻱ ﺍﻱ ﻣﺎﻧﻊ ﻣﻦ ﻛﻠﻤﺔ ﺗﻘﻮﻟﻬﺎ ﺍﻧﺖ .. ﻭﺍﻋﺘﺒﺮ ﺍﻟﻤﻮﺿﻮﻉ ﻣﺎﺿﻲ ﺗﺐ .. ﺍﻧﺖ ﻭﺛﻘﺖ ﻣﻨﻲ ﻭﺍﻧﺎ ﻏﺎﻳﺐ .. ﺍﻧﻲ ﻣﺎ ﻣﻤﻜﻦ ﺍﺭﻓﺾ ﺣﺎﺟﺔ ﺭﺑﻄﺖ ﻓﻴﻬﺎ ﻟﺴﺎﻧﻚ .. ﻭﺍﻧﺎ ﻣﺎﺑﺨﻴﺐ ﺛﻘﺘﻚ ﺍﺑﺪﺃ " ..

ﺍﻧﺖ ﻋﺎﺭﻑ ﻳﺎ ﺍﺑﻮﻱ ﺍﻧﺎ ﻋﺎﻳﺰ ﺍﺣﻜﻲ ﻟﻴﻚ ﺣﺎﺟﺔ .. ﻣﺎﻛﻠﻤﺖ ﺑﻴﻬﺎ ﺍﻣﻲ .. ﻳﺎﺭﻳﺖ ﺗﻜﻮﻥ ﺳﺮ ﺑﻴﻨﻲ ﻭﺑﻴﻨﻚ .. ﺍﻧﺎ ﺍﺗﻌﺮﻓﺖ ﺑﻲ ﺍﻧﺴﺎﻧﺔ ﻣﻤﺘﺎﺯﺓ ﺷﺪﻳﺪ ﻓﻲ ﺍﻟﺠﺎﻣﻌﺔ .. ﻭﻧﺸﺄﺕ ﺑﻴﻨﻲ ﻭﺑﻴﻨﻬﺎ ﻋﻼﻗﺔ ﻃﻴﺒﺔ .. ﻛﻨﺖ ﺑﺘﻤﻨﻰ ﺍﻧﻬﺎ ﺗﻜﻮﻥ ﻟﻲ .. ﻟﻜﻦ ﻻﻧﻲ ﻋﺎﺭﻑ ﺍﻧﻲ ﻣﺎﺑﻤﻠﻚ ﺍﻣﺮﻱ .. ﻻﻧﻮ ﺍﺑﻮﻱ ﻋﻠﻰ ﻗﻴﺪ ﺍﻟﺤﻴﺎﺓ .. ﻭﻻﺯﻡ ﺍﺧﺪ ﺭﺍﻳﻮ ﻭﻣﺸﻮﺭﺗﻮ .. ﻋﺸﺎﻥ ﻛﺪﺍ ﻣﺎ ﺍﺩﻳﺘﻬﺎ ﺍﻱ ﻭﻋﺪ .. ﻭﻻ ﺍﺩﻳﺘﻬﺎ ﻛﻠﻤﺔ .. ﺑﺲ ﻛﺎﻧﺖ ﺭﻏﺒﺔ ﺟﻮﺍﻱ ..

ﻭﺻﺮﺣﺖ ﻟﻴﻬﺎ ﺑﻲ ﺍﻋﺠﺎﺑﻲ ﺑﺲ .. ﻣﺎ ﺍﺗﻜﻠﻤﺖ ﻣﻌﺎﻫﺎ ﻛﻼﻡ ﺭﺳﻤﻲ .. ﻗﻠﺖ ﺍﻱ ﺍﺷﺎﻭﺭﻙ ﺍﻭﻝ ﺣﺎﺟﺔ .. ﺍﻫﺎ ﻟﻤﻦ ﺟﻴﺖ ﻫﻨﺎ ﻟﻘﻴﺘﻚ ﺍﻧﺖ ﻣﻀﻴﺖ ﻓﻲ ﻣﻮﺿﻮﻉ ﺗﺎﻧﻲ .. ﺧﻼﺹ ﺻﺮﻓﺖ ﺍﻟﻨﻈﺮ ﻋﻨﻬﺎ ..

ﺍﻻﻣﻴﻦ ﺑﻌﺪ ﻣﺎ ﻛﺎﻥ ﻣﺘﻜﺊ ﻗﻌﺪ ﻋﻠﻰ ﺣﻴﻠﻮ ﻭﻗﺎﻝ ﻟﻴﻬﻮ .. ﻃﻴﺐ ﻫﺴﻲ ﻛﻠﻤﺘﻬﺎ ﺑﺎﻟﺤﺼﻞ ﺩﻩ؟ .. ﻗﺎﻝ ﻟﻴﻬﻮ ﻭﺍﻟﻠﻪ ﻣﺎﻗﺪﺭﺕ ﺍﻛﻠﻤﻬﺎ .. ﻭﻣﺎﻋﺎﺭﻑ ﺗﺘﻘﺒﻞ ﺍﻟﻤﻮﺿﻮﻉ ﻛﻴﻒ ..

ﻗﺎﻝ ﻟﻴﻬﻮ ﺍﻧﺖ ﺍﺻﺒﺮ ﻣﺎ ﺗﻜﻠﻤﻬﺎ .. ﻣﺎﻣﻌﺮﻭﻑ ﺍﺣﺘﻤﺎﻝ ﺍﻟﻤﻮﺿﻮﻉ ﺩﻩ ﻣﺎﻳﺘﻢ ..

ﻭﺍﻟﻠﻪ ﻳﺎﻭﻟﺪﻱ ﻏﺎﻳﺘﻮ ﻣﺎﻋﺎﺭﻑ ﺍﻧﺎ ﺑﺮﺍﻱ ﺣﺎﺳﻲ ﺍﻧﻲ ﺍﺳﺘﻌﺠﻠﺖ .. ﺍﻟﻤﻔﺮﻭﺽ ﺍﻛﻠﻤﻚ ﻭﺍﺷﺎﻭﺭﻙ .. ﻭﻛﻞ ﻣﺮﺓ ﺑﻴﻨﻲ ﻭﺑﻴﻦ ﻧﻔﺴﻲ ﺑﻘﻮﻝ ﻛﻼﻡ ﺍﻣﻚ ﺻﺎﺡ .. ﻟﻜﻦ ﺍﻧﺎ ﻣﺎﺩﺍﻳﺮ ﺍﻧﻂ ﻣﻦ ﻛﻠﻤﺘﻲ ﻗﺪﺍﻡ ﺍﻟﺮﺟﺎﻝ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﻳﺎ ﺍﺑﻮﻱ ﻭﻻﻳﻬﻤﻚ .. ﺍﻧﺖ ﺧﻠﻲ ﺍﻻﻣﻮﺭ ﻋﻠﻰ ﺍﻟﻠﻪ .. ﺍﺣﺘﻤﺎﻝ ﺭﺑﻨﺎ ﻗﺎﺳﻢ ﻟﻲ ﺧﻴﺮ ﻓﻲ ﺑﺖ ﻋﻢ ﻋﺒﺪﺍﻟﺮﺣﻴﻢ .. ﻣﺎﻣﻌﺮﻭﻑ ﺍﻟﺨﻴﺮ ﻭﻳﻦ ..

ﺑﺲ ﻫﺴﻲ ﺍﻧﺎ ﻋﻠﻲ ﺍﻻﺳﺘﺨﺎﺭﺓ .. ﻭﺭﺑﻨﺎ ﺑﺮﺍﻫﻮ ﺑﺨﺘﺎﺭ ﻟﻲ ..

ﺍﻟﺼﺎﻓﻲ ﻗﺎﻡ ﻃﻮﺍﻟﻲ ﻃﻠﻊ ﺑﺮﺓ .. ﺻﻠﻲ ﺍﻟﻌﺸﺎﺀ .. ﻭﻗﺒﻞ ﺍﻟﺸﻔﻊ ﻭﺍﻟﻮﺗﺮ ﺻﻠﻰ ﺭﻛﻌﺘﻴﻦ .. ﻭﺑﻌﺪ ﺳﻠﻢ ﻭﻗﺎﻝ .. ﺍﻟﻠّﻬﻢّ ﺇﻧّﻲ ﺃﺳﺘﺨﻴﺮﻙ ﺑﻌﻠﻤﻚ، ﻭﺃﺳﺘﻘﺪﺭﻙ ﺑﻘﺪﺭﺗﻚ، ﻭﺃﺳﺄﻟﻚ ﻣﻦ ﻓﻀﻠﻚ ﺍﻟﻌﻈﻴﻢ ﻓﺈﻧّﻚ ﺗﻘﺪﺭ ﻭﻻ ﺃﻗﺪﺭ، ﻭﺗﻌﻠﻢ ﻭﻻ ﺃﻋﻠﻢ، ﻭﺃﻧﺖ ﻋﻠّﺎﻡ ﺍﻟﻐﻴﻮﺏ، ﺍﻟﻠّﻬﻢّ ﺇﻥ ﻛﻨﺖ ﺗﻌﻠﻢ ﺃﻥّ ﻫﺬﺍ ﺍﻷﻣﺮ ﻭﻫﻮ ﺯﻭﺍﺟﻲ ﻣﻦ ﺭﺑﻴﻌﺔ ﻋﺒﺪﺍﻟﺮﺣﻴﻢ . ﺧﻴﺮٌ ﻟﻲ ﻓﻲ ﺩﻳﻨﻲ ﻭﻣﻌﺎﺷﻲ ﻭﻋﺎﻗﺒﺔ ﻋﺎﺟﻞ ﺃﻣﺮﻱ ﻭﺁﺟﻠﻪ، ﻓﺎﻗﺪﺭﻩ ﻟﻲ ﻭﻳﺴّﺮﻩ ﻟﻲ ﺛﻢّ ﺑﺎﺭﻙ ﻟﻲ ﻓﻴﻪ، ﺍﻟﻠّﻬﻢّ ﻭﺇﻥ ﻛﻨﺖ ﺗﻌﻠﻢ ﺃﻥّ ﻫﺬﺍ ﺍﻷﻣﺮ ﻭﻫﻮ ﺯﻭﺍﺟﻲ ﺑﺮﺑﻴﻌﺔ ﻋﺒﺪﺍﻟﺮﺣﻴﻢ .. ﺷﺮٌّ ﻟﻲ ﻓﻲ ﺩﻳﻨﻲ ﻭﻣﻌﺎﺷﻲ ﻭﻋﺎﻗﺒﺔ ﺃﻣﺮﻱ ﻭﺁﺟﻠﻪ، ﻓﺎﺻﺮﻓﻪ ﻋﻨّﻲ ﻭﺍﺻﺮﻓﻨﻲ ﻋﻨﻪ .. ﻭﺍﻗﺪﺭ ﻟﻲ ﺍﻟﺨﻴﺮ ﺣﻴﺚ ﻛﺎﻥ ﺛﻢّ ﺍﺭﺿﻨﻲ ﺑﻪ .. ﻭﻗﺎﻡ ﻋﻠﻰ ﺣﻴﻠﻮ ﻣﻄﻤﺌﻦ ﻃﻤﺄﻧﻴﻨﺔ ﻏﺮﻳﺒﺔ ..

ﻭﻣﺸﻰ ﻗﺎﻝ ﻟﻲ ﺍﺑﻮﻫﻮ .. ﺧﻼﺹ ﻳﺎ ﺍﺑﻮﻱ .. ﺭﻓﻌﻨﺎ ﺍﻷﺳﺘﻔﺘﺎﺀ ﻟﻲ ﺭﺏ ﺍﻟﻌﺎﻟﻤﻴﻦ .. ﻭﺍﻧﺎ ﻣﺘﺄﻛﺪ ﺭﺑﻨﺎ ﺡ ﻳﺼﺮﻑ ﻋﻨﻨﺎ ﺍﻟﺸﺮ .. ﻭﻳﻜﺘﺐ ﻟﻨﺎ ﺍﻟﺨﻴﺮ ﻛﺎﻥ ﻫﻨﺎ ﻛﺎﻥ ﻫﻨﺎﻙ .. ﺑﺲ ﺍﻟﺴﺮ ﻳﻔﻀﻞ ﺳﺮ .. ﺍﺑﻮﻫﻮ ﻗﺎﻝ ﻟﻴﻬﻮ ﺍﻛﻴﺪ ﻳﺎ ﺍﻟﺼﺎﻓﻲ ..

ﻭﻣﺸﻰ ﻟﻲ ﺍﻣﻮ ﻗﺎﻝ ﻟﻴﻬﺎ ﺍﺑﺸﺮﻱ ﻳﺎ ﺍﻣﻲ .. ﺍﻧﺎ ﺭﻓﻌﺖ ﺍﻟﺘﻘﺮﻳﺮ ﻟﻲ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻲ .. ﻭﻣﻨﺘﻈﺮ ﺍﻟﻘﺮﺍﺭ ﺍﻟﻨﻬﺎﺋﻲ ﻣﻨﻮ ﻫﻮ .. ﺳﺒﺤﺎﻧﻪ ﻭﺗﻌﺎﻟﻲ .. ﻫﻮ ﺍﻟﻌﺎﺭﻑ ﺍﻟﻤﺴﺘﻘﺒﻞ ﻟﻲ ﺣﻴﺎﺗﻨﺎ ﻭﻫﻮ ﺍﻟﺒﺪﺑﺮ ﺍﻻﻣﻮﺭ .. ﺗﺎﻧﻲ ﺍﻟﺒﺤﺼﻞ ﺍﻧﺎ ﺑﻌﺮﻓﻮ ﺩﻩ ﺍﻟﺨﻴﺮ .. ﻭﺍﻟﺒﻨﺼﺮﻑ ﻣﻨﻲ ﺑﻌﺮﻓﻮ ﺩﻩ ﺍﻟﺸﺮ .. ﺍﺗﻔﻘﻨﺎ ﻳﺎ ﺍﻣﻲ ؟ ﻗﺎﻟﺖ ﻟﻴﻬﻮ ﺍﻛﻴﺪ ﺍﺗﻔﻘﻨﺎ .. ﺑﺲ ﻫﺴﻲ ﺍﻧﺖ ﻣﺎﺗﺸﻐﻞ ﺑﺎﻟﻚ ﺑﻤﻮﺿﻮﻉ ﺯﻱ ﺩﻩ ﺧﻠﻲ ﺑﺎﻟﻚ ﻓﻲ ﺩﺭﺍﺳﺘﻚ .. ﻗﺎﻝ ﻟﻴﻬﺎ ﺍﻫﻮ ﺩﻩ ﺍﻟﺤﺎﺻﻞ ..

ﻣﺎﺑﺸﻐﻞ ﺑﺎﻟﻲ ﺑﺎﻱ ﺣﺎﺟﺔ .. ﻭﻣﺮﺕ ﺍﻻﻳﺎﻡ ﺑﻌﺪ ﺍﺳﺒﻮﻉ ﻣﻦ ﺍﻟﻜﻼﻡ ﺩﻩ .. ﺍﻟﺼﺎﻓﻲ ﻻﺣﻆ ﺍﻧﻮ ﻟﻴﻨﺔ ﺗﺎﻧﻲ ﻣﺎ ﺍﺗﺼﻠﺖ ﻋﻠﻴﻬﻮ .. ﺍﺗﺼﻞ ﻋﻠﻴﻬﺎ ﻟﻘﻰ ﺗﻠﻔﻮﻧﻬﺎ ﻣﻘﻔﻮﻝ .. ﻭﻛﺎﻥ ﻃﻮﻝ ﺗﻼﺗﺔ ﻳﻮﻡ ﺑﺤﺎﻭﻝ ﻣﺎﻓﻲ ﺍﻱ ﺭﺩ .. ﻭﻣﺎﻋﺮﻑ ﻳﺘﺼﻞ ﻋﻠﻰ ﻣﻨﻮ ﻳﺴﺄﻝ ﻣﻨﻬﺎ ﻭﺑﻘﻰ ﻣﻘﻠﻖ ﻣﺎﻋﺎﺭﻑ ﻳﻌﻤﻞ ﺷﻨﻮ؟ .. ﻭﻣﺨﻮ ﺿﺎﺭﺏ ﻭﺭﺍﺟﻲ ﺭﺑﻨﺎ ﺑﺲ ..

ﺍﺑﻮﻫﻮ ﺍﻟﻤﺴﺎﺀ ﻟﻤﻦ ﺟﺎﺀ ﻣﻦ ﺍﻟﺸﻐﻞ ﻗﺎﻝ ﻟﻴﻬﻮ ﻳﺎ ﺍﻟﺼﺎﻓﻲ ﻧﺤﻦ ﺑﻌﺪ ﺑﻜﺮﺓ ﺍﻥ ﺷﺎﺀ ﺍﻟﻠﻪ ﺡ ﻧﻤﺸﻲ ﻟﻲ ﻧﺎﺱ ﻋﻤﻚ ﻋﺒﺪﺍﻟﺮﺣﻴﻢ ﻓﻲ ﺍﻟﺒﻴﺖ .. ﻭﻧﻄﻠﺐ ﺍﻟﺒﺖ ﻃﻠﺐ ﺭﺳﻤﻲ .. ﻭﺗﺸﻮﻑ ﺍﻟﺒﺖ ﻭﺍﻟﺒﺖ ﺗﺸﻮﻓﻚ ﻭﻛﺪﺍ .. ﺍﻫﺎ ﺟﺎﻫﺰ ﻗﺎﻝ ﻟﻴﻬﻮ ﺟﺎﺍﺍﻫﺰ ﻳﺎ ﺍﺑﻮﻱ .. ﻭﺍﻟﻴﻮﻡ ﺟﺎﺀ ﻭﺍﻻﻣﻴﻦ ﻭﺍﻳﻤﺎﻥ ﺟﺎﻫﺰﻳﻦ ﻭﺍﻟﺼﺎﻓﻲ ﻗﺎﺷﺮ ﻭﻻﺑﺲ ﻛﻮﻳﺲ ﻭﺧﻼﺹ ﻃﺎﻟﻌﻴﻦ .. ﻧﺎﺱ ﺍﻟﺼﺎﻓﻲ ﻃﻠﻌﻮ ﻋﻠﻰ ﺍﻟﻌﺮﺑﻴﺔ .. ﻭﺍﻟﺮﺷﻴﺪ ﻭﺍﺧﺘﻮ ﻣﺴﻜﺘﻬﻢ ﻣﺮﺍﺓ ﺍﻟﺠﻴﺮﺍﻥ .. ﺻﺪﻳﻘﺔ ﺍﻳﻤﺎﻥ .. ﻗﺒﻞ ﻣﺎﺍﻻﻣﻴﻦ ﻳﺪﻭﺭ ﺍﻟﻌﺮﺑﻴﺔ .. ﺍﺗﺼﻞ ﻋﻠﻴﻬﻮ ﻋﺒﺪﺍﻟﺮﺣﻴﻢ .. ﻗﺎﻝ ﻟﻴﻬﻮ ﻣﻌﻠﻴﺶ ﻳﺎ ﺍﻻﻣﻴﻦ ﺍﻟﻤﻔﺮﻭﺽ ﻣﻮﺍﻋﻴﺪﻧﺎ ﺗﻜﻮﻥ ﻣﻌﺎﻙ ﺍﻟﻠﻴﻠﺔ .. ﻟﻜﻦ ﻭﺍﻟﻠﻪ ﺻﺮﺍﺣﺔ ﺳﻴﺪﺓ ﺯﻭﺟﺘﻲ ﺩﻱ ﺗﻌﺒﺖ ﺷﺪﻳﺪ .. ﺟﺎﺗﻬﺎ ﻛﻮﻣﺔ ﺑﺘﺎﻋﺔ ﺳﻜﺮﻱ ﻭﻧﻘﻠﻨﺎﻫﺎ ﻋﻠﻰ ﺍﻟﻤﺴﺘﺸﻔﻰ ﺑﻲ ﻏﻴﺒﻮﺑﺔ .. ﻧﺄﺟﻞ ﺍﻟﻤﻮﺿﻮﻉ ﻳﻮﻡ ﺗﺎﻧﻲ ﺍﻥ ﺷﺎﺀ ﺍﻟﻠﻪ .. ﺍﻻﻣﻴﻦ ﻗﺎﻝ ﻟﻴﻬﻮ ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﺧﻼﺹ ﻳﺎﺯﻭﻝ ﻣﺎﻓﻲ ﻣﺸﻜﻠﺔ .. ﺍﻧﺎ ﺟﺎﻱ ﻋﻠﻴﻜﻢ ﻓﻲ ﺍﻟﻤﺴﺘﺸﻔﻰ ﻭﺻﻒ ﻟﻲ ..

ﻭﺍﻻﻣﻴﻦ ﻗﺎﻝ ﻟﻠﺼﺎﻓﻲ ﻭﺍﻳﻤﺎﻥ ﻣﻌﻠﻴﺶ ﻳﺎﺟﻤﺎﻋﺔ .. ﺍﻟﻤﻮﺍﻋﻴﺪ ﺍﺗﺄﺟﻠﺖ .. ﺯﻭﺟﺔ ﻋﺒﺪﺍﻟﺮﺣﻴﻢ ﺗﻌﺒﺖ ﻭﺩﻭﻫﺎ ﺍﻟﻤﺴﺘﺸﻔﻰ ..

ﺍﻫﺎ ﻃﺒﻌﺎ ﻋﺒﺪﺍﻟﺮﺣﻴﻢ ﻳﺎﺟﻤﺎﻋﺔ ﺯﻭﺟﺘﻮ ﺍﺳﻤﻬﺎ ﺳﻴﺪﺓ .. ﻭﻋﻨﺪﻫﺎ ﺗﻼﺗﺔ ﺍﻭﻻﺩ ﻭﺑﺘﻴﻦ .. ﺍﻛﺮﻡ ﻭﺍﺳﻌﺪ ﺍﻟﻜﺒﺎﺭ .. ﻭﺭﺑﻴﻌﺔ ﻭﻣﻨﻴﺮﺓ ﻓﻲ ﺍﻟﻨﺺ . ﻭﻋﻼﺀ ﺍﺻﻐﺮ ﻭﺍﺣﺪ 11 ﺳﻨﺔ ﺗﻘﺮﻳﺒﺎ .. ﺭﺑﻴﻌﺔ ﻋﻤﺮﻫﺎ 18 ﺍﻻ ﺷﻮﻳﺔ ﺗﻘﺮﻳﺒﺎ .. ﻭﺯﻭﻟﺔ ﺟﻤﻴﻠﺔ ﺟﺪﺍ ﻭﺍﻟﺒﺸﻮﻓﺎ ﻣﺎﺑﻘﺪﺭ ﻳﻌﺎﻳﻦ ﻟﻴﻬﺎ ﻣﺮﺗﻴﻦ .. ﺍﻫﺎ ﻃﺒﻌﺎ ﺍﺑﻮﻫﺎ ﻛﻠﻤﻬﺎ ﺑﺎﻟﺼﺎﻓﻲ .. ﻭﻗﺎﻝ ﻟﻴﻬﺎ ﺍﻧﺎ ﺑﻌﺮﻓﻮ ﻣﻦ ﻫﻮ ﺻﻐﻴﺮ .. ﻭﺟﺎﺏ ﻟﻴﻬﺎ ﺻﻮﺭﺗﻮ .. ﻭﺍﻟﺒﺖ ﻣﺘﻤﻨﻴﺔ ﻟﻤﺘﻴﻦ ﺍﻟﺼﺎﻓﻲ ﻭﺍﻫﻠﻮ ﻳﺠﻮ ﻳﻄﻠﺒﻮﻫﺎ ﻋﺸﺎﻥ ﻫﻲ ﺗﺸﻮﻓﻮ ..

ﺍﻫﺎ ﻫﺴﻲ ﺍﻣﻬﺎ ﺣﺼﻞ ﻟﻴﻬﺎ ﺍﻟﺤﺼﻞ .. ﻭﺭﺑﻴﻌﺔ ﻛﺎﻧﺖ ﻣﺴﺘﺄﺀﺓ ﺟﺪﺍ ﻭﺗﻨﻘﻨﻖ .. ﺍﻧﺎ ﻏﺎﻳﺘﻮ ﺣﻈﻲ ﺩﺍﻳﻤﺎ " ﺯﻓﺖ .. ﻫﺴﻲ ﻋﻠﻴﻚ ﺍﻟﻠﻪ ﺍﻣﻲ ﻣﺎﺑﺘﺒﺎﻟﻎ ؟ ﺩﻩ ﻳﻮﻡ ﺗﻐﻤﺮ ﻟﻲ ﻓﻴﻬﻮ؟ .. ﻛﺎﻥ ﺍﻟﻤﻔﺮﻭﺽ ﺗﻐﻤﺮ ﺑﻜﺮﺓ .. ﻭﻻ ﺑﻌﺪ ﺑﻜﺮﺓ .. ﺑﻌﺪ ﻣﻮﺿﻮﻋﻲ ﻳﻤﺸﻲ ﻟﻲ ﻗﺪﺍﻡ .. .. ﻣﻨﻴﺮﺓ ﺍﺻﻐﺮ ﻣﻨﻬﺎ ﺗﻘﺮﻳﺒﺎ 16 ﺳﻨﺔ .. ﻗﺎﻟﺖ ﻟﻴﻬﺎ ﺍﻧﺘﻲ ﻳﺎﺑﺖ ﻫﺒﻠﺔ ﻫﻮ ﻓﻲ ﺯﻭﻝ ﺑﻐﻤﺮ ﺑﻲ ﺍﺭﺍﺩﺗﻪ .. ﻏﺎﻳﺘﻮ ﻋﻠﻴﻚ ﺟﻨﺲ ﻏﺒﺎﻭﺓ . ﺧﻄﻮﺑﺘﻚ ﻃﺎﻳﺮﺓ ﻳﺎ ﻳﻤﺔ ﺍﻥ ﺷﺎﺀ ﺍﻟﻠﻪ ﺍﻣﻲ ﺗﻘﻮﻡ ﺑﺎﻟﺴﻼﻣﺔ ..

ﺍﻟﻨﺎﺱ ﺍﻟﺠﻮ ﻋﺸﺎﻥ ﻳﻼﻗﻮ ﻧﺎﺱ ﺍﻻﻣﻴﻦ .. ﺧﻴﻼﻧﻬﺎ ﻭﺍﻋﻤﺎﻣﻬﺎ ﻛﻠﻬﻢ ﻣﺸﻮ ﻋﻠﻰ ﺍﻟﻤﺴﺘﺸﻔﻰ ..

ﻭﺍﻻﻣﻴﻦ ﺫﺍﺗﻮ ﻣﻦ ﻫﻨﺎﻙ ﻣﺸﻰ ﻋﻠﻰ ﺍﻟﻤﺴﺘﺸﻔﻰ .. ﻭﻗﻌﺪ ﻣﻊ ﺍﻟﺠﻤﺎﻋﺔ ﺑﺮﺓ .. ﻭﺑﺘﻮﻧﺴﻮ ﻳﺎﺯﻭﻝ ﻗﺮﻳﺐ ﺍﻟﺴﺎﻋﺔ 9 ﻛﺪﺍ ﻗﺎﻟﻮ ﺍﻟﻤﺮﺍﺓ ﺑﻘﺖ ﺯﻱ ﺍﻟﺤﺼﺎﻥ .. ﺍﻻﻣﻴﻦ ﻭﺩﻋﻬﻢ ﻭﺍﺧﺪ ﻣﻌﺎﻫﻢ ﻣﻮﺍﻋﻴﺪ ﺗﺎﻧﻲ ﺑﻌﺪ ﺧﻤﺴﺔ ﻳﻮﻡ .. ﻭﺍﻟﻤﺮﺍﺓ ﻭﺩﻭﻫﺎ ﺍﻟﺒﻴﺖ .. ﻭﺍﻻﻣﻴﻦ ﻣﺸﻰ ﻋﻠﻰ ﺍﻫﻠﻮ .. ﻭﻣﺮﺕ ﺍﻻﻳﺎﻡ ﻭﺍﻟﺼﺎﻓﻲ ﻣﻨﺘﻈﺮ ﺍﻟﺨﻤﺴﺔ ﻳﻮﻡ ﺗﺠﻲ .. ﻭﻋﺎﺍﺍﺩﻱ ﻻﻓﺮﺣﺎﻥ ﻭﻻ ﺯﻋﻼﻥ .. ﻭﻻﻣﻬﺘﻢ ﺑﺎﻟﻤﻮﺿﻮﻉ ﻛﺘﻴﺮ ..

ﺍﻫﺎ ﻳﺎﺯﻭﻝ ﺍﺗﻔﻘﻮ ﻣﻌﺎﻫﻢ ﻳﺠﻮﻫﻢ ﻳﺼﻠﻮ ﻣﻌﺎﻫﻢ ﺍﻟﻤﻐﺮﺏ .. ﻭﺑﻌﺪ ﺧﻤﺴﺔ ﻭﺍﻟﻤﻮﺍﻋﻴﺪ ﺟﺎﺕ .. ﺭﺑﻴﻌﺔ ﻋﻨﺪﻫﺎ ﺍﺧﻮﻫﺎ ﺍﺳﻤﻮ ﻋﻼﺀ .. ﻛﺎﻥ ﻃﻠﻊ ﻓﻲ ﺭﺍﺱ ﺍﻟﺤﻤﺎﻡ .. ﻳﺠﻴﺐ ﻛﻮﺭﺓ ﻃﺎﺭﺕ ﻓﻮﻕ .. ﺭﺟﻠﻮ ﺍﻧﺰﻟﻘﺖ ﻣﻦ ﺍﻟﺤﺎﻓﺔ ﻭﺟﺎﺀ ﻭﺍﻗﻊ .. ﻛﻒ ﺧﺘﻔﻮﻫﻮ ﻟﻴﻚ ﻭﺩﻭﻫﻮ ﺍﻟﻤﺴﺘﺸﻔﻰ .. ﻭﺿﺮﺑﻮ ﻟﻼﻣﻴﻦ ﻗﺎﻟﻮ ﻟﻴﻬﻮ ﻧﺤﻦ ﻓﻲ ﺍﻟﻤﺴﺘﺸﻔﻰ .. ﻋﻼﺀ ﺩﻩ ﻭﻗﻊ ﻣﻦ ﺍﻟﺤﻤﺎﻡ ﻛﺴﺮ ﺭﺟﻠﻮ ﻭﺍﺣﺘﻤﺎﻝ ﻳﺪﻭ ..

ﺗﺎﺍﺍﺍﻧﻲ ﻧﺎﺱ ﺍﻻﻣﻴﻦ ﺑﻌﺪ ﻟﺒﺴﻮ ﺟﺎﻫﺰﻳﻦ .. ﺭﺟﻌﻮ ﻗﻠﻌﻮ ﻣﻼﺑﺴﻬﻢ .. ﻭﺍﻻﻣﻴﻦ ﺩﻭﺭ ﺍﻟﻌﺮﺑﻴﺔ ﻣﺸﻰ ﻟﻴﻬﻢ ﻓﻲ ﺍﻟﻤﺴﺸﺘﻔﻰ .. ﻭﺍﻳﻤﺎﻥ ﺑﻘﺖ ﻣﻄﻴﺮﺓ ﻋﻴﻮﻧﻬﺎ .. ﻭﺗﻌﺎﻳﻦ ﻟﻠﺼﺎﻓﻲ ﻭﻗﺎﻟﺖ ﻟﻴﻬﻮ .. ‏( ﻋﺎﺩ ﻳﺎ ﺍﻟﺼﺎﻓﻲ ﺧﻮﻓﺘﻨﻲ .. ﺳﺒﺤﺘﻚ ﺷﺎﻓﻴﺔ ﻭﺩﻋﻮﺗﻚ ﻛﺎﻓﻴﺔ ‏) ﺍﻧﺖ ﻭﻟﺪﺓ ﺻﻼﺡ ﻋﺪﻳﻞ ﻳﺎﻭﻟﺪ .. ﻗﺎﻝ ﻟﻴﻬﺎ ﻳﺎ ﺍﻣﻲ ﺩﻱ ﺍﻻﺳﺘﺨﺎﺭﺓ ﺷﻐﺎﻟﺔ .. ﺍﻧﺘﻲ ﺑﺲ ﺍﺳﻜﺘﻲ ﺍﺗﻔﺮﺟﻲ ..

ﻭﺷﺎﻝ ﺍﻟﺘﻠﻔﻮﻥ ﺩﺧﻞ ﺟﻮﺓ .. ﺍﺗﺼﻞ ﻋﻠﻰ ﻟﻴﻨﺔ ﻭﻛﺎﻥ ﻣﺘﻮﻗﻊ ﺗﻠﻔﻮﻧﻬﺎ ﻣﻘﻔﻮﻝ .. ﺑﺲ ﺩﻗﺔ ﺟﺮﺱ .. ﻭﻓﺘﺤﺖ ﺍﻟﺨﻂ .. ﺍﻟﺴﻼﺍﺍﻡ ﻋﻠﻴﻜﻢ ﻟﻴﻨﺔ .. ﻭﻳﻦ ﺍﻧﺘﻲ ﻳﺎﺑﺖ؟

ﻗﺎﻟﺖ ﻟﻴﻬﻮ ﺑﺲ ﻣﺎﺗﺰﻋﻞ ﻣﻨﻲ .. ﺗﻼﺗﺔ ﻳﻮﻡ ﺍﻧﺎ ﻗﺎﻋﺪﺓ ﻣﻊ ﺗﺴﺎﺑﻴﺢ ﻃﺒﻌﺎ ﻋﺮﺳﻮﻫﺎ .. ﻗﺎﻝ ﻟﻴﻬﺎ ﻣﺎﺷﺎﺀ ﺍﻟﻠﻪ .. ﻣﺒﺮﻭﻭﻭﻭﻙ ﻭﺍﻟﻠﻪ .. ﻳﺎ ﺳﻼﻡ .. ﻭﺍﻟﻠﻪ ﺭﺑﻨﺎ ﻳﺴﻌﺪﻫﺎ . ﻃﻴﺐ ﺗﻠﻔﻮﻧﻚ ﻣﺎﻟﻮ ﻣﻘﻔﻮﻝ .. ﻗﺎﻟﺖ ﻭﺍﻧﺎ ﻣﺎﺷﺔ ﻋﻠﻰ ﺗﺴﺎﺑﻴﺢ ﺗﻠﻔﻮﻧﻲ ﺍﺗﺴﺮﻕ

ﻭﺍﻟﻤﺆﺳﻒ ﺷﺪﻳﺪ ﺍﻧﻲ ﻣﺎﺣﺎﻓﻈﺔ ﺭﻗﻤﻚ .. ﻭﻣﺎﻛﺎﻥ ﻋﻨﺪﻱ ﻃﺮﻳﻘﺔ ﺍﺷﺘﺮﻱ ﺟﻬﺎﺯ .. ﻏﺎﻳﺘﻮ ﺍﻟﻠﻴﻠﺔ ﺍﻟﺤﻤﺪ ﻟﻠﻪ ﺭﺑﻨﺎ ﻳﺴﺮ ﻣﺸﻴﺖ ﺍﺷﺘﺮﻳﺖ ﺗﻠﻔﻮﻥ ﻭﻃﻠﻌﺖ ﺷﺮﻳﺤﺘﻲ .. ﻭﺭﻛﺒﺘﻬﺎ . ﻭﻣﻨﺘﻈﺮﺓ ﻣﻜﺎﻟﻤﺔ ﻣﻨﻚ ﻣﻦ ﺍﻟﻀﻬﺮ ..

ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺎ ﺩﻗﻴﺖ ﻟﻴﻚ ﻛﺘﻴﺮ .. ﻳﻌﻨﻲ ﺍﻧﺘﻲ ﻛﻮﻳﺴﺔ ؟؟ ﻭﺍﻟﻠﻪ ﺧﻮﻓﺘﻴﻨﻲ ﻭﻗﻠﻘﺖ ﻋﻠﻴﻚ ﻗﻠﻖ ﻏﺮﻳﺐ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﻛﻮﻳﺴﺔ ﺷﺪﻳﺪ .. ﺍﺻﻠﻚ ﻣﺎﺗﺨﺎﻑ ﺍﻧﺎ ﻣﺴﺘﺤﻴﻞ ﺍﺗﺨﻼ ﻋﻨﻚ .. ﻭﻻﻳﻤﻜﻦ ﺍﺭﺗﺒﻂ ﺑﻲ ﺍﻧﺴﺎﻥ ﻏﻴﺮﻙ .. ﺍﻻ ﺍﺷﻮﻓﻚ ﺍﺗﺰﻭﺟﺖ ﻏﻴﺮﻱ .. ﺣﺘﻦ ﺑﻌﺪ ﺩﺍﻙ ﺍﺧﻠﻴﻚ ﻓﻲ ﺣﺎﻟﻚ .. ﻗﺎﻝ ﻟﻴﻬﺎ ﺭﺑﻨﺎ ﻳﺴﻮﻱ ﺍﻟﻔﻴﻬﺎ ﺧﻴﺮ ..

ﺍﻫﺎ ﻳﺎﺯﻭﻝ ﺑﻲ ﻫﻨﺎﻙ ﻋﻨﺪ ﻧﺎﺱ ﻋﺒﺪﺍﻟﺮﺣﻴﻢ ﺍﻟﺒﻴﺖ ﻓﺎﻳﺮ .. ﺭﺑﻴﻌﺔ ﻋﻨﺪﻫﺎ ﺧﺎﻟﺘﻬﺎ ﺑﻘﺖ ﺗﻜﻮﺭﻙ .. ﺍﻟﻨﺎﺱ ﺍﻟﺠﺎﻳﻨﻜﻢ ﺩﻳﻞ ﻧﺎﺱ ﻓﻘﺮ ﻭﺷﻮﻣﻴﻦ .. ﻭﺍﻟﻠﻪ ﺩﻳﻞ ﻳﻜﺘﻠﻮﻛﻢ ﺍﻋﻮﺫ ﺑﺎﻟﻠﻪ .. ﺩﻩ ﺷﻨﻮ ﺍﻟﺨﻄﻮﺓ ﺍﻟﺴﻮﺩﺍﺀ ﺩﻱ .. ﺍﻟﻤﺮﺓ ﺍﻻﻭﻟﻰ ﺗﻐﻤﺮ ﺍﻻﻡ .. ﻭﺍﻟﻤﺮﺍﺓ ﺍﻟﺘﺎﻧﻲ ﻳﺘﻜﺴﺮ ﺍﻟﻮﻟﺪ؟ ﻭﺍﻟﻠﻪ ﻳﺎﺭﺑﻴﻌﺔ ﺍﻟﻮﻟﺪ ﺩﻩ ﺧﻴﺮﺗﻮ ﻣﻌﺎﻙ ﺳﻮﺩﺍﺀ ﺍﺣﺴﻦ ﺗﺮﻓﻀﻴﻬﻮ .. ﻭﺭﺑﻴﻌﺔ ﺫﺍﺗﻬﺎ ﺧﺎﻓﺖ ﻣﻦ ﺍﻟﻤﻮﺿﻮﻉ ﺩﻩ ..

ﻭﺍﻻﻡ ﻃﺒﻌﺎ " ﻣﻊ ﻭﻟﺪﻫﺎ ﻓﻲ ﺍﻟﻤﺴﺘﺸﻔﻰ .. ﻭﺍﺗﺎﺭﻳﻬﺎ ﺑﺘﻔﻜﺮ ﻧﻔﺲ ﺍﻟﺘﻔﻜﻴﺮ ﺍﻟﺠﺎﻫﻞ ﺑﺘﺎﻉ ﺍﻟﺘﺸﺎﺅﻡ ﺩﻩ .. ﻧﺎﺩﺕ ﺭﺍﺟﻠﻬﺎ ﻗﺎﻟﺖ ﻟﻴﻬﻮ ﺍﺳﻤﻊ ﻳﺎﻋﺒﺪﺍﻟﺮﺣﻴﻢ .. ﺍﻟﻮﻟﺪ ﺩﻩ ﺧﻴﺮﺗﻮ ﻣﻊ ﺍﻟﺒﺖ ﻣﺎﻛﻮﻳﺴﺔ .. ﻭﺍﻧﺎ ﻃﺎﻟﺒﺔ ﻣﻨﻚ ﺗﺎﻧﻲ ﻣﺎﺗﺪﻳﻬﻢ ﻣﻮﺍﻋﻴﺪ .. ﻻﻧﻮ ﻟﻮ ﺩﺍﻳﺮﻳﻦ ﻳﺠﻮﻧﺎ .. ﺍﻟﻤﺮﺓ ﺍﻟﺠﺎﻳﺔ ﺑﺘﻤﻮﺕ ﺍﻧﺖ ﻋﺪﻳﻞ ﻳﺎﺧﻮﻱ .. ﺍﻟﻨﺎﺱ ﺩﻳﻞ ﻗﻮﻝ ﻟﻴﻬﻢ ﺍﺩﻭﻧﺎ ﻓﺮﺻﺔ ﺷﻮﻳﺔ .. ﺍﻧﺎ ﻭﺍﻟﻠﻪ ﺧﻮﻓﺖ ﻣﻨﻬﻢ .. ﻳﺎﺳﺎﺗﺮ ﺩﻩ ﺷﻨﻮ ﺩﻩ ؟؟ﻗﺎﻝ ﻟﻴﻬﺎ ﻟﻜﻦ ﻳﺎﺳﻴﺪﺓ ﺍﻟﻮﻟﺪ ﻣﺴﺎﻓﺮ .. ﻗﺎﻟﺖ ﻟﻴﻬﻮ ﺧﻠﻴﻬﻮ ﺍﻟﻴﺴﺎﻓﺮ .. ﺳﻔﺮ ﺍﻟﺒﻦ ﺍﻥ ﺷﺎﺀ ﺍﻟﻠﻪ .. ﺍﻧﺎ ﻣﺎ ﻣﻮﺍﻓﻘﺔ ﻋﻠﻰ ﺍﻟﻤﻮﺿﻮﻉ ﺩﻩ .. ﺍﺻﺒﺮ ﺍﻟﻨﻤﺮﻕ ﻣﻦ ﺍﻟﻤﺴﺘﺸﻔﻰ .. ﻗﻮﻝ ﻟﻴﻬﻢ ﺍﻟﻮﻟﺪ ﺩﺍﻳﺮ ﻟﻴﻬﻮ ﺷﻬﺮ ﻓﻲ ﺍﻟﻤﺴﺘﺸﻔﻰ .. ﻗﺎﻝ ﻟﻴﻬﺎ ﻛﻮﻳﺲ ﺍﻧﺎ ﺑﺘﺼﺮﻑ ..

ﻋﺒﺪﺍﻟﺮﺣﻴﻢ ﻣﺸﻰ ﻛﻠﻢ ﺍﻻﻣﻴﻦ .. ﻗﺎﻝ ﻟﻴﻬﻮ ﺧﻼﺹ ﻳﺎ ﺍﻻﻣﻴﻦ ﺍﻧﺖ ﺍﻣﺸﻲ ﺍﻟﺒﻴﺖ .. ﻭﺍﻟﻤﻮﺿﻮﻉ ﺑﺘﺎﻉ ﺟﻴﺘﻜﻢ ﺩﻩ ﺧﻠﻴﻨﺎ ﻧﺄﺟﻠﻪ ﻟﻲ ﻗﺪﺍﻡ .. ﺑﺪﻭﻥ ﺗﺤﺪﻳﺪ ﻟﻤﻦ ﻧﺸﻮﻑ ﺍﻟﺤﺎﺻﻞ ﻋﻠﻴﻨﺎ ﺩﻩ .. ﺍﻻﻣﻴﻦ ﻗﺎﻝ ﻟﻴﻬﻮ ﻳﺎﺯﻭﻝ ﺧﻴﺮ ﺍﻟﻔﻴﻬﺎ ﺧﻴﺮ ﺭﺑﻨﺎ ﻳﺴﻮﻳﻬﺎ ..

ﺍﻫﺎ ﻓﻲ ﺍﺧﺮ ﺍﻟﻠﻴﻞ .. ﺳﻴﺪﺓ ﺧﻠﺖ ﺭﺍﺟﻠﻬﺎ ﻭﻭﺍﺣﺪ ﻣﻦ ﺍﻻﻭﻻﺩ ﻣﻊ ﻋﻼﺀ ﺍﻟﻤﻄﺮﻭﺡ ﻓﻲ ﺍﻟﻤﺴﺘﺸﻔﻰ .. ﻭﺭﺟﻌﺖ ﺍﻟﺒﻴﺖ .. ﻭﺧﻼﺹ ﺍﺗﺸﺎﻭﻣﺖ ﺑﺎﻟﻌﺮﻳﺲ ﺩﻩ .. ﻭﻋﺎﻳﺰﺓ ﺗﻜﻠﻢ ﺑﺘﻬﺎ ﺗﻘﻮﻝ ﻟﻴﻬﺎ ﺍﻟﺰﻭﻝ ﺩﻩ ﻧﺤﻦ ﻣﺎﻋﺎﻳﺰﻧﻮ .. ﺍﻭﻝ ﻣﺎ ﻭﺻﻠﺖ ﺍﻟﺒﻴﺖ .. ﺭﺑﻴﻌﺔ ﺟﺎﺗﻬﺎ .. ﻗﺎﻟﺖ ﻟﻴﻬﺎ ﻳﺎ ﺍﻣﻲ ﺍﻧﺎ ﺣﺎﺳﺔ ﺍﻧﻮ ﺍﻟﺰﻭﻝ ﺩﻩ ﻣﺎﻓﻴﻬﻮ ﺧﻴﺮ ﻟﻲ .. ﻗﺎﻟﺖ ﻟﻴﻬﺎ ﻭﺍﻧﺎ ﺫﺍﺍﺍﺍﺗﻲ ﺣﺎﺳﺔ ﻛﺪﺍ .. ﻟﻜﻦ ﺍﻟﺒﻘﻨﻊ ﺍﺑﻮﻙ ﻣﻨﻮ؟

ﻟﻜﻦ ﺍﻧﺘﻲ ﻟﻮ ﻣﺎﻋﺎﻳﺰﺓ ﺍﻟﻤﻮﺿﻮﻉ .. ﺍﻧﺎ ﻭﺍﻟﻠﻪ ﻟﻮ ﺍﻧﻄﺒﻘﺖ ﺍﻟﺴﻤﺎﺀ ﻭﺍﻻﺭﺽ ﻣﺎﻳﺘﻢ .. ﻭﺗﺎﻧﻲ ﺍﻟﻨﺎﺱ ﺩﻳﻞ ﻛﺎﻥ ﺟﻮﻧﺎ ﺑﻘﺘﻠﻮ ﻓﻴﻨﺎ ﺯﻭﻝ ..

ﺍﻫﺎ ﻳﺎﺯﻭﻝ ﺑﺎﻛﺮ ﺍﻟﺼﺒﺎﺡ .. ﻗﺒﻞ ﻣﺎ ﺳﻴﺪﺓ ﺍﻡ ﺭﺑﻴﻌﺔ ﺗﻄﻠﻊ ﻋﻠﻰ ﺍﻟﻤﺴﺘﺸﻔﻰ .. ﺟﺎﺗﻬﺎ ﻭﺍﺣﺪﺓ ﻣﻦ ﺍﻟﺠﻴﺮﺍﻥ ﺗﻜﻔﺮ ﻟﻴﻬﺎ ﻟﻲ ﻭﻟﺪﻫﺎ .. ﻗﺎﻟﺖ ﻟﻴﻬﺎ ﻳﺎﺳﻴﺪﺓ ﺍﻧﺎ ﻋﺎﻳﺰﺍﻙ ﻓﻲ ﻛﻠﻤﺔ ﺳﺮﻳﺔ ..

ﻗﻌﺪﺕ ﻣﻌﺎﻫﺎ ﺟﻮﺓ ﺑﺮﺍﻫﺎ .. ﺍﻟﻤﺮﺍﺓ ﻗﺎﻟﺖ ﻟﻴﻬﺎ ﻭﺍﻟﻠﻪ ﺍﻧﺎ ﺷﺎﻳﻔﺔ ﺍﻟﻨﺎﺱ ﺍﻟﺠﺎﻳﻨﻜﻢ ﻟﻠﻌﺮﺱ ﺩﻳﻞ .. ﻣﺎﺗﻘﺒﻠﻮ ﺑﻴﻬﻢ ﻭﺍﺣﺘﻤﺎﻝ ﺍﻟﺤﺎﺻﻞ ﻋﻠﻴﻜﻢ ﺩﻩ ﻛﻠﻮ ﺭﺑﻨﺎ ﻣﺎﻋﺎﻳﺰﻛﻢ ﺗﻘﻌﻮ ﻓﻴﻬﻢ .. ﻗﺎﻟﺖ ﻟﻴﻬﺎ ﻟﻴﻪ ﺍﻧﺘﻲ ﺑﺘﻘﻮﻟﻲ ﻛﺪﺍ ﻳﺎ ﺳﻮﺳﻦ ؟

ﻗﺎﻟﺖ ﻟﻴﻬﺎ ﻗﺒﻞ ﻓﺘﺮﺓ .. ﺟﺎﺕ ﺍﻡ ﺍﻟﻮﻟﺪ ﺩﻩ .. ﻭﻣﻌﺎﻫﺎ ﻭﺍﺣﺪﺓ ﺻﺎﺣﺒﺔ ﻧﻌﻤﺎﺕ .. ﻭﻛﺎﻧﻦ ﺑﺴﺄﻟﻦ ﻣﻦ ﺭﺑﻴﻌﺔ ﺑﺘﻚ .. ﺑﺲ ﻓﻲ ﺑﻨﺎﺕ ﻗﺎﻟﻦ ﻟﻴﻬﺎ ﻭﺍﻟﻠﻪ ﻋﺎﺩ ﺍﻟﻤﻮﺕ ﺣﺎﺭ ﻭﺍﻧﺘﻲ ﺳﺄﻟﺘﻴﻨﺎ ‏( ﺭﺑﻴﻌﺔ ﻋﻴﻨﻬﺎ ﻃﺎﻳﺮﺓ ‏) .. ﻭﺍﻧﺎ ﻳﺎﺳﻴﺪﺓ ﻣﺎ ﻛﻨﺖ ﻣﺘﻮﻗﻌﺔ ﺍﻧﻮ ﺍﻟﻤﺮﺍﺓ ﺗﻘﺒﻞ ﻟﻲ ﻭﻟﺪﻫﺎ ﻳﺠﻲ ﻳﺨﻄﺐ ﺭﺑﻴﻌﺔ ﺑﻌﺪ ﺍﻟﺴﻤﻌﺘﻮ .. ﺑﺲ ﻫﺴﻲ ﺍﺳﺘﻐﺮﺑﺖ ﺍﻧﻬﻢ ﺟﺎﻳﻴﻦ ﻳﺨﻄﺒﻮ ﺑﻌﺪ ﺍﻟﻜﻼﻡ ﺍﻟﺴﻤﻌﺘﻮ ﺍﻟﻤﺮﺍﺓ ﺩﻱ ..

ﻗﺎﻟﺖ ﻟﻴﻬﺎ ﺩﻳﻞ ﻣﻨﻮ ﺍﻟﻘﺎﻟﻮ ﻓﻲ ﺑﺘﻲ ﻛﺪﻱ؟ ﻗﺎﻟﺖ ﻟﻴﻬﺎ ﺑﺮﻱ ﻣﺎﺑﻘﻮﻝ ﻟﻴﻚ .. ﺍﻧﺎ ﺑﺲ ﺩﺍﻳﺮﺓ ﺍﻧﻮﺭﻙ .. ﻋﺸﺎﻥ ﺗﻜﻮﻧﻲ ﻓﺎﻫﻤﺔ ﻭﺩﻩ ﺷﻲ ﺑﺴﺄﻟﻨﻲ ﻣﻨﻮ ﺍﻟﻠﻪ .. ﻭﻃﻠﻌﺖ ﻋﻠﻰ ﻛﺪﺍ ..

ﻭﻓﻌﻼ ﺳﻴﺪﺓ ﺍﻡ ﺭﺑﻴﻌﺔ ﺍﻟﻔﺎﺭ ﻟﻌﺐ ﻓﻲ ﻋﺒﻬﺎ .. ﻭﻗﺎﻟﺖ ﻃﻴﺐ ﺍﻟﻤﺮﺍﺓ ﺗﺠﻲ ﺗٍﺴﺄﻝ ﻣﻦ ﺑﺘﻲ ﺩﻩ ﻣﻦ ﺣﻘﻬﺎ .. ﺑﺲ ﻳﻘﻮﻟﻮ ﻟﻴﻬﺎ ﺭﺑﻴﻌﺔ ﻛﺪﺍ .. ﻭﺑﺮﺿﻮ ﺗﺠﻲ ﺗﺨﻄﺒﻬﺎ ﻟﻲ ﻭﻟﺪﻫﺎ ؟ .. ﺍﻟﻜﻼﻡ ﺩﻩ ﺍﻧﺎ ﻣﺎ ﻣﺮﻳﺤﻨﻲ .. ﺍﻟﻜﻼﻡ ﺩﻩ ﻭﺭﺍﻫﻮ ﻛﻼﻡ .. ﺑﺮﻱ ﻳﺎﻳﻤﺔ ﻳﻘﻮﻣﻮ .. ﺑﻌﺪﻳﻦ ﻳﺬﻟﻮ ﻟﻲ ﺑﺘﻲ .. ﻭﻳﻬﻴﻨﻮﻫﺎ .. ﻭﻳﻘﻮﻟﻮ ﻟﻴﻬﺎ ﻧﺤﻦ ﺳﻤﻌﻨﺎ ﻣﻦ ﺯﻣﺎﻥ ﻗﺎﻟﻮ ﻋﻴﻨﻚ ﻃﺎﻳﺮﺓ .. ﻭﺭﺍﺟﻠﻬﺎ ﻳﺒﻘﻰ ﺷﺎﻛﻲ ﻓﻴﻬﺎ ﻋﻤﺮﻭ ﻛﻠﻮ ..

ﺑﺲ ﺧﻼﺹ ﺳﻴﺪﺓ ﺻﻤﻤﺖ ﺍﻧﻮ ﻭﺩ ﺍﻻﻣﻴﻦ ﺩﻩ ﻟﻮ ﺑﻘﻰ ﺍﺧﺮ ﺭﺍﺟﻞ ﻓﻲ ﺍﻟﺪﻧﻴﺎ ﻣﺎﺑﺘﺪﻳﻬﻮ ﺑﺘﻬﺎ .. ﻭﺍﻟﻤﻮﺿﻮﻉ ﺩﻩ ﺍﻧﺘﻬﻰ ..

ﺟﺎﺕ ﻛﻠﻤﺖ ﺭﺑﻴﻌﺔ ﻗﺎﻟﺖ ﻟﻴﻬﺎ .. ﻋﺎﺭﻓﺔ ﻳﺎﺭﺑﻴﻌﺔ ﺍﻧﺎ ﺩﺍﻳﺮﺓ ﺍﺣﻜﻲ ﻟﻴﻚ ﻛﻼﻡ ﺳﺮ .. ﻟﻮ ﺑﺘﺴﻜﺘﻲ ﺑﻘﻮﻟﻮ ﻟﻴﻚ .. ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺍﻣﻲ ﻣﺎﺑﺤﻴﺒﻮ ﻓﻮﻕ ﺧﺸﻤﻲ ..

ﻗﺎﻟﺖ ﻟﻴﻬﺎ ﺍﻟﻤﺮﺍﺓ ﺍﻡ ﺍﻟﻮﻟﺪ .. ﻗﺎﻟﻮ ﺟﺎﺕ ﻓﻲ ﺍﻟﺤﻠﺔ ﻭﺗﺴﺄﻝ ﻣﻨﻚ .. ﻭﻗﺎﻟﺖ ﺍﻧﺎ ﺳﻤﻌﺖ ﺍﻧﻮ ﺍﻟﺒﺖ ﺩﻱ ﻣﺎﻛﻮﻳﺴﺔ ﺻﺢ ﻭﻻﻻ؟ ﻭﺍﻟﻨﺎﺱ ﻗﺎﻟﻮ ﻟﻴﻬﺎ ﻭﺍﻟﻠﻪ ﻧﺤﻦ ﺳﻤﻌﻨﺎ .. ﻟﻜﻦ ﻳﺎﺭﺑﻴﻌﺔ ﺑﻌﺪ ﺍﻟﻨﺎﺱ ﻗﺎﻟﻮ ﻟﻴﻬﺎ ﻛﺪﻱ .. ﺗﺠﻲ ﺗﺎﻧﻲ ﺗﺨﻄﺒﻚ ﻟﻲ ﻭﻟﺪﻫﺎ ﺍﻟﻜﻼﻡ ﺩﻩ ﻣﺶ ﻭﺭﺍﻫﻮ ﻛﻼﻡ؟

ﺭﺑﻴﻌﺔ ﻗﺎﻟﺖ ﻟﻴﻬﺎ ﻓﻌﻼ " ﻳﺎ ﺍﻣﻲ .. ﺑﻌﺪﻳﻦ ﻛﻴﻒ ﺍﻟﻤﺮﺍﺓ ﺍﻟﻤﺘﺨﻠﻔﺔ ﺩﻱ ﺗﺠﻲ ﺗﻘﻮﻝ ﻋﻨﻲ ﻛﻼﻡ ﺯﻱ ﺩﻩ؟؟ ﻭﺳﻤﻌﺘﻮ ﻭﻳﻦ ؟ .. ﻗﺎﻟﺖ ﻟﻴﻬﺎ ﻭﺍﻧﺖ ﻗﺎﻳﻠﺔ ﺍﻟﺰﻣﻦ ﺩﻩ ﻓﻲ ﺷﻲ ﺑﻨﺪﺱ .. ﺍﻟﻨﺎﺱ ﻛﻠﻬﻢ ﻋﺎﺭﻓﻴﻦ ﻗﺼﺘﻚ ﻣﻊ ﻓﻴﺼﻞ .. ﻳﺘﻠﻘﻰ ﻛﻞ ﻓﻲ ﺯﻭﻝ ﺣﻜﻠﻰ ﻟﻴﻬﺎ .. ‏( ﻭﺍﻧﺎ ﺷﺨﺼﻴﺎ ﻳﺎﺟﻤﺎﻋﺔ . ﻗﺼﺔ ﻓﻴﺼﻞ ﺩﻱ ﺷﻨﻮ .. ﻳﻄﺮﺷﻨﻲ ﻣﺎﺳﻤﻌﺖ ﺑﻴﻬﺎ ﺍﻻ ﻫﺴﻲ ﻏﺎﻳﺘﻮﻫﻬﻪ ‏) .

ﺭﺑﻴﻌﺔ ﻗﺎﻟﺖ ﻟﻲ ﺍﻣﻬﺎ ﺧﻼﺻﺎﻧﺘﻲ ﻭﻛﺖ ﺗﻤﺸﻲ ﺍﻟﻤﺴﺘﺸﻔﻰ .. ﻛﻠﻤﻲ ﺍﺑﻮﻱ ﻗﻮﻟﻲ ﻟﻴﻬﻮ ﺭﺑﻴﻌﺔ ﻗﺎﻟﺖ ﺍﻧﺎ ﺍﻟﻮﻟﺪ ﺩﻩ ﻣﺎﻋﺎﻳﺰﺍﻫﻮ .. ﻭﻟﻮ ﻣﺎﺻﺪﻗﻚ ﺧﻠﻴﻬﻮ ﻳﺘﺼﻞ ﻋﻠﻲ ﻓﻲ ﺗﻠﻔﻮﻧﻲ ﺩﻩ ﺍﻧﺎ ﺑﻮﺭﻳﻬﻮ ..

ﻭﻓﻌﻼ ﻟﻤﻦ ﺳﻴﺪﺓ ﻣﺸﺖ ﺍﻟﻤﺴﺘﺸﻔﻰ ﻗﺎﻟﺖ ﻟﻲ ﻋﺒﺪﺍﻟﺮﺣﻴﻢ .. ﺑﺘﻚ ﻗﺎﻟﺖ ﺭﺍﺳﻬﺎ ﻭﺍﻟﻒ ﺳﻴﻒ ﻣﺎﻋﺎﻳﺰﺓ ﺍﻟﻮﻟﺪ ﺩﻩ ﻧﻬﺎﺋﻲ .. ﻗﺎﻝ ﻟﻴﻬﺎ .. ﺍﻥ ﺷﺎﺀ ﺍﻟﻠﻪ ﻣﺎﻋﺎﻳﺰﺍﻫﻮ .. ﺍﻭﻝ ﻫﻲ ﻻﻗﻴﺎﻻ ﻭﺍﺣﺪ ﺯﻱ ﺍﻟﺼﺎﻓﻲ ﻭﺍﻟﻠﻪ ﻣﺎﺗﺴﺘﺎﻫﻞ ﻧﻌﺎﻟﻮ .. ﺧﻠﻴﻬﺎ ﺗﻠﻘﻰ ﺷﺒﻬﺎ .. ﻭﻃﻮﺍﻟﻲ ﺷﺎﻝ ﺍﻟﺘﻠﻔﻮﻥ ﻭﺍﺗﺼﻞ ﻋﻠﻰ ﺍﻻﻣﻴﻦ ﺍﻟﻜﻼﻡ ﺩﻩ ﺗﺎﻧﻲ ﻳﻮﻡ .. ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ ﻭﺍﻟﻠﻪ ﺭﺑﻴﻌﺔ ﺑﺘﻲ ﺩﻱ .. ﻗﺎﻟﺖ ﺍﻟﺨﻴﺮﺓ ﻣﺎﻛﻮﻳﺴﺔ .. ﻭﻣﺎ ﻣﺮﺗﺎﺣﺔ ﻟﻠﻤﻮﺿﻮﻉ .. ﻭﺍﻧﺎ ﻣﺎﻋﺎﻳﺰ ﺍﺟﺒﺮﻫﺎ .. ﺩﺣﻴﻦ ﺍﻟﺼﺎﻓﻲ ﺭﺑﻨﺎ ﻳﻘﺴﻢ ﻟﻴﻬﻮ ﺍﺧﻴﺮ ﻣﻨﻬﺎ .. ﺍﻻﻣﻴﻦ ﻗﺎﻝ ﻟﻴﻬﻮ ﻳﺎﺯﻭﻝ ﺍﻥ ﺷﺎﺀ ﺍﻟﻠﻪ ﺧﻴﺮ .. ﺍﻟﺼﺎﻓﻲ ﻭﻟﺪﻱ ﻭﺭﺑﻴﻌﺔ ﺑﺘﻲ .. ﺍﻻﻣﻴﻦ ﺟﺎﺀ ﺑﺎﻟﻤﺴﺎﺀ ﻛﻠﻢ ﺍﻟﺼﺎﻓﻲ ﻃﻮﺍﻟﻲ .. ﻗﺎﻝ ﻟﻴﻬﻮ ﺗﻌﺎﻝ ﻳﺎ ﺍﻟﺼﺎﻓﻲ ﻭﺍﻟﻠﻪ ﺍﻧﺖ ﻏﺎﻳﺘﻮ ﻧﻴﺘﻚ ﺩﻱ ﺣﻴﺮﺗﻨﻲ .. ﻳﺎﺯﻭﻝ ﻭﺍﻟﻠﻪ ﺭﺑﻨﺎ ﺑﺮﻳﺪﻙ ..

ﺍﻟﺤﺎﺻﻞ ﻳﺎ ﺍﺳﺘﺎﺫ ﻛﻴﺖ ﻛﻴﺖ .. ﺍﻫﺎ ﺍﻧﺎ ﻣﻮﺵ ﻗﻠﺖ ﻟﻴﻚ ﻣﺎﺗﻜﻠﻢ ﺍﻟﺒﺖ ﺍﻟﻌﺎﻳﺰﻫﺎ ﺩﻳﻚ ﺑﺎﻟﻤﻮﺿﻮﻉ .. ﻫﺴﻲ ﻛﻨﺖ ﺧﺴﺮﺕ ﺍﻟﺰﻭﻟﺔ ﺍﻻﺧﺘﺮﺗﻬﺎ ..

ﻭﺍﻫﻮ ﻗﺪﺍﻡ ﺍﻣﻚ ﺩﻱ ﺯﻱ ﻣﺎ ﺍﻧﺖ ﻭﻗﻔﺖ ﻣﻌﺎﻱ ﻭﺍﺗﺨﻠﻴﺖ ﻋﻦ ﺭﻏﺒﺘﻚ .. ﻋﺸﺎﻥ ﺗﻮﻓﻲ ﺑﻮﻋﺪﻱ .. ﺍﻧﺎ ﻭﺍﻟﻠﻪ ﺍﻗﻴﻒ ﻣﻌﺎﻙ ﻟﻠﻨﻬﺎﻳﺔ ﻭﻟﻮ ﻋﺎﻳﺰﻧﻲ ﻫﺴﻲ ﺍﺳﺎﻓﺮ ﻣﻌﺎﻙ ﻧﺨﺒﻄﺒﻬﺎ ﻣﻦ ﺍﻫﻠﻬﺎ ﻣﺎﻋﻨﺪﻱ ﻣﺎﻧﻊ .. ﺍﻳﻤﺎﻥ ﻗﺎﻟﺖ ﻟﻴﻬﻮ ﻳﺎﺗﻮ ﺑﺖ ﻳﺎ ﺍﻻﻣﻴﻦ ؟؟ ﺍﻧﺖ ﻣﺨﺮﻑ ﻭﻻ ﺷﻨﻮ؟ ﺍﻟﺼﺎﻓﻲ ﻗﺎﻝ ﻟﻴﻬﺎ ﺍﺻﺒﺮﻱ ﻳﺎ ﺍﻣﻲ ﺑﺤﻜﻲ ﻟﻴﻚ .. ﻭﻗﺒﻞ ﻋﻠﻰ ﺍﺑﻮﻫﻮ ﻗﺎﻝ ﻟﻴﻬﻮ ﺍﻟﻠﻪ ﻳﺨﻠﻴﻚ ﻳﺎ ﺍﺑﻮﻱ . ﺍﻧﺎ ﻫﺴﻲ ﻣﺎﻋﺎﻳﺰ ﺍﺷﻐﻞ ﻧﻔﺴﻲ ﺑﻲ ﻣﻮﺿﻮﻉ ﺯﻭﺍﺝ ﺍﻻ ﺑﻌﺪ ﺍﺗﺨﺮﺝ .. ﺍﺑﻮﻫﻮ ﻗﺎﻝ ﻟﻴﻬﻮ ﻋﻠﻰ ﻛﻴﻒ ﺍﻧﺎ ﻣﻦ ﻳﺪﻙ ﺩﻱ ﻟﻲ ﻳﺪﻙ .. ﺍﻟﻤﻬﻢ ﻣﻌﺎﻙ ﺭﺿﺎﻱ ﻭﻣﻮﺍﻓﻘﺘﻲ ﻭﻣﻌﺎﻙ ﻣﻦ ﺍﻟﻤﻠﻴﻮﻥ ﻟﻲ ﻣﻴﺔ ﻣﻠﻴﻮﻥ .. ﻭﺑﻴﺘﻚ ﺍﻟﻤﻠﻚ .. ﺍﻟﺼﺎﻓﻲ ﻗﻌﺪ ﺟﻤﺐ ﺍﺑﻮﻫﻮ ﻓﻲ ﺍﻟﺴﺮﻳﺮ ﻭﻣﺴﻚ ﻳﺪ ﺍﺑﻮﻫﻮ ﻭﺑﺎﺳﻬﺎ .. ﻗﺎﻝ ﻟﻴﻬﻮ ﺗﺴﻠﻢ ﻳﺎ ﺍﺑﻮ ﺍﻟﺼﺎﻓﻲ ﺭﺑﻨﺎ ﻳﺨﻠﻴﻚ ﻟﻴﻨﺎ .. ﻭﺍﻳﻤﺎﻥ ﻭﺍﻗﻔﺔ ﻫﻨﺎﻙ ﻭﺩﻣﻮﻋﻬﺎ ﺭﺏ ﺭﺏ .. ﻃﻮﺍﻟﻲ ﺍﻟﺼﺎﻓﻲ ﺩﺧﻞ ﺟﻮﺓ ﻭﻋﻤﻞ ﺍﺳﺘﺨﺎﺭﺓ ﻓﻲ ﻣﻮﺿﻮﻉ ﻟﻴﻨﺔ .. ﻭﺍﺗﺼﻞ ﻋﻠﻴﻬﺎ ﻃﻮﺍﻟﻲ .. ﻓﻲ ﻧﻔﺲ ﺍﻟﻠﺤﻈﺔ ﻭﻗﺎﻝ ﻟﻴﻬﺎ .. ﺍﻧﺎ ﻋﺎﻳﺰ ﺍﻗﻮﻝ ﻟﻴﻚ ﻛﻼﻡ ﻻﻭﻝ ﻣﺮﺓ ﻓﻲ ﺣﻴﺎﺗﻲ ﺍﻗﻮﻟﻮ ﻟﻴﻚ .. ﺍﻧﺎ ﺑﺤﺒﻚ ﻳﺎﻟﻴﻨﺔ .. ﻭﻋﺎﻳﺰ ﺍﺗﺰﻭﺟﻚ ﻫﻞ ﺗﻘﺒﻠﻴﻦ ﺑﻲ ؟ .. ﻟﻴﻨﺔ ﺻﻨﻨﻦ ﺳﻜﺖ ﻭﻫﻮ ﺑﻘﻰ ﻳﻘﻮﻝ ﻟﻴﻬﺎ ﺍﻟﻮ؟ ﻟﻴﻨﺔ ؟ ﻳﺎﺑﺖ ؟ ﺍﻟﻮﻭﻭﻭ ..

ﻗﺎﻟﺖ ﻟﻴﻬﻮ ﻳﺎﺧﻲ ﻣﺎﺩﻗﻴﻘه

النهــــــــــــــــــــــــــــايه ?♥?