روايه الصافي الجزء التاني

روايه الصافي 2

ﻭﺍﺗﻮﺟﻬﻮ ﺍﻟﺨﺮﻃﻮﻡ ..

ﻃﻮﻝ ﺍﻟﺮﺣﻠﺔ ﻭﺍﻟﺮﺷﻴﺪ ﺍﻟﺼﻐﻴﺮ ﺑﺘﻜﻠﻢ .. ﺍﻧﺘﻲ ﻳﺎ ﺍﻣﻲ ﻋﻠﻴﻚ ﺍﻟﻠﻪ ﺑﺎﻟﺼﺢ ﻧﺤﻦ ﻣﺎﺷﻴﻦ ﻟﻠﺼﺎﻓﻲ؟ .. ﺗﻘﻮﻝ ﻟﻴﻬﻮ ﺍﻳﻮﺓ ﻣﺎﺷﻴﻦ ﻟﻠﺼﺎﻓﻲ .. ﻗﺎﻝ ﻟﻴﻬﺎ ﻭﻟﺴﻪ ﺍﻟﺼﺎﻓﻲ ﻗﺎﻋﺪ ﻓﻲ ﺑﻴﺖ ﻧﺎﺱ ﺣﻤﻮﺩﻱ؟ .. ﻗﺎﻟﺖ ﻟﻴﻬﻮ ﺍﻳﻮﺓ . ﻗﺎﻋﺪ ﻓﻲ ﺑﻴﺖ ﻧﺎﺱ ﺣﻤﻮﺩﻱ .. ﺍﻧﺖ ﺣﻤﻮﺩﻱ ﻣﺘﺬﻛﺮﻭ؟

ﻗﺎﻝ ﻟﻴﻬﺎ ﺍﻳﻮﺓ ﻣﺘﺬﻛﺮﻭ .. ﻭﺍﻣﺠﺪ ﺑﺮﺿﻮ ﻣﺘﺬﻛﺮﻭ .. ﻃﺒﻌﺎ ﺍﻟﺮﺷﻴﺪ ﺑﻌﺮﻓﻬﻢ ﻻﻧﻪ ﺟﺎ ﺍﻟﺴﻨﺔ ﺍﻟﻔﺎﺗﺖ ﻣﻊ ﺍﻫﻠﻮ ﺟﻮ ﻛﻠﻬﻢ ﻟﻠﻌﺰﺍﺀ ﺑﺘﺎﻉ ﺍﻟﻤﻠﻜﺔ ﻭﻗﻌﺪﻭ ﺗﻼﺗﻪ ﻳﻮﻡ ..

ﻭﺍﻟﻮﻟﺪ ﺑﺴﺄﻝ ﻓﻲ ﺍﻣﻮ ﻭﺍﻣﻮ ﺑﺘﺠﺎﻭﺏ .. ﻭﺍﻻﻣﻴﻦ ﺳﺎﻛﺖ ﻣﻘﻄﻢ ﺑﺲ ﻳﻌﺎﻳﻦ ﻟﻠﺰﻟﻂ ..

ﻭﻛﻞ ﻣﺮﺓ ﻳﻘﻮﻝ ﻟﻴﻬﻮ ﻛﻠﻤﺔ ﺑﺮﺍﻫﻮ ﺑﺮﺍﺣﺔ ﻛﺪﺍ .. ﻭﻳﺴﻜﺖ ﻣﺮﺓ ﻗﺎﻝ .. ﻭﺻﻴﺔ ﺍﻟﻤﻠﻜﺔ .. ﻭﺻﻴﺔ ﺍﻟﻤﻠﻜﺔ ؟؟ ﻛﺮﻫﻮﻧﺎ ﺑﻲ ﻭﺻﻴﺔ ﺍﻟﻤﻠﻜﺔ .. ﺑﺎﻟﻠﻪ ﺍﻟﺘﻘﻮﻝ ﻣﻮﺻﻴﺔ ﺑﺤﻘﻮﻕ .. ﻭﺍﻟﻠﻪ ﺗﺎﻧﻲ ﺩﻗﻴﻘﺔ ﻣﺎﻳﻘﻌﺪ ﻣﻌﺎﻫﻢ ..

ﺗﺎﻧﻲ ﻳﻘﻮﻝ ﺍﻧﺎ ﺫﺍﺗﻲ ﻏﻠﻄﺎﻥ ﺍﻟﺒﻘﺒﻞ ﻭﻟﺪﻱ ﻳﻘﻌﺪ ﻣﻊ ﺍﻟﻨﺎﺱ .

ﺗﺎﻧﻲ ﻳﻘﻮﻝ ﻣﻮﺵ ﺑﺮﺍﻫﻢ ﺭﻛﺒﻮ ﺟﻮﻧﻲ ﻓﻲ ﻋﻄﺒﺮﺓ؟ ﻳﺤﻨﺴﻮ ﻓﻴﻨﻲ .. ﻋﺸﺎﻥ ﺍﻟﺼﺎﻓﻲ ﻳﻘﻌﺪ ﻣﻌﺎﻫﻢ .. ؟ﺧﺒﺎﺭﻭ ﻫﺴﻊ ﺑﻘﺎﻟﻴﻬﻢ ﺣﺎﺭ . ؟؟

ﻏﺎﻳﺘﻮ ﻧﺎﺱ ﺍﻟﺪﻧﻴﺎ ﺩﻳﻞ .. ﺍﻟﻠﻪ ﻳﻨﺠﻴﻨﺎ ﻣﻨﻬﻢ ..

ﺍﻳﻤﺎﻥ ﻗﺎﻟﺖ ﻟﻴﻬﻮ ﺍﻧﺖ ﻳﺎ ﺍﻻﻣﻴﻦ .. ﻣﺎﺗﺠﻤﻊ ﺍﻟﻨﺎﺱ .. ﻗﺎﻟﻮ ﻟﻴﻚ ﺍﻟﺘﺼﺮﻓﺎﺕ ﺩﻱ ﻣﻦ ﺭﻗﻴﺔ ﺑﺲ .. ﻳﻌﻨﻲ ﺑﻬﻴﺔ ﻭﺧﺎﻟﺪ ﻭﺍﺣﻤﺪ .. ﺫﻧﺒﻬﻢ ﺷﻨﻮ؟

ﻗﺎﻝ ﻟﻴﻬﺎ ﻋﻠﻴﻚ ﺍﻟﻠﻪ ﺧﻠﻴﻨﻲ .. ﻛﻠﻬﻢ ﺯﻱ ﺑﻌﺾ ..

ﻗﺎﻟﺖ ﻟﻴﻬﻮ ﺧﻼﺹ ﺍﺳﻜﺖ ﺳﺎﻱ .. ﺍﻟﺤﻴﻄﺎﻥ ﻟﻴﻬﺎ ﺍﺿﺎﻥ .. ‏( ﺑﺘﻘﺼﺪ ﺍﻟﺮﺷﻴﺪ ﻣﺎﻙ ‏) .. ﺷﺎﻳﻔﻮ ﺑﺘﺴﻨﻂ ﻛﻴﻒ ﺩﻩ ﻗﺎﻳﻠﻮ ﻣﺎﻓﺎﻫﻢ؟

ﺍﻟﺮﺷﻴﺪ ﻗﺎﻝ ﻟﻴﻬﺎ ﻓﺎﺍﺍﺍﻫﻢ ﺍﻧﺎ .. ﺍﻧﺖ ﻳﺎ ﺍﺑﻮﻱ ﻣﺎﻋﺎﻳﺰ ﺍﻟﺼﺎﻓﻲ ﻳﻘﻌﺪ ﻣﻊ ﻧﺎﺱ ﺣﻤﻮﺩﻱ .. ﻭﺍﻣﻲ ﻋﺎﻳﺰﺍﻫﻮ ﻳﻘﻌﺪ ﺻﺎﺍﺍﺡ؟؟ ﻋﺎﺍﺍﺭﻑ ..

ﻫﻮ ﻣﺎﻋﺎﻳﺰﻧﻮ ﻟﻴﻪ ﻳﺎ ﺍﻣﻲ؟ ﻗﺎﻟﺖ ﻟﻴﻬﻮ ﻧﻮﻡ ﻛﺪﻱ .. ﻟﻤﻦ ﻧﺼﻞ ﻳﺎ ﺍﻟﺮﺷﻴﺪ ..

ﻗﺎﻝ ﻟﻴﻬﺎ ﺳﻤﺢ ﺍﺻﻼ ﺍﻧﺎ ﻧﻌﺴﺎﻥ ..

ﻭﺍﻟﺒﺖ ﺭﺍﻗﺪﺓ ﻓﻮﻕ ﺍﻣﻬﺎ .. ﻭﺍﻟﺮﺷﻴﺪ ﺭﺍﻛﺐ ﻓﻲ ﺍﻟﻜﺮﺳﻲ ﺍﻟﻮﺭﺍ ﺑﺮﺍﻫﻮ .. ﻭﻛﻞ ﻣﺮﺓ ﻳﻤﺪ ﺭﺍﺳﻮ ﺑﻲ ﻓﻮﻕ ﻟﻠﻜﺮﺳﻲ .. ﻭﻳﻘﻮﻝ ﻛﻠﻤﺔ ﻭﻳﻘﻌﺪ ﺭﺍﺟﻊ .. ﺑﻌﺪ ﺷﻮﻳﺔ ﺳﻜﻦ .. ﻭﻫﺠﺲ .. ﺍﻳﻤﺎﻥ ﺍﺗﻠﻔﺘﺖ ﻋﻠﻴﻬﻮ ﻭﺭﺍﺀ .. ﻟﻘﺘﻮ ﻧﺎﻡ ..

ﻗﺎﻟﺖ ﻟﻼﻣﻴﻦ ﺍﺧﻴﺮﺍ ﺍﻟﺮﺷﻴﺪ ﻧﺎﻡ ..

ﻗﺎﻝ ﻟﻴﻬﺎ ﻛﻮﻳﺲ ﻻﻧﻮ ﺍﻟﺒﺎﺭﺡ ﻛﺎﻥ ﻣﺴﺎﻫﺮ ﺑﻲ .. ﻗﺎﻟﺖ ﻟﻴﻬﻮ ﺑﺴﻤﺔ ﺣﺒﻴﺒﺘﻲ ﻣﺴﻜﻴﻨﺔ .. ﺑﺲ ﻣﻦ ﻃﻠﻌﻨﺎ ﻣﻦ ﺍﻟﺪﺍﻣﺮ ﺩﺧﻠﺖ ﻓﻲ ﻧﻮﻣﺔ ..

ﺑﺲ ﻳﺎﺟﻤﺎﻋﺔ .. ﺍﻟﺴﺮ ﺍﻟﻤﻬﻢ ﻫﻢ ﻣﺎﻋﺎﺭﻓﻴﻦ ﺍﻧﻮ ﺍﻟﺮﺷﻴﺪ ﻣﻐﻤﺾ ﻋﻴﻨﻴﻬﻮ ﺳﺎﻱ ﻟﺴﻊ ﻣﺎﻧﺎﻳﻢ .. ﻭﺳﺎﻣﻊ ﻛﻼﻣﻬﻢ ﻛﻠﻮ ..

ﺍﻻﻣﻴﻦ ﻗﺎﻝ ﻟﻴﻬﺎ .. ﻗﻠﺘﻲ ﻟﻲ ﻳﺎ ﺍﻳﻤﺎﻥ .. ﺍﻟﺪﻫﺐ ﺍﻟﻘﺎﻟﻮ ﺳﺮﻗﻮ ﺍﻟﺼﺎﻓﻲ ﺩﻩ .. ﻛﺘﻴﺮ ﻭﻻﺷﻮﻳﺔ؟

ﻗﺎﻟﺖ ﻟﻴﻬﻮ ﻭﺍﻟﻠﻪ ﻗﺎﻟﺖ ﺧﺎﺗﻤﻴﻦ ﻭﺳﻠﺴﻞ .. ﻟﻜﻦ ﻣﺎﻋﺎﺭﻓﺎﻫﻢ ﻃﺒﻌﺎ " ﻗﺪﺭ ﺷﻨﻮ ﻭﻭﺯﻧﻬﻢ ﻛﻴﻒ ..

ﺍﻟﻤﻬﻢ ﻧﺤﻦ ﺑﻨﺼﻞ .. ﻭﺑﻨﺤﻠﻬﺎ .. ﻟﻜﻦ ﺍﻟﺸﻲ ﺍﻟﺘﺄﻛﺪﺓ ﻣﻨﻮ ﺍﻧﻮ ﺍﻟﺼﺎﻓﻲ ﺑﺮﺉ ﻣﻦ ﺍﻟﻘﺼﺔ .. ﻳﻌﻨﻲ ﺣﺘﻰ ﻧﺤﻦ ﻟﻮ ﻏﺮﻣﻨﺎﻫﺎ ﻟﻴﻬﺎ .. ﺑﺲ ﻋﺸﺎﻥ ﻧﺴﻜﺖ ﺍﻟﻨﺎﺱ ﻭﻣﺎﻧﻌﻤﻞ ﻓﻀﺎﻳﺢ .. ﻗﺎﻝ ﻟﻴﻬﺎ ﻗﻠﺘﻲ ﺷﻨﻮ؟ ﻧﻐﺮﻣﻮ ﻟﻴﻬﺎ؟ ﻧﻐﺮﻣﻮ ﻟﻴﻪ؟ ﻧﺤﻦ ﺳﺮﻗﻨﺎﻫﻮ؟ ﻧﺤﻦ ﺿﻴﻌﻨﺎﻫﻮ؟ .. ﻭﻛﻴﻒ ﺑﻴﻘﺪﺭﻭ ﻳﺜﺒﺘﻮ ﺍﻧﻮ ﺍﻟﺼﺎﻓﻲ ﺳﺮﻕ ﺩﻫﺒﻬﻢ؟ ..

ﻗﺎﻟﺖ ﻟﻴﻬﻮ ﻣﺠﺮﺩ ﺍﻻﺗﻬﺎﻡ .. ﺑﺎﻟﻨﺴﺒﺔ ﻟﻠﺼﺎﻓﻲ ﺑﺠﻴﺐ ﻟﻴﻬﻮ ﺍﻟﻜﻼﻡ .. ﻭﺍﻟﺤﻜﺎﻳﺔ ﺩﻱ ﻓﻴﻬﺎ ﻣﺮﺩﻭﺩ ﻧﻔﺴﻲ ﻋﻠﻰ ﺍﻟﻮﻟﺪ .. ﻭﺍﻟﺮﺷﻴﺪ ﻳﺴﻤﻊ ﺳﺎﻱ ..

ﺑﻌﺪ ﺧﻠﺼﻮ ﻛﻼﻣﻬﻢ .. ﺍﻟﺮﺷﻴﺪ ﻗﺎﻝ ﻫﻮ ﺍﻟﺼﺎﻓﻲ ﺯﺍﺗﻮ ﻗﺎﻝ ﺍﻟﺴﺮﻗﺔ ﺣﺮﺍﻡ .. ﻭﻗﺎﻝ ﺍﻟﺤﺮﺍﻣﻲ ﺑﻘﻄﻌﻮ ﻟﻴﻬﻮ ﻳﺪﻭ .. ﻭﺑﻮﺩﻭﻫﻮ ﺍﻟﻨﺎﺭ ..

ﺍﻣﻮ ﻗﺎﻟﺖ ﻟﻴﻬﻮ ﺍﻧﺖ ﺻﺎﺣﻲ؟ ﻗﺎﻝ ﻟﻴﻬﺎ ﺍﻳﻮﺓ ﺻﺎﺣﻲ .. ﻭﺳﻤﻌﺘﻜﻢ ﻗﻠﺘﻮ ﻓﻲ ﻧﺎﺱ ﻗﺎﻟﻮ ﺍﻟﺼﺎﻓﻲ ﺳﺮﻕ ﺍﻟﺪﻫﺐﺣﻤﻮﺩﻱ ﺍﺗﻜﻴﻒ ﺍﻧﻮ ﺳﺮﻭ ﺡ ﻳﻜﻮﻥ ﻣﺤﻔﻮﻅ .. ﻭﺍﻟﺮﺷﻴﺪ ﻣﺎ ﺡ ﻳﺘﻜﻠﻢ .. ﺑﺲ ﺍﻟﺮﺷﻴﺪ ﺳﺮﺡ ﻣﺴﺎﻓﺔ .. ﻗﺎﻝ ﻟﻴﻬﻮ ﻟﻜﻦ ﻫﻢ ﻗﺎﻟﻮ ﺍﻟﺤﺮﺍﻣﻲ ﺍﻟﺼﺎﻓﻲ ﺍﺧﻮﻱ .. ﻭﻋﺸﺎﻥ ﻫﻢ ﺡ ﻳﺸﺎﻛﻠﻮﻫﻮ ﺑﺪﻭﻥ ﺳﺒﺐ .. ﻧﺤﻦ ﻻﺯﻡ ﻧﻜﻮﻥ ﺷﺠﻌﺎﻥ ﻭﻧﺘﻜﻠﻢ ﺍﻟﺤﻘﻴﻘﺔ .. ﺍﻧﺖ ﻣﺎﺗﺨﺎﻑ ﻣﻦ ﺍﻟﺪﻕ .. ﺍﻧﺎ ﺑﻜﻠﻢ ﺧﺎﻟﺘﻮ ﻣﺎﺗﺪﻗﻚ .. ﺍﻧﺎ ﻣﺎﺑﺮﺿﻰ ﺍﻟﺼﺎﻓﻲ ﻳﺸﺎﻛﻠﻮﻫﻮ .. ﻭﻣﻤﻜﻦ ﺍﺑﻮﻱ ﻳﻀﺮﺑﻮ .. ﻻﻧﻮ ﺍﺑﻮﻱ ﺯﻋﻼﻥ ﻣﻦ ﻗﺒﻴﻞ .. ﻭﻃﺮﺩﻧﻲ ﻣﻦ ﺍﻟﺼﺎﻟﻮﻥ ﻟﻤﻦ ﺑﻜﻴﺖ ..

ﻗﺎﻝ ﻟﻴﻬﻮ ﻻﻻ ﻣﺎﺑﺸﺎﻛﻠﻮﻫﻮ ﻣﺎﺗﻜﻠﻤﻬﻢ .. ﺍﻟﺮﺷﻴﺪ ﺳﻜﺖ ﺳﺎﻱ ﻭﻫﻮ ﻣﺎﻗﺒﻼﻥ ﺍﻟﻤﻮﺿﻮﻉ ﺩﻩ ﺟﻮﺍﻫﻮ .. ﺍﻧﻮ ﻳﻤﻮﻥ ﺍﻟﺼﺎﻓﻲ ﻣﻈﻠﻮﻡ ﻭﻣﺎﻋﺎﺭﻑ ﻳﻌﻤﻞ ﺷﻨﻮ ؟

ﺷﻮﻳﺔ ﻛﺪﺍ ﻭﺣﻤﻮﺩﻱ ﻏﻴﺮ ﻟﻴﻬﻮ ﺍﻟﻤﻮﺿﻮﻉ .. ﻗﺎﻝ ﻟﻴﻬﻮ ﺍﻧﺎ ﻋﻨﺪﻱ ﺑﻠﻲ ﺍﺳﺘﻴﺸﻦ ﺑﺘﻌﺮﻑ ﺗﻠﻌﺐ ؟

ﻗﺎﻝ ﻟﻴﻬﻮ ﺍﻳﻮﺓ ﺑﻌﺮﻑ ﻋﻨﺪﻱ ﻭﺍﺣﺪﺓ ﻓﻲ ﺍﻟﺒﻴﺖ .. ﺍﻣﻲ ﺑﺘﻄﻠﻌﻬﺎ ﻟﻲ ﻓﻲ ﺍﻻﺟﺎﺯﺓ ﺑﺲ .. ﻭﺳﺎﻋﺘﻴﻦ ﻓﻲ ﺍﻟﻴﻮﻡ ﻛﻠﻮ .. ﻭﺍﻟﻠﻪ ﻭﻻ ﻣﺴﺘﻤﺘﻊ ﺑﻴﻬﺎ ..

ﻗﺎﻝ ﻟﻴﻬﻮ ﻃﻴﺐ ﺑﺘﻌﺮﻑ ﻳﺎﺗﻮ ﻗﻴﻢ ﻭﺭﻳﻨﻲ ..

ﻗﺎﻝ ﻟﻴﻬﻮ ﺑﺲ ﺑﺤﺐ ﺍﻟﺪﻭﺭﻱ ﺍﻻﻧﺠﻠﻴﺰﻱ .. ﺍﻟﻤﻬﻢ ﻛﺎﻧﺖ ﺍﻟﻮﻧﺴﺔ ﺍﻟﺒﺎﻗﻴﺔ ﺧﺎﺭﺝ ﺍﻃﺎﺭ ﺍﻟﻤﻮﺿﻮﻉ ﺍﻟﺬﻫﺒﻲ ..

ﺑﻌﺪ ﺷﻮﻳﺔ ﻗﺎﻣﻮ ﺟﺎﺭﻳﻦ ﺍﻻﺗﻨﻴﻦ .. ﻭﺩﺧﻠﻮ ﺟﻮﺓ .. ﻭﺍﻣﺠﺪ ﺍﺻﻼ ﻣﺎﻗﻌﺪ ﻣﻌﺎﻫﻢ .. ﻣﺸﻰ ﻳﻠﻌﺐ ﻣﻊ ﺑﺴﻤﺔ .. ﻭﺑﺴﻤﺔ ﺑﺲ ﻣﺪﺧﻠﺔ ﺍﺻﺒﻌﻬﺎ ﻓﻲ ﺧﺸﻤﻬﺎ ﻭﺗﻌﺎﻳﻦ .. ﻣﺎﺑﺘﺘﻜﻠﻢ ﻧﻬﺎﺋﻲ .. ﻛﻼﻣﻬﺎ ﺷﻮﻳﺔ .. ﻭﻣﻌﺠﻨﺔ ﻭﻣﺪﻟﻌﺔ .. ﻭﺍﻣﺠﺪ ﺧﺎﺗﻲ ﺍﻟﻠﻌﺒﺎﺕ ﻗﺪﺍﻣﻮ ﻳﻘﻮﻝ ﻟﻴﻬﺎ .. ﺩﺍﻳﺮﺓ ﺩﻱ؟ ﻃﻴﺐ ﺩﺍﻳﺮﺓ ﺩﻱ؟

ﻃﻴﺐ ﺍﺟﻴﺐ ﻭﺍﺣﺪﺓ ﺗﺎﻧﻴﺔ ؟ ﻭﻫﻲ ﺑﺲ ﺗﻌﺎﻳﻦ ﻟﻠﻌﺒﺎﺕ ﻭﺳﺎﻛﺘﺔ .. ﻭﺍﻻﻣﺎﺕ ﻫﻨﺎﻙ ﺑﺘﻜﻠﻤﻦ ..

ﻟﺴﻊ ﻓﻲ ﻧﻔﺲ ﺍﻟﻤﻮﺿﻮﻉ ﻻﻛﻮﻫﻮ ﻟﻮﺍﻛﺔ .. ﺑﻌﺪ ﺭﻗﻴﺔ ﻣﺎ ﺍﺳﺘﻠﻤﺖ ﺍﻟﺴﻠﺴﻞ ﺑﺮﺿﻮ ﻣﺎ ﺳﻜﺘﺖ .. ﻗﺎﻟﺖ ﻟﻬﺎ ﻭﺍﻟﻠﻪ ﺍﻧﺎ ﻳﺎ ﺍﻳﻤﺎﻥ ﺍﺻﻼ " ﻣﺎ ﻛﻨﺖ ﺑﺘﻮﻗﻊ ﺍﻧﻮ ﺍﻟﺼﺎﻓﻲ ﻳﻌﻤﻞ ﻛﺪﺍ ..

ﻟﻜﻦ ﺧﻴﺐ ﻇﻨﻲ .. ﻏﺎﻳﺘﻮ ﺍﻟﺤﻤﺪ ﻟﻠﻪ .. ﻛﺘﻴﺮ ﻣﻦ ﺍﻟﻨﺎﺱ ﺑﺨﻮﻧﻮ ﺍﻟﺜﻘﺔ .. ﺍﻟﺼﺎﻓﻲ ﻣﺎ ﺍﻭﻝ ﺯﻭﻝ ﻳﻌﻤﻞ ﻛﺪﺍ ..

ﻭﺍﻳﻤﺎﻥ ﺗﻘﻮﻝ ﻟﻴﻬﺎ ﻋﺎﺩ ﻳﺎﺭﻗﻴﺔ .. ﻣﺎ ﻣﻤﻜﻦ ﺗﻘﺘﻨﻌﻲ ﺑﻲ ﻛﻼﻣﻲ .. ﺍﻋﻤﻞ ﻟﻴﻚ ﺷﻨﻮ؟ ﻣﻊ ﺍﻧﻲ ﻣﺘﺄﻛﺪﺓ ﻣﻦ ﺑﺮﺍﺀﺓ ﻭﻟﺪﻱ .. ﻟﻜﻦ ﺑﺲ ﻧﻘﻮﻝ ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..

ﺍﻟﺼﺎﻓﻲ ﺑﻲ ﻏﺎﺩﻱ ﻣﻊ ﺍﺑﻮﻫﻮ ﻛﻤﻠﻮ ﻛﻼﻣﻬﻢ ..

ﻓﻲ ﺍﻟﻨﻬﺎﻳﺔ ﺍﺑﻮﻫﻮ ﻗﺎﻝ ﻟﻴﻬﻮ .. ﺍﻟﻤﺮﺍﺓ ﺩﻱ ﺍﻧﺎ ﻃﺒﻌﺎ " ﻣﺎﺑﺨﻠﻴﻬﺎ .. ﺍﻻ ﺗﻮﺭﻳﻨﻲ ﺍﺗﻬﻤﺘﻚ ﻟﻴﻪ .. ﻭﺷﺎﻓﺖ ﻋﻠﻴﻚ ﺷﻨﻮ؟

ﻗﺎﻝ ﻟﻴﻬﻮ ﺑﺲ ﻳﺎﻫﻮ ﺩﻳﻞ ﺍﻟﺴﺒﺒﻴﻦ .. ﻣﻌﺘﻘﺪﺓ ﺍﻧﻲ ﺑﻨﺘﻘﻢ ﻓﻴﻬﺎ ﻻﻧﻬﺎ ﻓﺘﺤﺖ ﺩﻭﻻﺑﻲ .. ﻭﺍﻟﺴﺒﺐ ﺍﻟﺘﺎﻧﻲ ﻟﻤﻦ ﺍﻟﺤﺎﺟﺎﺕ ﺍﺗﻔﻘﺪﺕ .. ﺍﻧﺎ ﺍﻟﻮﺣﻴﺪ ﺍﻟﻔﻲ ﺍﻟﺒﻴﺖ .. ﻗﺎﻝ ﻟﻴﻬﻮ ﺩﻩ ﻛﻼﻡ ﻣﺎﻛﺎﻓﻲ ﻳﺎ ﺍﻟﺼﺎﻓﻲ .. ﺍﻧﺎ ﻻﺯﻡ ﺍﻧﺎﺩﻳﻬﺎ ﺍﺗﻜﻠﻢ ﻣﻌﺎﻫﺎ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﺩﻗﻴﻘﺔ ﻳﺎ ﺍﺑﻮﻱ .. ﺧﻠﻴﻨﻲ ﺍﺗﺼﻞ ﻋﻠﻰ ﺧﺎﻟﺪ ﻭﺍﺣﻤﺪ .. ﻋﺸﺎﻥ ﻣﺎﻳﻘﻮﻟﻮ ﺍﻻﻣﻴﻦ ﺟﺎ ﺑﻲ ﻭﺭﺍﻧﺎ .. ﻭﺷﺎﻛﻞ ﺍﻟﺤﺮﻳﻢ ..

ﺍﺑﻮﻫﻮ ﻗﺎﻝ ﻟﻴﻬﻮ ﺻﺎﺡ ﻛﻼﻣﻚ .. ﺍﺗﺼﻞ ﻋﻠﻴﻬﻢ .. ﺍﺻﻼ ﻻﺯﻡ ﻳﺠﻮ ﻳﺴﻤﻌﻮ ﺍﺧﺘﻬﻢ ﺑﺘﻘﻮﻝ ﻓﻲ ﺷﻨﻮ؟

ﺍﻟﺼﺎﻓﻲ ﻣﺴﻚ ﻣﻮﺑﺎﻳﻠﻮ .. ﻭﺍﺗﺼﻞ ﻋﻠﻰ ﺧﺎﻟﺪ ﺍﻭﻝ .. ﺧﺎﻟﺪ ﺍﻧﺖ ﻭﻳﻦ؟ ﻧﺎﺱ ﺍﻟﻮﺍﻟﺪ ﻭﺍﻟﻮﺍﻟﺪﺓ ﻭﺻﻠﻮ .. ﻓﻲ ﺍﻟﺒﻴﺖ .. ﻭﻋﺎﻳﺰﻳﻦ ﻳﺴﻠﻤﻮ ﻋﻠﻴﻚ .. ﻋﻠﻴﻚ ﺍﻟﻠﻪ ﻻﺯﻡ ﺗﺠﻲ .. ﺧﺎﻟﺪ ﻗﺎﻝ ﻟﻴﻬﻮ ﺍﻧﺎ ﺍﺳﺎﺳﺎ ﺟﺎﻱ ﻋﻠﻰ ﺍﻟﺒﻴﺖ .. ﻣﺎﻋﻨﺪﻱ ﺣﺎﺟﺔ .. ﻣﺴﺎﻓﺔ ﺍﻟﺴﻜﺔ ..

ﺍﻟﺼﺎﻓﻲ ﻗﺎﻟﻴﻬﻮ ﺑﺎﻟﺴﻼﻣﺔ ..

,,

ﺍﺗﺼﻞ ﻋﻠﻰ ﺍﺣﻤﺪ .. ﺍﺣﻤﺪ ﺧﺎﻟﻲ .. ﺍﻟﺴﻼﻡ ﻋﻠﻴﻜﻢ ..

ﺍﺣﻤﺪ ﻗﺎﻝ ﻟﻴﻬﻮ ﻋﻠﻴﻜﻢ ﺍﻟﺴﻼﻡ ﺍﻟﺼﺎﻓﻲ ..

ﺍﻟﺼﺎﻓﻲ ﻗﺎﻟﻴﻮ ﻛﻴﻒ ﺍﺻﺒﺤﺖ ﻳﺎﺧﺎﻝ .. ﻭﻧﻬﺎﺭﻙ ﺳﻌﻴﺪ ..

ﺍﺗﺼﻠﺖ ﻋﻠﻴﻚ ﻻﻧﻮ ﻧﺎﺱ ﺍﺑﻮﻱ ﻭﺻﻠﻮ ﺍﻟﺒﻴﺖ ﻫﻨﺎ ﻓﻲ ﺷﻤﺒﺎﺕ .. . ﻭﺩﺍﻳﺮﻳﻦ ﻳﺴﻠﻤﻮ ﻋﻠﻴﻚ ..

ﺍﺣﻤﺪ ﻗﺎﻝ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﻋﺎﻓﻴﺔ ؟

ﻗﺎﻝ ﻟﻴﻬﻮ ﻻﻻ ﺍﻟﺤﻤﺪ ﻟﻠﻪ ﻋﺎﻓﻴﺔ ﺗﺐ .. ﺍﻟﻠﻪ ﻳﺠﺰﻳﻚ ﺧﻴﺮ ﻳﺎﺧﺎﻝ ..

ﻗﺎﻝ ﻟﻴﻬﻮ ﺟﺪﺍ ﻳﺎ ﺍﻟﺼﺎﻓﻲ .. ﺍﻧﺎ ﻫﺴﻲ ﺑﺘﺤﺮﻙ ﻋﻠﻴﻜﻢ ..

ﻓﻲ ﺍﻟﻮﻗﺖ ﺩﻩ ﺭﻗﻴﺔ .. ﺟﺎﺕ ﺗﺴﻠﻢ ﻋﻠﻰ ﺍﻻﻣﻴﻦ .. ﻳﺎﺩﻭﻭﺏ ﻭﺍﻟﺴﺎﻋﺔ 12 ﻭﺷﻮﻳﺔ .. ﺳﻠﻢ ﻋﻠﻴﻬﺎ ﺑﻲ ﻧﻔﺲ ﻣﺮﻳﻀﺔ ﻭﺑﻌﺎﻳﻦ ﻟﻴﻬﺎ ﻋﺸﺮﺓ ﻋﺸﺮﺓ ..ﻭﻟﺴﻪ ﺍﻟﻔﻄﻮﺭ ﻣﺎﺟﻬﺰ .. ﺑﻌﺪ ﻋﺸﺮﺓ ﺩﻗﺎﻳﻖ ﺟﺎ ﺧﺎﻟﺪ .. ﻭﺳﻠﻢ ﻋﻠﻰ ﺍﻻﻣﻴﻦ .. ﻭﺩﺧﻞ ﺟﻮﺓ ﺳﻠﻢ ﻋﻠﻰ ﺍﻳﻤﺎﻥ .. ﻭﺟﺎﺏ ﺍﻟﻔﻄﻮﺭ ﻭﺟﺎ ..

ﻭﻗﻌﺪﻭ ﻳﻔﻄﺮﻭ ﻓﻲ ﺻﻤﺖ ﻏﺮﻳﺐ .. ﺧﺎﻟﺪ ﺣﺎﺳﻲ ﺑﺎﻧﻮ ﺍﻟﻮﺿﻊ ﻣﺎﻃﺒﻴﻌﻲ ..

ﻭﺑﻌﺎﻳﻦ ﻟﻼﻣﻴﻦ ﺑﻲ ﻃﺮﻑ ﻋﻴﻨﻮ .. ﻭﺍﻻﻣﻴﻦ ﺷﻜﻠﻮ ﻣﺘﻀﺎﻳﻖ .. ﻭﺍﻟﺼﺎﻓﻲ ﻋﺎﺩﻱ ﺑﻴﺎﻛﻞ .. ﻭﻛﻞ ﻣﺮﺓ ﻳﻌﺎﻳﻦ ﻟﻲ ﺧﺎﻟﺪ ﻭﻳﺎﺧﺪ ﻟﻲ ﺍﺑﺘﺴﺎﻣﺔ ..

ﺧﺎﻟﺪ ﻏﻤﺰ ﻟﻲ ﺍﻟﺼﺎﻓﻲ .. ﻭﺍﺷﺮ ﺑﻲ ﻋﻴﻮﻧﻮ ﻋﻠﻰ ﺍﻻﻣﻴﻦ .. ﻳﻌﻨﻲ ﺍﺑﻮﻙ ﺩﻩ ﻣﺎﻟﻮ؟

ﻗﺒﻞ ﻣﺎﻳﺘﺼﺮﻑ ﺍﻟﺼﺎﻓﻲ .. ﻭﻳﻮﺻﻞ ﻣﻌﻠﻮﻣﺔ ﺑﻲ ﻋﻴﻮﻧﻮ ﻟﻲ ﺧﺎﻟﺪ .. ﺍﻻﻣﻴﻦ ﺑﺪﺍ ﻳﺘﻜﻠﻢ .. ﻗﺎﻝ ﻟﻴﻬﻮ ﺍﻧﺖ ﻳﺎ ﺧﺎﻟﺪ ﻣﺎﻋﻨﺪﻙ ﺍﻱ ﺧﺒﺮ ﺑﺎﻟﺤﺎﺻﻞ ﺩﻩ؟ ﺍﻧﺖ ﻣﻮﺵ ﻗﺎﻋﺪ ﻓﻲ ﺍﻟﺒﻴﺖ ﻣﻊ ﺍﻟﺼﺎﻓﻲ ؟

ﺧﺎﻟﺪ ﻗﺎﻝ ﻟﻴﻬﻮ ﻓﻲ ﺷﻨﻮ؟ ﻣﺎﻋﺎﺭﻑ ﺣﺎﺟﺔ ﻭﺍﻟﻠﻪ .. ﻓﻲ ﺷﻨﻮ ﻳﺎ ﺍﻟﺼﺎﻓﻲ؟ ..

ﺍﻻﻣﻴﻦ ﻗﺎﻝ ﻟﻴﻬﻮ ﻳﺎ ﺍﻟﺼﺎﻓﻲ ﺍﻧﺖ ﻣﺎﻛﻠﻤﺖ ﺧﺎﻟﺪ؟

ﺍﻟﺼﺎﻓﻲ ﻗﺎﻝ ﻟﻴﻬﻮ . ﻭﺍﻟﻠﻪ ﻣﺎﻛﻠﻤﺘﻮ ﻳﺎ ﺍﺑﻮﻱ .. ﻣﺎﻛﻨﺖ ﻋﺎﻳﺰ ﺍﺿﺨﻢ ﺍﻟﻤﺸﻜﻠﺔ .. ﻗﻠﺖ ﻳﻤﻜﻦ ﺍﻟﻤﺸﻜﻠﺔ ﺗﺘﺤﻼ ﻭﺍﻟﺒﺘﺎﻉ ﺩﻱ ﻳﺘﻠﻘﻲ .. ﻣﺎﻓﻲ ﺩﺍﻋﻲ ﺍﻭﺳﻊ ﺩﺍﻳﺮﺓ ﺍﻟﻤﺸﻜﻠﺔ .. ﻭﻛﻨﺖ ﻣﺘﻮﻗﻊ ﺭﻗﻴﺔ ﺗﻜﻠﻤﻮ ..

ﺧﺎﻟﺪ ﻗﺎﻝ ﻟﻴﻬﻢ ﻳﺎﺟﻤﺎﻋﺔ ﻓﻲ ﺷﻨﻮ؟ .. ﻓﻬﻤﻮﻧﻲ ﺣﺎﺟﺔ .. ﺍﻟﺼﺎﻓﻲ ﻓﻲ ﺷﻨﻮ؟

ﺍﻻﻣﻴﻦ ﺍﺳﺘﻠﻢ ﺍﻟﺘﻘﺮﻳﺮ .. ﻗﺎﻝ ﻟﻴﻬﻮ ﺭﻗﻴﺔ ﺍﺧﺘﻚ ﻳﺎ ﺍﺳﺘﺎﺫ ﻋﻨﺪﻫﺎ ﺩﻫﺐ ﺭﺍﻳﺢ .. ﻭﻣﺘﻬﻤﺔ ﺍﻟﺼﺎﻓﻲ ﻳﻜﻮﻥ ﺳﺮﻗﻮ .. ﻭﻓﺘﺤﺖ ﻓﻴﻬﻮ ﺑﻼﻍ ﻓﻲ ﺍﻟﺸﺮﻃﺔ .. ﻭﺿﺮﺑﺖ ﻟﻴﻨﺎ ﺗﻠﻔﻮﻥ ﻓﻲ ﻋﻄﺒﺮﺓ .. ﻋﺸﺎﻥ ﻧﺠﻲ .. ﺩﻩ ﻛﻠﻮ ﺍﻧﺖ ﻣﺎﻋﺎﺭﻓﻮ؟

ﻗﺎﻝ ﻟﻴﻬﻮ ﺍﺑﺪﺍ " ﻣﺎﻋﺎﺭﻓﻮ .. ﺍﻟﺼﺎﻓﻲ ﻟﻴﻪ ﻣﺎﻗﻠﺖ ﻟﻲ؟؟ ..

ﺍﻛﻴﺪ ﺍﻟﻤﺮﺍﺓ ﺩﻱ ﻣﺨﻬﺎ ﻣﺎ ﺻﺎﺣﻲ .. ﻛﻴﻒ ﻳﻌﻨﻲ ﺍﻟﺼﺎﻓﻲ ﻳﺴﺮﻕ ﺩﻫﺐ ﺧﺎﻟﺘﻮ؟؟ .. ﻫﻲ ﻛﻞ ﺍﻟﻔﺘﺮﺓ ﺩﻱ ﻣﺎﻋﺮﻓﺖ ﺍﻟﺼﺎﻓﻲ ﺷﻨﻮ؟

ﺍﻟﺼﺎﻓﻲ ﻗﺎﻝ ﻟﻴﻬﻮ ﺍﻟﻜﻼﻡ ﺩﻩ ﻛﺎﻥ ﺍﻣﺲ .. ﻭﺍﻟﺒﻴﺖ ﻛﺎﻥ ﻓﺎﺿﻲ ﺑﻌﺪ ﺍﻧﺖ ﻃﻠﻌﺖ .. ﻭﺍﻟﻈﺎﻫﺮ ﺍﻻﻭﻻﺩ ﻣﺸﻮ ﺍﻟﺠﻴﺮﺍﻥ ﺑﺮﺿﻮ .. ﻭﻫﻲ ﻟﻤﻦ ﺟﺎﺕ ﻟﻘﺘﻨﻲ ﺑﺮﺍﻱ .. ﻭﻛﺎﻥ ﻓﻲ ﻣﻮﺿﻮﻉ ﻗﺒﻞ ﻳﻮﻡ .. ﻭﺣﻜﺎ ﻟﻴﻬﻮ ﻗﺼﺔ ﺍﻟﻮﺭﻕ ﻭﻗﺎﻝ ﻟﻴﻬﻮ ﻳﻌﻨﻲ ﺧﺎﻟﺘﻲ ﺧﺎﺗﺔ ﻓﻲ ﺭﺍﺳﻪ ﺍﻧﻮ ﺍﻧﺎ ﻻﺯﻡ ﺍﺗﺴﺪﺍ ﺍﻟﺤﻜﺎﻳﺔ ﺩﻱ ﻳﻌﻨﻲ ﺑﺎﺧﺘﺼﺎﺭ ﻳﺎ ﺧﺎﻟﺪ ﺍﻟﺘﻬﻤﺔ ﻛﺎﻧﺖ ﺑﻲ ﺳﺒﺒﻬﺎ .. ﺍﻧﺎ ﺑﻘﻮﻝ ﻫﻲ ﻣﻌﺬﻭﺭﺓ ﻓﻲ ﺍﻟﻮﻗﺖ ﺍﻟﺮﺍﻫﻦ .. ﻭﻓﻲ ﺍﻟﻨﻬﺎﻳﺔ ﺩﻱ ﺣﺮﻣﺔ .. ﺍﻧﺖ ﺍﺻﺒﺮ ﻟﻤﻦ ﺗﺴﻤﻊ ﻭﺟﺔ ﻧﻈﺮﻫﺎ ..

ﺧﺎﻟﺪ ﻗﺎﻝ ﻟﻴﻬﻮ ﻭﺟﻬﺔ ﻧﻈﺮﻫﺎ ﺷﻨﻮ ﻳﺎ ﺍﻟﺼﺎﻓﻲ؟؟ ﺍﻧﺖ ﻣﺴﻜﻨﺘﻚ ﺩﻱ ﻣﺎﺑﺘﺨﻠﻴﻬﺎ؟؟ .. ﻣﺎﺗﺨﻠﻲ ﺍﻟﺤﺮﻳﻢ ﻳﻄﻠﻌﻦ ﻟﻴﻚ ﻓﻲ ﺭﺍﺳﻚ ..

ﺍﻻﻣﻴﻦ ﺯﻋﻞ ﻣﻦ ﻛﻼﻡ ﺍﻟﺼﺎﻓﻲ .. ﻻﻧﻮ ﻗﺎﻝ ﻫﻲ ﻣﻌﺬﻭﺭﺓ .. ﻭﻋﺎﻳﻦ ﻟﻠﺼﺎﻓﻲ ﻣﻌﺎﻳﻨﺔ ﻛﺪﺍ ﺑﺘﺎﻋﺔ ﻏﻴﻆ ..

ﻭﺍﻟﺼﺎﻓﻲ ﻳﺎﻛﻞ ﺳﺎﻱ .. ﻭﺩﻳﻚ ﺍﻻﺗﻨﻴﻦ ﻣﺘﻮﺗﺮﻳﻦ ﻭﻣﻨﻔﻌﻠﻴﻦ .. ﺍﻟﺼﺎﻓﻲ ﺑﺎﻟﻠﻪ ﺍﻟﺘﻘﻮﻝ ﺍﻟﻜﻼﻡ ﻣﺎﺑﻬﻤﻮ ﻭﻻﺑﺨﺼﻮ .. ﻏﺎﻳﺘﻮ ﺍﻟﺰﻭﻝ ﺩﻩ ﻋﻨﺪﻭ ﺟﻨﺲ ﺑﺮﻭﺩ ﻏﺮﻳﺐ ..

ﺧﺎﻟﺪ ﻗﺎﻝ ﻟﻴﻬﻮ ﻭﺍﻧﺖ ﻳﺎ ﺍﻟﺼﺎﻓﻲ ﻣﺘﻬﻤﻨﻚ ﺑﺎﺗﻬﺎﻡ ﺯﻱ ﺩﻩ .. ﻟﻐﺎﻳﺔ ﻣﺎ ﺍﻫﻠﻚ ﻳﺠﻮ .. ﻭﻗﺎﻋﺪ ﻋﺎﺩﻱ ﻭﻻ ﻫﻤﺎﻙ؟؟

ﺍﻟﺼﺎﻓﻲ ﻗﺎﻝ ﻟﻴﻬﻮ ﻳﻌﻨﻲ ﺍﻋﻤﻞ ﻟﺸﻨﻮ؟؟ ﺍﻣﺸﻲ ﺍﺿﺎﺭﺏ ﺧﺎﻟﺘﻲ؟؟ ﻭﻻ ﺍﻋﻤﻞ ﺷﻨﻮ؟؟ ﻗﺪﺭ ﻣﺎ ﺣﻠﻔﺖ ﻟﻴﻬﺎ .. ﻭﺍﺗﺠﺮﻣﺖ ﻣﺎﺻﺪﻗﺘﻨﻲ ...

ﻗﺎﻟﺖ ﻟﻲ ﺑﺘﺨﺬ ﺍﻻﺟﺮﺍﺀﺍﺕ ﺍﻟﻘﺎﻧﻮﻧﻴﺔ ﻗﻠﺖ ﻟﻴﻬﺎ ﻋﻠﻰ ﻛﻴﻔﻚ .. ﺗﺎﻧﻲ ﻣﺎﻓﻲ ﺣﺎﺟﺔ ﻓﻲ ﻳﺪﻱ ﺍﻋﻤﻼ .. ﺣﺘﻰ ﻭﻻ ﻛﻠﻤﺘﻚ ﺍﻧﺖ ﺍﻟﻤﻔﺮﻭﺽ ﺗﻜﻠﻤﻚ ﻫﻲ ﺻﺎﺣﺒﺔ ﺍﻟﺘﻬﻤﺔ ﻭﺩﻫﺒﻬﺎ ﺿﺎﻳﻊ .. ﺍﻧﺎ ﺑﺎﻟﻤﻨﺎﺳﺒﺔ ﺍﺗﻬﺎﻣﻬﺎ ﺩﻩ ﻣﺎ ﻣﺆﺛﺮ ﻣﻌﺎﻱ ﺑﻲ ﺷﻲ ..

ﻣﻮﺵ ﺑﻘﻮﻟﻮ ﺍﻟﻌﺎﺭﻑ ﻋﺰﻭ ﻣﺴﺘﺮﻳﺢ؟ ﺍﻧﺎ ﻣﺴﺘﺮﻳﺢ ﻭﻣﻜﻤﻞ ﺍﻻﺳﺘﺮﺍﺣﺔ .. ﻗﻠﺖ ﺍﻟﻢ ﺣﺎﺟﺎﺗﻲ ﻭﺍﻃﻠﻊ ﻣﻦ ﺍﻟﺒﻴﺖ ﺍﺗﺬﻛﺮﺕ ﺍﻧﻮ ﺍﺑﻮﻱ ﻣﺎﻧﻌﻨﻲ ﻣﻦ ﺍﻟﺮﺣﻮﻝ ﺍﻻ ﺑﺎﺫﻧﻪ .. ﻛﻨﺖ ﻣﻔﻜﺮ ﺍﺗﺼﻞ ﺍﺳﺘﺎﺫﻥ ﻣﻨﻮ ﻓﻲ ﺍﻟﺮﺣﻮﻝ ﺍﺗﻔﺎﺟﺄﺕ ﺍﻧﻬﻢ ﻓﻲ ﺍﻟﺸﺎﺭﻉ ﺟﺎﻳﻴﻦ ..

ﺧﺎﻟﺪ ﻗﺎﻝ ﻟﻴﻬﻮ ﻃﻴﺐ ﻃﻴﺐ ﺍﻧﺖ ﻛﻴﻒ ﺗﻘﻮﻝ ﺭﻗﻴﻪ ﻣﻌﺬﻭﺭﺓ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﻃﻴﺐ ﻟﻮ ﺍﻧﺖ ﺧﻠﻴﺖ ﺯﻭﻝ ﻓﻲ ﺑﻴﺘﻚ .. ﻭﺍﻟﺰﻭﻝ ﺍﻟﻮﺣﻴﺪ ﺍﻟﻐﺮﻳﺐ .. ﻭﻃﻠﻌﺖ ﻭﺟﻴﺖ ﻟﻘﻴﺘﻮ ﻗﺎﻋﺪ ﻓﻲ ﺍﻟﺒﻴﺖ ﺑﺮﺍﻫﻮ .. ﻭﻋﻨﺪﻙ ﺣﺎﺟﺔ ﻣﻔﻘﻮﺩﺓ .. ﺑﺘﺘﻬﻤﻮ ﻭﻻﻻ؟ .. ﺑﻐﺾ ﺍﻟﻨﻈﺮ ﻋﻦ ﺍﻧﻮ ﻫﻮ ﻣﻨﻮ ؟ ﺍﻟﻤﻬﻢ ﻳﺎﺟﻤﺎﻋﺔ ﺍﻧﺎ ﻣﺎﻏﻠﻄﺎﻥ ﻓﻲ ﺣﺎﺟﺔ .. ﻭﻣﺎﻓﻲ ﺣﺎﺟﺔ ﺑﺘﺨﻠﻴﻨﻲ ﺍﺣﺲ ﺑﺎﺣﺴﺎﺱ ﺳﻠﺒﻲ ﺍﺑﺪﺍ " ..

ﺑﺪﻝ ﻣﺎ ﺗﺘﻜﻠﻤﻮ ﻣﻌﺎﻱ ﺍﻧﺎ ﻫﺪﻳﻚ ﺭﻗﻴﺔ ﺍﻣﺸﻮ ﺍﺗﻜﻠﻤﻮ ﻣﻌﺎﻫﺎ ..

ﺍﻫﺎ ﺣﺼﺔ ﺍﻟﻔﻄﻮﺭ ﺍﻟﻤﺘﺄﺧﺮ ﺩﻱ ﺍﻧﺘﻬﺖ .. ﻭﺧﺎﻟﺪ ﺷﺎﻝ ﺍﻟﺼﻴﻨﻴﺔ .. ﻭﺩﺧﻞ ﺑﻴﻬﺎ ﺟﻮﺓ .. ﻭﻃﻮﺍﻟﻲ ﺑﺪﺍ ﻳﻬﺎﺟﻢ ﻓﻲ ﺭﻗﻴﺔ .. ﺍﻧﺘﻲ ﻭﺍﺣﺪﺓ ﻣﺨﻚ ﺩﻩ ﻣﺮﻛﺐ ﺑﺎﻟﻘﻠﺒﺔ .. ﻛﻴﻒ ﻳﻌﻨﻲ ﺗﺘﻬﻤﻲ ﺍﻟﺼﺎﻓﻲ ﺑﻲ ﺩﻫﺒﻚ؟؟ .. ﺩﻫﺐ ﺷﻨﻮ ﺍﻟﺒﺸﻴﻠﻮ ﺍﻟﺼﺎﻓﻲ؟؟ ﺍﻧﺘﻲ ﻫﺒﻠﺔ ﻭﻻﺷﻨﻮ؟؟ ..ﺍﻣﺸﻲ ﻗﻠﺒﻲ ﺍﻟﺪﻭﻻﺏ ﺑﺘﺎﻋﻚ ﻛﻮﻳﺲ .. ﻭﻻ ﺍﺗﺬﻛﺮﻱ ﺧﺘﻴﺘﻴﻬﻮ ﻭﻳﻦ؟ .. ﻗﺒﻞ ﻣﺎﺗﺘﻬﻤﻲ ﺍﻟﺰﻭﻝ ﺳﺎﻱ .. ﻗﺎﻟﺖ ﻟﻴﻬﻮ ﻫﻮﻱ ﻳﺎﻫﻮﻱ .. ﻣﺎﺗﻨﺴﻰ ﺍﻧﻮ ﺍﻧﺎ ﺍﺧﺘﻚ ﺍﻟﻜﺒﻴﺮﺓ .. ﺑﻌﺪﻳﻦ ﻳﺎ ﺍﺳﺘﺎﺫ ﺍﻧﺎ ﻓﺘﺸﺖ .. ﻣﺎﺧﻠﻴﺖ ﺣﺎﺟﺔ ﻓﻲ ﺍﻟﺒﻴﺖ ﺩﻩ .. ﺍﻟﺪﻫﺐ ﺩﻩ ﺍﺗﺴﺮﻕ .. ﻭﺍﻧﺎ ﺑﺤﻠﻒ ﻣﺎﻓﻲ ﺯﻭﻝ ﻏﺮﻳﺐ ﺩﺧﻞ ﺑﻴﺘﻲ ..

ﻗﺎﻝ ﻟﻴﻬﺎ ﺍﻳﻤﻜﻦ ﺷﻔﻌﻚ ﺩﻳﻞ ﺷﺎﻟﻮﻫﻮ ﺟﺪﻋﻮﻫﻮ ﻓﻲ ﺣﺘﺔ .. ﻗﺎﻟﺖ ﻟﻴﻬﻮ ﻣﺴﺘﺤﻴﻞ .. ﺍﻧﺎ ﺍﻭﻻﺩﻱ ﺍﺻﻼ ﻣﺎﺑﻘﺮﺑﻮ ﻣﻦ ﺩﻭﻻﺑﻲ .. ﻭﻋﺸﺎﻥ ﺍﺭﻳﺤﻚ .. ﺍﻧﺎ ﺳﺄﻟﺖ ﺣﻤﻮﺩﻱ .. ﻭﺣﻠﻒ ﻟﻲ .. ﺍﻧﺖ ﻋﺎﺭﻑ ﺣﻤﻮﺩﻱ ﻣﺎﺑﻜﺬﺏ ..

ﻗﺎﻝ ﻟﻴﻬﺎ ﻟﻮ ﻓﺮﺿﻨﺎ .. ﺍﻧﺘﻲ ﺍﻟﻤﻔﺮﻭﺽ ﻣﺎﺗﺘﻬﻤﻲ ﺯﻭﻝ ﺑﺪﻭﻥ ﺩﻟﻴﻞ ..

ﻗﺎﻟﺖ ﻟﻴﻬﻮ ﻳﺎﺧﻮﻱ .. ﻣﺎﺗﺘﻨﻮﻓﺶ ﻓﻮﻗﻲ ﺍﻧﺎ ﻫﺴﻲ ﺑﻀﺮﺏ ﻟﻲ ﺍﺣﻤﺪ .. ﺍﺧﻮﻱ .. ﻳﺠﻲ ﻳﻮﻗﻔﻚ ﻓﻲ ﺣﺪﻙ .. ﻣﺎﺩﺍﻡ ﺍﻧﺖ ﻭﺍﻗﻒ ﻣﻌﺎﻫﻢ ﺿﺪﻱ ..

ﻗﺎﻝ ﻟﻴﻬﺎ ﺍﺭﺗﺎﺣﻲ ﺍﺣﻤﺪ ﺿﺮﺑﻮ ﻟﻴﻬﻮ ﻭﺟﺎﻱ ﻓﻲ ﺍﻟﺴﻜﺔ ﺷﻴﻠﻲ ﺷﻴﻠﺘﻚ ﻣﻌﺎﻫﻮ ..

ﻭﺍﻟﻠﻪ ﺩﺍﻙ ﺍﻧﺘﻲ ﻋﺎﺭﻓﺎﻫﻮ ﻣﺎﺑﺘﻔﺎﻫﻢ ﻃﻮﺍﻟﻲ ﺑﻘﻊ ﻓﻴﻚ ﺧﺒﻂ ﺑﺎﻟﺒﺎﺳﻄﻮﻧﺔ ..

ﻗﺎﻟﺖ ﻟﻴﻬﻮ ﻟﻴﻪ ﻳﺎﺧﻮﻱ ﺍﻧﺎ ﺳﻮﻳﺖ ﺷﻨﻮ؟

ﻗﺎﻟﻴﻬﺎ ﻛﻤﺎﻥ ﺑﺘﻔﺘﺤﻲ ﺑﻼﻍ؟

ﻗﺎﻟﺖ ﻟﻴﻬﻮ ﻟﻮ ﺳﻤﺤﺖ ﺷﻴﻞ ﺍﻟﺸﺎﻱ ﻭﺍﻣﺸﻲ .. ﺧﻠﻲ ﻟﻤﻦ ﻳﺠﻲ ﺍﺣﻤﺪ ..

ﺍﻳﻤﺎﻥ ﺟﻮﺓ .. ﺳﻤﻌﺖ ﺟﺰﺀ ﻣﻦ ﻧﻘﺎﺵ ﺧﺎﻟﺪ ﻣﻊ ﺭﻗﻴﺔ ..

ﺟﺎﺗﻬﺎ ﻃﺎﻟﻌﺔ .. ﻗﺎﻟﺖ ﻟﻴﻬﺎ ﻣﺎﻟﻜﻢ ﺻﻮﺗﻜﻢ ﻣﺮﺗﻔﻊ ﻳﺎﺭﻗﻴﺔ ؟؟ .. ﻗﺎﻟﺖ ﻟﻴﻬﺎ ﺍﺧﻮﻱ ﻳﺎ ﺍﻳﻤﺎﻥ ﻭﺍﻗﻒ ﻣﻊ ﻭﻟﺪﻙ ﺿﺪﻱ .. ﺩﻱ ﻣﻮﺵ ﺍﺧﺮ ﺯﻣﻦ؟

ﺍﻳﻤﺎﻥ ﻗﺎﻟﺖ ﻟﻴﻬﺎ ﻭﻟﺪﻱ ﻳﺎ ﺭﻗﻴﺔ .. ﻳﺎﻫﻮ ﻭﻟﺪﻙ .. ﻭﺍﺧﻮﻙ ﻳﺎﻫﻮ ﺧﺎﻟﻮ .. ﻧﺤﻦ ﻣﺎﻧﺎﺱ ﻏﺮﺑﺎ ﻳﺎﺭﻗﻴﺔ .. ﻧﺤﻦ ﻟﺤﻢ ﻭﺩﻡ ..

ﺍﻧﺎ ﻟﻮ ﺑﻘﻴﺘﻲ ﺍﻧﺘﻲ ﻏﺮﻳﺒﺔ .. ﻣﺎﻛﺎﻥ ﺍﺩﻳﺘﻚ ﺳﻠﺴﻠﻲ ﺍﻟﺪﺍﺧﺮﺍﻫﻮ ﻟﻲ ﺣﻴﺎﺗﻲ ..

ﻋﺎﺟﺒﻨﻲ ﺍﻛﺘﺮ ﻣﻦ ﻋﻴﻮﻧﻲ .. ﺍﺩﻳﺘﻚ ﻟﻴﻬﻮ ﻣﻮﺵ ﻻﻧﻚ ﺍﺗﻬﻤﺘﻲ ﺍﻟﺼﺎﻓﻲ .. ﺍﻧﺎ ﻣﻤﻜﻦ ﺍﺻﻞ ﻣﻌﺎﻙ ﺍﻟﻘﺎﻧﻮﻥ .. ﻟﻜﻦ ﺍﻧﺘﻲ ﺑﺖ ﺧﺎﻟﺘﻲ .. ﻭﺍﻟﺼﺎﻓﻲ ﺑﻘﻮﻝ ﻟﻴﻚ ﻳﺎﺧﺎﻟﺘﻲ .. ﺍﻟﻨﺎﺱ ﻳﻘﻮﻟﻮ ﻓﻴﻨﺎ ﺷﻨﻮ؟ ﻟﻮ ﻭﻗﻔﻨﺎ ﻓﻲ ﺍﻟﻤﺤﺎﻛﻢ ..

ﻭﻻﻧﻚ ﺍﻧﺘﻲ ﺯﻱ ﺍﺧﺘﻲ ﺑﺖ ﺍﻣﻲ .. ﺍﻟﺴﻠﺴﻞ ﻣﺎﻛﺘﻴﺮ ﻋﻠﻴﻚ .. ﻣﻤﻜﻦ ﺍﺩﻳﻚ ﻟﻴﻬﻮ ﺳﺎﻱ ..

ﺍﻧﺘﻮ ﺍﻓﻀﺎﻟﻜﻢ ﻋﻠﻲ ﻛﺘﻴﺮﺓ .. ﻗﺒﺎﻝ ﻛﺪﻱ ﺟﻴﺘﻜﻢ ﻋﻴﺎﻧﺔ ﺑﻴﻦ ﺍﻟﻤﻮﺕ ﻭﺍﻟﺤﻴﺎﺓ .. ﺍﻣﻚ ﺍﻟﻠﻪ ﻳﺮﺣﻤﻬﺎ ﺷﺎﻟﺘﻨﻲ ﻓﻮﻕ ﻛﻔﻮﻑ ﺍﻟﺮﺍﺣﺔ .. ﻻﻣﻦ ﺍﺗﻌﺎﻟﺠﺖ ﻭﺭﺟﻌﺖ ﺍﻫﻠﻲ ..

ﺍﻧﺎ ﻣﺎﺑﻨﺴﻰ ﺟﻤﻴﻠﻜﻢ .. ﻭﺍﻫﻮﺩﺍ ﻫﺴﻲ ﺍﻧﺘﻮ ﻣﻘﻌﺪﻳﻦ ﺍﻟﺼﺎﻓﻲ ﻣﻌﺎﻛﻢ ﻓﻲ ﺍﻟﺒﻴﺖ ﺳﻨﺘﻴﻦ ﻭﻧﺺ .. ﻣﺎﺣﺼﻞ ﻳﻮﻡ ﺷﻜﻰ ﻣﻨﻜﻢ ﻭﺍﻟﻠﻪ ..

ﺍﻧﺘﻲ ﻗﺎﻳﻼﻧﻲ ﺍﻧﺎ ﻧﺎﻛﺮﺓ ﺟﻤﻴﻠﻜﻢ .. ﺑﺲ ﻛﻞ ﺍﻟﺪﺍﻳﺮﺍﻫﻮ ﻣﻨﻚ .. ﺍﻧﺴﻰ ﻣﻮﺿﻮﻉ ﺍﻟﺪﻫﺐ ﺍﻟﺮﺍﺡ ﺩﻩ .. ﻭﻃﻴﺒﻲ ﺧﺎﻃﺮ ﺍﻟﺼﺎﻓﻲ ﺑﻲ ﻛﻠﻤﺘﻴﻦ .. ﻭﺍﻟﺴﻠﺴﻞ ﺍﻟﻠﻘﻴﺘﻴﻬﻮ ﺩﻩ .. ﻭﺍﻟﻠﻪ ﺗﺴﺘﺎﻫﻠﻴﻬﻮ ...

ﺭﻗﻴﺔ ﻗﺎﻟﺖ ﻟﻴﻬﺎ ﻣﺎﻓﻲ ﻣﺸﻜﻠﺔ ﻳﺎ ﺍﻳﻤﺎﻥ .. ﺧﻼﺹ ﺳﻜﺘﻨﺎ ﺍﻟﻠﻪ ﻳﺼﺒﺮﻧﻲ ..

ﺑﻌﺪ ﺷﻮﻳﺔ ﺍﺣﻤﺪ ﺟﺎ ﻭﻗﻒ ﻋﺮﺑﻴﺘﻮ ﺑﺮﺓ .. ﻭﺩﺧﻞ ﺳﻠﻢ ﻋﻠﻰ ﺍﻟﺠﻤﺎﻋﺔ .. ﻭﺩﺧﻞ ﺳﻠﻢ ﻋﻠﻲ ﺍﻳﻤﺎﻥ .. ﻭﺟﺎ ﺭﺍﺟﻊ ﺍﻟﺼﺎﻟﻮﻥ .. ﻭﻗﺒﻞ ﻣﺎﻳﺠﺮ ﻧﻔﺴﻮ ..

ﺍﻻﻣﻴﻦ ﻗﺎﻝ ﻟﻴﻬﻮ ﺍﺳﻤﻊ ﻳﺎ ﺍﺣﻤﺪ .. ﻧﺤﻦ ﻣﺎﻗﺎﻋﺪﻳﻦ .. ﻧﺤﻦ ﻣﻨﺘﻈﺮﻧﻚ ﺑﺲ ..

ﻋﻨﺪﻧﺎ ﻣﺸﻜﻠﺔ ﻭﺍﻟﻠﻪ ﺟﺎﺑﺘﻨﺎ ﻣﻦ ﻋﻄﺒﺮﺓ ..

ﻗﺎﻝ ﻟﻴﻬﻮ ﻣﺸﻜﻠﺔ ﺷﻨﻮ؟ﻗﺎﻝ ﻟﻴﻬﻮ ﺣﺎﺻﻞ ﻛﻴﺖ ﻛﻴﺖ .. ﻳﺎﺯﻭﻝ ﺍﺣﻤﺪ ﺩﻩ ﺯﻋﻞ ﺯﻋﻞ .. ﻭﻛﻮﺭﻙ ﻟﻲ ﺭﻗﻴﺔ ﻟﺒﺴﺖ ﺗﻮﺑﻬﺎ ﻭﺟﺎﺕ .. ﻭﺍﻳﻤﺎﻥ ﻟﺒﺴﺖ ﺗﻮﺑﻬﺎ ﻭﺟﺎﺕ .. ﺑﻬﻴﺔ ﻣﺎﺟﺎﺕ ﻟﻜﻦ ﺑﺘﺴﻤﻊ ﺍﻟﻜﻼﻡ ﻣﻦ ﻭﺭﺍﺀ ﺍﻟﻜﻮﺍﻟﻴﺲ ..

ﺍﻗﻌﺪﻱ ﻫﻨﺎ ﻳﺎﺭﻗﻴﺔ .. ﺷﻨﻮ ﺍﻟﺤﺎﺻﻞ؟ .. ﺭﻗﻴﺔ ﺑﻘﺖ ﺗﺤﻜﻲ ﻓﻲ ﻧﻔﺲ ﺍﻛﺎﺫﻳﺒﻬﺎ ﻭﺍﺗﻬﺎﻣﺎﺗﻬﺎ .. ﻭﺍﻟﺼﺎﻓﻲ ﺳﺎﻛﺖ ..

ﻗﺎﻡ ﺍﺣﻤﺪ ﻗﺎﻝ ﻟﻠﺼﺎﻓﻲ .. ﺍﻧﺎ ﻋﺎﻳﺰ ﺍﺳﺄﻟﻚ ﺳﺆﺍﻝ ﻳﺎ ﺍﻟﺼﺎﻓﻲ .. ﺍﻧﺖ ﻭﻛﺖ ﻗﺎﻋﺪ ﻫﻨﺎ ﺑﺮﺍﻙ .. ﻣﺎﺷﻔﺖ ﺯﻭﻝ ﺟﺎ ﺩﺍﺧﻞ ﻋﻠﻰ ﺍﻟﺒﻴﺖ ؟؟

ﻗﺎﻝ ﻟﻴﻬﻮ ﺍﺑﺪﺍ ﻭﺍﻟﻠﻪ ..

ﺍﺣﻤﺪ ﻗﺎﻝ ﻟﻴﻬﻮ .. ﻭﺍﻟﻠﻪ ﺩﻱ ﻣﺸﻜﻠﺔ ﻛﺒﻴﺮﺓ .. ﻟﻜﻦ ﻳﺎﺭﻗﻴﺔ ﺑﺤﻜﻢ ﻣﻌﺮﻓﺘﻚ ﻟﻠﺼﺎﻓﻲ .. ﻣﺎ ﻣﻔﺮﻭﺽ ﺗﺘﻬﻤﻴﻬﻮ ..

ﺍﻻﻣﻴﻦ ﻗﺎﻝ ﻟﻴﻬﻮ ﻭﺍﻟﻤﺎﺣﻜﻴﻨﺎﻫﻮ ﻟﻴﻚ .. ﺍﻧﻬﺎ ﻣﺸﺖ ﻓﺘﺤﺖ ﻓﻴﻬﻮ ﺑﻼﻍ ..

ﻳﺎﺯﻭﻝ ﺍﺣﻤﺪ ﺩﻩ ﺍﺗﻨﻔﺾ .. ﻭﻗﺎﻡ ﺩﺍﻳﺮ ﻳﻀﺮﺏ ﺭﻗﻴﺔ .. ﺍﻻﻣﻴﻦ ﺛﺒﺘﻮ ﻗﺎﻝ ﻟﻴﻬﻮ .. ﻧﺤﻦ ﻣﺎ ﺡ ﻧﺴﻔﻴﺪ ﻣﻦ ﺿﺮﺑﻬﺎ ﺷﻲ .. ﺑﺲ ﻧﺤﻦ ﺩﺍﻳﺮﻳﻦ ﻧﺜﺒﺖ ﺑﺮﺍﺀﺓ ﺍﻟﺼﺎﻓﻲ .. ﺭﻗﻴﺔ ﻗﺎﻟﺖ ﻟﻼﻣﻴﻦ ﺗﺜﺒﺘﻬﺎ ﻛﻴﻒ؟؟ ﻗﻮﻝ ﻟﻲ .. ﻭﺍﻻﺻﻮﺍﺕ ﺍﺭﺗﻔﻌﺖ ..

ﻓﻲ ﺍﻟﻠﺤﻈﺔ ﺩﺧﻞ ﺣﻤﻮﺩﻱ ﻣﻌﺎﻫﻮ ﺍﻟﺮﺷﻴﺪ .. ﺳﺎﻳﻘﻮ ﻣﻦ ﻳﺪﻭ .. ﻭﺍﻟﺮﺷﻴﺪ ﻗﺎﻝ ﻟﻲ ﺭﻗﻴﺔ .. ﻳﺎﺧﺎﻟﺘﻮ .. ﺣﻤﻮﺩﻱ ﻋﺎﻳﺰ ﻳﻌﺘﺮﻑ ﻟﻴﻚ ﺑﻲ ﺣﺎﺟﺔ ..

ﻗﺎﻟﺖ ﻟﻴﻬﻮ ﻳﻌﺘﺮﻑ ﻟﻲ ﺑﺸﻨﻮ؟ .. ﺍﻟﺮﺷﻴﺪ ﺍﺗﻠﻔﺖ ﻋﻠﻰ ﺣﻤﻮﺩﻱ .. ﻗﺎﻝ ﻟﻴﻬﻮ ﻗﻮﻝ ﻗﻮﻝ ﻳﺎﺣﻤﻮﺩﻱ .. ﻣﺎﺗﺨﺎﻑ .. ﻫﺴﻲ ﺍﻧﺖ ﻣﻮﺵ ﻭﻋﺪﺗﻨﻲ ﺡ ﺗﻘﻮﻝ ﺍﻟﺤﻘﻴﻘﺔ ؟؟

ﺣﻤﻮﺩﻱ ﺷﻜﻠﻮ ﺍﻟﺮﺷﻴﺪ ﺍﻗﻨﻌﻮ ﻳﻌﺘﺮﻑ ﺑﺎﻟﺤﻘﻴﻘﺔ .. ﻃﻮﺍﻟﻲ ﻫﻨﺎ ﻓﻲ ﺍﻟﻠﺤﻈﺔ ﺩﻱ ﺍﻟﺼﺎﻓﻲ ﺍﻧﺘﺒﻪ .. ﻭﻓﻬﻢ ﺍﻟﺤﺎﺻﻞ .. ﻃﻮﺍﻟﻲ ﻗﺎﻡ ﻣﺴﻚ ﺣﻤﻮﺩﻱ ﻣﻦ ﻳﺪﻭ ..

ﻗﺎﻝ ﻟﻴﻬﻮ ﺣﻤﻮﺩﻱ ﻣﻮﺵ ﻧﺤﻦ ﺍﺻﺤﺎﺏ؟؟ .. ﻗﻮﻝ ﻓﻲ ﺷﻨﻮ؟ .. ﻭﺍﻟﻠﻪ ﻣﺎ ﺍﺧﻠﻲ ﺯﻭﻝ ﻳﻬﺒﺸﻚ .. ﻭﺗﺎﻧﻲ ﺑﺸﺘﺮﻱ ﻟﻴﻚ ﻫﺪﻳﺔ ..

ﺣﻤﻮﺩﻱ ﻗﺎﻝ ﻟﻴﻬﻮ ﻟﻜﻦ ﻳﺎﻋﻤﻮ ﺍﻣﻲ ﻗﺎﻟﺖ ﻟﻲ ﺑﻜﺘﻠﻚ .. ﻭﻃﺒﻌﺎ ﺍﻟﻨﺎﺱ ﺩﻱ ﻛﻠﻬﻢ ﻗﺎﻋﺪﻳﻦ ﻭﺳﺎﻛﺘﻴﻦ ﺻﻨﻨﻨﻦ .. ﻣﻨﻈﺮﻳﻦ ﺍﻟﻮﻟﺪ ﻳﻔﺘﺢ ﺧﺸﻤﻮ ..ﺭﻗﻴﺔ ﻗﺎﻟﺖ ﻟﻴﻬﻮ ﺍﺗﻜﻠﻢ ﻳﺎﺣﻤﻮﺩﻱ .. ﺍﻧﺎ ﻣﺎ ﺡ ﺍﻛﺘﻠﻚ ﻭﻻ ﺡ ﺍﻫﺒﺸﻚ .. ﺍﺗﻜﻠﻢ ﻗﻮﻝ ﺍﻟﺤﻘﻴﻘﺔ ﻭﻣﺎﺗﺨﺎﻑ .. ﺍﻧﺖ ﺷﻔﺖ ﻣﻨﻮ ﺍﻟﺸﺎﻝ ﺍﻟﺪﻫﺐ ﻣﻦ ﺩﻭﻻﺑﻲ .. ﻗﺎﻝ ﻟﻴﻬﺎ ﻋﻤﻮ ﺍﻟﺼﺎﻓﻲ .. ﻣﺎ ﻓﺘﺢ ﺍﻟﺪﻭﻻﺏ ﻭﺣﺎﺟﺔ .. ﻳﺎ ﺍﻣﻲ ﺍﻻﺳﺘﺎﺫ ﻗﺎﻝ ﻟﻴﻨﺎ ﺍﻟﺪﻫﺐ ﺑﻌﻤﻞ ﻓﺘﻨﺔ ﺑﻴﻦ ﺍﻻﺧﻮﺍﻥ . ﻭﻗﺎﻝ ﺍﻟﻔﺘﻨﺔ ﺍﺷﺪ ﻣﻦ ﺍﻟﻤﻮﺕ . ﻭﺍﻧﺎ ﺟﻴﺖ ﺷﻠﺖ ﺍﻟﺪﻫﺐ ﺍﻟﻔﻲ ﺑﻴﺘﻨﺎ ﻋﺸﺎﻥ ﺍﺭﻣﻴﻬﻮ ﻓﻲ ﺍﻟﺴﺎﻳﻔﻮﻥ .. ﻟﻘﻴﺖ ﺍﻟﺤﻤﺎﻡ ﻣﻘﻔﻮﻝ .. ﻣﺎﻗﺪﺭﺕ ﺍﻓﺘﺤﻮ .

ﺑﺲ ﺟﺪﻋﺘﻮ ﻓﻲ ﺭﺍﺱ ﺍﻟﺤﻤﺎﻡ ..

ﻗﺎﻟﺖ ﻟﻴﻬﻮ ﻣﺘﻴﻦ ﻋﻤﻠﺖ ﻛﺪﺍ؟ .. ﻗﺎﻝ ﻟﻴﻬﺎ ﻟﻤﻦ ﺍﻧﺘﻲ ﻭﺧﺎﻟﺘﻮ ﺑﻬﻴﺔ ﻣﺸﻴﺘﻮ ..

ﻗﺎﻡ ﺍﻟﺼﺎﻓﻲ ﻣﺴﻚ ﺍﻟﻮﻟﺪ .. ﻗﺎﻝ ﻟﻴﻬﻮ ﺍﻧﺖ ﻭﻟﺪ ﺑﻄﻞ ﻻﻧﻚ ﺍﺗﻜﻠﻤﺖ ﺑﺎﻟﺤﻘﻴﻘﺔ .. ﺑﺲ ﺗﺎﻧﻲ ﻣﺎﺗﻜﺬﺏ .. ﻭﻣﻬﻤﺎ ﺯﻭﻝ ﻫﺪﺩﻙ ﻭﺧﻮﻓﻚ ﻣﺎﺗﺤﻠﻒ ﺑﺎﻟﻜﺬﺏ .. ﻛﺪﺍ ﺭﺑﻨﺎ ﺑﻮﺩﻳﻚ ﺍﻟﻨﺎﺭ .

ﺭﻗﻴﺔ ﻗﺎﻣﺖ ﻣﺤﺮﺟﺔ ﻭﺩﺧﻠﺖ ﺟﻮﺓ .. ﻭﺩﺧﻠﺖ ﺍﻭﺿﺘﻬﺎ .. ﻭﻗﻔﻠﺖ ﻋﻠﻴﻬﺎ ﺍﻟﺒﺎﺏ .. ﻭﻻ ﺍﻧﺘﻈﺮﺕ ﺗﺸﻮﻑ ﺩﻫﺒﻬﺎ .. ﻭﺧﺎﻟﺪ ﻃﻠﻊ ﺑﺮﻩ ﻣﺸﻰ ﻋﻠﻰ ﺍﻟﺤﻴﻄﺔ ﻭﺧﺖ ﺭﺟﻠﻮ ﻓﻲ ﺍﻟﻮﺿﺎﻳﺔ .. ﻭﻧﻂ ﻓﻲ ﺍﻟﺤﻴﻄﺔ ﻭﻃﻠﻊ ﺭﺍﺱ ﺍﻟﺤﻤﺎﻡ .. ﻭﻟﻘﻰ ﺍﻟﺴﻠﺴﻞ ﻭﺧﺎﺗﻢ ﻭﺍﺣﺪ .. ﻭﺍﻟﺘﺎﻧﻲ ﻣﺎ ﺍﺗﻠﻘﻰ ..

ﻧﺰﻝ ﻣﻦ ﻓﻮﻕ ﺷﺎﻳﻞ ﺍﻟﺴﻠﺴﻞ ﻭﺍﻟﺨﺎﺗﻢ ..

ﻭﺍﻳﻤﺎﻥ ﻣﺘﻤﺘﺤﻨﺔ .. ﻭﻣﺎﻗﺎﺩﺭﺓ ﺗﺘﻜﻠﻢ .. ﻭﺍﻻﻣﻴﻦ ﻳﻌﺎﻳﻦ ﻟﻲ ﺍﺣﻤﺪ .. ﻓﻲ ﻭﺷﻮ

ﻭﺍﻟﺼﺎﻓﻲ ﺳﺎﻕ ﺍﻟﻮﻟﺪ ﺍﻻﺳﻤﻮ ﺣﻤﻮﺩﻱ .. ﻗﺎﻝ ﻟﻴﻬﻮ ﻳﻼ ﻋﺸﺎﻥ ﺍﺩﻳﻚ ﺍﻟﻬﺪﻳﺔ ﺍﻟﻮﻋﺪﺗﻚ ﺑﻴﻬﺎ .. ﻭﻻ ﻋﺎﻳﻦ ﻟﻠﺪﻫﺐ ﺍﻟﻨﺰﻟﻮﻫﻮ ﻣﻦ ﻓﻮﻕ .. ﻗﺎﻝ ﻟﻲ ﺣﻤﻮﺩﻱ ﻋﺎﻳﻦ .. ﺍﻧﺖ ﺍﻟﺮﺷﻴﺪ ﺻﺎﺣﺒﻚ .. ﺡ ﺗﺴﻴﺒﻮ ﻭﻻﻧﺴﻮﻗﻮ ﻣﻌﺎﻧﺎ ﻧﺸﺘﺮﻱ ﻟﻴﻬﻮ ﻫﺪﻳﺔ؟؟ ..

ﻗﺎﻝ ﻟﻴﻬﻮ ﻧﺴﻮﻗﻮ ﻣﻌﺎﻧﺎ ﻭﻧﺴﻮﻕ ﺍﻣﺠﺪ ..

ﺳﺎﻗﻬﻢ ﺍﻟﺘﻼﺗﺔ ﻭﻃﻠﻌﻮ ﻋﻠﻰ ﺍﻟﺪﻛﺎﻥ .. ﺍﻟﺼﺎﻓﻲ ﻋﻤﻼ ﻣﺨﺼﻮﺹ ﻋﺸﺎﻥ ﻣﺎﻳﺸﻮﻑ ﺍﺣﺮﺍﺝ ﺍﻟﻨﺎﺱ ﺩﻳﻞ .. ﻭﺟﻮﺩﻩ ﻣﻌﺎﻫﻢ ﻳﻀﺎﻳﻖ ﻣﺸﺎﻋﺮﻫﻢ ..

ﻭﺍﻻﻣﻴﻦ ﻣﻴﻦ ﻣﺮﺍﻗﺐ ﺍﺣﻤﺪ .. ﻭﺍﺣﻤﺪ ﺑﺲ ﻣﺪﻧﻘﺮ ﻓﻲ ﺍﻟﻮﺍﻃﺔ .. ﻭﻣﺎﻋﺎﺭﻑ ﻳﻘﻮﻝ ﺷﻨﻮ ؟ ﻭﻻ ﻋﺎﺭﻑ ﻳﻌﺘﺬﺭ ﻛﻴﻒ؟ ..

ﻗﺎﻡ ﻗﺎﻝ ﻟﻴﻬﻮ ﻋﺎﺭﻑ ﻳﺎ ﺍﻻﻣﻴﻦ .. ﻃﺒﻌﺎ ﺍﻟﺒﺖ ﺩﻱ ﻃﻮﺍﺍﺍﻟﻲ ﻃﺒﺎﻳﻌﻬﺎﻳﻬﺪﻱ .. ﻭﺣﺮﻛﺎﺗﻬﺎ .. ﻭﺩﻩ ﺍﻟﺴﺒﺐ ﺍﻟﺠﺎﺏ ﻟﻴﻬﺎ ﺍﻟﻄﻼﻕ ..

ﺍﻟﻤﺮﺍﺓ ﺩﻱ ﺑﺘﺸﻚ ﻓﻲ ﺭﺍﺟﻠﻬﺎ .. ﻭﻓﻲ ﺍﻣﻮ ﻭﻓﻲ ﺍﺧﻮﺍﺗﻮ .. ﻭﻗﺎﻟﺖ ﻫﻢ ﺍﻛﺒﺮ ﺍﻋﺪﺍﺀ ﺑﺎﻟﻨﺴﺒﺔ ﻟﻲ ..

ﻭﻗﺎﻟﺖ ﺭﺍﺟﻼ ﺧﺎﻳﻦ .. ﻭﺍﺳﺘﺤﻤﻠﻮ ﻣﻨﻬﺎ ﻛﺘﻴﺮ .. ﻓﻲ ﺍﻟﻨﻬﺎﻳﺔ ﺍﻟﺮﺍﺟﻞ ﺟﺎ ﺟﺪﻋﻬﺎ ﻟﻴﻨﺎ ﻫﻨﺎ ﻭﻓﺎﺕ .. ﻳﻌﻨﻲ ﺍﻟﺸﻲ ﺍﻟﺒﺘﻌﻤﻞ ﻓﻴﻬﻮ ﺩﻩ .. ﻣﺎﺟﺎﻳﺒﺎﻫﻮ ﺟﺪﻳﺪ .. ﻭﺍﻧﺎ ﻭﺍﻟﻠﻪ ﻟﻮ ﻣﺎﻣﺤﺘﺮﻣﻜﻢ ﺍﻧﺘﻮ .. ﻛﻨﺖ ﺍﻗﻮﻡ ﻋﻠﻴﻬﺎ ﻫﺴﻲ ﺍﺧﻠﻲ ﺑﻄﻨﻬﺎ ﻭﺿﻬﺮﻫﺎ ﻭﺍﺣﺪ ﺑﺎﻟﺪﻕ .. ﻟﻜﻦ ﻧﺤﻦ ﻃﺒﻌﺎ ﻣﻦ ﻋﺎﺩﺗﻨﺎ .. ﻛﺎﻥ ﻋﺎﻗﺒﺘﺎ ﻭﻟﺪﻙ ﺍﻭ ﺍﺧﻮﻙ ﻗﺪﺍﻡ ﺿﻴﻒ .. ﻣﻌﻨﺎﻫﺎ ﻣﺎﻋﻨﺪﻙ ﺍﺣﺘﺮﺍﻡ ﻟﻠﻀﻴﻒ ..

ﻟﻜﻦ ﺍﻧﺎ ﻣﺎﺑﺴﻴﺒﻬﺎ .. ﺑﺲ ﺍﻧﺘﻮ ﺗﻤﺸﻮ .. ﻭﺍﻧﺎ ﺑﻌﺮﻑ ﺑﻌﻤﻞ ﻓﻴﻬﺎ ﺷﻨﻮ ؟؟

ﺍﻳﻤﺎﻥ ﻗﺎﻣﺖ ﺣﺼﻠﺘﻬﺎ ﺟﻮﺓ .. ﻟﻘﺘﻬﺎ ﻗﺎﻓﻠﺔ ﺑﺎﺏ ﺍﻻﻭﻭﺿﺔ ﻋﻠﻴﻬﺎ .. ﺩﻗﺖ ﻟﻴﻬﺎ ﺍﻟﺒﺎﺏ ..

ﺭﻗﻴﺔ ﻣﻦ ﺟﻮﺓ ﻗﺎﻟﺖ .. ﻣﻨﻮﻭﻭﻭﻭﻭ؟؟

ﻗﺎﻟﺖ ﻟﻴﻬﺎ ﺍﻧﺎ ﺍﻳﻤﺎﻥ ﻳﺎﺭﻗﻴﺔ ﺍﻓﺘﺤﻲ ﺍﻟﺒﺎﺏ .. ﺷﻨﻮ ﻳﻌﻨﻲ ﻣﺎﺩﺍﻳﺮﺓ ﺗﻮﺩﻋﻴﻨﺎ؟؟

.. ﻣﺎﺧﻼﺹ ﺍﻟﺤﺼﻞ ﺣﺼﻞ .. ﻭﺍﻟﺤﻤﺪ ﻟﻠﻪ .. ﺍﺗﺤﻼ ﺍﻟﻠﻐﺰ ﻭﺑﺎﻟﻨﺎ ﻫﺪﺃ ..

ﺭﻗﻴﺔ ﻓﺘﺤﺖ ﺍﻟﺒﺎﺏ ﻓﺘﺤﺔ ﺻﻐﻴﺮﺓ ﻛﺪﺍ . .. ﻭﻣﺪﺕ ﻟﻴﻬﺎ ﺳﻠﺴﻠﻬﺎ ,,

ﺍﻳﻤﺎﻥ ﻗﺎﻟﺖ ﻟﻴﻬﺎ ﻭﺍﻟﻠﻪ ﺍﻧﺎ ﻣﺎﺟﺎﻳﺎﻙ ﻋﺸﺎﻥ ﺍﻟﺴﻠﺴﻞ .. ﺗﻌﺎﻟﻲ ﻃﺎﻟﻌﺔ ﻣﺎﺗﺒﻘﻰ ﻋﻮﻳﺮﺓ .. ﺍﻧﺎ ﻣﻮﺵ ﺍﺧﺘﻚ ﺍﻟﻜﺒﻴﺮﺓ؟ .. ﺍﺳﻤﻌﻲ ﺍﻟﻜﻼﻡ ..

ﻳﻌﻨﻲ ﺷﻨﻮ ﻣﻀﺎﻳﻘﺔ ﻛﺪﻱ ؟؟ ﺍﻧﺘﻲ ﺡ ﺗﻌﻠﻤﻲ ﺍﻟﻐﻴﺐ ؟ .. ﻣﺎﺧﻼﺹ ﺍﻟﺸﺎﻓﻊ ﺻﻐﻴﺮ .. ﻭﺍﻟﺤﺼﻞ ﺣﺼﻞ .. ﺍﻃﻠﻌﻲ ﺑﺮﻩ ﻭﺩﻋﻴﻨﺎ .. ﻧﺤﻦ ﺳﺎﻳﻘﻴﻦ ﺍﻟﺼﺎﻓﻲ ﻭﻣﺎﺷﻴﻦ .. ﻗﺎﻟﺖ ﻟﻴﻬﺎ ﺍﻣﺴﻜﻲ ﻣﻨﻲ ﺍﻟﺴﻠﺴﻞ ﻳﺎ ﺍﻳﻤﺎﻥ .. ﻭﺑﻌﺪﻳﻦ ﻧﺘﻔﺎﻫﻢ .. ﺍﻣﺴﻜﻲ ﻫﺎﻙ ..

ﺍﻳﻤﺎﻥ ﺷﺎﻟﺖ ﺍﻟﺴﻠﺴﻞ ﻣﻨﻬﺎ .. ﻭﻗﺎﻟﺖ ﻟﻴﻬﺎ ﻃﻴﺐ ﺍﻃﻠﻌﻲ ﻳﺎﺭﻗﻴﺔ ..

ﻗﺎﻟﺖ ﻟﻴﻬﺎ ﺍﻳﻤﺎﻥ ﻟﻮ ﺳﻤﺤﺘﻲ .. ﺍﻣﺸﻲ ﺍﻧﺎ ﻣﺎﻋﻨﺪﻱ ﻭﺷﻲ ﺍﻗﺎﺑﻠﻜﻢ ﺑﻴﻬﻮ ﺗﺎﻧﻲ ..

ﺍﺑﺖ ﻛﻠﻮ ﻛﻠﻮ ﺗﻄﻠﻊ ..

ﺍﻳﻤﺎﻥ ﺟﺎﺕ ﺭﺍﺟﻌﺔ ﻟﻠﺼﺎﻟﻮﻥ .. ﻭﺍﻻﻣﻴﻦ ﻗﺎﻝ ﻟﻲ ﺍﺣﻤﺪ ﺍﺳﻤﻌﻨﻲ ﻳﺎ ﺍﺣﻤﺪ .. ﺍﻧﺎ ﺍﺻﻼ ﻣﺎﻋﺎﻳﺰﻙ ﺗﻬﺒﺸﻬﺎ ﺑﻲ ﻳﺪﻙ .. ﺩﻱ ﻣﺮﺍﺓ ﻭﺍﻭﻻﺩﻫﺎ ﺑﻘﻮ ﺣﺎﻳﻤﻴﻦ .. ﺑﺲ ﻛﻞ ﺍﻟﻌﺎﻳﺰﻭ ﻣﻨﻚ ..

ﻋﺎﻳﺰﻙ ﺗﻌﺬﺭﻧﻲ .. ﺍﻧﺎ ﺗﺎﻧﻲ ﻣﺎﺑﺨﻠﻲ ﺍﻟﺼﺎﻓﻲ ﻭﻟﺪﻱ ﻳﻘﻌﺪ ﻓﻲ ﺍﻟﺒﻴﺖ ﺩﻩ .. ﻭﺻﻴﺔ ﺍﻣﻚ ﻧﻔﺬﻧﺎﻫﺎ .. ﻭﻛﻨﺎ ﺡ ﻧﻜﻤﻞ ﺍﻟﻔﺘﺮﺓ ..

ﻟﻜﻦ ﻣﺎﺩﺍﻡ ﺟﺎﺑﺖ ﻟﻴﻬﺎ ﺍﺗﻬﺎﻣﺎﺕ .. ﺍﻧﺎ ﺗﺎﻧﻲ ﻭﻟﺪﻱ ﻣﺎﺑﺨﻠﻴﻬﻮ ﻫﻨﺎ ..

ﺍﺣﻤﺪ ﻗﺎﻝ ﻟﻴﻬﻮ ﺍﺳﻤﻊ ﻳﺎ ﺍﻻﻣﻴﻦ .. ﺩﻱ ﺍﺧﺮ ﻣﺮﺓ .. ﺗﺎﻧﻲ ﻟﻮ ﺣﺼﻠﺖ ﺣﺎﺟﺔ ﺍﻧﺎ ﻣﺴﺆﻭﻝ .. ﺍﻟﺼﺎﻓﻲ ﻫﻨﺎ ﺧﺎﻑ ﺍﻧﻮ ﺍﺑﻮﻫﻮ ﻳﻮﺍﻓﻖ ﻋﻠﻰ ﺣﻜﺎﻳﺔ ﻳﻘﻌﺪ ﺗﺎﻧﻲ ﺩﻱ .. ﺍﻳﻤﺎﻥ ﻗﺎﻟﺖ ﻟﻴﻬﻮ ﺩﻩ ﻣﺴﺘﺤﻴﻞ ﻳﺎ ﺍﺣﻤﺪ ..

ﺧﻼﺹ ﻟﺤﺪﻱ ﻫﻨﺎ ؟؟ ﻧﺤﻦ ﻳﺎ ﺍﺣﻤﺪ ﺍﻫﻞ .. ﻭﻋﺸﺎﻥ ﻋﻼﻗﺎﺗﻨﺎ ﻣﺎﺗﺘﺨﺮﺏ .. ﺧﻠﻮ ﺍﻟﺼﺎﻓﻲ ﻳﻤﺸﻲ ﻟﺤﺘﺔ ﻳﺎﺧﺪ ﻓﻴﻬﺎ ﺭﺍﺣﺘﻮ ..

ﺍﺣﻤﺪ ﻗﺎﻝ ﻟﻴﻬﺎ .. ﺍﻳﻤﺎﻥ ﻟﻮ ﺳﻤﺤﺘﻲ .. ﻣﻤﻜﻦ ﺗﺪﻳﻨﻲ ﻓﺮﺻﺔ ﺍﻛﻤﻞ ﻛﻼﻣﻲ ﻣﻊ ﺍﻻﻣﻴﻦ؟؟ .. ﺍﻻﻣﻴﻦ ﻗﺎﻝ ﻟﻴﻬﻮ ﻫﻲ ﺑﺮﺿﻬﺎ ﺍﻣﻮ .. ﻭﻟﻴﻬﺎ ﺍﻟﺤﻖ ﺗﺘﻜﻠﻢ ﻋﻦ ﻭﻟﺪﻫﺎ .. ﺍﺳﻤﻌﻨﻲ ﻳﺎ ﺍﺣﻤﺪ .. ﻋﻠﻲ ﺍﻟﻄﻼﻕ ﺗﺎﻧﻲ ﺍﻟﺼﺎﻓﻲ ﺗﺎﻧﻲ ﻣﺎﺑﻘﻌﺪ ﺑﻲ ﻭﺭﺍﻱ ﻫﻨﺎ ﻭﻻﺩﻗﻴﻘﺔ ..

ﺑﺲ ﻳﺠﻴﻜﻢ ﺯﻳﺎﺭﺍﺕ ﺯﻳﻮ ﻭﺯﻱ ﺍﻟﻀﻴﻮﻑ .. ﻗﻮﻡ ﻳﺎ ﺍﻟﺼﺎﻓﻲ ﻟﻢ ﻫﺪﻭﻣﻚ ﺩﻳﻞ ﺧﺘﻬﻦ ﻓﻲ ﺍﻟﻌﺮﺑﻴﺔ .. ﺧﻠﻴﻨﺎ ﻧﺘﺨﺎﺭﺝ ﻣﻦ ﻫﻨﺎ .. ﻣﺎﻳﻘﻮﻣﻮ ﻳﻘﻮﻟﻮ ﻟﻴﻨﺎ ﺳﺮﻗﺘﻮ ﺣﺎﺟﺔ ﺗﺎﻧﻲ ..

ﻃﺒﻌﺎ ﺍﻻﻣﻴﻦ ﺷﺎﻳﻠﻮ ﺗﻘﻴﻞ .. ﻭﺍﻳﻤﺎﻥ ﺷﺒﻪ ﻋﺎﺩﻳﻪ .. ﻟﻜﻦ ﻣﺎﻋﺎﺩﻳﺔ .. ﻭﺍﻟﺼﺎﻓﻲ ﻣﺎﺷﻐﺎﻝ ﺑﺎﻟﻤﻮﺿﻮﻉ ..

ﻻﻗﺒﻞ ﺍﻟﺒﺮﺍﺀﺓ ﻭﻻﺑﻌﺪ ﺍﻟﺒﺮﺍﺀﺓ .. ﻛﺎﻧﻮ ﻣﺎﻫﻮ ﺍﻟﻤﻘﺼﻮﺩ .. ﻭﺷﺎﻳﻒ ﺍﺑﻮﻫﻮ ﻣﺘﻀﺎﻳﻖ ﺟﺪﺍ ..

ﺑﻌﺪ ﺭﻛﺒﻮ ﻓﻲ ﺍﻟﻌﺮﺑﻴﺔ .. ﺍﻟﺼﺎﻓﻲ ﻗﺎﻝ ﻟﻲ ﺍﺑﻮﻫﻮ .. ﺩﻗﻴﻘﺔ ﻳﺎ ﺍﺑﻮﻱ ..

ﻣﺎﺗﻤﺸﻲ ﻧﺴﻴﺖ ﺣﺎﺟﺔ ﻣﻬﻤﺔ ﺍﺟﻴﺒﻬﺎ ﻭﺍﺟﻲ .. ﻧﺰﻝ ﺟﺮﻯ ﺩﺧﻞ ﺟﻮﺓ .. ﻗﺎﻝ ﻟﻲ ﺧﺎﻟﺪ ﻋﻠﻴﻚ ﺍﻟﻠﻪ ﺗﻌﺎﻝ ﻣﻌﺎﻱ ﺟﻮﻩ .. ﺍﻧﺎ ﻋﺎﻳﺰ ﺍﻭﺩﻉ ﺧﺎﻻﺗﻲ .. ﺳﺮﻳﻊ ﺗﻌﺎﻝ ..

ﻗﺎﻡ ﺧﺎﻟﺪ ﻣﻌﺎﻫﻮ ﻭﺩﺧﻠﻮ ﻋﻠﻰ ﺑﻴﺖ ﺍﻟﺤﺮﻳﻢ .. ﺍﻟﺼﺎﻓﻲ ﻗﺎﻝ ﻟﻴﻬﺎ ﻳﺎ ﺑﻬﻴﺔ .. ﺍﻧﺎ ﻭﺍﻟﻠﻪ ﻋﺎﺟﺰ ﻋﻦ ﺍﻟﺸﻜﺮ .. ﻭﺍﺻﻼ ﺍﻟﻤﺸﺎﻛﻞ ﺑﺘﺤﺼﻞ ﻓﻲ ﻛﻞ ﺑﻴﺖ .. ﺍﻟﻤﻮﺿﻮﻉ ﻣﺎﺗﺨﻠﻮﻫﻮ ﻳﺄﺛﺮ ﻋﻠﻰ ﻋﻼﻗﺘﻨﺎ ..

ﻭﻳﻨﺎ ﺧﺎﻟﺘﻲ ﺭﻗﻴﺔ؟؟ .. ﻗﺎﻟﺖ ﻟﻴﻬﻮ ﺟﻮﺓ ﻓﻲ ﺍﻭﺿﺘﻬﺎ ..

ﻗﺎﻝ ﻟﻴﻬﺎ ﻣﺎﻻ ﻣﻘﻔﻮﻟﺔ .. ؟؟ ﻟﺰﺍ ﺍﻟﺒﺎﺏ ﻛﺪﺍ .. ﻟﻘﻰ ﺍﻟﺒﺎﺏ ﻣﻘﻔﻮﻝ ﻣﻦ ﺟﻮﺓ ..

ﻗﺎﻝ ﻟﻴﻬﺎ ﻳﺎﺧﺎﻟﺘﻲ ﺭﻗﻴﺔ ؟؟ ﺍﻫﺎ ﻓﻲ ﺍﻣﺎﻥ ﺍﻟﻠﻪ .. ﺍﻧﺎ ﻣﺎﺷﻲ .. ﻭﺍﻧﺎ ﺷﺎﻛﺮ ﻟﻴﻜﻢ ﻛﻞ ﺍﻟﻔﺘﺮﺓ ﺍﻻﺧﺪﺗﻬﺎ ﻣﻌﺎﻛﻢ . ﻭﺍﻥ ﺷﺎﺀ ﺍﻟﻠﻪ ﻣﺎﺑﻨﻘﻄﻊ .. ﺍﺻﻠﻮ ﻣﺎﺭﺩﺕ ﻟﻴﻬﻮ .. ﺳﻜﺖ ﻣﺴﺎﻓﺔ .. ﻭﻛﺖ ﻣﺎﺭﺩﺕ .. ﻗﺎﻝ ﻟﻴﻬﺎ ﻓﺘﻚ ﺑﻲ ﻋﺎﻓﻴﺔ .. ﻭﻃﻠﻊ ﻋﻠﻰ ﺍﻟﺸﺎﺭﻉ ..

ﻟﻤﻦ ﺩﺍﻳﺮ ﻳﺮﻛﺐ ﻓﻲ ﺍﻟﻌﺮﺑﻴﺔ .. ﺣﻤﻮﺩﻱ ﺟﺎﻫﻮ ﺟﺎﺭﻱ ﺑﺮﻩ .. ﻗﺎﻝ ﻟﻴﻬﻮ ﻋﻤﻮ ﺍﻟﺼﺎﻓﻲ ﺍﻧﺖ ﻣﺎﺷﻲ ؟ ﺍﻟﺼﺎﻓﻲ ﻗﺒﻞ ﻣﺎﻳﺮﻛﺐ ﻭﻗﻒ ﻳﺴﻤﻊ ﻓﻲ ﺍﻟﻮﻟﺪ .. ﻗﺎﻝ ﻟﻴﻬﻮ ﺍﻳﻮﻩ ﻳﺎ ﺣﻤﻮﺩﻱ .. ﻟﻜﻦ ﺑﺠﻴﻜﻢ ﺍﻥ ﺷﺎﺀ ﺍﻟﻠﻪ ..

ﻗﺎﻝ ﻟﻴﻬﻮ ﻟﻜﻦ ﺍﻧﺖ ﺷﻠﺖ ﺷﻨﻄﺘﻚ .. ﻋﺎﺭﻓﻚ ﻣﺎﺡ ﺗﺠﻲ ﺗﺎﻧﻲ .. ﻋﺸﺎﻥ ﺷﺎﻛﻠﻮﻙ .. ﻟﻜﻦ ﺍﻧﺎ ﻛﻠﻤﺘﻬﻢ ﺍﻧﺖ ﻣﺎ ﺍﻟﺤﺮﺍﻣﻲ .. ﻟﻴﻪ ﻗﺎﻟﻮ ﻟﻴﻚ ﺍﻣﺸﻲ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﻻﻻ ﻳﺎ ﺣﻤﻮﺩﻱ .. ﺍﻧﺎ ﺍﺑﻮﻱ ﻗﺎﻝ ﻟﻲ ﺍﺭﺡ .. ﻧﺎﺱ ﺍﻣﻚ ﻣﺎﻃﺮﺩﻭﻧﻲ ..

ﺍﻻﻣﻴﻦ ﻗﺎﻝ ﻟﻴﻬﻮ ﻳﺎﺍﺍﺍﻟﺼﺎﻓﻲ ﻋﻠﻴﻚ ﺍﻟﻠﻪ ﺍﺭﻛﺐ .. ﺳﻴﺐ ﺍﻟﺸﺎﻓﻊ .. ﺍﻧﺖ ﻣﺎﻋﻨﺪﻙ ﻣﻮﺿﻮﻉ ﻭﻻﺷﻨﻮ ؟ ﺑﺪﻝ ﻣﺎﺗﺪﻳﻬﻮ ﻛﻒ ﻋﺸﺎﻥ ﻳﺘﺮﺑﻰ .. ﺗﻘﻌﺪ ﺗﺘﻌﺎﻭﺭ ﻣﻌﺎﻫﻮ ﻛﺪﻱ؟؟ﺍﻟﺼﺎﻓﻲ ﺧﺖ ﻳﺪﻭ ﻓﻮﻕ ﺭﺍﺱ ﺣﻤﻮﺩﻱ ﻛﺪﺍ ﻭﺭﻛﺐ .. ﻭﺍﻟﻌﺮﺑﻴﺔ ﺍﺗﺤﺮﻛﺖ

ﺍﻟﺼﺎﻓﻲ ﻗﺎﻝ ﻟﻲ ﺍﺑﻮﻫﻮ ﻳﺎ ﺍﺑﻮﻱ ﺍﻻﻃﻔﺎﻝ ﺩﻳﻞ ﻧﻌﻤﺔ .. ﻭﻣﺎﻋﻠﻴﻬﻢ ﻏﻠﻂ ﺭﺑﻨﺎ ﺭﻓﻊ ﻋﻨﻬﻢ ﺍﻟﻘﻠﻢ .. ﺑﺮﺍﻫﻮ ﻳﻜﺒﺮ ﻭﻳﻌﺮﻑ ﺍﻟﺼﺢ ﻣﻦ ﺍﻟﻐﻠﻂ ﺍﻥ ﺷﺎﺀ ﺍﻟﻠﻪ .. ﻭﺍﻟﺼﺎﻓﻲ ﻫﻨﺎ ﺧﺖ ﻳﺪﻭ ﻓﻮﻕ ﻛﺘﻒ ﺍﻣﻮ ﺍﻟﺮﺍﻛﺒﺔ ﻗﺪﺍﻣﻮ ﻓﻲ ﺍﻟﻜﺮﺳﻲ ﻭﻗﺎﻝ .. ﺑﻜﺮﺓ ﻳﻜﺒﺮ ﻭﻳﺒﻘﻰ ﻓﺎﻫﻢ .. ﺑﻜﺮﺓ ﻳﻜﺒﺮ ﻭﻳﺒﻘﻰ ﻓﺎﻫﻢ .. ﺍﻧﺎ ﺣﻤﻮﺩﻱ ﺩﻩ ﺣﺎﺳﻲ ﺍﻧﻮ ﺡ ﻳﻄﻠﻊ ﺯﻭﻝ ﻟﻴﻬﻮ ﺷﻨﺔ ﻭﺭﻧﻪ ..

ﺍﻳﻤﺎﻥ ﻋﺎﻳﻨﺖ ﻟﻠﺼﺎﻓﻲ ﻭﺗﺘﺒﺴﻢ .. ﻭﺍﻟﺮﺷﻴﺪ ﺭﺍﻛﺐ ﻣﻌﺎﻫﻮ ﻭﺭﺍ ﻃﺒﻌﺎ .. ﻭﺑﻴﺪﻭ ﺑﺪﺍﻋﺐ ﻓﻲ ﺷﻌﺮ ﺍﻟﺮﺷﻴﺪ ﺍﻟﺴﺒﻴﺒﻲ ﻭﻓﻴﻬﻮ ﺣﺒﺔ ﺣﻤﺮﺓ ﻛﺪﺍ .. ﺯﻱ ﺷﻌﺮ ﺍﻟﺼﺎﻓﻲ ﻭﺩﻩ ﺍﺻﻼ ﺷﺒﻪ ﺷﻌﺮﺍﻻﻣﻴﻦ .. ﺍﻳﻤﺎﻥ ﺷﻌﺮﺍ ﺍﺳﻮﺩ ﻃﻮﻳﻞ ﻭﺯﻳﻬﺎ ﺑﺴﻤﺔ ..

ﻃﻴﺐ ﺍﻟﻨﺎﺱ ﺩﻳﻞ ﻣﺎﺷﻴﻦ ﻭﻳﻦ .. ﻣﺎﺳﺄﻟﻮ ﺍﺑﻮﻫﻢ .. ﻭﺍﺑﻮﻫﻢ ﻣﺎﻛﻠﻤﻬﻢ ﺍﻻ ﺑﻌﺪ ﻗﻄﻊ ﻛﻮﺑﺮﻱ ﺑﺤﺮﻱ ﺩﺍﺧﻞ ﻋﻠﻰ ﺍﻟﺨﺮﻃﻮﻡ .. ﻗﺎﻝ ﻟﻲ ﺍﻟﺼﺎﻓﻲ ﺍﻭﻝ ﺣﺎﺟﺔ ﻳﺎ ﺍﻟﺼﺎﻓﻲ .. ﻧﺤﻦ ﻧﻤﺸﻲ ﻧﺄﺟﺮ ﻟﻴﻚ ﺷﻘﺔ .. ﻭﻻﻧﺺ ﺑﻴﺖ ﻗﺪﺭﻙ .. ﺑﺲ ﻻﺯﻡ ﻳﻜﻮﻥ ﻗﺮﻳﺐ ﻟﻠﺠﺎﻣﻌﺔ .. ﻳﻌﻨﻲ ﺟﺎﻣﻌﺘﻚ ﺍﻟﺸﻔﺘﻬﺎ ﺍﻧﺎ ﺩﻱ .. ﻣﻦ ﺷﻤﺒﺎﺕ ﺩﻱ ﺑﺘﺴﻞ ﺭﻭﺣﻚ ﻟﻤﻦ ﺗﺼﻞ .. ﻗﺎﻝ ﻟﻴﻬﻮ ﻭﺍﻟﻠﻪ ﺻﺪﻗﺖ ﻳﺎ ﺍﺑﻮﻱ .. ﺍﻧﺎ ﺑﺮﻛﺐ ﺗﻼﺗﺔ ﻣﻮﺍﺻﻼﺕ ..

ﻣﺎﺷﻲ ﻭﺗﻼﺕ ﺟﺎﻱ .. ﻭﺍﻧﺖ ﻋﺎﺭﻑ ﺍﻟﺼﺒﺎﺣﻴﺔ ﻭﺯﺣﻤﺘﻬﺎ ﻫﻨﺎ ﻛﻴﻒ .. ﻭﺍﻟﻀﻬﺮﻳﺔ ﻛﻤﺎﻥ .. ﻭﺍﻟﻤﻮﺍﺻﻼﺕ ﻛﻠﻬﺎ ﺍﺯﻋﺎﺟﺎﺕ ﻭﺗﺼﺮﻓﺎﺕ ﻣﺎﻻﻳﻘﺔ ..

ﻗﺎﻝ ﻟﻴﻬﻮ ﻧﺤﻦ ﻧﺸﻮﻑ ﻟﻴﻚ ﺳﻜﻦ ﺗﺠﻲ ﺍﻟﺠﺎﻣﻌﺔ ﺑﻲ ﻛﺮﻋﻴﻚ ﺍﻥ ﺷﺎﺀ ﺍﻟﻠﻪ ﻗﻮﻝ ﺭﺑﻨﺎ ﻳﻮﻓﻘﻨﺎ ..

ﺍﻻﻥ ﻳﻮﻡ ﺍﻟﺴﺒﺖ ﺯﻱ ﺍﻟﺴﺎﻋﺔ 2 ﻭﺷﻮﻳﺔ ..

ﻣﺸﻮ ﺍﻟﺼﺤﺎﻓﺔ ﻳﺴﺄﻟﻮ ﻣﻦ ﻣﻜﺎﺗﺐ ﺍﻟﻌﻘﺎﺭﺍﺕ .. ﻧﺤﻦ ﻳﺎﺟﻤﺎﻋﺔ ﻧﺨﻠﻴﻬﻢ

ﻭ ﻧﺮﺟﻊ ﻧﺸﻮﻑ ﺍﻟﺤﺎﺻﻞ ﻓﻲ ﺑﻴﺖ ﻧﺎﺱ ﺍﻟﻤﻠﻜﺔ ﺍﻡ ﻧﺎﺱ ﺭﻗﻴﺔ ..

ﻃﺒﻌﺎ ﺭﻗﻴﺔ ﻃﻠﻌﺖ ﺑﻌﺪ ﺍﻟﺠﻤﺎﻋﺔ ﻓﺎﺗﻮ ﻭﺑﻜﺖ ﺑﻜﺎ .. ﻭﺗﺸﻴﻞ ﻭﺗﺪﻋﻲ ﻋﻠﻰ ﺣﻤﻮﺩﻱ ﺍﻟﺒﺮﻱﺀ .. ﺍﻟﻠﻪ ﻳﻨﺘﻘﻢ ﻣﻨﻚ ﻳﺎ ﻭﻟﺪﺓ ﺍﻟﺸﺮ .. ﺍﻧﺖ ﺍﺻﻠﻚ ﻓﻘﺮ ﺯﻱ ﺍﺑﻮﻙ .. ﺍﻟﻠﻪ ﻳﻜﺘﻠﻚ ﻭﻳﺮﻳﺤﻨﻲ ﻣﻨﻚ .. ﻭﺍﻟﻠﻪ ﺍﻟﺰﻭﻝ ﻫﺴﻲ ﻳﻘﻮﻡ ﻳﺸﻖ ﻟﻚ ﺭﺍﺳﻚ ﺑﺎﻟﺤﺪﻳﺪﺓ ﺍﻟﺸﺎﻳﻼ ﺩﻱ ..

ﺑﻬﻴﺔ ﺑﺘﻘﻮﻝ ﻟﻴﻬﺎ ﻫﻮ ﺫﻧﺒﻮ ﺷﻨﻮ؟ ﺍﻧﺎ ﻗﻠﺖ ﻟﻴﻚ ﺍﺳﺘﻌﺠﻠﺘﻲ ؟؟ﻭﺍﻧﺘﻲ ﻣﺎﺳﻤﻌﺘﻲ ﺍﻟﻜﻼﻡ .. ﻗﺎﻟﺖ ﻟﻴﻬﺎ ﺍﺳﻜﺘﻲ ﻳﺎﺑﻬﻴﺔ .. ﺍﻧﺘﻲ ﺫﺍﺗﻚ ﺍﻟﻨﺸﻄﻴﻨﻲ ﻭﻗﻠﺘﻲ ﻟﻲ ﻏﻴﺮ ﺍﻟﺼﺎﻓﻲ ﻣﺎﻓﻲ ﺯﻭﻝ ﺑﻜﻮﻥ ﺷﺎﻟﻮ ..

ﻭﻭﻭﺏ ﻋﻠﻲ ﻳﺎﺑﻬﻴﺔ ﻣﻦ ﺍﻟﺨﺎﺗﻢ ﺍﻟﺮﺍﺡ .. ﺍﻟﺨﺎﺗﻢ ﺍﻟﻜﺒﻴﺮ ﺍﻻﺣﺴﻦ ﻣﻦ ﺩﻩ .. ﻫﺴﻊ ﺍﻟﺸﺎﻓﻊ ﺩﻩ ﻛﺎﻥ ﺳﻜﺖ .. ﻻﻣﻦ ﻫﻢ ﻓﺎﺗﻮ .. ﻭﻛﻠﻤﻨﻲ ﺑﻲ ﻣﺤﻞ ﺍﻟﺪﻫﺐ ﻣﺎ ﻛﺎﻥ ﺍﺣﺴﻦ ..

ﺣﻤﻮﺩﻱ ﺳﻤﻌﻬﺎ .. ﻗﺎﻝ ﻟﻴﻬﺎ ﻟﻜﻦ ﺍﻟﺮﺷﻴﺪ ﻗﺎﻝ ﻟﻲ ﻟﻮ ﺍﺑﻴﺖ ﺗﺘﻜﻠﻢ ﺍﻣﻚ ﺑﺘﻤﻮﺕ ..

ﻋﺸﺎﻥ ﺍﻧﺖ ﻇﺎﻟﻢ .. ﺍﺣﺴﻦ ﺗﺴﺘﺤﻤﻞ ﺍﻟﺪﻗﺔ ﻭﺍﻣﻚ ﻣﺎﺗﻤﻮﺕ .. ﻭﺍﻧﺎ ﻗﻠﺖ ﻟﻴﻬﻮ ﺧﻼﺹ ﺑﻜﻠﻤﻬﻢ ﺑﺮﺍﻱ .. ﻗﺎﻝ ﻟﻲ ﺟﻴﺐ ﻳﺪﻙ .. ﻭﺍﻭﻋﺪﻧﻲ ﻭﺍﻧﺎ ﺑﻮﻋﺪﻙ ﻣﺎﺑﺨﻠﻴﻬﻢ ﻳﺪﻗﻮﻙ .. ﻟﻮ ﺍﻣﻚ ﻋﺎﻳﺰﺓ ﺗﺪﻗﻚ ﺍﻧﺎ ﺑﺸﻴﻞ ﻣﻨﻬﺎ ﺍﻟﺴﻮﻁ ﻭﺑﺠﺮﻱ ..

ﺭﻗﻴﺔ ﻗﺎﻟﺖ ﻟﻴﻬﻮ ﻳﺎ ﺍﻟﺒﻠﻴﺪ ﻳﺎ ﺍﻟﻐﺒﻲ .. ﻫﺴﻊ ﻋﻠﻴﻚ ﺍﻟﻠﻪ ﺍﻟﺮﺷﻴﺪ ﻣﻮﺵ ﻗﺪﺭﻙ ﻓﻲ ﺍﻟﻌﻤﺮ؟ ﻳﻐﺸﻚ؟؟ .. !! ﻗﺎﻝ ﻟﻴﻬﺎ ﻣﺎﻏﺸﺎﻧﻲ .. ﺍﻧﺘﻲ ﻗﺒﻴﻞ ﻛﻨﺖ ﺑﺘﻜﺤﻲ .. ﻭﻫﻮ ﻗﺎﻝ ﺍﻫﺎ ﻋﺎﻳﻦ ﺍﻣﻚ ﺭﺑﻨﺎ ﺩﺍﻳﺮ ﻳﺨﻨﻘﻬﺎ .. ﺍﻣﺸﻲ ﺳﺮﻳﻊ ﻛﻠﻤﻬﻢ .. ﻭﺑﻬﻴﺔ ﺗﻀﺤﻚ .. ﻭﺧﺎﺗﺔ ﻳﺪﻫﺎ ﻓﻮﻕ ﺧﺸﻤﻬﺎ .. ﻭﺍﻳﻤﺎﻥ ﺗﻌﻀﻌﺾ ﻓﻲ ﻳﺪﻳﻬﺎ ﻣﻤﻐﻮﺳﺔ ﻋﻠﻰ ﺍﻟﻮﻟﺪ ..

ﺑﻬﻴﺔ ﻗﺎﻟﺖ ﻟﻴﻬﺎ ﺍﻧﺘﻲ ﻣﺎﺗﺰﻋﻠﻲ .. ﻛﺎﻥ ﻫﺪﻓﻚ ﻣﻦ ﺍﻟﺒﺪﺍﻳﺔ ﺍﻧﻮ ﺍﻟﺼﺎﻓﻲ ﻳﻔﻮﺕ ﻭﻳﻬﻮﺩﺍ ﻓﺎﺕ .. ﻗﺎﻟﺖ ﻟﻴﻬﺎ ﻓﺎﺕ ﺑﻌﺪ ﺷﻨﻮ .. ﺑﻌﺪ ﻣﺎ ﺍﻧﺰﻟﻴﺖ ﻭﺍﺗﻬﻨﺖ ﻗﺪﺍﻣﻬﻢ ﻛﻠﻬﻢ .. ﻭﻓﻘﺪﺕ ﻛﺮﺍﻣﺘﻲ ﻗﺪﺍﻡ ﺍﺧﻮﺍﻧﻲ .. ﻭﺍﻟﻠﻪ ﺍﺗﻤﻨﻴﺖ ﺍﻟﻮﺍﻃﺔ ﺗﻨﺸﻖ ﻭﺗﺒﻠﻌﻨﻲ .. ﺍﻧﺎ ﻳﺎﺭﻳﺘﻨﻲ ﻟﻮ ﻣﺎﺿﺮﺑﺖ ﻟﻴﻬﻢ ﻋﺸﺎﻥ ﻳﺠﻮ ..

ﺍﻟﻜﻼﻡ ﺩﻩ ﻛﻠﻮ ﻭﺍﺣﻤﺪ ﻭﺧﺎﻟﺪ ﻗﺎﻋﺪﻳﻦ ﻓﻲ ﺍﻟﺼﺎﻟﻮﻥ ﺑﺘﻜﻠﻤﻮ ..

ﺍﺣﻤﺪ ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎﺧﺎﻟﺪ ﺷﻮﻑ ﺭﻗﻴﺔ ﺩﻱ ﺍﻫﺎﻧﺘﻨﺎ ﻛﻴﻒ ﻭﺍﻟﻠﻪ ﻣﺎﻋﺮﻓﺖ ﺍﻭﺩﻱ ﻭﺷﻲ ﻭﻳﻦ ؟؟

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﺣﻤﺪ .. ﺍﻧﺎ ﻗﻠﺖ ﻟﻴﻬﺎ ﻣﺴﺘﺤﻴﻞ ﺍﻟﺼﺎﻓﻲ ﻳﺸﻴﻞ ﺣﺎﺟﺔ ..ﻟﻜﻦ ﻫﻲ ﺍﻇﻨﻬﺎ ﺑﺲ ﺑﺘﻜﺮﻫﻮ ﺳﺎﻱ ﻛﺪﻱ .. ﻭﻗﺒﻞ ﻛﺪﺍ ﻋﻤﻠﺖ ﻣﻌﺎﻫﻮ ﺷﻤﻄﺔ .. ﻭﺷﺘﻤﺘﻮ ﻗﺪﺍﻣﻲ .. ﻭﻫﻮ ﺳﺎﻛﺖ ﻳﻌﺎﻳﻦ ﻓﻲ ﺍﻟﻮﺍﻃﺔ .. ﺍﺑﺖ ﺗﺴﻜﺖ ﻻﻣﻦ ﺍﻧﺎ ﻓﻜﻴﺖ ﻓﻴﻬﺎ ﺍﻟﻜﻮﺯ .. ﻭﺍﺗﺨﻴﻞ ﻓﻲ ﺷﻨﻮ ؟

ﻋﺸﺎﻥ ﺍﻟﺼﺎﻓﻲ ﻧﺴﻰ ﻧﻮﺭ ﺍﻟﺤﻤﺎﻡ ﻓﺎﺗﺢ .. ﻭﻣﻦ ﺍﻟﺸﻜﻠﺔ ﺩﻳﻚ ﺍﻟﺼﺎﻓﻲ ﺑﻘﻰ ﻳﺪﻓﻊ ﻗﺮﻭﺵ ﺍﻟﻜﻬﺮﺑﺎ ﻣﻦ ﻣﺼﺎﺭﻳﻒ ﺍﻟﺠﺎﻣﻌﺔ .. ﻻﻣﻦ ﺍﻧﺎ ﺷﺎﻛﻠﺘﻮ ﻭﺣﻠﻔﺖ ﻋﻠﻴﻬﻮ ..

ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻌﻈﻴﻢ ﺍﻟﻤﺨﻠﻮﻗﺔ ﺩﻱ ﺡ ﺗﺠﻴﺐ ﻟﻲ ﺿﻐﻂ .. ﺯﻭﻟﺔ ﻋﻨﺪﻫﺎ ﻧﻔﺴﻴﺎﺕ ﻭﺑﻐﺾ ﺟﻮﺍﻫﺎ ﻏﺮﻳﺐ .. ﻭﺷﻜﻮﻙ .. ﻭﺳﻮﺍﺩﺓ ﻧﻴﺔ .. ﻣﺎﻋﺎﺭﻑ ﺍﻟﺰﻭﻝ ﻳﺘﺼﺮﻑ ﻣﻌﺎﻫﺎ ﻛﻴﻒ ؟؟

ﻗﺎﻝ ﻟﻴﻬﻮ ﺍﻧﺴﺎﻫﺎ .. ﻭﻋﺎﺭﻑ ﺍﺣﺴﻦ ﺩﻭﺍﺀ ﻟﻴﻬﺎ ﺷﻨﻮ .. ﺍﺻﻠﻚ ﻣﺎﺗﺘﻜﻠﻢ ﻣﻌﺎﻫﺎ ..

ﺧﻠﻴﻬﺎ ﺗﻤﻮﺕ ﺑﻲ ﺣﺴﺮﺗﻬﺎ .. ﻟﻮ ﻣﺸﻴﺖ ﺷﺎﻛﻠﺘﻬﺎ ﺑﺘﻔﺸﻬﺎ .. ﺍﻧﺎ ﺷﺨﺼﻴﺎ ﺑﻘﺎﻃﻌﻬﺎ ﺗﺎﻧﻲ ﺳﻼﻡ ﻣﺎﺑﺪﻳﻬﺎ ﻟﻴﻬﻮ .

ﺍﺣﻤﺪ ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻜﻼﻡ ﺩﻩ ﻭﻻ ﻳﺄﺛﺮ ﻣﻌﺎﻫﺎ .. ﺩﻱ ﺍﻧﺴﺎﻧﺔ ﻣﺘﺒﻠﺪﺓ ﻭﺷﻌﻮﺭﻫﺎ ﻣﻴﺖ .. ﻫﺴﻲ ﻋﻠﻴﻚ ﺍﻟﻠﻪ ﺍﻋﺘﺬﺍﺭ ﻣﺎﺗﻌﺘﺬﺭ .. ﻭﻻﺗﺘﺎﺳﻒ ﻣﻦ ﺍﻻﺗﻬﺎﻡ ﺍﻋﻮﺫ ﺑﺎﻟﻠﻪ .. ﻭﺍﻟﻠﻪ ﻛﺎﻥ ﺩﻩ ﺍﻧﺎ ﻛﻨﺖ ﻣﺴﻜﺖ ﻟﻠﺼﺎﻓﻲ ﻓﻲ ﺭﺟﻠﻴﻬﻮ ﻋﺸﺎﻥ ﻳﺴﺎﻣﺤﻨﻲ .. ﻏﺎﻳﺘﻮ ﻓﻲ ﺍﺻﻨﺎﻑ ﻛﺪﺍ ﻏﺮﻳﺒﺔ ﻣﻦ ﺍﻟﺸﺨﺼﻴﺎﺕ .. ﺭﺑﻨﺎ ﻳﺼﺒﺮﻧﺎ ﻋﻠﻴﻬﺎ .. ﻟﻜﻦ ﺍﻗﻮﻝ ﻟﻴﻚ ﻭﻻﻓﻲ ﺩﺍﻋﻲ ﺍﺗﻜﻠﻢ ﻣﻌﺎﻫﺎ .. ﺑﻨﻈﻤﻬﺎ ﻟﻴﻚ ﺑﺎﻟﻤﻘﺎﻃﻌﺔ ﺍﻟﻜﻠﺒﺔ .. ﻭﺭﻛﺐ ﻋﺮﺑﻴﺘﻮ ﻭﻣﺸﻰ ..

ﺧﺎﻟﺪ ﻧﺎﺩﻯ ﺑﻬﻴﺔ ﺟﻤﺐ ﺍﻟﺒﺎﺏ ﺑﺘﺎﻉ ﺍﻟﻨﺺ .. ﻭﻗﺎﻝ ﻟﻴﻬﺎ ﺍﺣﻤﺪ ﻣﺸﻰ ﺯﻋﻼﻥ ﺯﻋﻞ .. ﺍﺣﺘﻤﺎﻝ ﻳﻌﻤﻞ ﺣﺎﺩﺙ ﺑﻲ ﻋﺮﺑﻴﺘﻮ .. ﻭﺍﻧﺎ ﺑﻜﻮﻥ ﺟﺎﻧﻲ ﺳﻜﺮﻱ .. ﻭﻧﺤﻦ ﺑﻘﻴﻨﺎ ﻣﺎﺭﺟﺎﻝ ﻗﺪﺍﻡ ﺍﻻﻣﻴﻦ .. ﺭﻗﻴﺔ ﺳﻮﺩﺕ ﻭﺷﻨﺎ .. ﻻ ﺍﻧﺎ ﻻ ﺍﺣﻤﺪ ﺗﺎﻧﻲ ﺭﻗﻴﺔ ﻣﺎ ﺍﺧﺘﻨﺎ ﻭﻻﺑﻨﻌﺮﻓﺎ .. ﻋﻨﺪﻧﺎ ﺍﺧﺖ ﻭﺍﺣﺪﺓ .. ﺍﻭﻋﻚ ﺗﺎﻧﻲ ﺭﻗﻴﺔ ﺗﻌﻤﻞ ﻟﻲ ﺍﻛﻞ ﺑﻴﺪﻳﻬﺎ ﺍﻟﺨﺒﺜﺎﺕ ﺩﻳﻞ .. ﻭﺭﻗﻴﺔ ﻓﻲ ﺍﻟﻮﻗﺖ ﺩﻩ ﻛﺎﻧﺖ ﻭﺍﻗﻔﺔ ﺑﺘﺴﻤﻊ ﻓﻲ ﻛﻼﻡ ﺧﺎﻟﺪ .. ﺍﺗﻜﻠﻢ ﺑﻲ ﺣﺮﻗﺔ ﻻﻣﻦ ﺑﻜﺎ ..

ﺍﻫﺎ ﻳﺎﺯﻭﻭﻝ ﻧﺎﺱ ﺍﻟﺼﺎﻓﻲ ﻫﻨﺎﻙ ﻟﻘﻮ ﻟﻴﻬﻢ ﺷﻘﺔ ﻗﺮﻳﺐ ﻟﻠﺠﺎﻣﻌﺔ .. ﻓﻲ ﻋﻤﺎﺭﺓ ﻓﻲ ﺍﻟﻄﺎﺑﻖ ﺍﻟﺘﺎﻧﻲ .. ﻭﺍﻻﻣﻴﻦ ﺩﻓﻊ ﻓﻴﻬﺎ ﻣﻘﺪﻡ ﺳﺘﺔ ﺷﻬﻮﺭ .. ﻭﺧﺘﻮ ﻓﻴﻬﺎ ﺣﺎﺟﺎﺕ ﺍﻟﺼﺎﻓﻲ .. ﻭ ﻗﻔﻠﻮﻫﺎ ﻭﺷﺎﻟﻮ ﻣﻔﺎﺗﻴﺤﻬﺎ .. ﻭﻣﺸﻮ ﻟﻲ ﺟﻤﺎﻋﺔ ﺍﺻﺤﺎﺏ ﺍﻻﻣﻴﻦ ﻓﻲ ﺍﻣﺪﺭﻣﺎﻥ ﺑﺎﻧﺖ .. ﻗﺎﻝ ﻟﻴﻬﻮ ﺍﻧﺎ ﺍﺗﺼﻠﺖ ﻋﻠﻰ ﺑﻜﺮﻱ ﻋﻤﺮ ﺻﺎﺣﺒﻲ ﻓﻲ ﺑﺎﻧﺖ .. ﻧﺎﺧﺪ ﻣﻌﺎﻫﻢ ﺍﻟﻴﻮﻡ ﺩﻩ ﻭﻧﺒﻴﺖ ﻭﺑﺎﻛﺮ ﻧﺨﻠﻲ ﻣﻌﺎﻫﻢ ﺍﻻﻭﻻﺩ ﻭﻧﺠﻲ ﻧﺠﻬﺰ ﺍﻟﺸﻘﺔ ﺩﻱ ﺍﻧﺎ ﻭﺍﻧﺖ .. ﺍﻟﺼﺎﻓﻲ ﻗﺎﻝ ﻟﻴﻬﻮ ﺭﺑﻨﺎ ﻳﺨﻠﻴﻚ ﻳﺎ ﺍﺑﻮﻱ .. ﻭﻳﺨﺪﺭ ﺿﺮﺍﻋﻚ ﻭﺍﻟﻠﻪ ﻛﺪﻱ ﺭﻳﺤﺘﻨﻲ ﺭﺍﺣﺔ .. ﻛﺪﺍ ﺍﻟﺰﻭﻝ ﻳﻘﺮﺍ ﺑﻲ ﻣﺰﺍﺝ .. ﻗﻮﻝ ﻟﻲ ﻧﺎﺱ ﺍﻟﺪﻓﻌﺔ ﺟﺎﻛﻢ ﺑﻼ ﻫﻬﻬﻪ ..

ﻟﻤﻦ ﻣﺸﻮ ﻋﻠﻰ ﺍﻣﺪﺭﻣﺎﻥ .. ﻛﺎﻥ ﺍﻟﺰﻣﻦ ﻗﺮﻳﺐ ﺍﻟﻤﻐﺮﺏ ﻣﻦ ﻳﻮﻡ ﺍﻟﺴﺒﺖ ﺩﻩ ..

ﺍﻫﺎ ﻳﺎﺯﻭﻝ ﻭﺻﻠﻮ ﻟﻲ ﻧﺎﺱ ﺑﻜﺮﻱ .. ﻭﺑﻜﺮﻱ ﻓﺮﺡ ﺑﻴﻬﻢ ﻓﺮﺡ ﺷﺪﻳﺪ ..

ﻭﻣﺎﻛﺎﻥ ﻣﺼﺪﻕ ﺍﻧﻮ ﺍﻻﻣﻴﻦ ﻳﺠﻴﻬﻮ ﺯﻳﺎﺭﺓ ﺑﻲ ﺍﻭﻻﺩﻭ ..

ﺑﻌﺪ ﺻﻠﻮ ﺍﻟﻤﻐﺮﺏ ﻭﻗﻌﺪﻭ ﻟﻠﻮﻧﺴﺔ .. ﺍﻟﺼﺎﻓﻲ ﻣﻮﺑﺎﻳﻠﻮ ﺿﺮﺏ .. ﻃﻠﻌﻪ ﻛﺪﺍ ﻋﺎﻳﻦ ﻟﻴﻬﻮ .. ﻟﻘﺎﻫﻮ ﺩﻩ ﺭﻗﻢ ﺧﺎﻟﺪ .. ﻗﺎﻝ ﻟﻴﻬﻮ ﺍﻟﻮ ﻳﺎﺧﺎﻟﺪ .. ﻣﺮﺣﺒﺎ ..

ﺧﺎﻟﺪ ﻗﺎﻝ ﻟﻴﻬﻮ ﺍﻟﺼﺎﻓﻲ ﺍﻧﺘﻮ ﻭﻳﻦ؟

ﻗﺎﻝ ﻟﻴﻮ ﻧﺤﻦ ﻓﻲ ﺍﻣﺮﻣﺎﻥ ﻣﺎﻟﻚ ﻳﺎ ﺧﺎﻟﺪ ﻣﺨﻠﻮﻉ ﻛﺪﻱ ؟

ﻗﺎﻝ ﻟﻴﻬﻮ ﺗﻌﺎﻟﻮ ﺳﺮﻳﻊ .. ﺭﻗﻴﺔ ﺩﻱ ﺑﻠﻌﺖ ﻟﻴﻬﺎ ﺣﺒﻮﺏ ﻛﺘﻴﺮﺓ .. ﺩﺍﻳﺮﺓ ﺗﻨﺘﺤﺮ ﻭﻫﺴﻲ ﺗﻌﺒﺎﻧﺔ ﺑﻴﻦ ﺍﻟﻤﻮﺕ ﻭﺍﻟﺤﻴﺎﺓ .. ﻓﻴﻬﺎ ﺗﺤﺼﻠﻮﻫﺎ ﻭﻓﻴﻬﺎ ﻣﺎﺗﺤﺼﻠﻮﻫﺎ ..