روايه الصافي الجزء التاني

روايه الصافي 6

ﻃﺒﻌﺎ ﺗﺴﺎﺑﻴﺢ ﺑﻘﺖ ﺯﻱ ﺍﻟﻤﺠﻨﻮﻧﺔ ﻣﻦ ﺍﻟﺨﻮﻑ .. ﻭﺍﻛﺘﺮ ﺷﻲ ﺧﺎﻳﻔﺔ ﻣﻨﻮ ﺍﻧﻮ ﺍﻟﺘﻠﻔﻮﻥ ﻳﻘﻊ ﻓﻲ ﻳﺪ ﺍﺏ ﻗﻔﺎﻳﺲ .. ﻣﺆﻳﺪ .. ﻋﺸﺎﻥ ﻫﻲ ﻋﺎﺭﻓﺔ ﺍﻧﻮ ﻣﺮﺍﺕ ﺑﻔﺘﺶ ﺷﻨﻂ ﺍﻟﺒﻨﺎﺕ .. ﺍﻭﻝ ﻣﺎ ﺍﻟﻮﺍﺣﺪﺓ ﺗﻐﻔﻞ ﻣﻦ ﺷﻨﻄﺘﻬﺎ ﺑﺪﺧﻞ ﺍﻳﺪﻭ ﻓﻴﻬﺎ .. ﻭﻳﺸﻴﻞ ﺍﻟﺪﺍﻳﺮﻭ ﺷﻴﻜﻮﻻﺗﻪ ﺍﻭ ﻟﺒﺎﻥ .. ﻳﺎﺧﻲ ﺩﻩ ﺑﺸﻴﻞ ﺍﻟﻤﺮﺍﻳﺔ ﺣﻘﺖ ﺍﻟﺒﺖ ﻋﺸﺎﻥ ﻳﻈﺒﻂ ﺑﻴﻬﺎ ﺷﻌﺮﻭ .. ﻓﺎﺣﺘﻤﺎﻝ ﺍﻧﻮ ﻳﻜﻮﻥ ﺷﺎﻟﻮ ﻣﻦ ﺷﻨﻄﺔ ﺳﺤﺮ .. ﺩﻩ ﺍﺣﺘﻤﺎﻝ ﻭﺍﺭﺩ ﻓﻲ ﺭﺍﺱ ﺗﺴﺎﺑﻴﺢ .. ﻭﻫﻲ ﻃﺒﻌﺎ ﻗﻠﺒﻬﺎ ﻣﻘﻄﻮﻉ .. ﻟﻮ ﺍﻟﻜﻼﻡ ﺩﻩ ﻃﻠﻊ ﺻﺢ ﺯﻱ ﻣﺎﻫﻲ ﺑﺘﺘﺨﻴﻞ .. ﻻﻧﻮ ﻫﺪﺩﻫﺎ ﻛﻢ ﻣﺮﺓ .. ﻭﻗﺎﻝ ﻟﻴﻬﺎ ﺍﻧﺎ ﺑﻨﺘﻘﻢ ﻣﻨﻚ ..

ﺑﻌﺪ ﻳﻮﻣﻴﻦ ﺑﺲ ﻣﻦ ﺍﻟﻤﻮﺿﻮﻉ ﺩﻩ .. ﺟﺎﺕ ﺳﺤﺮ ﻟﻲ ﺗﺴﺎﺑﻴﺢ .. ﻗﺎﻟﺖ ﻟﻴﻬﺎ ..

ﺗﻌﺎﻟﻲ ﻳﺎﺗﺴﺎﺑﻴﺢ ﺷﻮﻓﻲ ﺍﻟﻜﺎﺭﺛﺔ .. ﻭﺍﻟﻐﺮﻳﺒﺔ ﺳﺤﺮ ﻛﺎﻧﺖ ﺑﺘﺒﻜﻲ .. ﻭﺑﺘﺪﻣﻊ ﺩﻣﻮﻉ ﺣﻘﻴﻘﻴﺔ .. ﻫﻬﻬﻪ ﺩﻣﻮﻉ ﺍﻟﺘﻤﺎﺳﻴﺢ ..

ﻗﺎﻟﺖ ﻟﻴﻬﺎ ﺳﺠﻤﻲ ﻣﺎﻟﻚ ﺑﺘﺒﻜﻲ ﻛﺪﻱ ﻳﺎﺑﺖ ؟

ﻗﺎﻟﺖ ﻟﻴﻬﺎ ﺍﻧﺎ ﻟﻘﻴﺖ ﺗﻠﻔﻮﻧﻲ .. ﻗﺎﻟﺖ ﻟﻴﻬﺎ ﻃﻴﺐ ﺍﻟﺰﻭﻝ ﺍﻟﺒﻠﻘﻰ ﺗﻠﻔﻮﻧﻮ ﺑﻘﻌﺪ ﻳﺘﻌﻮﻟﻖ ﺯﻳﻚ ﻛﺪﻱ؟ .. ﻗﺎﻟﺖ ﻟﻴﻬﺎ ﻟﻜﻦ ﺍﻧﺘﻲ ﻣﺎﻋﺎﺭﻓﺔ ﺍﻟﻜﺎﺭﺛﺔ؟؟ ﺍﻟﺘﻠﻔﻮﻥ ﺍﺗﻠﻘﻰ ﻋﻨﺪ ﻣﺆﻳﺪ ..

ﺗﺴﺎﺑﻴﺢ ﻗﺎﻟﺖ ﻟﻴﻬﺎ ﻻﻻ .. ﻻﻻ .. ﺍﻧﺖ ﺍﻛﻴﺪ ﺑﺘﻬﻈﺮﻱ ﻣﻌﺎﻱ .. !! ﻭﺩﺍﻳﺮﺓ ﺗﺨﻮﻓﻴﻨﻲ !!.. ﻗﺎﻟﺖ ﻟﻴﻬﺎ ﻭﺍﻟﻠﻪ ﺟﺎﺑﻮ ﻟﻲ ﻣﺆﻳﺪ .. ﻗﺎﻝ ﻟﻲ ﺗﻌﺎﻟﻲ ﺷﻮﻓﻲ ﺍﻟﺘﻠﻔﻮﻥ ﺩﻩ ﺣﻘﻚ؟ ..

ﻗﻠﺖ ﻟﻴﻬﻮ ﺍﻳﻮﺓ ﺣﻘﻲ .. ﺍﻧﺖ ﻟﻘﻴﺘﻮ ﻭﻳﻦ ؟؟ ﻗﺎﻝ ﻟﻲ ﻟﻘﻴﺘﻮ ﻭﻳﻦ ﺩﻱ .. ﻣﺎ ﻣﻬﻤﺔ .. ﺍﻟﻤﻬﻢ ﻟﻘﻴﺘﻲ ﺗﻠﻔﻮﻧﻚ ﺍﻟﻀﺎﻳﻊ .. ﻭﻗﺎﻝ ﻟﻲ ﻣﻌﻠﻴﺶ ﻳﺎﺳﺤﺮ .. ﻟﻘﻴﺖ ﻟﻲ ﻛﻢ ﻓﻴﺪﻳﻮ ﻛﺪﺍ .. ﻋﺠﺒﻮﻧﻲ ﻭﺣﻮﻟﺘﻬﻢ ﻋﻨﺪﻱ ..

ﻳﺎﺯﻭﻝ ﺗﺴﺎﺑﻴﺢ ﺩﻱ ﺑﻘﺖ ﺗﺴﻜﻞ ﺯﻱ ﺍﻟﻤﻴﺖ ﻟﻴﻬﺎ ﺯﻭﻝ .. ﺍﻟﻠﻴﻠﺔ ﻭﺍﻓﻀﻴﺤﺘﻲ .. ﺍﻟﻠﻴﻠﺔ ﻭﺍﻧﺒﻴﺸﺘﻲ .. ﺍﻟﻠﻴﻠﺔ ﻭﻭﻭﻭﺏ ﻋﻠﻴﻚ ﻳﺎﺗﺴﺎﺑﻴﺢ ﺑﺖ ﻫﺪﻱ ..

ﺍﻟﻤﻬﻢ ﺗﺴﺎﺑﻴﺢ ﺣﺼﻞ ﺍﻟﻜﺎﻧﺖ ﺧﺎﻳﻔﺔ ﻣﻨﻮ .. ﻭﻗﺎﻟﺖ ﻟﻲ ﺳﺤﺮ ﻭﺍﻟﻠﻪ ﺍﻧﺎ ﻛﻨﺖ ﺣﺎﺳﺔ .. ﺍﻧﻮ ﺗﻠﻔﻮﻧﻚ ﺷﺎﻟﻮ ﻣﺆﻳﺪ .. ﻻﻧﻮ ﻛﺘﻴﺮ ﺑﺪﺧﻞ ﻳﺪﻭ ﻓﻲ ﺷﻨﻂ ﺍﻟﺒﻨﺎﺕ ..

ﻭﻣﺮﺕ ﻳﻮﻣﻴﻦ .. ﻭﻣﺆﻳﺪ ﻣﺎ ﺍﺗﻜﻠﻢ ﻣﻊ ﺗﺴﺎﺑﻴﺢ .. ﻭﺗﺴﺎﺑﻴﺢ ﺧﺎﻳﻔﺔ ﺩﺍﻳﺮﺓ ﺗﻤﻮﺕ ﻣﻦ ﺍﻟﺨﻮﻑ .. ﻭﺳﺤﺮ ﻛﻠﻤﺖ ﻣﺆﻳﺪ .. ﻗﺎﻟﺖ ﻟﻴﻬﻮ ﺗﺴﺎﺑﻴﺢ ﻋﺮﻓﺖ ﺍﻧﻮ ﺍﻟﻔﻴﺪﻳﻮ ﻣﻌﺎﻙ .. ﻗﺎﻝ ﻟﻴﻬﺎ ﺣﻠﻮ ﺣﻠﻮ ﺷﺪﻳﺪ ..

ﺍﻫﺎ ﺑﻘﻰ ﻛﻞ ﻣﺎﻳﻼﻗﻴﻬﺎ .. ﻳﻘﻌﺪ ﻳﺘﺒﺴﻢ ﻣﻌﺎﻫﺎ ﻣﻦ ﺑﻌﻴﺪ .. ﻭﻫﻲ ﻃﺒﻌﺎ " ﻗﻠﺒﻬﺎ ﻳﻘﺮﺏ ﻳﻤﺮﻕ ﻣﻦ ﻣﺤﻠﻮ .. ﻭﻓﻜﺮﺕ ﻛﺘﻴﺮ ﺗﻤﺸﻲ ﺗﻌﺘﺬﺭ ﻟﻴﻬﻮ ﻭﺗﻄﻠﺐ ﻣﻨﻮ ﺍﻟﻌﻔﻮ .. ﻭﺗﻘﻊ ﻟﻴﻬﻮ ﻓﻲ ﻋﺮﺿﻮ ﻟﻜﻦ ﻣﺎﻗﺪﺭﺕ .. ﺑﺲ ﻫﻮ ﻣﺎ ﺩﺍﻳﺮ ﻳﺒﺪﺍ ﺍﻟﻬﺠﻮﻡ ﻟﻴﻪ؟؟؟ﻧﺸﻮﻑ

ﻻﻧﻪ ﻋﺎﻳﺰ ﻳﻀﺮﺏ ﺿﺮﺑﺔ ﻣﺰﺩﻭﺟﺔ .. ﺩﺍﻳﺮ ﻳﻀﺮﺏ ﻟﻴﻨﺔ ﻭﺗﺴﺎﺑﻴﺢ ﻓﻲ ﺿﺮﺑﺔ ﻭﺍﺣﺪﺓ ..

ﺑﻌﺪ ﻛﻢ ﻳﻮﻡ ﻻﻗﻰ ﺳﺤﺮ ﺗﺎﻧﻲ ﻗﺎﻝ ﻟﻴﻬﺎ .. ﺍﻧﺘﻲ ﻃﺒﻌﺎ ﻋﺎﺭﻓﺎﻧﻲ ﺍﻧﺎ ﺷﻐﻠﻲ ﻓﻲ ﺍﻟﻤﻠﻴﺎﻥ .. ﻭﺍﻟﻤﺮﺓ ﺍﻟﻔﺎﺗﺖ ﺳﻠﻤﺘﻚ ﻗﺮﻭﺷﻚ ﻋﻠﻰ ﺩﻳﺮ ﺍﻟﻤﻠﻴﻢ .. ﻫﺴﻲ ﻳﺎ ﺍﻟﻐﺎﻟﻴﺔ ﺍﻧﺎ ﻋﻨﺪﻱ ﺷﻐﻞ ﺗﺎﻧﻲ .. ﻭﺩﻩ ﻳﺎﺳﺘﻲ ﺑﻲ ﺗﻠﺘﻤﻴﺔ ﺟﻨﻴﻪ ..

ﺳﺤﺮ ﺍﺗﺼﻠﺤﺖ ﻓﻲ ﺍﻟﻘﻌﺪﺓ .. ﻭﺍﺗﻨﺤﻨﺤﺖ ﻭﺑﻘﺖ ﺗﺘﻤﻄﻖ .. ﻭﺗﻔﺮﻙ ﻓﻲ ﺩﻳﻬﺎ .. ﻭﻗﺎﻟﺖ ﻟﻴﻬﻮ ﺑﻲ 300 ﻟﻮ ﺩﺍﻳﺮ ﺭﺍﺱ ﻏﺮﺩﻭﻥ ﺑﺠﻴﺒﻮ ﻟﻴﻚ ..

ﻗﺎﻝ ﻟﻴﻬﺎ ﺑﺲ ﻋﺎﻳﺰ ﻣﻨﻚ ﺗﻌﻤﻠﻲ ﻧﻔﺲ ﺍﻟﻌﻤﻠﻴﺔ ﻓﻲ ﻟﻴﻨﺔ ..

ﻗﺎﻟﺖ ﻟﻴﻬﻮ ﻻﻻﻻ ﻟﻴﻨﺔ ؟؟ ﻣﻌﻘﻮﻭﻝ .. ؟؟ ﻳﺎﺧﻲ ﺩﻱ ﺭﺍﺳﻬﺎ ﻗﻮﻱ .. ﻭﻣﺎﺑﺘﺤﺐ ﺍﻟﺤﺎﺟﺎﺕ ﺩﻱ .. ﻋﺎﻣﻠﺔ ﻓﻴﻬﺎ ﺟﺎﺩﺓ ﻭﺑﺘﺎﻋﺔ ﻣﺬﺍﻛﺮﺓ ﻭ ﻛﺪﺍ ..

ﻗﺎﻝ ﻟﻴﻬﺎ ﺍﻧﺘﻲ ﺣﺎﻭﻟﻲ .. ﺍﻝ 300 ﻣﺎﻫﻴﻨﺔ ﺗﺴﺘﺤﻖ ﺍﻟﻤﺤﺎﻭﻟﺔ ﻭﻻﺷﻨﻮ؟

ﻗﺎﻟﺖ ﻟﻴﻬﻮ ﺑﺮﻱ ﻳﺎﻳﻤﺔ .. ﻛﻞ ﺷﻲ ﻭﻻ ﻟﻴﻨﺔ .. ﻭﺍﻟﻠﻪ ﺩﻱ ﺍﻧﺎ ﺑﺨﺎﻑ ﻣﻨﻬﺎ ﻋﺪﻳﻞ ..

ﻗﺎﻝ ﺗﺨﺎﻓﻲ ﻣﻨﻬﺎ ﺷﻨﻮ ﺩﻱ ﺍﻟﺼﻐﻴﺮﻭﻧﺔ ﺩﻱ؟؟ .. ﻗﺎﻟﺖ ﻟﻴﻬﻮ ﻫﻮﻱ ﻭﺍﻟﻠﻪ ﺻﻌﺒﺔ ﺧﻼﺹ .. ﻣﺎﺗﻌﺎﻳﻦ ﻟﻴﻬﺎ ﻛﺪﻱ .. ﻭﺫﻛﻴﺔ ﻣﻤﻜﻦ ﺗﻜﺸﻔﻨﻲ ﻣﻦ ﺍﻭﻝ ﺩﻗﻴﻘﺔ ..

ﻗﺎﻝ ﻟﻴﻬﺎ ﻛﻮﻳﺲ ﺳﻴﺒﻚ ﺍﻧﺎ ﺑﺘﺼﺮﻑ .. 300 ﻭﺿﺎﻋﺖ ﻋﻠﻴﻚ ..

ﻭﻗﺎﻡ ﻣﺸﻰ .. ﻳﺎﺯﻭﻝ ﺑﺎﻟﻠﻴﻞ ﻧﺰﻝ ﻟﻴﻬﻮ ﺑﺮﻧﺎﻣﺞ ﺑﺘﺎﻉ ﺗﺴﺠﻴﻞ ﻣﻜﺎﻟﻤﺎﺕ ﺧﺎﺹ .. ﺑﻴﺒﺪﺍ ﺍﻟﺘﺴﺠﻴﻞ ﻣﻊ ﺍﻟﻤﻜﺎﻟﻤﺔ ﺍﺗﻮﻣﺎﺗﻴﻚ .. ﻭﺍﺗﺼﻞ ﻋﻠﻲ ﻟﻴﻨﺔ ﺍﻟﺤﻨﻴﻨﺔ ﻫﻪ ..

ﺍﻭﻝ ﻣﻦ ﺍﻟﺠﺮﺱ ﺩﻕ ﻟﻴﻬﺎ .. ﻋﺎﻳﻨﺖ ﻟﻠﺮﻗﻢ .. ﻋﺮﻓﺘﻮ ﺩﻩ ﺭﻗﻢ ﻣﺆﻳﺪ ﺍﺑﺖ ﺗﺮﺩ ..

ﺩﻕ ﻟﻴﻬﺎ ﺗﺎﻧﻲ ﺍﺑﺖ ﺗﺮﺩ ..

ﻓﻲ ﺍﻟﻤﺮﺓ ﺍﻻﺧﺮﺓ ﻓﺘﺤﺖ ﻟﻴﻬﻮ ﺍﻟﺨﻂ .. ﻗﺎﻟﺖ ﻟﻴﻬﻮ ﺍﻟﻮ؟

ﻗﺎﻝ ﻟﻴﻬﺎ ﺍﻟﻮ ﻳﺎ ﻟﻴﻨﺔ .. ﻳﺎﻟﻴﻨﺔ ﻳﺎﺧﻲ ﻭﺍﻟﻠﻪ ﺍﻧﺎ ﺍﺳﻒ ﻭﺑﻌﺘﺬﺭ .. ﻭﺍﻧﺎ ﻧﺪﻣﺎﻥ ﻋﻠﻰ ﻛﻞ ﺷﻲ ..

ﻗﺎﻟﺖ ﻟﻴﻬﻮ ﻣﺎ ﺩﺍﻡ ﺍﻻﺳﻒ ﻭﻋﺬﺭﻙ ﻣﻘﺒﻮﻝ ..

ﻗﺎﻝ ﻟﻴﻬﺎ .. ﺍﻫﺎ؟

ﻗﺎﻟﺖ ﻟﻴﻬﻮ ﺍﻫﺎ ﻓﻲ ﺷﻨﻮ؟ ﺧﻼﺹ ﻗﺒﻠﺖ ﻋﺬﺭﻙ ..

ﻗﺎﻝ ﻟﻴﻬﺎ ﻣﺎﻣﻤﻜﻦ ﻧﺮﺟﻊ ﺯﻱ ﺯﻣﺎﻥ؟ .. ﻗﺎﻟﺖ ﻟﻴﻬﻮ ﺍﻧﺎ ﺍﺳﻔﺔ ﻣﺎﺑﻘﺪﺭ .. ﺍﻧﺎ ﺗﺎﻧﻲ ﻣﺴﺘﺤﻴﻞ ﺍﺳﺘﻮﻋﺐ ﺧﻴﺎﻟﻚ ..

ﻗﺎﻝ ﻟﻴﻬﺎ ﺣﺮﺍﻡ ﻋﻠﻴﻚ ﻳﺎﻋﺴﻠﻲ .. ﺍﻧﺘﻲ ﻧﺴﻴﺘﻲ ﺍﻳﺎﻡ ﺍﻟﺤﺐ ﻭﺍﻟﻬﻴﺎﻡ .. ﻧﺴﻴﺘﻲ ﻟﻤﻦ ﺑﺘﻘﻮﻟﻲ ﻟﻲ ﺑﻤﻮﺕ ﻓﻴﻚ ؟

ﻗﺎﻟﺖ ﻟﻴﻬﻮ ﻣﺎ ﺍﻇﻦ ﺣﺼﻞ ﻛﻼﻡ ﺯﻱ ﺩﻩ .. ﻭﺣﺘﻰ ﻟﻮ ﺣﺼﻞ ﺍﻧﺎ ﺑﻜﻮﻥ ﻛﻨﺖ ﻏﺒﻴﺎﻧﺔ ﻭﻣﻘﻔﻠﺔ ﻭﻣﺎﻋﻨﺪﻱ ﻣﺦ ..

ﻟﻮ ﺳﻤﺤﺖ ﺍﻧﺎ ﺗﻌﺒﺎﻧﺔ ﻭﺩﺍﻳﺮﺓ ﺍﻧﻮﻡ .. ﺗﺼﺒﺢ ﻋﻠﻰ ﺧﻴﺮ .. ﻭﻟﻮ ﺳﻤﺤﺖ ﺗﺎﻧﻲ ﻣﺎﺗﻀﺮﺏ ﻟﻲ .. ﻻﻧﻮ ﻣﺎ ﻋﻨﺪﻱ ﺭﻏﺒﺔ ﻓﻲ ﺍﻟﺘﻮﺍﺻﻞ ﻣﻌﺎﻙ ..

ﻭﺗﻮﺕ .. ﺗﻮﺕ .. ﺗﻮﺕ ﻗﻔﻠﺖ ﺍﻟﺨﻂ ﻓﻲ ﻭﺷﻮ ..

ﻭﻓﺘﺢ ﺍﻟﺘﺴﺠﻴﻞ ﺍﻟﺴﺠﻠﻮ .. ﻭﺑﻘﻰ ﻳﺴﻤﻊ ﻓﻲ ﺍﻟﻤﻬﺰﻟﺔ ﺍﻻﺗﻌﺮﺽ ﻟﻴﻬﺎ .. ﻭﻛﻞ ﻣﺎﻳﺴﻤﻊ ﺣﺘﺔ ﻳﻜﺮﺝ ﺳﻨﻮﻥ ﺑﺎﻟﻤﻐﺼﺔ .. ﺟﻤﻊ ﻛﻞ ﺷﻴﺎﻃﻴﻨﻮ ﻋﺸﺎﻥ ﻳﺸﻮﻑ ﻟﻴﻬﻮ ﺧﻄﺔ ﻳﻨﺘﻘﻢ ﺑﻴﻬﺎ ﻣﻦ ﻟﻴﻨﻪ .. ﻭﺍﻟﻄﺮﻕ ﻛﻠﻬﺎ ﺑﻘﺖ ﻣﺴﺪﻭﺩﺓ ﻓﻲ ﻭﺷﻮ ..

ﻓﻜﺮ ﻓﻲ ﺣﺎﺟﺔ ..

ﺑﺎﻛﺮ ﻣﺸﻰ ﻗﺎﻝ ﻟﻲ ﺳﺤﺮ .. ﻛﻠﻤﻲ ﺗﺴﺎﺑﻴﺢ ﺗﺠﻴﺐ ﻟﻲ ﻓﻴﺪﻳﻮﻣﻦ ﻟﻴﻨﺔ .. ﻭﺍﻧﺎ ﺑﺪﻳﻬﺎ ﺍﻟﻔﻴﺪﻳﻮ ﺍﻟﻌﻨﺪﻱ ..

ﺳﺤﺮ ﻗﺎﻟﺖ ﻟﻴﻬﻮ ﻟﻜﻦ ﻛﺪﺍ ﺑﺘﻜﺸﻔﻨﻲ ﻳﺎﻣﺆﻳﺪ .. ﺡ ﺗﻌﺮﻑ ﺍﻧﻲ ﺻﻮﺭﺗﻬﺎ ﺑﺎﻟﻘﺼﺪ .. ﻗﺎﻝ ﻟﻴﻬﺎ ﺍﻧﺴﻲ ﺑﺘﺼﺮﻑ ﻣﻌﺎﻫﺎ ﺑﺮﺍﻱ ..

ﻭﻓﻌﻼ ﻣﺸﻰ ﻻﻗﺎﻫﺎ .. ﻗﺎﻝ ﻟﻴﻬﺎ ﺗﺴﺎﺑﻴﺢ ﺍﻧﺎ ﻋﺎﻳﺰﻙ ..

ﻗﺎﻟﺖ ﻟﻴﻬﻮ ﺟﺪﺍ " .. ﻣﺎﺻﺪﻗﺖ ﻗﺎﻣﺖ ﺟﺎﺭﻳﺔ ﻟﻴﻬﻮ ﺑﻲ ﻛﻞ ﺧﻮﻑ ﻭﻓﺰﻉ ..

ﻭﻫﻮ ﻃﺒﻌﺎ " ﻣﺒﺴﻮﻁ ﻳﺘﺒﺴﻢ ..

ﻗﺎﻝ ﻟﻴﻬﺎ ﺍﻗﻌﺪﻱ .. ﻣﺎﻳﺴﻤﻌﻨﺎ ﺯﻭﻝ .. ﻻﻧﻮ ﺍﻟﻜﻼﻡ ﺩﻩ ﺻﻌﺐ ﺷﺪﻳﺪ ..

ﺍﻭﻻ ﺍﻧﺎ ﺳﺮﻗﺖ ﺗﻠﻔﻮﻥ ﺳﺤﺮ .. ﻭﻟﻘﻴﺖ ﻓﻴﻬﻮ ﻓﻴﺪﻳﻮ ﻓﻈﻴﻴﻴﻴﻴﻴﻴﻊ .. ﻭﺍﻧﺘﻲ ﺗﺮﻗﺼﻲ ﺑﺪﻭﻭﻭﻭﻥ ﻣﻼﺑﺲ .. ﻭﺍﻧﺎ ﺣﺎﻟﻒ ﺍﻻ ﺍﺭﻓﻌﻮ ﻓﻲ ﺍﻟﻴﻮﺗﻴﻮﺏ ..

ﻭﺍﺧﻠﻲ ﺍﻟﺪﻧﻴﺎ ﻛﻠﻬﺎ ﺗﺘﻔﺮﺝ ﻓﻴﻬﻮ ..

ﻗﺎﻟﺖ ﻟﻴﻬﻮ ﺍﻟﻴﻮﺗﻴﻮﺏ ﺩﻩ ﺷﻨﻮ؟ ﻗﺎﻝ ﻟﻴﻬﺎ ﺩﻩ ﺍﻛﺒﺮ ﻣﻮﻗﻊ ﺑﺘﺎﻉ ﻓﻴﺪﻳﻮﻫﺎﺕ ﻓﻲ ﺍﻟﻨﺖ ..

ﻓﻌﻼ ﺍﻟﻮﻛﺖ ﺩﺍﻙ ﻛﺎﻥ ﺍﻟﻴﻮﺗﻴﻮﺏ ﻳﺎﺩﻭﺏ .. ﻣﻤﺎ ﺍﻃﻠﻖ ﻟﻴﻬﻮ ﺳﻨﺔ ﻭﻧﺺ .. ﻭﻛﺎﻥ ﻣﺸﺘﻬﺮ ﺷﻬﺮﺓ ﻣﺎﻃﺒﻴﻌﻴﺔ ..

ﺍﻫﺎ ﻗﺎﻟﺖ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎﻣﺆﻳﺪ ﻣﺎﺗﻌﻤﻞ ﻛﺪﺍ .. ﺣﺮﺍﻡ ﻋﻠﻴﻚ ﺍﺗﺬﻛﺮ ﺍﺧﻮﺍﺗﻚ ﺍﺗﺬﻛﺮ ﺍﻣﻚ .. ﻗﺎﻝ ﻟﻴﻬﺎ ﺑﻼ ﺍﻣﻲ ﺑﻼ ﺍﺧﻮﺍﺗﻲ ﺑﻼ ﻛﻼﻡ ﻓﺎﺿﻲ .. ﺩﻩ ﻗﻮﻟﻴﻬﻮ ﻟﻲ ﻭﺍﺣﺪ ﺍﻫﺒﻞ ..

ﺍﻧﺎ ﻋﻨﺪﻱ ﺗﻼﺗﺔ ﺣﺎﺟﺎﺕ ﻃﺎﻟﺒﻬﻢ ﻣﻨﻚ ﻟﻮ ﻧﻔﺬﺗﻴﻬﺎ .. ﻳﺒﻘﻰ ﻣﺎﺑﻨﺸﺮﻭ

.. ﻭﻟﻮ ﻣﺎ ﻧﻔﺬﺗﻴﻬﺎ ﻳﺒﻘﻰ ﺑﺲ ﺑﺠﻲ ﺑﻮﺭﻳﻚ ﻋﻨﻮﺍﻥ ﺍﻟﻔﻴﺪﻳﻮ ﻭﺍﻟﺮﺍﺑﻂ ..

ﺩﻩ ﻏﻴﺮ ﺍﻟﺸﺒﺎﺏ ﺍﻟﺼﺎﻳﻌﻴﻦ ﺍﻟﺒﺮﺳﻞ ﻟﻴﻬﻢ ﺍﻟﻔﻴﺪﻳﻮ ﺑﺎﻟﺒﻠﻮﺗﻮﺙ ..

ﻗﺎﻟﺖ ﻟﻴﻬﻮ ﻳﺎﺯﻭﻝ ﺑﺲ ﺍﻧﺖ ﻗﻮﻝ ﺍﻱ ﺣﺎﺟﺔ ﻋﺎﻳﺰﻫﺎ ﺍﻧﺎ ﺑﻨﻔﺬﺍ ﻟﻴﻚ ..

ﻗﺎﻝ ﻟﻴﻬﺎ ﺍﻭﻝ ﺣﺎﺟﺔ ﻋﺎﻳﺰﻙ ﺗﺠﻴﺒﻲ ﻟﻲ ﻓﻴﺪﻳﻮ ﺯﻱ ﺩﻩ ﻋﺒﺪﺍﻟﺴﻼﻡ ﺍﺧﻮ ﺗﺴﺎﺑﻴﺢ ﺯﻭﻝ ﻋﺎﻗﻞ ﻭﻓﺎﻫﻢ .. ﺣﻮﺍﻟﻲ 37 ﺳﻨﺔ ﺗﺎﺟﺮ ﺍﻛﺘﺮﻭﻧﺎﺕ ﻓﻲ ﺍﻟﺴﻮﻕ ﺍﻟﻌﺮﺑﻲ .. ﻭﻛﻴﻞ ﻟﺸﺮﻛﺔ ﻋﺎﻟﻤﻴﺔ ﻣﻌﺮﻭﻓﺔ .. ﻣﺘﺰﻭﺝ ﻭﻋﻨﺪﻭ ﻭﻟﺪ .. ﺳﺎﻛﻦ ﻓﻲ ﺍﻟﻄﺎﺑﻖ ﺍﻟﺘﺎﻧﻲ .. ﻓﻲ ﻧﻔﺲ ﺍﻟﻌﻤﺎﺭﺓ ﺣﻘﺔ ﺍﺑﻮﻫﻮ .. ﻭﻧﺎﺱ ﺍﻣﻮ ﺳﺎﻛﻨﻴﻦ ﺗﺤﺖ .. ﻭﺍﺧﺘﻮ ﺍﻻﺻﻐﺮ ﻣﻨﻮ ﻣﺘﺰﻭﺟﺔ .. ﻭﺳﺎﻛﻨﺔ ﻣﻌﺎﻫﻮ ﻓﻲ ﻧﻔﺲ ﺍﻟﻄﺎﺑﻖ ﻓﻲ ﺍﻟﺸﻘﺔ ﺍﻟﻤﻘﺎﺑﻼﻫﻮ .. ﺍﻫﺎ ﻋﻼﻗﺘﻮ ﺑﻲ ﺍﺧﺘﻪ ﺗﺴﺎﺑﻴﺢ ﻋﻼﻗﺔ ﻃﻴﺒﺔ . ﻃﻠﻌﺖ ﻟﻴﻬﻮ ﻓﻮﻕ .. ﻭﻣﻌﺎﻫﺎ ﻛﻼﻡ ﻳﺸﻴﺐ ﺍﻟﺮﺍﺱ .. ﻗﺎﻟﺖ ﻟﻴﻬﻮ ﻋﺒﺪﺍﻟﺴﻼﻡ ﺍﺧﻮﻱ .. ﺍﻧﺖ ﻣﻮﺵ ﺍﺧﻮﻱ ﻭﺑﺲ .. ﺍﻧﺖ ﺻﺎﺣﺒﻲ .. ﻭﺍﻱ ﻣﺸﻜﻠﺔ ﻗﺒﻞ ﻣﺎ ﺍﻗﻮﻟﻬﺎ ﻻﺑﻮﻱ .. ﻭﺍﺧﻮﻱ ﻋﺒﺪ ﺍﻟﻤﻠﻚ ﺍﻧﺖ ﻋﺎﺭﻓﻮ ﻣﺘﻬﻮﺭ .. ﺑﺠﻲ ﺑﺤﻜﻲ ﻟﻴﻚ ﺍﻧﺖ .. ﺍﻧﺎ ﻭﺍﻗﻌﺔ ﻓﻲ ﻣﺸﻜﻠﺔ ﺑﻲ ﺳﺒﺐ ﺍﻧﻲ ﻏﻠﻄﺖ ﻏﻠﻂ ﻛﺒﻴﺮ .. ﻭﺍﻧﺖ ﻭﻟﻲ ﺍﻣﺮﻱ .. ﻭﺍﻧﺖ ﺍﻟﻮﺣﻴﺪ ﺍﻟﺒﺤﻖ ﻟﻴﻬﻮ ﻳﻌﺎﻗﺒﻨﻲ .. ﻭﻳﺤﻞ ﻟﻲ ﻣﺸﻜﻠﺘﻲ ..

ﻗﺎﻝ ﻟﻴﻬﺎ ﻓﻲ ﺷﻨﻮ ﻳﺎﺗﺴﺎﺑﻴﺢ ؟ ﺭﻓﻌﺘﻲ ﻟﻲ ﺍﻟﺴﻜﺮﻱ .. ﻗﻮﻟﻲ ﻭﺧﻠﺼﻴﻨﻲ ﺍﻟﻨﺸﻮﻑ ..

ﻗﺎﻟﺖ ﻟﻴﻬﻮ ﻗﺒﻞ ﺍﻳﺎﻡ ﻋﺰﻣﺘﻨﺎ ﻭﺍﺣﺪﺓ ﺻﺎﺣﺒﺘﻨﺎ .. ﻭﻃﺎﻟﺒﺔ ﻣﻌﺎﻧﺎ ﺍﻫﻠﻬﺎ ﻓﻲ ﺍﻟﺴﻌﻮﺩﻳﺔ .. ﻋﺰﻣﺘﻨﺎ ﻓﻲ ﻣﺤﻞ ﺍﻟﺴﻜﻦ ﺍﻟﺴﺎﻛﻨﺔ ﻓﻴﻬﻮ ﺩﺍﺧﻠﻴﺔ ﻣﻌﺎﻫﺎ ﺑﻨﺎﺕ ﺧﺎﻻﺗﻬﺎ ﻭﺑﻨﺎﺕ ﺍﻫﻠﻬﺎ .. ﺍﻟﻤﻬﻢ ﻣﺸﻴﻨﺎ ﻟﻴﻬﺎ .. ﻭﻗﻌﺪﻧﺎ ﻭﺍﺧﺪﻧﺎ ﺭﺍﺣﺘﻨﺎ .. ﻭﻗﻠﻌﻨﺎ ﻫﺪﻭﻡ ﺍﻟﺠﺎﻣﻌﺔ .. ﻭﻗﻌﺪﻧﺎ ﺑﻬﺪﻭﻡ ﺍﻟﺒﻴﺖ .. ﻻﻻ ﺑﺼﺮﺍﺣﺔ ﻣﻼﺑﺲ ﺩﺍﺧﻠﻴﺔ .. ﻭﺑﻌﺪ ﺷﻮﻳﺔ ﻗﻌﺪﻧﺎ ﻧﻐﻨﻲ ﻭﻧﺮﻗﺺ ..

ﻗﺎﻝ ﻟﻴﻬﺎ ﻣﻮﺵ ﺑﺮﺍﻛﻢ؟ .. ﻗﺎﻟﺖ ﻟﻴﻬﻮ ﺍﻳﻮﺓ .. ﻗﺎﻝ ﻟﻴﻬﺎ ﻃﻴﺐ ﺍﻟﻤﺸﻜﻠﺔ ﻭﻳﻦ؟

ﻗﺎﻟﺖ ﻟﻴﻬﻮ ﺍﺻﺒﺮ .. ﺍﻫﺎ ﺻﺎﺣﺒﺘﻲ ﺍﻟﻤﺸﺖ ﻣﻌﺎﻱ .. ﻗﻌﺪﺕ ﺗﺼﻮﺭ ﻓﻴﻨﺎ ﻭﻧﺤﻦ ﻣﺎ ﻣﻼﺣﻈﻴﻦ .. ﺍﻟﻤﺸﻜﻠﺔ ﺍﻧﻮ ﺗﻠﻔﻮﻧﻬﺎ ﺳﺮﻗﻮﻩ .. ﻭﺍﺣﺪ ﻣﻦ ﺍﻭﻻﺩ ﺍﻟﺠﺎﻣﻌﺔ ﺍﻟﻤﺎ ﻣﺮﺑﻴﻴﻦ .. ﻭﺑﻘﻰ ﻳﻬﺪﺩ ﻓﻴﻨﻲ ﺍﻧﺎ ﺑﺎﻟﺬﺍﺕ .. ﻭﻳﻬﺪﺩ ﺍﻧﻮ ﺣﻴﻨﺸﺮ ﺍﻟﻔﻴﺪﻳﻮ ﻓﻲ ﺍﻟﻨﺖ .. ﻭﻳﻄﻠﺐ ﻣﻨﻲ ﺣﺎﺟﺎﺕ ﻻﺗﺮﺿﻲ ﺭﺑﻨﺎ . ﻣﺴﺎﻭﻣﺔ ﻳﻌﻨﻲ .. ﻭﺍﻧﺎ ﻣﻮﺵ ﻟﻮﻧﺸﺮ ﺻﻮﺭﺗﻲ ﻟﻮ ﺟﺎﺑﻨﻲ ﻓﻲ ﻗﻨﺎﺓ ﺍﻟﺠﺰﻳﺮﺓ .. ﻣﺎ ﻣﻤﻜﻦ ﺍﺩﻭﺱ ﻋﻠﻰ ﺳﻤﻌﺔ ﺍﻫﻠﻲ .. ﺍﻫﺎ ﻃﺒﻌﺎ " ﺑﻘﻴﺖ ﻣﺘﻮﺗﺮﺓ .. ﻭﻣﺎﻋﺎﺭﻓﺔ ﺍﻋﻤﻞ ﺷﻨﻮ؟

ﻗﻠﺖ ﺍﻧﺖ ﺍﻭﻟﻰ ﺯﻭﻝ ﺍﻟﺠﺄ ﻟﻴﻬﻮ .. ﻻﻧﻚ ﺍﻧﺖ ﺍﻟﻮﺣﻴﺪ ﺍﻟﺒﺘﻔﻬﻤﻨﻲ .

ﻗﺎﻝ ﻟﻴﻬﺎ ﺗﻌﺎﻟﻲ .. ﺗﻌﺎﻟﻲ ﻫﻨﺎ ﻗﺮﻳﺐ .. ﻃﺒﻌﺎ " ﺧﺎﻓﺖ ﻭﻗﻠﺒﻬﺎ ﺩﺍﻳﺮ ﻳﻄﻠﻊ ﺑﻲ ﺣﻠﻘﻬﺎ .. ﻭﺧﻼﺹ ﺣﺴﺖ ﺑﺎﻟﻬﻼﻙ ﺍﻭﺷﻚ .. ﺑﻘﺖ ﻣﺘﺮﺩﺩﺓ .. ﻗﺎﻝ ﻟﻴﻬﺎ ﻗﻠﺖ ﻟﻴﻚ ﺗﻌﺎﻟﻲ ..

ﺟﺎﺕ ﻭﻗﻔﺖ ﻗﺪﺍﻣﻮ .. ﻭﻫﻮ ﻗﺎﻋﺪ ﻓﻲ ﻛﺮﺳﻲ .. ﻭﺑﻘﺖ ﺗﺒﻠﻊ ﻓﻲ ﺭﻳﻘﻬﺎ ..

ﻗﺎﻝ ﻟﻴﻬﺎ ﺍﻧﺘﻲ ﺧﺎﻳﻔﺔ ﻛﺪﺍ ﻣﺎﻟﻚ ؟ .. ﺍﻗﻌﺪﻱ ﻗﺪﺍﻣﻲ ﻫﻨﺎ ..

ﺑﺮﻛﺖ ﻗﺪﺍﻣﻮ ﻓﻲ ﺍﻟﻮﺍﻃﺔ .. ﻣﺴﻚ ﺭﺍﺳﻬﺎ ﻭﺳﻠﻢ ﻟﻴﻬﺎ ﻓﻮﻕ ﺭﺍﺳﻬﺎ .. ﻭﻗﺎﻝ ﻟﻴﻬﺎ ﺍﻧﺘﻲ ﺍﺧﺘﻲ ﻓﻌﻼ ﻳﺎﺗﺴﺎﺑﻴﺢ .. ﻗﻮﻣﻲ ﺍﻗﻌﺪﻱ ﻓﻲ ﺍﻟﻜﺮﺳﻲ ﺩﻩ ..

ﺍﻧﺘﻲ ﻋﺎﺭﻓﺔ ﺩﻱ ﻟﻮ ﻭﺍﺣﺪﺓ ﺗﺎﻧﻴﺔ .. ﻛﺎﻧﺖ ﺍﻧﺠﺮﺕ ﻣﻊ ﺍﻟﻀﻐﻮﻁ ﻭﺍﻟﻤﺴﺎﻭﻣﺔ .. ﻟﻜﻦ ﺍﻧﺖ ﺑﺖ ﻧﺎﺱ ﺣﺎﺝ ﺍﻟﻌﻤﺪﺓ ﻣﺴﺘﺤﻴﻞ ﺗﺨﻴﺒﻲ .. ﻣﺎﺗﺸﻴﻠﻲ ﺍﻱ ﻫﻢ ﻣﻦ ﺍﻟﻤﻮﺿﻮﻉ ﺩﻩ .. ﺍﻋﺘﺒﺮﻱ ﺍﻟﻤﻮﺿﻮﻉ ﺍﻧﺘﻬﻰ .. ﻭﺍﺩﻳﻨﻲ ﺍﺳﻢ ﺍﻟﻮﻟﺪ ﻭﺍﻣﺸﻲ ﻋﻠﻰ ﻗﺮﺍﻳﺘﻚ ..

ﻭﺭﺗﻮ ﺍﺳﻢ ﻣﺆﻳﺪ ﺑﺎﻟﻜﺎﻣﻞ .. ﻭﻗﺎﻟﺖ ﻟﻴﻬﻮ ﺍﻧﺎ ﺍﺳﻔﻪ ﻳﺎﻋﺒﺪﺍﻟﺴﻼﻡ .. ﻗﺎﻝ ﻟﻴﻬﺎ ﻳﺎﺑﺖ ﺍﻧﺘﻲ ﻋﻮﻳﺮﺓ ﺍﻣﺸﻲ .. ﺧﻼﺹ ﺍﻧﺴﻲ ﺍﻟﻤﻮﺿﻮﻉ ﺩﻩ ..

ﻋﺒﺪﺍﻟﺴﻼﻡ ﺍﺗﺼﻞ ﻋﻠﻰ ﺻﺎﺣﺒﻮ ﻭﻭﺩ ﺧﺎﻟﺔ ﻣﺮﺗﻮ .. ﺿﺎﺑﻂ ﻓﻲ ﺍﻟﻤﺒﺎﺣﺚ ﻭﻻ ﻓﻲ ﺍﻻﻣﻦ ﻣﺎﻋﺎﺭﻑ .. ﺍﻟﻤﻬﻢ ﺯﻱ ﻣﺎﺑﻘﻮﻟﻮ ﺑﻮﻟﻴﺲ ﺳﺮﻱ .. ﺍﺳﻤﻮ ﻳﺎﺳﺮ .. ﺑﻘﻮﻟﻮ ﻟﻴﻬﻮ ﻳﺎﺳﺮ ﻓﻠﻔﻞ .. ﻻﻧﻮ ﺯﻭﻝ ﻛﺎﺭﺛﺔ ﻓﻲ ﺍﻟﺘﺤﻘﻴﻖ .. ﻋﺒﺪﺍﻟﺴﻼﻡ ﺍﺗﺼﻞ ﻋﻠﻴﻬﻮ .. ﻭﺣﻜﻰ ﻟﻴﻬﻮ ﺍﻟﺤﺎﺻﻞ .. ﻗﺎﻝ ﻟﻴﻬﻮ ﺟﺪﺍ " ﺑﺎﻛﺮ ﺍﻟﻤﻮﺿﻮﻉ ﺩﻩ ﺑﻨﺘﻬﻲ .. ﻭﻳﺎﺳﺮ ﻛﻮﻥ ﺍﻟﺘﻴﻢ ﺑﺘﺎﻋﻮ .. ﻭﻗﺎﻝ ﻟﻴﻬﻢ ﺍﻟﻮﻟﺪ ﺩﻩ ﻟﻤﺴﻨﺎ ﻓﻲ ﺍﻟﻠﺤﻢ ﺍﻟﺤﻲ .. ﻭﺍﻟﻨﺎﺱ ﺩﻳﻞ ﻧﺴﺎﺑﺔ ﻳﺎﺷﺒﺎﺏ .. ﻳﻌﻨﻲ ﺍﻱ ﺩﻗﺴﺔ ﻣﻨﻜﻢ ﺑﺖ ﺧﺎﻟﺘﻲ ﺯﻭﺟﺔ ﻋﺒﺪﺍﻟﺴﻼﻡ ﺫﺍﺗﻬﺎ ﺑﺘﻀﺮﺭ ..

ﺍﻧﺎ ﺑﺎﻛﺮ ﺑﻤﺸﻲ ﻣﻌﺎﻛﻢ .. ﻭﺑﺮﻛﺐ ﻣﻊ ﻋﺒﺪﺍﻟﺴﻼﻡ ﻓﻲ ﻋﺮﺑﻴﺘﻮ .. ﻭﺍﻧﺘﻮ ﺗﺘﺼﺮﻓﻮ .. ﻭﺗﺴﻠﻤﻮﻧﺎ ﺍﻟﺠﻬﺎﺯ .. ﻭﺑﻌﺪﻳﻦ ﺗﺸﻮﻓﻮ ﺷﻐﻠﻜﻢ ﻣﻊ ﺍﻟﻮﻟﺪ ..

ﻣﻦ ﺩﻭﻥ ﻋﺒﺪﺍﻟﺴﻼﻡ ﻣﺎﻳﻌﺮﻑ .. ﺩﺍﻳﺮﻳﻜﻢ ﺗﻔﺴﺤﻮﻫﻮ ﻓﺴﺤﺔ ﻇﺮﻳﻔﺔ ﻛﺪﺍ .. ﻋﺸﺎﻥ ﺗﺎﻧﻲ ﻣﺎﻳﻜﺮﺭ ﻋﻤﻠﻴﺔ ﺯﻱ ﺩﻱ ﻣﻊ ﺑﻨﺎﺕ ﺍﻟﻨﺎﺱ ..

ــ

ﺍﻣﺎ ﺍﻟﺤﺎﺻﻞ ﺑﻴﻦ .. ﻟﻴﻨﺔ ﻭﻣﺆﻳﺪ .. ﻛﺎﻧﺖ ﻗﺼﺔ ﻋﺠﻴﺒﺔ ﻭﻏﺮﻳﺒﺔ ..

ﺷﻮﻓﻮ ﻋﺠﺎﻳﺐ ﺍﻻﻗﺪﺍﺭ .. ﺍﻭﻝ ﻟﻴﻨﺔ ﺟﺎﺕ ﻣﺆﻳﺪ ﻣﻦ ﺑﻌﻴﺪ ﺑﻘﻰ ﻳﻌﺎﻳﻦ ﻟﻴﻬﺎ ﻭﻳﺘﺒﺴﻢ .. ﻓﺠﺄﺓ ﺍﺑﺘﺴﻤﺖ ﻣﻌﺎﻫﻮ .. ﺍﻧﺪﻫﺶ ﻭﻃﻮﺍﻟﻲ ﻗﺎﻡ ﺟﺎﺀ ﻣﺎﺷﻲ ﻋﻠﻴﻬﺎ ..

ﻗﺎﻝ ﻟﻴﻬﺎ ﺍﻟﺠﻤﻴﻞ ﻳﻌﻨﻲ ﺳﺎﻣﺤﻨﻲ ﻭﻻ ﻟﻪ ؟؟ ﻗﺎﻟﺖ ﻟﻴﻬﻮ ﺍﺻﻠﻮ ﺍﻟﺠﻤﻴﻞ ﻃﺒﻌﻮ ﺍﻟﺴﻤﺎﺡ .. ﻗﻌﺪ ﻳﻀﺤﻚ ﻗﺎﻝ ﻟﻴﻬﺎ .. ﺍﺻﻠﻮ ﺍﻟﺠﻤﻴﻞ ﻃﺒﻌﻮ ﺍﻟﺨﺠﻞ ..

ﻗﺎﻝ ﻟﻴﻬﺎ ﻳﺎﺧﻲ ﻣﺎﺗﺤﺮﻓﻲ ﺍﻟﻜﻼﻡ .. ﻗﺎﻟﻮ ﺍﺻﻠﻮ ﺍﻟﺠﻤﻴﻞ ﻃﺒﻌﻮ ﺍﻟﺨﺠﻞ ..

ﻗﺎﻟﺖ ﻟﻴﻬﻮ ﺧﻴﺮ .. ﻛﻠﻮ ﻋﻦ ﺍﻟﻌﺮﺏ ﺻﺎﺑﻮﻥ ..

ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺎ ﻧﺪﻣﺖ ﻋﻠﻰ ﺗﺼﺮﻓﻲ ﺍﻟﻴﻮﻡ ﺩﺍﻙ ﻧﺪﺍﻣﺔ ﻋﺠﻴﺒﺔ .. ﻗﺎﻟﺖ ﻟﻴﻬﻮ ﺧﻼﺹ ﻳﺎ ﻏﺎﻟﻲ .. ﺍﻧﺎ ﺭﺟﻌﺖ ﻟﻴﻚ ﺑﻌﺪ ﻣﺎ ﻋﺮﻓﺖ ﻗﻴﻤﺘﻚ .. ﻗﺎﻟﻮ ﺍﻟﺰﻭﻝ ﻣﺎﺑﻌﺮﻑ ﻗﻴﻤﺔ ﺍﻟﺸﻲ ﺍﻟﻌﻨﺪﻭ .. ﺍﻻ ﻟﻤﻦ ﻳﻔﻘﺪﻭ ..

ﻃﻴﻠﺔ ﺍﻟﻔﺘﺮﺓ ﺍﻟﻔﺎﺗﺖ ﺩﻱ .. ﺍﻧﺎ ﺍﺗﻌﺮﻓﺖ ﺑﻲ ﻛﻢ ﻧﻔﺮ .. ﺍﻭﻝ ﻛﺎﻥ ﺍﻟﺼﺎﻓﻲ ﺍﻻﻛﺘﺸﻔﺖ ﺷﺨﺼﻴﺘﻮ ﻣﻦ ﺍﻭﻝ ﺍﻳﺎﻡ ﻭﻓﺎﺭﻗﺘﻮ ..

ﻭﺗﺎﻧﻲ ﺑﻌﺪﻭ ﻧﻔﺮﻳﻦ ﺑﺮﺿﻮ ﻣﺎ ﺳﺪﻭ ﻟﻲ ﺧﺎﻧﺘﻚ ﻭﻻﺑﻘﺪﺭﻭ ..

ﻗﺎﻝ ﻟﻴﻬﺎ ﺍﻧﺎ ﺷﺨﺼﻴﺎ ﻗﻠﺖ ﻳﻮﻡ ﻣﻦ ﺍﻻﻳﺎﻡ ﺡ ﺗﺮﺟﻌﻲ ﻟﻲ .. ﻭﺍﻧﺎ ﻭﺍﻟﻠﻪ ﺟﺎﺩﻱ ﻋﺎﻳﺰﻙ ﻟﻲ ﻣﺴﺘﻘﺒﻞ ﺣﻴﺎﺗﻲ .. ﺣﺘﻰ ﻟﻮ ﺍﻫﻠﻲ ﻭﻗﻔﻮ ﺿﺪﻱ ..

ﻗﺎﻟﺖ ﻟﻴﻬﻮ ﺣﻠﻚ ﻟﻠﻴﻮﻡ ﺩﺍﻙ .. ﻧﺤﻦ ﻫﺴﻲ ﺍﻫﻢ ﺣﺎﺟﺔ ﻣﺎﻧﺘﻔﺎﺭﻕ ﺗﺎﻧﻲ .. ﻋﻠﻴﻚ ﺍﻟﻠﻪ ﻳﺎ ﻣﺆﻳﺪ ﻋﺸﺎﻥ ﺧﺎﻃﺮﻱ ﻣﺎﺗﺨﻠﻴﻨﻲ ﺗﺎﻧﻲ .. ﻭﺑﻌﺪﻳﻦ ﻟﻤﻦ ﻧﺒﻘﻰ ﻋﻠﻰ ﻗﺼﻪ ﺍﻟﻌﺮﺱ .. ﺍﻟﺒﺴﻮﻳﻬﻮ ﺭﺑﻨﺎ ﻧﺤﻦ ﻧﺮﺿﻲ ﺑﻴﻬﻮ ..

ﻗﺎﻝ ﻟﻴﻬﺎ ﻳﺎﺳﻼﻡ ﻋﻠﻴﻚ ﻧﻔﺲ ﻛﻼﻣﻲ .. ﻭﺩﻩ ﻳﺎﻫﻮ ﻛﻼﻡ ﺍﻟﻌﻘﻞ .. ﺍﻟﻤﻬﻢ ﻃﺒﻌﺎ ﻣﺆﻳﺪ ﻓﺮﺣﺎﻥ ﻓﺮﺡ ﺷﺪﻳﺪ ﺧﻼﺹ ﺑﺮﺟﻮﻉ ﻟﻴﻨﺎ .. ﻭﺣﺲ ﺑﻲ ﻧﻔﺴﻮ ﺍﻧﺘﺼﺮ .. ﻛﻮﻧﻬﺎ ﺗﺨﻠﻲ ﺍﻟﻜﻞ ﻭﺗﺠﻴﻬﻮ ﺭﺍﺟﻌﺔ ..

ﻭﻣﺎﻋﺎﺭﻑ ﺍﻟﺮﺍﺟﻴﻬﻮ ..

ﺍﻫﺎ ﻳﺎﺯﻭﻝ ﺍﻟﻴﻮﻡ ﺩﺍﻙ ﻟﻴﻨﺔ ﻗﻔﻠﺖ ﺗﻠﻔﻮﻧﻬﺎ .. ﺑﻌﺪ ﻣﺎ ﺍﻃﻤﺄﻧﺖ ﺍﻧﻮ ﺍﻟﺰﻭﻝ ﺩﻩ ﺻﺪﻗﻬﺎ ﺧﻼﺹ .. ﻗﺎﻟﺖ ﻟﻴﻬﻮ ﻧﺤﻦ ﺑﻌﺪﻳﻦ ﺟﺎﻳﻴﻦ ﻣﻨﺘﺰﻩ ﺍﻟﻤﻘﺮﻥ .. ﻣﻌﺎﻱ ﺍﺧﻮﺍﺗﻲ ﺍﺗﻨﻴﻦ .. ﻭﺑﻨﺎﺕ ﺧﺎﻻﺗﻲ .. ﺍﻧﺎ ﻣﺎﻛﻨﺖ ﻣﺎﺷﺔ ﻣﻌﺎﻫﻢ .. ﻟﻜﻦ ﻟﻮ ﺍﻧﺖ ﺑﺘﺠﻲ ﻫﻨﺎﻙ . ﺍﻧﺎ ﺑﺠﻲ ..

ﻗﺎﻝ ﻟﻴﻬﺎ ﺍﻗﻮﻝ ﻟﻴﻚ ﺣﺎﺟﺔ؟؟ ﺍﻧﺎ ﻣﻦ ﻫﺴﻲ ﺑﻤﺸﻲ ﻫﻨﺎﻙ ﺑﻨﺘﻈﺮﻙ ..

ﻣﺸﺖ ﻳﺎﺯﻭﻝ ﻣﻦ ﺍﻟﻌﺼﺮ ﺗﻠﺒﺲ ﻭﺗﺘﻈﺒﻂ .. ﻭﺗﺴﺄﻝ ﻓﻲ ﺭﺑﻨﺎ ﺍﻧﻬﺎ ﺗﺘﻮﻓﻖ ﻓﻲ ﺍﻟﻤﻮﺿﻮﻉ ﺍﻟﺪﺍﻳﺮﺍﻫﻮ .. ﻭﻳﺘﺤﻘﻖ ﻫﺪﻓﻬﺎ .. ﻭﻓﻌﻼ ﻣﺸﺖ ﻟﻘﺘﻮ ﻗﺎﻋﺪ ﻓﻮﻕ ﺻﺒﺔ ﻣﻦ ﺻﺒﺎﺕ ﺍﻟﻤﻤﺸﻰ ﺍﻟﺒﻜﻮﻥ ﺑﻴﻦ ﺍﻟﻨﺠﺎﻳﻞ ﻓﻲ ﺍﻟﻤﻨﺘﺰﻩ .. ﻭﻣﻨﻈﺮﻫﺎ ﻗﺮﻳﺐ ﺍﻟﻤﺪﺧﻞ .. ﺍﻭﻝ ﻣﻦ ﺟﺎﺕ ﻣﻌﺎﻫﺎ ﺍﺧﺘﻬﺎ ﺍﻻﻛﺒﺮ ﻭﻭﺍﺣﺪﺓ ﺑﺖ ﺧﺎﻟﺘﻬﺎ .. ﻗﺎﻟﺖ ﻟﻴﻬﻢ ﻳﻬﻮﺩﺍﻙ ﺍﻟﺨﻨﺰﻳﺮ .. ﺍﻟﻘﺎﻋﺪ ﻓﻲ ﺍﻟﺼﺒﺔ ﺩﺍﻙ .. ﺍﻧﺘﻈﺮﻭﻧﻲ ﺑﺲ ﺭﺑﻊ ﺳﺎﻋﺔ ﺍﻧﻔﺬ ﺍﻟﻤﻬﻤﺔ ﻭﺍﺟﻴﻜﻢ ..

ﺟﺎﺗﻮ ﺯﻋﻼﻧﻪ ﺷﻜﻠﻬﺎ ﻭﻭﺷﻬﺎ ﻣﺘﻐﻴﺮ .. ﻭﺳﻠﻤﺖ ﻋﻠﻴﻬﻮ ﺳﻼﻡ ﻛﺪﺍ ﻣﺎﻳﺎﻫﻮ .. ﻗﺎﻝ ﻟﻴﻬﺎ ﻣﺎﻟﻚ ﻳﺎ ﻟﻴﻨﺔ ؟

ﻗﺎﻟﺖ ﻟﻴﻬﻮ ﻏﺎﻳﺘﻮ ﺍﻧﺎ .. ﺍﺻﻼ ﻣﺎﻋﻨﺪﻱ ﺣﻆ ﻭﺍﻟﺪﻧﻴﺎ .. ﻗﺪﺭ ﻣﺎ ﺍﻓﺮﺡ ﻭﺍﺣﺲ ﺑﺎﻟﺴﻌﺎﺩﺓ ﻓﻲ ﺣﻴﺎﺗﻲ .. ﺗﺠﻲ ﺣﺎﺟﺔ ﺗﻌﻜﺲ ﻟﻲ ﺣﻴﺎﺗﻲ .. ﻭﺗﻘﻠﺐ ﺍﻟﻄﺎﻭﻟﺔ ﻓﻲ ﻭﺷﻲ .. ﻗﺎﻝ ﻟﻴﻬﺎ ﻓﻲ ﺷﻨﻮ ﻳﺎ ﻟﻴﻨﺔ .. ﻗﻮﻟﻲ ﻟﻲ ﺍﻧﺎ ﻣﻨﺘﻈﺮﻙ ..

ﻗﺎﻟﺖ ﻟﻴﻬﻮ ﺍﺗﺼﻠﺖ ﻋﻠﻲ ﻭﺍﺣﺪﺓ ﻛﺪﺍ ﻭﻣﺎﺗﺴﺎﻟﻨﻲ ﻫﻲ ﻣﻨﻮ .. ﻛﻮﻳﺲ ؟ ﻗﺎﻝ ﻟﻴﻬﺎ ﻛﻮﻳﺲ .. ﻗﺎﻟﺖ ﻟﻴﻬﻮ ﺍﺗﺼﻠﺖ ﻭﻗﺎﻟﺖ ﻟﻲ ﺍﺑﻌﺪﻱ ﻣﻦ

ﻣﺆﻳﺪ .. ﻻﻧﻮ ﺍﻧﺴﺎﻥ ﻏﺪﺍﺭ ﻭﺧﺎﻳﻦ .. ﻭﻏﺪﺭ ﺑﻲ ﺗﺴﺎﺑﻴﺢ ﺍﻟﻌﺎﻣﻼﻫﻮ ﺯﻱ ﺍﺧﻮﻫﺎ ..

ﻭﻫﺴﻲ ﻗﺎﻋﺪ ﻳﻀﻐﻂ ﻋﻠﻴﻬﺎ ﺑﻲ ﻓﻴﺪﻳﻮ ﻗﺎﻋﺪ ﻓﻲ ﺗﻠﻔﻮﻧﻮ .. ﺍﻧﺎ ﻳﺎﻣﺆﻳﺪ ﻗﻠﺖ ﻟﻴﻬﺎ ﺍﻧﺘﻲ ﻛﺬﺍﺑﺔ .. ﻣﺎﺑﻌﻤﻞ ﻛﺪﺍ .. ﻗﺎﻟﺖ ﻟﻲ ﺧﻠﻴﻬﻮ ﻳﺪﻳﻚ ﺍﻟﺘﻠﻔﻮﻥ .. ﻭﻓﺘﺸﻲ ﻟﻮ ﻣﺎﻟﻘﻴﺘﻲ ﻓﻴﺪﻳﻮ ﻓﻴﻬﻮ ﺗﺴﺎﺑﻴﺢ ﺑﺘﺮﻗﺺ ﺑﺎﻟﻤﻼﺑﺲ ﺍﻟﺪﺍﺧﻠﻴﺔ .. ﺍﻧﺎ ﺍﻛﻮﻥ ﻛﺬﺍﺑﺔ ..

ﺻﺤﻲ ﻳﺎ ﻣﺆﻳﺪ ﺍﻟﻜﻼﻡ ﺩﻩ ؟

ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﺤﻘﻴﻘﺔ ﺻﺢ .. ﺍﻧﺎ ﺗﺎﻧﻲ ﻣﺎﺑﻜﺬﺏ ﻋﻠﻴﻚ ﺍﺻﻠﻮ .. ﻟﻜﻦ ﻭﺍﻟﻠﻪ ﻣﺎﻗﺼﺪﻱ ﺣﺎﺟﺔ ﺷﻴﻨﺔ ..

ﻭﺍﻧﺎ ﺍﺳﺎﺳﺎ ﻛﻨﺖ ﻋﺎﻳﺰ ﺍﻣﺴﺤﻮ ﻭﺍﻟﻠﻪ .. ﻗﺎﻟﺖ ﻟﻴﻬﻮ ﻛﺪﻱ ﺍﺩﻳﻨﻲ ﺗﻠﻔﻮﻧﻚ ﺩﻩ ﻳﺎﻣﺆﻳﺪ .. ﻟﻮ ﺳﻤﺤﺖ .. ﻣﺪﺍ ﻟﻴﻬﺎ ﺍﻟﺘﻠﻔﻮﻥ .. ﻓﺘﺤﺖ ﺍﻟﻔﻴﺪﻳﻮﻫﺎ .. ﻭﻟﻘﺖ ﺍﻟﻔﻴﺪﻳﻮ ﺍﻟﻔﻴﻬﻮ ﺗﺴﺎﺑﻴﺢ ﺑﺘﺮﻗﺺ .. ﺍﻭﻝ ﻭﺍﺣﺪ .. ﻭﻛﺖ ﺷﺎﻓﺘﻮ ﻟﻴﻨﺔ ﺩﻱ ﺷﻌﺮ ﺭﺍﺳﻬﺎ ﻭﻗﻒ ﺳﺒﻴﺒﺔ ﺳﺒﻴﺒﺔ .. ﻭﻗﺎﻟﺖ ﻟﻴﻬﻮ ﺣﺮﺍﻡ ﻋﻠﻴﻚ ﻳﺎﻣﺆﻳﺪ .. ﺗﺨﻠﻲ ﻓﻲ ﺗﻠﻔﻮﻧﻚ ﻓﻴﺪﻳﻮ ﺯﻱ ﺩﻩ .. ﻗﺎﻝ ﻟﻴﻬﺎ ﻭﺍﻟﻠﻪ ﻛﻼﻣﻚ ﺻﺢ .. ﻭﺍﻟﻠﻪ ﺍﻧﺎ ﺧﺠﻼﻥ ﻣﻦ ﻧﻔﺴﻲ .. ﻟﻜﻦ ﺑﻮﻋﺪﻙ ﺗﺎﻧﻲ ﻓﻴﺪﻳﻮ ﺯﻱ ﺩﻩ ﻣﺎﻳﻘﻌﺪ ﻓﻲ ﺗﻠﻔﻮﻧﻲ .. ﻗﺎﻟﺖ ﻟﻴﻬﻮ ﻻﺯﻡ ﺍﻣﺴﺤﻮ ﻗﺎﻝ ﻟﻴﻬﺎ ﺍﻣﺴﺤﻴﻬﻮ ﻃﻮﺍﻟﻲ ﻟﻜﻦ .. ﻋﻠﻴﻚ ﺗﻮﻋﺪﻳﻨﻲ ﺑﺤﺎﺟﺔ .. ﻗﺎﻟﺖ ﻟﻴﻬﻮ ﺍﻫﺎ ﺷﻨﻮ؟؟ ...

ﻗﺎﻝ ﻟﻴﻬﺎ ﺗﺴﺎﺑﻴﺢ ﻣﺎﻋﺎﺭﻓﺔ ﺍﻟﻔﻴﺪﻳﻮ ﻋﻨﺪﻱ .. ﻋﻠﻴﻚ ﺍﻟﻠﻪ ﻣﺎﺗﻜﻠﻤﻴﻬﺎ ..

ﻗﺎﻟﺖ ﻟﻴﻬﻮ ﺍﻧﺖ ﻗﺎﻳﻠﻨﻲ ﺑﺘﺎﻋﺔ ﺷﻤﺎﺭﺍﺕ ﺯﻱ ﺳﺤﻮﺭﺓ ؟ ﺳﺮﻙ ﻓﻲ ﺑﻴﺮ

‏( ﻃﺒﻌﺎ ﻣﺆﻳﺪ ﺍﻟﺤﺎﻗﺪ ﻋﺎﻳﺰ ﺗﺴﺎﺑﻴﺢ ﺗﻜﻮﻥ ﻋﺎﻳﺸﺔ ﻓﻲ ﻧﻔﺲ ﺍﻟﺨﻮﻑ ‏) ﻋﺸﺎﻥ ﻛﺮﺕ ﺍﻟﻀﻐﻂ ﻳﻜﻮﻥ ﻓﻌﺎﻝ .. ﻭﺷﻐﺎﻝ ﻭﻳﺤﻘﻖ ﺍﻫﺪﺍﻓﻮ ..

ﺍﻟﻤﻬﻢ ﻟﻴﻨﺔ ﻣﺴﺤﺖ ﺍﻟﻔﻴﺪﻳﻮ ﺑﻜﻞ ﺳﻬﻮﻟﺔ .. ﻭﺻﻴﻌﺖ ﻟﻴﻚ ﻣﺆﻳﺪ ﺯﻱ ﺍﻟﻤﺎﺣﺼﻞ ﺷﻲ .. ﺑﻌﺪ ﺷﻮﻳﺔ ﻳﻤﻜﻦ ﺑﻌﺪ ﺳﺒﻌﺔ ﺩﻗﺎﻳﻖ ﺑﻌﺪ ﻣﺴﺤﺖ ﺍﻟﻔﻴﺪﻳﻮ .. ﺭﺳﻠﺖ ﺭﺳﺎﻟﺔ ﻣﻦ ﺗﻠﻔﻮﻧﻬﺎ ﻟﻲ ﺍﺧﺘﻬﺎ ﺍﻟﻘﺎﻋﺪﻩ ﻓﻲ ﻃﺮﻑ ﺍﻟﻤﻨﺘﺰﻩ ..

ﻭﻗﺎﻟﺖ ﻟﻴﻬﺎ ﺍﺗﺨﺎﺭﺟﻮ ﻋﻠﻰ ﺍﻟﺒﺎﺏ ﺗﻤﺖ ﺍﻟﻤﻬﻤﺔ .. ﻭﻫﻲ ﺑﺘﺘﻮﻧﺲ ﻣﻌﺎﻫﻮ ﺑﻲ ﺍﻧﺪﻣﺎﺝ ﻭﺑﺘﺮﺳﻞ ﻓﻲ ﺍﻟﺮﺳﺎﻟﻪ .. ﺍﺧﻮﺍﺗﻬﺎ ﺍﻻﺗﻨﻴﻦ ﻣﺮﻗﻦ ﻋﻠﻰ ﺍﻟﺒﺎﺏ .. ﻭﻛﻮﺭﻛﻦ ﻟﻴﻬﺎ ﺍﺭﺡ ﻳﺎﻟﻴﻨﺔ ..

ﻗﺎﻟﺖ ﻟﻴﻬﻮ ﻣﺆﻳﺪ ﻳﺎ ﻋﻤﺮﻱ ﺍﻧﺎ ﺧﻼﺹ ﺍﺗﺎﺧﺮﺕ .. ﻭﺷﻜﻠﻬﻦ ﺯﻋﻠﻦ ﻣﻨﻲ .. ﻻﻧﻲ ﻣﺎﻗﻌﺪﺕ ﻣﻌﺎﻫﻦ .. ﻳﻬﺪﻳﻚ ﻣﺮﻗﻦ .. ﻳﻼ ﻧﺘﻼﻗﺎ ﺑﻜﺮﺓ ﻓﻲ ﺍﻟﺠﺎﻣﻌﺔ ..

ﻭﺍﻟﻤﺸﻜﻠﺔ ﺍﻧﻮ ﻟﻴﻨﺔ ﻻ ﺍﺗﺼﻠﺖ ﻋﻠﻰ ﺍﻟﺼﺎﻓﻲ .. ﻭﻻ ﺍﺗﺼﻠﺖ ﻋﻠﻰ ﺗﺴﺎﺑﻴﺢ ﻋﺸﺎﻥ ﺗﻮﺭﻳﻬﻢ ﻋﻤﻠﺖ ﺷﻨﻮ ..

ﻗﺎﻟﺖ ﻟﻲ ﺑﻜﺮﺓ ﺍﻻﻗﻴﻬﻢ ﻭﺍﻛﻠﻤﻬﻢ .. ﻣﺎﻓﻲ ﺩﺍﻋﻲ ﻟﻼﺳﺘﻌﺠﺎﻝ ﺑﺎﻟﻠﻴﻞ ﺩﻩ ..

ﻟﻜﻦ ﻻﻧﻮ ﻣﺆﻳﺪ ﺭﺑﻨﺎ ﻏﻀﺒﺎﻥ ﻋﻠﻴﻬﻮ .. ﻭﺍﺳﺘﺠﺎﺑﺖ ﻓﻴﻬﻮ ﺩﻋﻮﺓ ﺍﻟﺼﺎﻓﻲ .. ﻳﻮﻣﻮﺍﻻﺗﻬﻤﻮ ﺑﺎﻟﺰﻭﺭ ﻓﻲ ﻋﻼﻗﺘﻮ ﻣﻊ ﻟﻴﻨﺔ .. ﻭﺍﻟﺼﺎﻓﻲ ﻗﺎﻝ ﺧﻠﻴﺘﻮ ﻟﻲ ﺍﻟﻠﻪ .. ﺷﻜﻠﻬﺎ ﺍﻟﺪﻋﻮﺓ ﺑﺪﺕ ﺗﺘﻨﻔﺬ .. ﺑﺎﻻﺿﺎﻓﺔ ﻟﻲ ﺩﻋﻮﺓ ﻟﻴﻨﺔ ﻗﺎﻟﺖ ﺍﻟﻠﻪ ﻳﻨﺘﻘﻢ ﻣﻨﻮ .. ﺑﺎﻻﺿﺎﻓﺔ ﻟﻲ ﺩﻋﻮﺓ ﺗﺴﺎﺑﻴﺢ .. ﻏﺎﻳﺘﻮ ﺩﻋﻮﺓ ﺍﻟﻤﻈﻠﻮﻡ ﺣﺎﻭﻃﺘﻮ ﻟﻴﻚ ﺗﺐ ﺍﻟﻤﺠﺮﻡ ..

ﺑﺎﻛﺮ ﻣﻦ ﺍﻟﺼﺒﺎﺡ ﻧﺎﺱ ﺍﻟﻤﺒﺎﺣﺚ ﺟﻮ ﺍﻟﺠﺎﻣﻌﺔ .. ﺳﺎﻳﻘﻴﻦ ﺑﻮﻛﺴﻲ ﻭﺍﻟﻀﺎﺑﻂ ﺭﺍﻛﺐ ﻣﻊ ﻋﺒﺪ ﺍﻟﺴﻼﻡ ﺍﺧﻮ ﺗﺴﺎﺑﻴﺢ ﻓﻲ ﺑﺮﺍﺩﻭ 2005 ﻣﻈﻠﻠﺔ

ﻭﺳﺄﻟﻮ ﻟﻴﻬﻢ ﻭﺍﺣﺪ .. ﻋﻦ ﻣﺆﻳﺪ ﺍﺷﺮ ﻟﻴﻬﻢ ﻗﺎﻝ ﻟﻴﻬﻮ ﻳﻬﻮﺩﺍﻙ .. ﺍﻟﻜﻼﻡ ﺩﻩ ﺗﻘﺮﻳﺒﺎ 8 ﺻﺒﺎﺡ .

ﻣﺸﻮ ﻋﻠﻴﻬﻮ ﺍﺭﺑﻌﺔ ﺍﻓﺮﺍﺩ ﻛﻒ ﻛﻒ ﺧﺘﻔﻮ ﻟﻴﻚ .. ﻭﻣﺮﻗﻮ ﺑﻴﻬﻮ .. ﻭﺭﻛﺒﻮﻩ ﻓﻲ ﺍﻟﺒﻮﻛﺴﻲ ﻭﺩﻭﺭﻭ .. ﺗﺤﺖ ﺫﻫﻮﻝ ﺍﻟﻄﻠﺒﺔ ﻭﻋﻠﻰ ﻋﻴﻨﻚ ﻳﺎﺗﺎﺟﺮ .. ﺍﻭﻝ ﺣﺎﺟﺔ ﻗﻠﻌﻮ ﻣﻨﻮ ﺍﻟﺘﻠﻔﻮﻥ .. ﻭﺍﺩﻭﻫﻮ ﻟﻲ ﺍﻟﻀﺎﺑﻂ ﻳﺎﺳﺮ ﻭﺩﻭﺭﻭ ﺑﻴﻬﻮ ﻣﺸﻮ ﺑﻴﻬﻮ ﻭﻳﻦ ﺍﻟﻠﻪ ﺍﻋﻠﻢ .. ﺍﻟﻤﻬﻢ ﺭﺍﺟﻴﺎﻫﻮ ﻓﺴﺤﺔ ﻇﺮﻳﻔﺔ ﻛﺪﺍ ..

ﺍﻟﻀﺎﺑﻂ ﻣﺴﻚ ﺍﻟﺘﻠﻔﻮﻥ .. ﻭﺑﻘﻰ ﻳﻔﺘﺶ ﻓﻲ ﺍﻟﻔﻴﺪﻳﻮﻫﺎﺕ .. ﻣﺎﻟﻘﻰ ﺷﻲ

ﻛﻠﻬﺎ ﺍﻓﻼﻡ ﺍﺑﺎﺣﻴﺔ ﺍﺟﻨﺒﻴﺔ .. ﻭﻟﻘﻄﺎﺕ ﻋﺎﺭﺿﺎﺕ ﺍﺯﻳﺎﺀ .. ﻭﺍﺟﻨﻴﺎﺕ ﻣﺘﻌﺮﻳﺎﺕ ﻭﻛﺪﺍ ﻳﻌﻨﻲ .. ﻣﺎﻓﻲ ﺣﺎﺟﺔ ﻣﻦ ﺍﻟﻤﺬﻛﻮﺭ .. ﺍﻫﺎ ﺍﻟﻀﺎﺑﻂ ﻗﺎﻝ ﻟﻲ ﻋﺒﺪ ﺍﻟﺴﻼﻡ ﻣﺎﻓﻲ ﺣﺎﺟﺔ ﻣﻦ ﺍﻟﻘﻠﺘﻮ ﻫﻨﺎ ﻳﺎﻋﺒﺪ ﺍﻟﺴﻼﻡ ..

ﻗﺎﻝ ﻟﻴﻬﻮ ﺍﻣﺸﻲ ﻭﺭﺍﻫﻢ .. ﺧﻠﻴﻨﺎ ﻧﻔﻬﻢ ﻣﻨﻮ ﺣﺎﺟﺔ .. ﻣﺸﻮ ﻃﻮﺍﻟﻲ ﺍﻟﻤﻮﻗﻊ ﺍﻟﻤﺮﻛﺰ .. ﻭﻫﻨﺎﻙ ﺍﻟﻀﺎﺑﻂ ﺳﺄﻝ ﻣﺆﻳﺪ .. ﻭﻣﺮﻳﺪ ﺍﺻﻼ ﻣﺎﻋﺎﺭﻑ ﺭﻓﻌﻮﻩ ﻟﺸﻨﻮ .. ﻭﻛﺎﻥ ﻓﻲ ﺍﻟﻐﺮﺑﻴﺔ ﺑﺴﺄﻝ ﻓﻲ ﺍﻻﻓﺮﺍﺩ .. ﻳﺎﺧﻮﺍﻧﺎ ﻓﻲ ﺷﻨﻮ؟ ﺍﻧﺎ ﻣﺎﻟﻲ؟ .. ﻗﺎﻟﻮ ﻟﻴﻬﻮ ﺍﻭﻋﻚ ﺗﻔﺘﺢ ﺧﺸﻤﻚ ﺩﻩ .. ﻟﻤﻦ ﺗﺼﻞ ﺑﺘﻌﺮﻑ ﻛﻞ ﺣﺎﺟﺔ ..

ﺍﻫﺎ ﻟﻤﻦ ﻭﺻﻠﻮ ﻭﻋﺒﺪ ﺍﻟﺴﻼﻡ ﻭﺍﻟﻀﺎﺑﻂ ﺟﻮ .. ﺍﻟﻀﺎﺑﻂ ﺳﺄﻟﻪ ﻗﺎﻝ ﻟﻴﻬﻮ ..

ﻓﻲ ﺣﺎﺟﺔ ﻭﺍﺣﺪ ﺑﺘﻤﺮﻗﻚ ﻣﻨﻨﺎ .. ﻟﻜﻦ ﻟﻮ ﻛﺬﺑﺖ ﻭﻻ ﻟﻔﻴﺖ ﻭﺩﻭﻳﺖ .. ﻧﺤﻦ ﺑﻨﻮﺭﻳﻚ ﺍﻟﻨﺠﻮﻡ ﻓﻲ ﺍﻟﻮﻗﺖ ﺩﻩ .. ﻓﺎﻫﻢ؟؟ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺟﻨﺎﺑﻮ ﻣﺎﻓﺎﻫﻢ ﺍﻱ ﺣﺎﺟﺔ ﺍﻧﺎ .. ﻓﻲ ﺷﻨﻮ ﺑﺎﻟﻀﺒﻂ ﻳﺎﺟﻤﺎﻋﺔ . ؟

ﻗﺎﻝ ﻟﻴﻬﻮ ﺍﻧﺖ ﻋﻨﺪﻙ ﻓﻴﺪﻳﻮ ﻣﺼﻮﺭﺓ ﻓﻴﻬﻮ ﺗﺴﺎﺑﻴﺢ . ﺍﻟﻄﺎﻟﺒﺔ ﻣﻌﺎﻙ ﻓﻲ ﺍﻟﺠﺎﻣﻌﺔ ﻭﻳﻦ ﺍﻟﻔﻴﺪﻳﻮ ﺩﻩ؟

ﻗﺎﻝ ﻟﻴﻬﻮ ﻭﺍﻟﻠﻪ ﻣﺴﺤﻨﺎﻫﻮ .... ﺍﻟﻀﺎﺑﻂ ﺻﺮﺭﺭﺭﺭﺭﺭﺭﺭ ﻟﺼﻖ ﻓﻴﻬﻮ ﻛﻒ ..

ﻛﻤﺎﻥ ﺑﺘﺤﻠﻒ؟؟ .. ﺍﻧﺎ ﺑﺴﺄﻟﻚ .. ﺍﻟﺸﻜﻮﻯ ﺟﺎﺗﻨﺎ ﺍﻣﺒﺎﺭﺡ ﺑﺎﻟﻠﻴﻞ .. ﻳﻌﻨﻲ ﻣﺴﺘﺤﺘﻮ ﻣﺘﻴﻦ؟ .. ﻗﺎﻝ ﻟﻴﻬﻮ ﻭﺍﻟﻠﻪ ﻛﻤﺎﻥ ﻣﺎﻣﺴﺤﺘﻮ ﺍﻧﺎ .. ﻣﺴﺤﺘﻮ ﻟﻴﻨﺔ ﺟﻴﺒﻮﻫﺎ ﻭﺍﺳﺄﻟﻮﻫﺎ .. ﻭﺻﺮﺭﺭﺭﺭﺭﺭﺭﺭ ﻟﺼﻖ ﻟﻴﻬﻮ ﻛﻒ ﺗﺎﻧﻲ ..

ﻗﺎﻝ ﻟﻴﻬﻮ ﻛﻤﺎﻥ ﺗﻘﻮﻝ ﻟﻴﻨﺔ ؟؟ ﻟﻴﻨﺔ ﺑﺘﺎﻋﺔ ﺷﻨﻮ ﺍﻟﺒﺘﻤﺴﺢ ﻓﻴﺪﻳﻮ ﺯﻱ ﺩﻩ ﻣﻦ ﺗﻠﻔﻮﻧﻚ ﻟﻴﻨﺔ ﺩﻱ ﻣﻨﻮ؟

ﻋﺒﺪ ﺍﻟﺴﻼﻡ ﻗﺎﻝ ﻟﻴﻬﻮ ﺩﻗﻴﻘﺔ ﻳﺎﺟﻨﺎﺑﻮ ؟

ﺍﺗﺼﻞ ﻋﺒﺪ ﺍﻟﺴﻼﻡ ﻋﻠﻰ ﺗﺴﺎﺑﻴﺢ ﻓﻲ ﺍﻟﺠﺎﻣﻌﺔ .. ﻟﻘﺎﻫﺎ ﻓﻲ ﺍﻟﻤﺤﺎﺿﺮﺓ ..

ﻭﺗﻠﻔﻮﻧﻬﺎ ﺻﺎﻣﺖ .. ﺷﻐﺎﻝ ﻫﺰﺍﺯ .. ﺷﻌﺮﺕ ﺑﻴﻬﻮ .. ﻃﻠﻌﺘﻮ ﻋﺎﻳﻨﺖ .. ﻭﻛﺖ ﺷﺎﻓﺖ ﺗﻠﻔﻮﻥ ﺍﺧﻮﻫﺎ ﺍﺳﺘﺄﺫﻧﺖ ﻭﻃﻠﻌﺖ ﻣﻦ ﻧﺺ ﺍﻟﻤﺤﺎﺿﺮﺓ ..

ﻗﺎﻝ ﻟﻴﻬﺎ ﺍﻧﺘﻮ ﻣﻌﺎﻛﻢ ﺑﺖ ﺍﺳﻤﻬﺎ ﻟﻴﻨﺔ؟؟ ﻗﺎﻟﺖ ﻟﻴﻬﻮ ﺍﻳﻮﺓ .. ﻗﺎﻝ ﻟﻴﻬﺎ ﺍﻟﺰﻭﻝ ﺩﻩ ﻗﺎﻝ ﺍﻟﻔﻴﺪﻳﻮ ﻣﺴﺤﺘﻮ ﻟﻴﻨﺔ ..

ﻗﺎﻟﺖ ﻟﻴﻬﻮ ﺑﺲ ﺍﻟﻤﺸﻜﻠﺔ ﻫﺴﻲ ﻧﺤﻦ ﻓﻲ ﺍﻟﻤﺤﺎﺿﺮﺓ ﺍﻻ ﺗﻨﺘﻬﻲ ﺍﻟﻤﺤﺎﺿﺮﺓ ﻭﺗﻄﻠﻊ ﻟﻴﻨﺔ ﻭﺍﺳﺄﻟﻬﺎ ..

ﻗﺎﻝ ﻟﻴﻬﺎ ﺧﻴﺮ ﺍﻧﺎ ﻣﻨﺘﻈﺮﻙ ..

ﻓﻲ ﻟﺤﻈﺔ ﺍﻻﻧﺘﻈﺎﺭ ﺩﻱ .. ﺍﻟﻀﺎﺑﻂ ﻟﺴﻪ ﺑﺤﻘﻖ ﻣﻌﺎﻫﻮ .. ﻗﺎﻝ ﻟﻴﻬﻮ ﺍﻧﺖ ﺍﻟﻔﻴﺪﻳﻮ ﺟﺎﻙ ﻣﻦ ﻭﻳﻦ؟؟ .. ﻣﺆﻳﺪ ﺑﻘﻰ ﻳﺘﻤﺘﻢ .. ﻏﺎﻟﺒﻮ ﻳﻘﻮﻝ ﺳﺮﻗﺘﻮ .. ﻭﻏﺎﻟﺒﻮ ﻳﻘﻮﻝ ﺟﺎﺑﺘﻮ ﻟﻲ ﺳﺤﺮ ﺑﻲ 200 ﺟﻨﻴﻪ ..

ﻗﺎﻝ ﻟﻴﻬﻮ ﻟﻘﻴﺖ ﺗﻠﻔﻮﻧﻬﺎ ﻭﺍﻗﻊ .. ﻭﺷﻠﺘﻮﻭﻓﺘﺤﺘﻮ ﻭﺷﻔﺖ ﺍﻟﻔﻴﺪﻳﻮ .. ﻭﺣﻮﻟﺘﻮ ﻋﻨﺪﻱ .. ﻳﺎﺳﺮ ﻓﻠﻔﻞ ﺿﺎﺑﻂ ﺫﻛﻲ .. ﻋﺎﻳﻦ ﻟﻴﻬﻮ ﻛﺪﺍ ﻓﻲ ﻭﺷﻮ .. ﻋﺮﻓﻮ ﺑﻜﺬﺏ ..

ﻗﺎﻝ ﻟﻠﻌﺴﻜﺮﻱ ﺍﻟﻤﻌﺎﻫﻮ ﺍﺳﻤﻊ ﻳﺎ ﻣﻨﻌﻢ ﺍﻣﺸﻲ ﺟﻴﺐ ﺍﻟﻔﺮﻧﻴﺐ ﻣﻦ ﺟﻮﻩ ﺩﻩ ﻛﺬﺍﺏ ﺩﻩ .. ﻣﺆﻳﺪ ﻃﻴﺮ ﻋﻴﻨﻴﻮ .. ﻭﻣﺎ ﻋﺎﺭﻑ ﺍﻟﻔﺮﻧﻴﺐ ﺩﻩ ﺷﻨﻮ؟ ‏( ﺍﻟﻔﺮﻧﻴﺐ ﺷﺮﻙ ﻣﻦ ﺧﺸﺐ ﺑﻨﺼﺒﻮﻫﻮ ﻟﻠﺼﺒﺮﺓ ‏) ﻭﺑﺎﻟﻠﻐﺔ ﺍﻟﻌﺮﺑﻴﺔ ‏( ﻓﺦ ﻟﻠﺜﻌﺎﻟﺐ ‏) ..

ﺍﻫﺎ ﻣﺆﻳﺪ ﻋﺮﻑ ﺍﻧﻮ ﺍﻟﺸﻲ ﺩﻩ ﺁﻟﺔ ﺗﻌﺬﻳﺐ .. ﻭﺑﻘﻰ ﻳﺘﻠﻔﺖ .. ﻭﺍﻟﻠﻪ ﺧﺎﻳﻒ ﺧﻮﻑ .. ﻗﺎﻝ ﻟﻴﻬﻮ ﺩﻗﻴﻘﺔ ﻳﺎﺟﻨﺎﺑﻮ .. ﺍﻧﺖ ﺩﺍﻳﺮ ﺗﺴﺄﻝ ﻣﻦ ﺷﻨﻮ؟

ﻗﺎﻝ ﻟﻴﻬﻮ ﻗﻮﻝ ﻟﻲ ﺍﻟﺤﻘﻴﻘﺔ ﺍﻟﻔﻴﺪﻳﻮ ﺟﺒﺘﻮ ﻣﻦ ﻭﻳﻦ ؟

ﻗﺎﻝ ﻟﻴﻬﻮ ﻭﺍﻟﻠﻪ ﺭﺳﻠﺘﻪ ﻟﻲ ﺍﻟﺒﺖ ﺍﻟﻜﺎﻧﺖ ﻣﻌﺎﻫﻢ ..

ﺍﻟﻀﺎﺑﻂ ﻗﺎﻝ ﻟﻴﻬﻮ ﻭﺍﻟﺒﺖ ﺍﻟﺠﺎﺑﺘﻮ ﻟﻴﻚ ﻛﺎﻧﺖ ﻇﺎﻫﺮﺓ ﻓﻲ ﺍﻟﻔﻴﺪﻳﻮ ﺍﻟﻤﺼﻮﺭ ﺩﻩ؟

ﻗﺎﻝ ﻟﻴﻬﻮ ﻻﻻ ﻫﻲ ﺍﻟﻜﺎﻧﺖ ﺑﺘﺼﻮﺭ .. ﻗﺎﻝ ﻟﻴﻬﻮ ﺍﺫﻥ .. ﻛﺎﻧﺖ ﺑﺘﺼﻮﺭ ﻣﻊ ﺳﺒﻖ ﺍﻻﺻﺮﺍﺭ ﻋﻠﻰ ﺗﻮﺯﻳﻊ ﺍﻟﻔﻴﺪﻳﻮ .. ﺩﻱ ﺍﺳﻤﻬﺎ ﻣﻨﻮ ﻭﺑﺘﻘﺮﺍ ﻭﻳﻦ؟

ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎﺟﻨﺎﺑﻮ .. ﻣﺎ ﺗﺠﺮﺟﺮ ﺍﻟﺒﺖ .. ﺍﻧﺎ ﺍﻫﻮ ﺍﻋﺘﺮﻓﺖ ﻟﻴﻚ .. ﻭﺍﻟﻌﺎﻳﺰ ﺗﻌﻤﻠﻮ ﻣﻌﺎﻱ ﺍﻋﻤﻠﻮ .. ﻛﺪﺍ ﺍﻟﻤﺸﻜﻠﺔ ﺑﺘﻜﺒﺮ ..

ﻳﺎﺳﺮ ﻗﺎﻝ ﻟﻴﻬﻮ ﺧﻠﻴﻬﺎ ﺗﻜﺒﺮ .. ﻧﺤﻦ ﻗﺎﻋﺪﻳﻦ ﻫﻨﺎ ﺑﻨﺼﺮﻑ ﻗﺮﻭﺵ ﻣﻦ ﺍﻟﺤﻜﻮﻣﺔ ﻋﺸﺎﻥ ﺷﻨﻮ؟ ﻋﺸﺎﻥ ﺣﻤﺎﻳﺔ ﺍﻟﻨﺎﺱ ﻣﻦ ﺍﺷﻜﺎﻟﻚ ﺩﻱ ..

ﺍﺳﻤﻊ ﻳﺎ ﻋﺴﻜﺮﻱ .. ﺍﺭﻛﺒﻮ ﺍﻣﺸﻮ ﺍﻟﺠﺎﻣﻌﺔ ﺟﻴﺒﻮ ﺍﻟﺒﺖ ﺍﻻﺳﻤﻬﺎ ﺳﺤﺮ ﻋﺜﻤﺎﻥ ﺩﻱ ﺳﺮﻳﻊ .. ﻭﺍﻧﺘﻮ ﻫﻨﺎﻙ ﺷﻴﻠﻮ ﻣﻨﻬﺎ ﺗﻠﻔﻮﻥ ﻭﻟﻲ ﺍﻣﺮﻫﺎ .. ﺍﺿﺮﺑﻮ ﻟﻴﻬﻮ ﻳﺠﻴﻨﺎ ﻫﻨﺎ .. ﻃﺒﻌﺎ ﻳﺎﺳﺮ ﺍﻟﻀﺎﺑﻂ ﻋﺮﻑ ﺑﺎﻟﺤﺲ ﺍﻻﻣﻨﻲ ﺍﻧﻮ ﻓﻲ ﺍﺗﻔﺎﻕ ﻣﺴﺒﻖ .. ﺑﻴﻦ ﻣﺆﻳﺪ ﻭﺑﻴﻦ ﺳﺤﺮ ﻋﻠﻰ ﺍﻟﻔﻴﺪﻳﻮ .. ﻭﻋﻠﻰ ﻓﻀﻴﺤﺔ ﺗﺴﺎﺑﻴﺢ .. ﻓﻲ ﺍﻟﻮﻛﺖ ﺩﻩ ﺗﺴﺎﺑﻴﺢ ﺍﺗﺼﻠﺖ ﻣﻦ ﺍﻟﺠﺎﻣﻌﺔ ﻓﻲ ﺗﻠﻔﻮﻥ ﺍﺧﻮﻫﺎ ﻋﺒﺪﺍﻟﺴﻼﻡ .. ﻭﻗﺎﻟﺖ ﻟﻴﻬﻮ ﺍﻧﺎ ﻗﺎﺑﻠﺖ ﻟﻴﻨﺔ .. ﻭﻟﻴﻨﺔ ﻗﺎﻟﺖ ﻣﺴﺤﺖ ﺍﻟﻔﻴﺪﻳﻮ ﻣﻦ ﺗﻠﻔﻮﻥ ﻣﺆﻳﺪ ..

ﻳﺎﻋﺒﺪﺍﻟﺴﻼﻡ ﺍﺧﻮﻱ ﻋﻠﻴﻚ ﺍﻟﻠﻪ ﺍﻟﻤﻮﺿﻮﻉ ﺩﻩ ﺍﻃﻔﻮﻫﻮ .. ﺑﻘﻮﻡ ﻳﺠﻴﺐ ﻟﻴﻨﺎ ﻓﻀﺎﻳﺢ .. ﻗﺎﻝ ﻟﻴﻬﺎ ﺍﻧﺖ ﺗﺴﻜﺘﻲ ﺑﺲ ..

ﻭﺳﺤﺮ ﺟﺎﺑﻮﻫﺎ ﺍﻟﻤﻮﻗﻊ .. ﻭﺍﺑﻮﻫﺎ ﻭﺻﻞ ﻭﺍﺧﻮﺍﻧﻬﺎ ﺗﻼﺗﺔ ﻭﺍﻣﻬﺎ ..

ﻭﺣﻜﺖ ﻛﻞ ﺍﻟﺘﻔﺎﺻﻴﻞ ﺍﻧﻮ ﻣﺆﻳﺪ ﺍﺩﺍﻫﺎ 200 ﻋﺸﺎﻥ ﺗﺠﻴﺐ ﻟﻴﻬﻮ ﺍﻟﻔﻴﺪﻳﻮ ﻭﻫﻲ ﺩﺑﺮﺕ ﺍﻟﻘﺼﺔ ﻭﺷﺎﻟﺖ ﺍﻟﻘﺮﻭﺵ .. ﻭﺍﺑﻮﻫﺎ ﻗﻌﺪ ﻳﺒﻜﻲ .. ﻭ ﺣﺮﻣﻬﺎ ﻣﻦ ﺍﻟﺠﺎﻣﻌﺔ .. ﻭﺣﻠﻒ ﻃﻼﻕ ﻗﺪﺍﻡ ﺍﻣﻬﺎ .. ﺗﺎﻧﻲ ﻣﺎﺗﺸﻮﻑ ﺍﻟﺠﺎﻣﻌﺔ ﺑﻲ ﻋﻴﻨﻬﺎ ..

ﻭﻋﺒﺪ ﺍﻟﺴﻼﻡ ﻃﻠﺐ ﻣﻦ ﻳﺎﺳﺮ ﺍﻧﻮ ﻳﺨﻠﻲ ﺳﺒﻴﻠﻬﺎ .. ﻳﺎﺳﺮ ﻗﺎﻝ ﻟﻴﻬﻮ .. ﺍﻟﺤﺼﻞ ﻗﺪﺍﻡ ﺍﻫﻠﻬﺎ ﺩﻩ ﺍﻛﺒﺮ ﻋﻘﺎﺏ ﻟﻴﻬﺎ .. ﻭﻗﺎﻝ ﻟﻲ ﺍﺑﻮﻫﺎ ﺧﻼﺹ ﻳﺎ ﺣﺎﺝ ﺳﻮﻕ ﺑﺘﻚ ﻭﺍﻣﺸﻮ .. ﺍﻟﺮﺍﺟﻞ ﺩﻩ ﻭﺩﻧﺎﺱ ﻭﻋﻔﺎ ﺣﻖ ﺍﺧﺘﻮ .. ﺗﺎﻧﻲ ﻣﺎﻋﺎﻳﺰﻧﻜﻢ ﻫﻨﺎ ﺍﻣﺸﻮ .. ﺍﻣﺸﻮ ﺧﻠﻮ ﻟﻴﻨﺎ ﺍﻟﻮﻟﺪ ﺩﻩ ﻋﻨﺪﻧﺎ ﻣﻌﺎﻫﻮ ﻟﻌﺒﺔ ﺣﻠﻮﺓ ﻛﺪﺍ ..

ﻭﺳﺤﺮ ﻃﺒﻌﺎ " ﺩﺧﻠﺖ ﺍﻫﻠﻬﺎ ﻓﻲ ﺍﺳﻮﺀ ﻛﺎﺑﻮﺱ .. ﻧﺴﺄﻝ ﺍﻟﻠﻪ ﺍﻟﺴﻼﻣﺔ .. ﺍﻫﺎ ﺍﺳﺘﻔﺪﺗﻲ ﺷﻨﻮ ﻣﻦ ﻓﻀﻴﺤﺔ ﺍﻟﻨﺎﺱ ﻳﺎﺳﺤﺮ ؟؟؟؟ ..

ﺍﻧﺘﻲ ﻣﺎﻋﺎﺭﻓﺔ ﻣﻦ ﺳﺘﺮ ﻣﺴﻠﻤﺎ ﺳﺘﺮﻩ ﺍﻟﻠﻪ ﻓﻲ ﺍﻟﺪﻧﻴﺎ ﻭﺍﻻﺧﺮﺓ؟؟ .. ﻭﺑﺎﻟﺘﺎﻟﻲ ﻣﻦ ﻓﻀﺢ ﻣﺴﻠﻤﺎ " .. ﻓﻀﺤﺔ ﺍﻟﻠﻪ ﻓﻲ ﺍﻟﺪﻧﻴﺎ ﻭﺍﻻﺧﺮﺓ ..

ﻭﺍﻟﺮﺳﻮﻝ ﺻﻠﻰ ﺍﻟﻠﻪ ﻋﻠﻴﻪ ﻭﻟﻢ . ﻗﺎﻝ ﻣﻦ ﺗﺘﺒﻊ ﻋﻮﺭﺓ ﺍﻣﺮﺉ ﻣﺴﻠﻢ ﻟﻴﻔﻀﺤﻪ .. ﺗﺘﺒﻊ ﺍﻟﻠﻪ ﻋﻮﺭﺗﻪ ﺣﺘﻲ ﻳﻔﻀﺤﻪ ﻭﻫﻮ ﻓﻲ ﻋﻘﺮ ﺩﺍﺭﻩ ..

ﻭﻣﺮﺓ ﻗﺎﻝ ﻃﺎﺭﻕ ﺍﻟﻠﺒﻴﺐ ..

ﻧﻘﺎﻝ ﺍﻟﺨﺒﺮ .. ﻓﻲ ﻣﺠﻠﺲ ﺍﻟﺒﻐﺘﺎﺑﻮ .

ﻣﺪﻳﻮﻥ ﻟﻴﻬﻮ ﻳﻮﻡ . ﻧﻔﺲ ﺍﻟﻜﻼﻡ ﺍﻟﺠﺎﺑﻮ ..

ﺯﻱ ﻣﺎ ﺷﺎﻝ ﻛﻼﻡ ﻓﻲ ﻏﻴﺮﻭ ﻭﺍﺗﺴﻼﺑﻮ .

ﺑﻜﺮﻩ ﻳﻘﻮﻟﻮ ﻓﻮﻗﻮ . ﻭﻳﺴﺘﻐﻠﻮ ﻏﻴﺎﺑﻮ ..

.. ﻭﻗﺎﻝ ..

ﺍﻟﺒﺒﺮﺍ ﺍﻟﻔﻀﺎﻳﺢ ﺷﺎﻥ ﻳﺸﻴﻠﻠﻮ ﺷﻤﺎﺭ ..

ﺗﺄﻛﺪ ﻓﻮﻗﻮ ﻳﻮﻡ ﺗﺘﻨﺎﻗﻞ ﺍﻻﺧﺒﺎﺭ ..

ﺍﺗﻌﻠﻢ ﺗﺼﻮﻥ ﻟﻲ ﻏﻴﺮﻙ ﺍﻻﺳﺮﺍﺭ ..

ﺗﻜﻮﻥ ﻣﺤﻔﻮﻅ ﻋﻠﻰ ﻣﺮﺍﻟﺰﻣﺎﻥ ﺍﻟﺪﺍﺭ .

ﻭﺩﻩ ﺍﻟﺤﺼﻞ ﻟﻲ ﺳﺤﺮ .. ﺩﺍﻳﺮﺓ ﺗﻔﻀﺢ ﺗﺴﺎﺑﻴﺢ ﺭﺑﻨﺎ ﺳﺘﺮ ﺗﺴﺎﺑﻴﺢ .. ﻭﻓﻀﺤﻬﺎ ﻫﻲ .. ﺳﺒﺤﺎﻥ ﺍﻟﻠﻪ ﺍﻟﻌﻈﻴﻢ .. ﺍﻟﻤﻬﻢ ﺭﺑﻨﺎ ﻋﻨﺪﻭ ﻗﻮﺍﻧﻴﻦ ﻓﻲ ﺍﻟﻜﻮﻥ ﺍﺻﻼ ﻣﺎ ﺑﺘﺒﻄﻞ .. ﺭﺑﻨﺎ ﻳﺤﻔﻈﻨﺎ ﻭﺍﻳﺎﻛﻢ ..

ﺍﻟﻰ ﺍﻟﻠﻘﺎﺀ ..

ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 31 ..

ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..

ﻓﻲ ﺍﻟﺠﺎﻣﻌﺔ ﻛﺎﻧﺖ ﺍﻟﺤﺘﺔ ﻓﺎﻳﺮﺓ ﻓﻲ ﻧﻬﺎﻳﺔ ﺍﻟﻴﻮﻡ .. ﻭﺍﻟﻨﺎﺱ ﻛﻠﻬﺎ ﺑﺘﺘﻜﻠﻢ .. ﺑﻲ ﻣﻮﺿﻮﻉ ﻧﺎﺱ ﺍﻻﻣﻦ ﺍﻟﺴﺎﻗﻮ ﻣﺆﻳﺪ ﻭﺳﺤﺮ .. ﻭﺑﻘﻮ ﺍﻟﻨﺎﺱ ﻳﻄﻠﻘﻮ ﻓﻲ ﺍﻻﺗﻬﺎﻣﺎﺕ ﺍﻟﻐﻴﺮ ﻣﺮﺷﺪﺓ .. ﻭﺍﻱ ﺯﻭﻝ ﺑﻘﻰ ﻳﺄﻟﻒ ﺑﺮﺍﻫﻮ .. ﻭﺍﺣﺪﻳﻦ ﻗﺎﻟﻮ ﻧﺎﺱ ﺍﻻﻣﻦ ﻗﺒﻀﻮﻫﻢ ﻣﺘﻠﺒﺴﻴﻦ .. ﻭﺍﺣﺪﻳﻦ ﻗﺎﻟﻮ ﺍﻛﺘﺸﻔﻮ ﺍﻧﻬﻢ ﻣﺮﻭﺟﻴﻦ ﻣﺨﺪﺭﺍﺕ .. ﻭﺍﻱ ﺯﻭﻝ ﺑﻘﻰ ﻳﺘﻜﻠﻢ ﻋﻠﻰ ﻫﻮﺍﻫﻮ ..

ﺗﺴﺎﺑﻴﺢ ﺗﺘﻜﻠﻢ ﻣﻊ ﻟﻴﻨﺔ .. ﻗﺎﻟﺖ ﻟﻴﻬﺎ ﺍﻧﺘﻲ ﻟﻴﻪ ﺍﻣﺒﺎﺭﺡ ﻣﺎﻛﻠﻤﺘﻴﻨﻲ ﺑﺎﻧﻚ ﻣﺴﺤﺘﻲ ﺍﻟﻔﻴﺪﻳﻮ؟ .. ﻭﺍﻟﻠﻪ ﻟﻮ ﻗﻠﺘﻲ ﻟﻲ ﻛﺪﺍ ﻣﺎﻛﺎﻥ ﻛﻠﻤﺖ ﺍﺧﻮﻱ ..

ﻗﺎﻟﺖ ﻟﻴﻬﺎ ﺍﺣﺴﻦ ﺷﻲ ﺍﻧﻚ ﻛﻠﻤﺘﻴﻬﻮ .. ﻻﻧﻮ ﻣﺆﻳﺪ ﺑﻜﺮﺓ ﻣﻤﻜﻦ ﻳﻌﻤﻼ ﻓﻲ ﻭﺍﺣﺪﺓ ﺗﺎﻧﻲ ﺑﻮﺍﺳﻄﺔ ﺳﺤﺮ .. ﻗﺎﻟﺖ ﻟﻴﻬﺎ ﻟﻜﻦ ﺍﻟﺤﻤﺪ ﻟﻠﻪ ﺍﻧﻚ ﻣﺴﺤﺘﻴﻬﻮ ﻳﺎ ﻟﻴﻨﻪ ..

ﻫﺴﻲ ﻛﺎﻥ ﻋﺒﺪﺍﻟﺴﻼﻡ ﺍﺧﻮﻱ ﻭﺍﻟﻀﺎﺑﻂ ﻭﻛﻠﻬﻢ ﻳﺸﻮﻓﻮﻧﻲ ﺑﺮﻗﺺ ﺑﺎﻟﺼﻮﺭﺓ ﺩﻳﻚ .. ﺗﺎﻧﻲ ﻣﺎﺑﻘﺪﺭ ﺍﻋﺎﻳﻦ ﻟﻲ ﻋﺒﺪﺍﻟﺴﻼﻡ ﻓﻲ ﻋﻴﻨﻮ ﻟﻤﻦ ﺍﻣﻮﺕ ..

ﺍﻧﺎ ﻣﺎﻋﺎﺭﻓﺔ ﺍﺟﺎﺯﻳﻚ ﻛﻴﻒ ..

ﻗﺎﻟﺖ ﻟﻴﻬﺎ ﻟﻜﻦ ﻳﺎﺗﺴﺎﺑﻴﺢ ﺍﻧﺘﻲ ﻭﺍﻟﻠﻪ ﻏﻠﻄﺎﻧﺔ ﻏﻠﻂ ﻛﺒﻴﺮ .. ﻛﻴﻒ ﻳﻌﻨﻲ ﺑﺘﺮﻗﺼﻲ ﺑﻲ ﻟﺒﺲ ﺯﻱ ﺩﻩ ﻗﺪﺍﻡ ﺍﻟﺒﻨﺎﺕ .. ﻭﻛﻴﻒ ﺗﺘﻌﺮﻥ ﻗﺪﺍﻡ ﺑﻌﺾ .. ﺍﻋﻮﺫ ﺑﺎﻟﻠﻪ .. ﻭﺍﻟﻠﻪ ﺍﻧﺎ ﻣﺎﻗﺪﺭﺕ ﺍﻋﺎﻳﻦ ﻟﻠﻔﻴﺪﻳﻮ .. ﻗﺎﻟﺖ ﻟﻴﻬﺎ ﺍﻧﺎ ﻋﺎﺭﻓﺔ ﻧﻔﺴﻲ ﻏﻠﻄﺎﻧﺔ .. ﻭﺍﻟﻠﻪ ﻛﺎﻧﺖ ﻟﺤﻈﺔ ﻃﻴﺶ ﺑﺲ .. ﻭﺭﺑﻨﺎ ﻋﺎﻗﺒﻨﻲ ﻋﻠﻴﻬﺎ ﻋﻘﺎﺏ ﻧﻔﺴﻲ ﻗﺎﺳﻲ .. ﻋﺸﺖ ﻓﻲ ﺍﻻﻳﺎﻡ ﺍﻟﻔﺎﺗﺖ ﺩﻱ ﺍﺳﻮﺀ ﺍﻳﺎﻡ ﺣﻴﺎﺗﻲ . ﺍﻟﺤﻤﺪ ﻟﻠﻪ ..

ﻟﻜﻦ ﻋﺎﺭﻓﺔ ﻳﺎﻟﻴﻨﺔ .. ﻫﺴﻲ ﺍﻟﻨﺎﺱ ﺑﺘﻜﻠﻤﻮ ﻛﻼﻡ ﺷﻴﻦ ﻋﻦ ﻣﺆﻳﺪ ﻭﺳﺤﺮ ..

ﻭﻛﻼﻡ ﻣﺎﺻﺢ .. ﻗﺎﻟﻮ ﻛﻴﺖ ﻛﻴﺖ .. ﻭﺍﻧﺎ ﻣﺎﻗﺎﺩﺭﺓ ﺍﺗﻜﻠﻢ ﺑﺎﻟﺤﻘﻴﻘﺔ .. ﺳﺎﻛﺘﺔ ﺳﺎﻱ .. ﻗﺎﻟﺖ ﻟﻴﻬﺎ ﻟﻜﻦ ﻳﺎﺗﺴﺎﺑﻴﺢ ﻛﺪﺍ ﻭﺍﻟﻠﻪ ﻣﺎﺻﺢ ﻣﻨﻨﺎ .. ﻳﻌﻨﻲ ﺍﻟﺤﺎﺟﺔ ﺍﻟﻤﺎﺑﺘﺮﺿﺎﻫﺎ ﻟﻲ ﻧﻔﺴﻚ .. ﻣﺎﺗﺮﺿﺎﻫﺎ ﻟﻠﻨﺎﺱ .. ﺗﺴﺎﺑﻴﺢ ﻗﺎﻟﺖ ﻟﻴﻬﺎ .. ﺍﻫﺎ ﺭﺍﻳﻚ ﺷﻨﻮ ﻧﻤﺸﻲ ﻧﻄﺮﺡ ﺍﻟﻤﻮﺿﻮﻉ ﺩﻩ ﻟﻲ ﺻﺎﻓﻲ؟؟ ..

ﻗﺎﻟﺖ ﻟﻴﻬﺎ ﺍﻣﺸﻲ ﺍﻃﺮﺣﻴﻬﻮ ﺑﺮﺍﻙ .. ﺗﺴﺎﺑﻴﺢ ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ﺍﺭﺡ ﻣﻌﺎﻱ .. ﻳﻌﻨﻲ ﺷﻨﻮ ﺍﻧﺘﻲ ﺑﺘﺘﻌﺎﻭﺭﻱ ﻛﺪﺍ؟؟

ﻣﺎﺧﻼﺹ ﺍﻟﻤﻮﺿﻮﻉ ﺩﻩ ﺍﻧﺘﻬﻰ .. ﺧﻠﻴﻨﺎ ﺫﺍﺗﻮ ﻧﻜﻠﻤﻮ ﻭﻧﺒﺸﺮﻭ ﺍﻧﻮﺍﻟﻔﻴﺪﻳﻮ ﺍﺗﻤﺴﺢ .. ﻳﻔﺮﺡ ﺑﺎﻟﻤﻮﺿﻮﻉ ..

ﺍﻟﻤﻬﻢ ﺍﻗﻨﻌﺘﻬﺎ ﻭﻣﺸﻦ ﺍﻻﺗﻨﻴﻦ ﻛﺎﻳﺴﺎﺕ ﻟﻠﺼﺎﻓﻲ .. ﻭﺍﻟﺼﺎﻓﻲ ﻣﺸﻐﻮﻝ ﻭﺍﻟﻠﻪ ﻣﺎﻓﺎﺿﻲ ﻛﻠﻮ ﻛﻠﻮ ﻟﻠﺤﺎﺟﺎﺕ ﺩﻱ .. ﻟﻜﻦ ﻃﺒﻌﺘﻮ ﻛﺪﺍ ﻭﻛﺖ ﻳﺸﻮﻑ ﻟﻴﻬﻮ ﺯﻭﻝ ﻣﺤﺘﺎﺝ ﻣﺴﺎﻋﺪﺓ .. ﺑﺮﻣﻲ ﺍﻟﻔﻲ ﻳﺪﻭ ﻭﻳﻤﺪﻟﻴﻬﻮ ﻳﺪ ﺍﻟﻌﻮﻥ ..

... ﻻﻗﻨﻮ ﺍﻻﺗﻨﻴﻦ .. ﺗﺴﺎﺑﻴﺢ ﻗﺎﻟﺖ ﻟﻴﻬﻮ ﻳﺎﺻﺎﻓﻲ ﻃﺒﻌﺎ " ﻣﺎﺣﻜﻴﻨﺎ ﻟﻴﻚ ﺍﻟﺤﺼﻞ .. ﺍﻧﺎ ﻣﺸﻴﺖ ﻛﻠﻤﺖ ﺍﺧﻮﻱ .. ﻭﺣﺼﻞ ﻛﻴﺖ ﻛﻴﺖ ﻛﻴﺖ .. ﻭﻫﻨﺎ ﺍﻟﺤﻤﺪ ﻟﻠﻪ ﻟﻴﻨﺔ ﺍﺗﻮﻓﻘﺖ ﺍﻧﻬﺎ ﻣﺴﺤﺖ ﺍﻟﻔﻴﺪﻳﻮ .. ﻗﺎﻟﻴﻬﺎ ﻃﻴﺐ ﺍﻟﺤﻤﺪ ﻟﻠﻪ ﻣﺸﻜﻮﺭﺓ ﺷﺪﻳﺪ ﻳﺎ ﻟﻴﻨﺔ .. ﻟﻜﻦ ﻛﻴﻒ ﻗﺪﺭﺕ ﻟﻠﻤﻮﺿﻮﻉ ﺩﻩ؟ .. ﺍﻧﺎ ﻭﺍﻟﻠﻪ ﻣﺎ ﻛﻨﺖ ﻣﺘﺨﻴﻞ ﺗﻘﺪﺭﻱ ﻋﻠﻴﻬﻮ .. ﺗﺴﺎﺑﻴﺢ ﺭﺩﺕ ﻭﻗﺎﻟﺖ ﻟﻴﻬﻮ ﺯﻱ ﻣﺎ ﺣﻜﻴﺖ ﻟﻴﻚ ﺍﻧﺎ .. ﺍﻧﻮ ﻟﻴﻨﺔ ﻣﺸﺖ ﻣﺜﻠﺖ ﻟﻴﻬﻮ ﺍﻧﻬﺎ ﺑﺘﺤﺒﻮ .. ﻭﻭﻭﻭ ﺍﻟﻤﻬﻢ ﺣﻜﺖ ﻟﻴﻬﻮ ﺍﻟﺨﻄﺔ ﺍﻟﻨﻔﺬﺗﻬﺎ ﻟﻴﻨﺔ .. ﻗﺎﻝ ﻟﻴﻬﺎ ﻭﺍﻟﻠﻪ ﻳﺎ ﻟﻴﻨﺔ ﻛﻞ ﻳﻮﻡ ﺑﺘﺜﺒﺘﻲ ﻟﻲ ﺍﻧﻚ ﺑﺖ ﺭﺟﺎﻝ ﻭﻣﻌﺪﻧﻚ ﺍﺻﻴﻞ .. ﻭﺍﻧﺘﻲ ﻳﺎﺗﺴﺎﺑﻴﺢ ﺗﺎﻧﻲ ﺍﻣﺸﻲ ﺍﺗﻌﺎﻭﺭﻱ ﺗﺎﻧﻲ ﻭﺍﻋﻤﻠﻲ ﻟﻴﻚ ﻋﻤﻠﻴﺔ ﻋﺒﻴﻄﺔ ﺯﻱ ﺩﻱ ..

ﺿﺤﻜﺖ ﻗﺎﻟﺖ ﻟﻴﻬﻮ ﺍﻧﺎ؟؟ ﺗﺎﻧﻲ ﺍﻟﺘﻮﺑﺔ ﺑﻌﺪ ﺍﻟﺸﻮﻓﺘﻮ ﺩﻩ ..

ﻟﻜﻦ ﻳﺎ ﺻﺎﻓﻲ ﻓﻲ ﻣﺸﻜﻠﺔ .. ﻗﺎﻝ ﻟﻴﻬﺎ ﺗﺎﺍﺍﺍﺍﺍﺍﻧﻲ ﻳﺎﺻﺎﻓﻲ .. ؟

ﻗﺎﻟﺖ ﻟﻴﻬﻮ ﺍﺳﻔﺔ ﺍﺳﻔﺔ ﻳﺎ ﺍﻟﺼﺎﻓﻲ .. ﺍﻟﻤﺸﻜﻠﺔ ﺍﻧﻮ ﺍﻟﻨﺎﺱ ﺑﺘﻜﻠﻤﻮ ﻓﻲ ﻣﺆﻳﺪ ﻭﺳﺤﺮ ﻛﻼﻡ ﻣﺎﻛﻮﻳﺲ .. ﻭﺑﻘﻮﻟﻮ ﻛﻴﺖ ﻛﻴﺖ .. ﻗﺎﻝ ﻟﻴﻬﺎ ﺍﻟﻜﻼﻡ ﻃﺎﻟﻊ ﻣﻦ ﻳﺎﺗﻮ ﻧﺎﺱ؟ ﻗﺎﻟﺖ ﻟﻴﻬﻮ ﻧﻔﺲ ﺷﻠﺔ ﻣﺆﻳﺪ ﺍﻟﻜﺎﻧﻮ ﻋﺎﻣﻠﻴﻦ ﻓﻴﻬﺎ ﺍﺻﺤﺎﺑﻮ ..

ﻛﻠﻬﻢ ﻃﻠﻌﻮ ﺑﺘﺎﻋﻴﻦ ﺷﻤﺎﺭﺍﺕ ﻭﻛﻼﻡ ﻓﺎﺿﻲ ﺍﻟﻠﻪ ﻳﺄﺫﺍﻫﻢ ..

ﺍﻟﺼﺎﻓﻲ ﻗﺎﻝ ﻟﻴﻬﺎ ﺍﻟﺰﻭﻝ ﺑﺘﺎﻉ ﺍﻟﺸﻤﺎﺭﺍﺕ .. ﺑﻜﻮﻥ ﻋﻨﺪﻭ ﻓﺎﻳﺪﺓ ﻟﻮ ﺍﻧﺘﻲ ﺣﺎﻭﻟﺖ ﺗﺘﻌﺎﻣﻠﻲ ﻣﻌﺎﻫﻮ ﺑﻲ ﺫﻛﺎﺀ .. ﻗﺎﻟﺖ ﻟﻴﻬﻮ ﺩﻩ ﻟﻐﺰ ﻭﻻ ﺷﻨﻮ؟ ﻛﻴﻒ ﻳﻌﻨﻲ ﺯﻭﻝ ﺑﺘﺎﻉ ﺷﻤﺎﺭﺍﺕ ﻭﻓﻴﻬﻮ ﻓﺎﻳﺪﺓ؟ ..

ﻗﺎﻝ ﻟﻴﻬﺎ ﺧﻠﻲ ﺑﺎﻟﻚ ﻣﻌﺎﻱ .. ﻟﻮ ﻋﻨﺪﻙ ﺯﻭﻝ ﺑﻜﺮﻫﻚ .. ﻭﻋﺎﻳﺰﺓ ﺗﺰﻳﻠﻲ ﺍﻟﻜﺮﺍﻫﻴﺔ ﻣﻦ ﺟﻮﺍﻫﻮ .. ﺍﻭ ﻋﺎﻳﺰﺓ ﺗﺘﻘﺮﺑﻲ ﻣﻦ ﺻﺪﻳﻘﺔ ﻣﻌﻴﻨﺔ ﺑﻴﻨﻚ ﻭﺑﻴﻨﻬﺎ ﻓﻲ ﺟﻔﻮﺓ .. ..

ﺗﺸﻮﻓﻲ ﺯﻭﻝ ﺑﺘﺎﻉ ﺷﻤﺎﺭﺍﺕ ﻭﻟﺪ ﻭﻻ ﺑﺖ ﻣﺎﻓﺮﻗﺖ .. ﻭﺗﻘﻮﻣﻲ ﺗﺤﻜﻲ ﻟﻴﻬﻮ ﺣﻜﺎﻳﺎﺕ ﺟﻤﻴﻠﺔ ﻋﻦ ﺍﻟﺰﻭﻝ ﺍﻟﺒﻜﺮﻫﻚ ﺩﻩ .. ﻭﺗﺘﻜﻠﻤﻲ ﻟﻴﻬﻮ ﻋﻨﻮ ﻛﻼﻡ ﺟﻤﻴﻞ .. ﻭﺗﻜﺴﺮﻱ ﻟﻴﻬﻮ ﺗﻠﺞ ﺑﺎﻟﻄﺮﻳﻘﺔ ﺍﻟﺼﺎﺡ ..

ﻳﻼ ﺑﺘﺎﻉ ﺍﻟﺸﻤﺎﺭﺍﺕ ﺑﻤﺸﻲ ﻳﻨﻘﻞ ﻛﻼﻣﻚ ﻟﻲ ﺩﺍﻙ .. ﻋﺸﺎﻥ ﻳﺘﻜﻴﻒ ﻣﻨﻮ .. ﺍﻧﺘﻲ ﻫﻨﺎ ﺑﺘﻜﻮﻧﻲ ﺍﺳﺘﻔﺪﺗﻲ ﻣﻦ ﺍﻟﺸﻤﺎﺭﻱ ﻭﻻﻻ؟

ﻗﺎﻟﺖ ﻟﻴﻬﻮ ﺍﻛﻴﺪ ﺑﻜﻮﻥ ﻭﺻﻞ ﻟﻲ ﺍﻟﻜﻼﻡ .. ﺍﻻﻧﺎ ﻣﺎﻗﺎﺩﺭﺓ ﺍﻭﺻﻠﻮ ..

ﻗﺎﻝ ﻟﻴﻬﻮ ﺍﻧﺎ ﻫﺴﻲ ﻣﺎﻓﺎﺿﻲ .. ﻟﻜﻦ ﻋﺎﻳﺰﻛﻢ ﺗﻤﺸﻮ ﺗﻘﻌﺪﻭ ﻣﻊ ﺍﻟﺸﻠﺔ .. ﻭﺗﻘﻮﻟﻮ ﻟﻴﻬﻢ ﻧﺤﻦ ﻋﺮﻓﻨﺎ ﺍﻟﺴﺒﺐ ﺍﻟﻘﺒﻀﻮ ﻓﻴﻬﻮ ﻣﺆﻳﺪ ﻭﺳﺤﺮ ..

ﺍﻧﻮ ﻓﻲ ﺑﺖ ﺑﻠﻐﺖ ﻓﻴﻬﻢ .. ﻋﻨﺪﻫﻢ ﻓﻴﻠﻢ ﻣﺎﻛﻮﻳﺲ ﻓﻲ ﺗﻠﻔﻮﻧﺎﺗﻢ . ﻭﺳﺤﺮ ﺭﺳﻠﺖ ﺍﻟﻔﻴﻠﻢ ﻟﻲ ﻣﺆﻳﺪ ﻭﺍﻟﺒﺖ ﺑﻠﻐﺖ .. ﻭﺟﻮ ﻗﺒﻀﻮﻫﻢ ..

ﺍﻧﺎ ﻳﺘﺨﻴﻠﻲ ﺩﻱ ﺍﺧﻒ ﻣﻦ ﺍﻟﻜﻼﻡ ﻓﻲ ﺍﻟﺸﺮﻑ ﻭﺍﻟﻌﺮﺽ .. ﻭﺍﻟﺘﻬﻤﺔ ﺍﻟﺒﺎﻃﻠﺔ ..

ﻭﺩﻱ ﺍﻟﺤﻘﻴﻘﺔ ﻃﺒﻌﺎ " ﻭﻣﻤﻜﻦ ﺗﺤﻠﻔﻮ .. ﻻﻧﻜﻢ ﺻﺎﺩﻗﻴﻦ .. ﻭﺍﻻﺣﺴﻦ ﻛﻞ ﻭﺍﺣﺪﺓ ﻓﻴﻜﻢ .. ﺗﺠﻴﻬﻢ ﻓﻲ ﻭﻗﺖ ﺑﺮﺍﻫﺎ .. ﻭﻛﻼﻣﻜﻢ ﻳﻜﻮﻥ ﻣﻄﺎﺑﻖ ..

ﻟﻴﻨﺔ ﺑﻘﺖ ﺗﻌﺎﻳﻦ ﻟﻲ ﺍﻟﺼﺎﻓﻲ ﻭﺗﺘﺒﺴﻢ ﺑﺪﻭﻥ ﻣﺎﺗﺸﻌﺮ .. ﻭﺍﻟﺼﺎﻓﻲ ﻋﺎﻣﻞ ﺭﺍﻳﺢ .. ﻟﻜﻦ ﻗﻠﺒﻮ ﻣﻦ ﺟﻮﺓ ﺷﻐﺎﻝ ﺍﻟﺘﻒ ﺍﻟﺘﻒ ﺍﻟﺘﻒ .. ﻭﺩﺍﻳﺮ ﻳﺴﺮﻕ ﻧﻈﺮﻩ ﻭﻣﺴﺘﺤﻲ .. ﺍﻟﻤﻬﻢ ﺗﺴﺎﺑﻴﺢ ﻗﺎﻟﺖ ﻟﻴﻬﻮ ﻭﺍﻟﻠﻪ ﺩﻱ ﺍﺣﺴﻦ ﻓﻜﺮﺓ ..

ﻋﻠﻰ ﺍﻻﻗﻞ ﻧﺤﻔﻆ ﻟﻴﻬﻢ ﺳﻤﻌﺘﻬﻢ ﻣﻊ ﺍﻧﻮ ﻣﺎﺑﺴﺘﺎﻫﻠﻮ ..

ﻗﺎﻝ ﻟﻴﻬﺎ ﻧﺤﻦ ﻋﺎﺭﻓﻴﻦ ﺍﻟﺤﻖ .. ﻣﺎ ﺻﺎﺡ ﻧﺴﻜﺖ .. ﺍﻟﺴﺎﻛﺖ ﻋﻦ ﺍﻟﺤﻖ ﺷﻴﻄﺎﻥ ﺍﺧﺮﺹ ..

ﺑﻌﺪﻳﻦ ﻳﺎﺗﺴﺎﺑﻴﺢ .. ﺍﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﻗﺎﻝ .. ﻣﻦ ﺳﺘﺮ ﻣﺴﻠﻤﺎ ﺳﺘﺮﻩ ﺍﻟﻠﻪ ﻓﻲ ﺍﻟﺪﻧﻴﺎ ﻭﺍﻻﺧﺮﺓ .. ﺍﻧﺘﻮ ﺍﺳﺘﺮﻭﻫﻢ ﻋﺴﻰ ﺍﻟﻠﻪ ﻳﺴﺘﺮ ﻋﻴﻮﺑﻨﺎ ﻧﺤﻦ ﻛﻠﻨﺎ ﻋﻴﻮﺏ .. ﻳﻼ ﻓﻲ ﺍﻣﺎﻥ ﺍﻟﻠﻪ ﺍﻧﺎ ﺍﺗﺎﺧﺮﺕ ..

ﻭﻓﻌﻼ ﺍﻟﺒﻨﺎﺕ ﺍﻻﺗﻨﻴﻦ ﻣﺸﻦ ﻧﻔﺬﻥ ﻛﻼﻡ ﺍﻟﺼﺎﻓﻲ ﺑﺎﻟﺨﺮﻃﻪ ﻭﺍﻟﺤﻤﺪ ﻟﻠﻪ ﺍﺗﻼﺷﺖ ﺍﻻﺗﻬﺎﻣﺎﺕ ﺍﻟﻔﺎﺿﻴﺔ ..

ﻣﺮﺕ ﺗﻼﺗﺔ ﺍﻳﺎﻡ ﻭﺍﻻﻭﺿﺎﻉ ﻃﺒﻴﻌﻴﺔ .. ﻭﻣﺆﻳﺪ ﻣﺎﺟﺎ ﺍﻟﺠﺎﻣﻌﺔ .. ﻭﺳﺤﺮ ﻃﺒﻌﺎ " ﻣﺎﺟﺎﺕ ﺍﻟﺠﺎﻣﻌﺔ .. ﻓﻲ ﺍﻟﻴﻮﻡ ﺍﻟﺘﺎﻟﺖ ﺟﺎ ﻭﺍﻟﺪ ﺳﺤﺮ ﻻﺩﺍﺭﺓ ﺍﻟﺠﺎﻣﻌﺔ .. ﻭﺣﻜﻲ ﻛﻞ ﺍﻟﺤﺎﺻﻞ .. ﻭﻗﺪﻡ ﺷﻜﻮﻯ ﻓﻲ ﻣﺆﻳﺪ ..

ﻭﻓﻲ ﻧﻔﺲ ﺍﻟﻴﻮﻡ ﺟﺎﺀ ﺗﻘﺮﻳﺮ ﻣﻦ ﺍﻟﺸﺮﻃﺔ .. ﻋﻦ ﻣﺆﻳﺪ ﻟﻲ ﻧﺎﺱ ﺍﻻﺩﺍﺭﺓ ..

ﻭﻗﺮﺭﺕ ﺍﺩﺍﺭﺓ ﺍﻟﺠﺎﻣﻌﺔ ﻓﺼﻞ ﻣﺆﻳﺪ ﻣﻦ ﺍﻟﺠﺎﻣﻌﺔ ..

ﻟﻜﻦ ﻃﺒﻌﺎ " ﺑﻘﻰ ﻳﺠﻲ ﺍﻟﺠﺎﻣﻌﺔ ﻭﻳﻄﻤﺶ ﻣﻊ ﺍﺻﺤﺎﺑﻮ ﺑﻲ ﺑﺮﺓ ﺑﻲ ﺑﺮﺓ ..

ﻟﻐﺎﻳﺔ ﻣﺎ ﺍﻫﻠﻮ ﺩﺧﻠﻮﻫﻮ ﻓﻲ ﺟﺎﻣﻌﺔ ﺧﺎﺻﺔ .. ﻟﻜﻦ ﻟﻐﺎﻳﺔ ﻫﺴﻲ ﻣﺎ ﻣﻌﺮﻭﻑ ﺍﻟﻔﺴﺤﺔ ﺍﻟﻔﺴﺤﻮﻩ ﻟﻴﻬﺎ ﻧﺎﺱ ﺍﻻﻣﻦ ﻫﻪ .. ﺍﻟﻤﻬﻢ ﺍﻛﻠﻬﺎ ﻓﻲ ﺣﻨﺎﻧﻮ ﻭﺳﻜﺖ ﻻﻧﻪ ﺑﺴﺘﺎﻫﻞ ﻛﻞ ﺍﻟﺤﺼﻞ ..

ﻭﺍﺳﺘﻤﺮﺕ ﺍﻻﻭﺿﺎﻉ ﻃﺒﻴﻌﻴﺔ ﻓﻲ ﺍﻟﺠﺎﻣﻌﺔ .. ﻭﺍﻟﺘﻮﺍﺻﻞ ﺑﻴﻦ ﻟﻴﻨﺔ ﻭﺍﻟﺼﺎﻓﻲ ﺍﺗﻌﻤﻖ .. ﻭﺍﻟﺼﺎﻓﻲ ﺑﻘﻰ ﻳﺸﻮﻓﻬﺎ ﺍﻧﺴﺎﻧﺔ ﻋﻈﻴﻤﺔ ﻭﻣﻦ ﺍﻟﻨﺒﻼﺀ ..

ﻣﻊ ﺍﻥ ﺍﻟﻠﻘﺎﺀﺍﺕ ﺑﻴﻨﻬﻢ ﻗﻠﻴﻠﺔ ﺑﺎﻟﻤﻘﺎﺭﻧﺔ ﻣﻊ ﺑﺪﺍﻳﺔ ﺍﻟﺴﻨﺔ .. ﻟﻜﻦ ﺍﻟﺘﻮﺍﺻﻞ ﺍﻟﻮﺟﺪﺍﻧﻲ ﻳﺰﺩﺍﺩ .. ﻭﺍﻻﺗﻔﺎﻕ ﻓﻲ ﺍﻟﻤﺒﺎﺩﻱ ﻭﺍﻟﺘﻔﻜﻴﺮ ..

ﻭﻣﺮﺕ ﺍﻻﻳﺎﻡ ﻭﺍﻧﺘﻬﺖ ﺍﻟﺴﻨﺔ ﺑﻲ ﺧﻴﺮﺍ ﻭﺷﺮﻫﺎ .. ﺍﻟﻨﺎﺱ ﻓﺮﺗﻜﺖ ﻭﺍﻱ ﺯﻭﻝ ﻣﺸﻰ ﻋﻠﻰ ﺍﻫﻠﻮ .. ﻭﻓﻲ ﺍﺧﺮ ﻳﻮﻡ ﻛﺎﻧﺖ ﻓﻲ ﺟﻠﺴﺔ ﺻﻔﺎﺀ ﺑﻴﻦ ﻟﻴﻨﺔ ﻭﺍﻟﺼﺎﻓﻲ .. ﻭﺍﻟﻤﺮﺓ ﺩﻱ ﺍﻟﺼﺎﻓﻲ ﻛﺎﻥ ﻣﺎﺳﻚ ﺍﻟﺠﻠﺴﺔ ﻭﺑﺤﻜﻲ ﻋﻦ ﻧﻔﺴﻪ ﻭﻋﻦ ﺍﺳﺮﺗﻪ ..

ﻭﺣﻜﻰ ﻟﻴﻬﺎ ﻋﻦ ﺍﻋﻤﺎﻣﻮ .. ﻭﻋﻦ ﺧﺎﻟﻮ ﺍﻟﻮﺣﻴﺪ ﺍﻟﻔﻲ ﺍﻟﺒﻠﺪ .. ﻭﻋﻦ ﺧﺎﻟﺘﻮ ﺛﺮﻳﺎ ﺧﺎﻟﺘﻮ ﺍﻟﺒﺤﺒﻬﺎ .. ﻗﺎﻝ ﻟﻴﻬﺎ ﺛﺮﻳﺎ ﺧﺎﻟﺘﻲ ﺍﺧﺖ ﺍﻣﻲ ﺍﻟﻮﺣﻴﺪﺓ ﻣﺘﺰﻭﺟﺔ ﻭﺳﺎﻛﻨﺔ ﻓﻲ ﺍﻟﺴﻌﻮﺩﻳﺔ .. ﻣﺘﺰﻭﺟﻬﺎ ﻭﺍﺣﺪ ﻣﻦ ﺑﻠﺪﻧﺎ ﻭﺻﺪﻳﻖ ﺍﺑﻮﻱ ﺍﻟﻮﺣﻴﺪ ﻓﻲ ﺍﻟﺪﻧﻴﺎ ﺩﻱ .. ﺍﺳﻤﻪ ﻋﻄﻴﺔ .. ‏( ﺍﺍﻭ ﺑﺎﻟﻠﻪ ؟ ﺳﺒﺤﺎﻥ ﺍﻟﻠﻪ ﻳﺎﺭﺑﻲ ﺛﺮﻳﺎ ﺍﺗﺰﻭﺟﺖ ﻋﻄﻴﺔ ﻣﺘﻴﻦ ؟ﺍﻧﺎ ﻟﻮ ﻣﺎ ﺍﻟﺼﺎﻓﻲ ﺑﺤﻜﻲ ﻟﻲ ﻟﻴﻨﺔ ﻣﺎﻛﻨﺖ ﻋﺎﺭﻑ ﺍﻟﻤﻌﻠﻮﻣﺔ ﺩﻱ ﺍﻻ ﻫﺴﻲ ﻓﻲ ﺧﺸﻤﻮ ﺩﻩ ‏) ..

ﻭﺣﻜﻰ ﻟﻴﻬﺎ ﻋﻦ ﺧﺎﻟﺘﻮ ﺑﺖ ﺧﺎﻟﺔ ﺍﻣﻮ ﺭﻗﻴﺔ ﻭﺧﺎﻟﻮ ﺍﺣﻤﺪ ﻭﺧﺎﻟﺪ ﻭﺑﻬﻴﺔ

ﻭﻋﻦ ﺍﻟﺮﺷﻴﺪ ﻭﻣﺎﺧﻼ ﻟﻴﻬﺎ ﺣﺎﺟﺔ ﻭﺍﺩﺍﻫﺎ ﺧﻠﻔﻴﺔ ﻛﺎﻣﻠﺔ ﻋﻦ ﺍﻻﺳﺮﺓ ..

ﻭﻗﺎﻝ ﻟﻴﻬﺎ ﺍﻧﺘﻲ ﻓﻲ ﺍﻻﺟﺎﺯﺓ ﺩﻱ .. ﺍﺣﻜﻲ ﻟﻲ ﺍﻣﻚ ﻋﻦ ﺍﻟﺼﺎﻓﻲ ﻭﻭﺍﻧﺎ ﺑﺤﻜﻲ ﻟﻲ ﺍﻣﻲ ﻋﻦ ﻟﻴﻨﺔ .. ﻳﻌﻨﻲ ﻧﻜﻠﻢ ﻭﺯﺍﺭﺍﺕ ﺍﻟﺪﺍﺧﻠﻴﺔ .. ﻭﻫﻢ ﺑﺮﺍﻫﻢ ﺑﻈﺒﻄﻮ ﺍﻻﻣﻮﺭ ﻟﻮ ﻣﻤﻜﻦ ﻭﻻﻻ ..

ﻭﻗﻮﻟﻲ ﺭﺑﻨﺎ ﻳﺴﻮﻱ ﺍﻟﻔﻴﻬﺎ ﺧﻴﺮ .. ﻳﻼ ﻳﻼ ﻭﺍﺗﻮﺍﺩﻋﻮ ﻭﻟﻴﻨﺎ ﺭﻣﺖ ﻟﻴﻬﺎ ﺩﻣﻌﺘﻴﻦ ﻭﻃﻠﻌﺖ ﺍﻟﻨﻀﺎﺭﺓ .. ﻭﻗﺸﺖ ﺩﻣﻴﻌﺎﺗﻬﺎ ﻭﻣﺸﺖ ..

ﻭﺍﻟﻰ ﺍﻟﻠﻘﺎﺀ